安利魚蛋粉麵

營業中

休息中

當日(29/9) 好有決心去食<安利>, 因為之前食過出名的撈粗, 味道唔錯0架喎. 今次就同個學生仔一齊去食, 一入到去就有位啦!!! 1. 爽腩魚旦米 ($25) ~ 碗米0黎到, 只見到一d 米色的根狀物體, 而發現唔到有腩喎, 於是就問一問個侍應. 積奇梨：「爽腩係咁0架???」 佢就話： 「爽腩係條根0黎0架嗎!!!」我即時O嘴 + 無奈, 不過都要接受. 究竟爽腩有冇腩0架??? 今次呢碗湯米就比較普通, 下次都係去返<華姐>0個度食我鐘意食個隻0既爽腩!!!整體評價：撈麵好食, 湯類普通!!!

安利絕對是東大街的一哥，名氣和人流及都是No.1。經常有人願意額外多付三百二十元，也要光顧這間人氣名店。我以前每逢到東大街附近工作，都會毫不考慮到安利吃馳名的切腩片頭撈粗。飯後請不要吃糖水了，因為你會更需要一支一公升蒸餾水。或許是時候轉轉口味了！

呢條街有三間安利, 但係我自己以前就慣左來呢間分店, 不過都有一年半無來過, 早幾日中午來到都仲係咁多人, 要攞籌等一等, 不過都好快, 大約十分鐘左右就坐低呢度牛腩分切腩(清湯腩)或炆腩, 以前我多數係叫魚片頭切腩撈粗, 但今次我叫左切腩撈粗, 老婆試左切腩撈幼, 另叫一條炸魚片, 凍檸茶同凍檸賓各一先上兩碗蔥花上湯, 味精一定有架啦, 不過尚算鮮味切腩撈粗($25)的切腩有6-7舊, 有少少肥, 唔un, 肉味十足, 清湯腩有此水準實屬不錯, 粗麵用小量豬油同豉油撈過後, 非常可口同夠味, 當然豉油味已蓋過左鹼水味, 美中不足為粗麵麵質較~林~切腩撈幼($25)的幼麵則大不同, 麵質爽口, 但可能麵較幼, 因而令到麵表面索到較多醬油, 所以比較入味而且偏濃, 但係還可以接受今次叫左原條炸魚片($33), 係將原條炸魚片厚切連魚片頭上, 炸魚片都幾好味, 口感有少少彈牙, 但無出面個d咁咸, 味道適中, 厚切令大大啖食落去時滿足感甚大, 但如果叫碗淨魚片雖然只需$17, 但唔係厚切, 亦可能無魚片頭, 所以都係貴d都要食原條, 起碼過癮d, 佢地一條炸魚片亦無出面賣的咁長, 只係得一

這店很出名係一條街有三間鋪頭可想而知有幾多人光顧，推介友人食魚片頭切腩豉油撈麵自己食過幾次所以今次食鮮油多士同四寶河，多士用厚身方包烘焙好熱加大塊涷牛油一冷熱好好食，四寶裹有魚蛋牛丸肉丸柱侯牛腩，朋友鍾意食清湯腩但覺得這裡的不好食完全冇味道結果為有我食晒，她反而覺得我碗粉的柱侯牛腩還好食，上湯ok魚蛋片頭新鮮彈牙至於牛腩就見仁見智喇......!

趁今日放假去了筲箕灣出名的『安利魚蛋粉麵』，其實之前去過好幾次，感覺上好像不太好，但那個跟撈麵的湯是我的至愛，所以今天又再光顧，不過真係冇諗到食物質素會越來越差，又叫左個肥切腩片頭撈麵，一件多士，今日又冇肥腩，牛腩又瘦又乾，好似阿媽煲完湯後啲豬肉咁，真係幾難食，多士又一啲都唔香口，決定以後不會再幫襯。

間中會到此光顧牛腩撈粗及魚蛋片頭, 但吃了多年, 發覺辣油和湯有著微妙的關係。辣油本身很辣, 但加上它的湯一起會"辣上加辣", 我懷疑湯中加了一些東西令吃了辣油的食客更感刺激, 情況如人參有加速藥力的效果。

難得放假，屋企人話筲箕灣有間牛腩好得，於是特登搭實落去試纒 ，雖然係食飯時間，勁多人要等位。但好快就有位，算係咁！無獨有偶，大家都係叫切腩魚片頭撈粗(其實係餐牌冇乜野食)，再額外加碟炸魚皮。講實，撈粗賣相真係同相片中o既一樣，不過味道就...切腩，只可以話佢o既牛腩不過不失，難聽o的講同小西灣果間富源o既牛腩差不多。至於魚片頭，係就係幾彈牙，不過相同質素，我在小西灣富欣間魚蛋檔都買到(工廠質素)...。而撈粗...唉！不是我杯茶....最後的炸魚皮，都係冇驚喜...反而最掂o既係佢o的辡醬...真係辡到跳舞><

