安利魚蛋粉麵

營業中

休息中

每一次行到筲箕灣東大街，一定會見到有條龍，就係排安利魚大排檔，同女朋友終於決定試下係咪真係名副其實，記得原來係要拎飛先等位，唔好誤會就甘響度排隊。中午時段等左大約十分鐘就入得，睇睇個menu其實價錢以粉麵鋪黎講不算便宜，我地點左個雲吞河粉加牛腩汁，有4粒雲吞，食落同一般雲吞麵店差不多，沒有太大驚喜，但佢既辣招醬好惹味，為呢碗粉挽回不小分數。另外，叫左牛腩河粉牛腩炆得幾林，好爽口，但可惜份量太小，所以下一次黎食兩碗都一定要叫雙拼，如果唔係好多男仕都應該會唔夠飽。整體黎講比較貴且份量小，但味道搭夠，會再返黎食！

睇左好多人都話呢間好食，搵左一日來試，試左，腩切得好幼，質感一般有點散，湯同出面一般牛腩店分別不大，，，，辣椒油幾好，炒得幾香，埋單4X 蚊。以價論貨真係唔太值，比佢好既牛腩麵檔大有人在，應該是唔會再來

依間老字號我由細食到大，屋企人一直都好鍾意飲佢嘅湯底同埋好淋嘅牛腩，更加唔使講係人都會點嘅牛腩撈粗。所以今次我哋就重回舊地想再重溫當年嘅家庭溫馨，好可惜不如理想。我哋嗌左兩個牛腩湯河，大家記得嗌坑腩因為呢一種係會比較淋同入味。餐廳都好快手，嗌左冇耐就有得食，一擺到埋黎第一下就聞到好香嘅蔥香味衝埋黎，因為仲係熱辣辣。牛腩嘅份量都好多，湯底色澤都好濃，賣相不錯。不過一將啲牛腩擺入口，就令到我哋有啲失望。牛腩一啲都唔淋，肉之間冇咗層油，唔單止冇咗油香，仲好難咬添。河粉就不過不失，唯一值得讚嘅地方就係個湯底仲係好濃郁，有肉味。同埋我個人幾鍾意佢用生菜而係菜心，因為生菜可以俾到脆口嘅感覺之餘又可以吸到湯底嘅味道。之後我哋仲嗌左鮮油多，你可以見到佢烘得啱啱好。由於佢啱啱烘起，咬落去嘅時候出面嘅包仲係好脆，加上裏面嘅牛油又冰又重奶味，仲有少少係牛油裏面嘅鹹味，令到成件事嘅感覺係升華咗。可惜真係太細件，唔係好夠喉。買單兩個人晏晝$120 落到樓，又食到回憶，過得去啦。

窩夫與蝦子餅四月尾去柴灣拜完山，去了筲箕灣東大街吃東西，在非繁忙時間光顧安利，難得不用等位，但店內也坐滿了約九成。先來一杯熱奶茶($20)，茶夠熱，既有茶香又有奶香。窩夫例牌點了切腩片頭撈粗麵($50)，水準得以保持，個人覺得味道沒以前那麼鹹，更合心意。切腩肉味濃又無渣，水準之上。蝦子餅點了切腩四寶撈幼麵($58)，四寶即魚蛋、牛丸、雲吞和片頭，一次過滿足多個願望，手打魚蛋真的特別好吃。光顧過安利多次，窩夫才第一次品嚐馳名的鮮油奶多($16)，用心製作的多士口感香脆，邪惡的鮮油配上份量剛好的煉奶，味道不會太甜，一定要趁新鮮吃，窩夫與蝦子餅都吃得津津有味。

咁大個女第一次出城去到筲箕灣，人生路不熟，誤打誤撞行到安利魚蛋粉麵門口，見到長長嘅人龍，諗住人多實冇事啦，羊群心理之下當然係一齊排隊啦。等左10分鐘左右，入到鋪入邊，就帶咗碗見到長長嘅人龍，諗住人多實冇事啦，羊群心理之下當然係一齊排隊啦。等左10分鐘左右，入到鋪入邊，就帶咗碗切腩魚片撈粗，魚片爽口彈牙有魚味，顏色揸到非常之金黃，腩片厚薄均勻，食落唔鞋口有牛肉味，粗面彈牙有蛋香。而且碗湯鮮味可以，只係份量少咗d

今天叫左兩碗切腩河，每碗$42，黎到見到完全一d脂肪牛筋都冇，根本唔可以用「腩」黎形容，只能叫「全瘦牛河」，勁鞋又難食，冇牛味，加件多士$16，埋單$100，以後唔會再去！

今日過開筲箕灣做野，順便過黎東大街食個晏，安利魚蛋粉基本上過開黎都會係我地其中一間會去食的粉面店，除非假日太多人排隊啦。當中最愛的當然係鮮油奶多，冰凍的牛油加上又熱又脆的方包，簡直係食完又想食，但食完一定會充滿罪疚感。奶茶keep得住咁好飲，唯一最失望的係唔知點解米粉愈來愈少，唔知係咪咁岩用晒係度食野開心的係你會發現每個店員都好好笑容，好難得做食市店員會咁開心，我估計應該老闆都對佢地好好，好的食物重要的都係有好的店員同廚師。

對於我來說這間安利真的是有一種味道! 以前住在附近, 經常來吃, 坑腩魚蛋粉加凍鴛鴦, 是我喜歡的配搭! 但一定要在閒曰避開午飯時間而且星期四安利通常休息! 雖然現在已搬離這區但一有機會都會再去!

今日路過筲箕灣，順便試下好耐無經過的安利魚蛋粉。我地11:30到，終於可以避開人潮唔使排隊。媽媽點了魚片頭河，我點了淨切腩河粉，基本上店內客人大部分不是點魚蛋就是點牛腩粉麵。我們另外點了一客西多士，可惜上枱的時候似乎煎得太耐，賣相及味道都好一般，有點失望。切腩河依然出色，切腩煮得啱啱好，完全唔肥，又唔會煮得過淋痴牙，我最怕出面啲牛腩肥淋淋，一向唔好肥肉的我一見到就怕怕。河粉依舊爽滑，旋風式一陣就食完。下次再見！切腩河 $42

東大街出晒名多好野食，成街都係餐廳，安利絕對可以叫做一哥，好多人尼到安利都會叫魚蛋湯河因爲覺得湯底好味今次同朋友一齊尼，佢同我講「識食一定食呢兩個」，果然真係絕對冇介紹錯！ 仲好食過魚蛋湯河！！！魚片頭坑腩撈粗 — 面底靚，原本已經有味道！片頭鮮甜爽口！坑腩白色邊係最好食嘅位置，同埋呢部份嘅肥瘦剛剛好！牛味十足，另外附上一碗湯，就係平時湯面嘅湯囉～鮮油奶多 — 真係未免太好食喇！😍 食呢個切記一個重點！！侍應拎到枱面，千祈唔好即刻食，等1分鐘，牛油溶溶地，放入口超正！！魚片頭坑腩撈粗鮮油奶多

Delicious local fish cakes and beef brisket noodles! Their fish cakes were delicate and bouncy. Suggest you to request for extra sauce (加汁) when ordering because the sauce enriched the taste of plain soup base. Their sliced beef brisket is another signature and it was very tender. The toast I tried was however just average. Credit to the helpful staff which is quite rare in local fast-paced restaurants nowadays.|Sliced Fish Cakes Noodles (Add Sauce)片頭河(加汁)💰HKD36|Sliced Beef Brisket, Fish Cakes N

以魚蛋出名的粉麵店，嚟到當然要叫啦！魚蛋魚片河，目測魚蛋魚片的顔色都較帶灰色，表面有很多粗幼不一的氣孔。咬落無乜彈性，覺得有些霉和腥味，比預期差得很遠。雖然如用真材實料多魚肉做成的，可理解為彈性較低，但腥味和魚鮮味是有所不同的呢！不可混為一談河粉尚算滑彈牙切腩魚片撈粗，魚片亦有相同問題出現，切腩肉鬆散，肉味還可以的。撈粗麺身油光十足，配上淡淡的醬油味，味道調得恰到好處，唯粗麵較硬，可要費多些牙力。

雖然呢日時間有啲匆忙，為食嘅 #小秘書 最終抵唔住😈誘惑，跟埋大隊落 #筲箕灣 #東大街 搵食🥢 難得呢日 安利魚蛋粉麵 門口未見人龍，梗係要幫襯吓啦😉人人都話 #安利 嘅 #切腩 好正，但係我就覺得佢啲 #切腩 似 #柴皮 多啲😅 如果大家鍾意食牛，我會建議不如試吓佢咪啲 #炆牛腩，腌得入味之餘、肉質依然保持嫩滑，加啲辣油落湯底，更加野味😋 如果嫌唔陪飽，仲可以好似我哋咁叫多件 #鮮油多，厚厚嘅牛油夾喺脆脆嘅多士入面，口感一流🤩 加上個伙記又夠細心，自動波幫我哋將件 #鮮油多 一開三👀呢啲咪叫服務囉👍🏻

早兩日難得入左筲箕灣，就緊係唔會錯過去東大街食野啦！仲要12點已經到，即刻去成日要排隊既安利魚蛋粉到食😍😍😍12點唔洗排隊左就都full full地😆😆我叫左牛抗腩墨魚丸米粉😍😍😍牛抗腩真心有肥有瘦，但係d肉絕對唔難咬，而且唔太痴牙！仲好入味添😍😍😍而墨魚丸都好出色！勁大粒！不過呢到出名既仲有魚蛋，下次再食先，叫三個餸又太誇張😂😂😂

好耐冇嚟過安利，今日約朋友喺度食下午茶。人依然都多，可能兩個人，唔係等左好耐，等左幾分鐘就有位。點左我最喜歡的切腩撈粗加可樂。切腩依然做得很清甜，好味，他們的撈粗麵水準依然很好，麺撈得很均勻，很入味，還有那個支裝可樂，整體真的配合得很不錯。