聽就聽過呢間d魚蛋同片頭好好味﹐但係次次都因為見好多人排隊所以冇等。今日就特登搭地鐵來試一試﹐本人排舊鋪﹐老婆排新鋪。因為舊鋪隔離係一間廟﹐所以係排隊期間比間廟d香攪到隻眼又乾又紅。最尾新鋪有位先﹐所以來呢度食。本人叫左切瘦腩片頭撈粗, 而老婆叫魚蛋片頭河。個撈粗唔知係唔係撈左豬油﹐因為食落“chi chi lup lup”咁。切腩質素幾好﹐好瘦。片頭同老婆碗魚蛋片頭河一樣﹐得三小粒﹐冇乜特別。總括來講﹐質素同味道唔係話特別好味﹐如果經過呢到又或者住係附近而又有時間等既話﹐都不妨試試同幫襯既。但係特登搭車來食就唔係咁值啦。

已經食過幾次都無出事，但最近食兩次D牛腩竟然無牛味，就連賣相都似足豬！係唔係做響個名就算？！真係唔知，我只係知道，食唔落，我係想食牛腩，唔係想食豬！

好多人都會將安利同謝記(香港仔)比較﹐我覺得o巨地係走唔同路線﹐各有可取﹐好難去相題並論嘅﹐我就兩間都好中意﹐每個月都會食幾次先安樂﹐我最中意安利嘅辣椒油﹐陪合o巨地嘅片頭同切腩撈幼簡直係超match, 好欣賞一D自家製辣椒油嘅食店﹐能做得到同o巨地出品嘅食物配搭得天衣無縫﹐的確唔容易﹐安利係尼方面真係好出色﹐試問有幾多食肆可以話自己D辣椒油炒得太辛苦所以唔捨得賣丫﹗﹗抵讚﹗﹗(~.~)fr超人俊文私人秘書

熟人推介，所以慕名前來一試。時間仲係早，但係新舊舖都分別要等，好在新舖都好快有位。睇睇餐牌，當然要試下鼎鼎大名既片頭啦！於是叫咗一個切腩片頭鼓油撈粗同埋一個跟湯幼麵。嘢食好快上枱。撈粗味道唔錯喎，又唔覺得太鹹。試埋個湯麵，都ok。切腩有牛肉味，唔算un；魚蛋都好夠味，加埋通菜同埋清湯，個人就十分滿意喇！唔怪得之客人源源不絕啦。上到openrice，原來其他網友覺得西多士好食？下次一定要試吓先......

尋日得閑無野做就"共"左落筲箕灣穩食. 中學時期曾係東大街某號做過暑期工, 果時東大街仲係海邊, 出便停泊左好多鱼船嘅 (如果無記錯既話). 黎咗東大街, 見有三間安利, 就入左呢間. 叫左魚旦粉. 魚旦幾好味, 同賣魚旦出名既香港仔"謝X"完全唔同味度. 細個時食果D鱼旦係近似安利既味度多D. 魚片, 河粉都OK, 湯就好似有幾多師傅. 不可不題係D辣油, 好香夠辣, 美中不足係D魚旦一D彈口一D好"林", 奇怪. 再有時間去筲箕灣既話就去試下王林記.

係西多!!!哈..次次去都會叫一碗河粉+西多..食西多我鍾意落煉奶..佢d 西多脆卜卜..熱辣辣..真係超正..其次就係魚片喇..我會就咁買一條魚片外賣返屋企就咁切o黎食或者炒餸..

基本上每星期都會同媽咪0黎食安利一次~ 因為媽子愛切腩0既關係~~~每次總會幫媽子點爽腩撈粗, 而我就肥腩河(偶然都會食下魚旦河0既，不過呢度魚旦有魚味0既係唔多彈牙, 一般貨仔啦), 講返切腩, 如果唔鐘意食肉0既叫爽腩就好了~　唔鐘意食瘦肉０既叫者肥腩就very good ~ 嘿就咁叫切腩, 就睇下你好唔好彩啦~ 哈呢度鮮油多會多0的人食, 就咁要普通油多呢~ 水準真係每次都唔同, 睇你好唔好彩咖咋, 有時件油多0黎到, 見到0的油溶都唔溶下, 原來件包唔熱~ 所以宜家都好少叫囉

我是去新鋪(我想是新的,裝修蠻新的!)第一次去叫了牛腩米, 西多, 魚片頭, 奶油多, 我反而覺得西多最最最好味, 又厚內裡又唔會油淋淋, 好正! 牛腩都唔錯啊! 好香好入味! 正!第二次去叫了爽腩麵及西多, 西多好似無上次禁正, 不知是否沒有了新鮮感! 爽腩是看完食評專登叫的, 不是太合我心意, 我還是喜歡牛腩多D! 不過都可以接受. 麵質普通, 不過不失啦! 民園D麵好食D!