安利魚蛋粉麵

營業中

休息中

早上11點幾，見門面無乜人龍，就決定試佢！佢主打係魚片頭同埋切腩撈粗。店內氣氛有點兒緊張，除咗每張都搭枱之外，樓面仲好多伙記做嘢，一坐落就望實你感覺好似吹你快啲落單。我叫咗魚片頭撈幼面，朋友食切腩魚片撈粗。的確好快上菜，唔洗兩分鐘d撈粗就到！味道唔錯，撈面嘅醬汁都幾好味，食得出係精心調較過。魚片頭太少了，只得兩件，我明明係叫「魚片頭撈面」㗎嘛，點解唔係片頭最多嘅咩辣椒油都正呀，炒得好香，d油好深色

跟女友多了一天額外假期，跟她去試吓出名的筲箕灣名店。要了一碗魚🐟疍米，普通到極，一口咬下去魚片頭，淋的！絲毫無一點應有的彈性口感，再見碗內的魚丸（不足一整粒狀）一口咬入又是淋淋的似像霉霉的肉質，亳無彈性可言。以近四十元一碗的價錢💰來説，簡直垃圾不如及呃錢！虛有其名，收銀處還貼上？，恕我直言，如此質素仍敢出貼自誇好食。其他食客真的……有點……。雖然租金高昂的今天（可能是自己物業），做生意不用心做好食物質素，只識要錢，古語有云:製葯每人見，存心有天知。如此手法賺錢…😏等著報應。

完了聚會，無所事事，行左去筲箕灣東大街，來到這裡，當然要食碗面啦⋯⋯為求見你一面，等下都無所謂。在星期日這些日子，等45分鐘，碎料了🤣🤣⋯⋯伙計哥哥安排我地坐張大枱，雖然有其他食客一齊坐，但並不擠迫，共坐了八個人！叫了一碗牛丸腩片撈粗，淨魚蛋，鮮油厚多士，這些都是必叫的！撈粗，鼓油汁剛剛比面吸哂，無多無少，腩片切得薄薄，半肥瘦，一啖放落口，剛剛口，又唔「癡牙」。牛丸加少些果皮，香😋😋⋯⋯淨魚蛋，有魚片頭，正呀！爽口，彈牙！最後食件厚鮮油多士，牛油絕不孤寒！好鍾意一啖咬落去嗰種感覺！爽呀⋯⋯唔怪得佢無時無刻每個人都乖乖地默默地等位。雖然用餐時間系大約三十分鐘😛😛

熊貓一場嚟到筲箕灣梗係要試吓呢度嘅排隊名物 - 安利週末嘅下午時間，等左半個鐘就入得啦，比想像中少人！見好多人特登揸車嚟食嘢，果然值得等待。牛腩魚蛋撈粗熊貓作為牛嘅專家，覺得牛坑腩肥瘦適中，魚蛋鮮甜爽口！有少少胡椒味，好香口。撈麵撈得好均勻入味，唔會過鹹鮮油奶多先係重點， 差唔多台台都有人叫，脆卜卜嘅麵包加上冰凍嘅牛油同煉奶，令人食指大動，不過略嫌唔夠多煉奶，好彩枱面有成支煉奶俾你任加㗎，Comfort food之選！

聽說這間粉麵店經常有明星來光顧例如有陳奕迅，我們上次來是的時候碰到余德丞來試，牛腩粉和魚蛋粉都很好吃，鮮奶油都更是值得一嘗呢！ ！可是很邪惡啊！因為中間的牛油很厚，需要之後再減多幾磅啦！

好耐冇黎啦，腦海浮現那些年好味的切腩撈粗、厚多、炸魚皮！而家都冇魚皮叫！今日叫了個片頭撈粗，魚片好鹹！麵都算爽但很大鹼水味，冇以前好食，湯有羊的腥味，奇奇怪怪！舊年都食過切腩，冇味又很韌！都唔知點解仲咁好生意？

一早已排長龍•食完魚片頭切腩河再食左1/4一件奶油多，其實好多人話冇以前咁好，但係我第一次食所以比較唔到，我覺得佢個河粉滑，切腩味濃，我覺得佢個魚片頭都唔差，大下次要可能食下淨魚蛋先知道有冇魚味，因為一般魚片頭炸過，所以都唔會輸，食完個河粉先食奶油多，都仲keep到個質感，唔會淋哂，啲牛油溶溶地，好滋味！

好懷念 N年前喺對面馬路的安利魚蛋粉（廟惻）😅而家嘅安利，唔可以話好好食，只可以講普普通通（因為舊舖實在太出色）味道一直記住👍🏻另外喺度食嘢，人會變得好緊張，因為實在坐得太迫，稍為大動作d都會頂親隔離😂其實久不久都會嚟食吓，希望會有驚喜。今日又心思思🤣切腩米-講真話，牛腩不夠淋，好痴牙，但米粉爽口👍🏻淨魚片-冇乜特別，不難食魚蛋撈麵-魚蛋比魚片好食，撈麵的豉油，味道一般雖然今日未有驚喜，但希望在明天，我會再嚟嘅🤣

男友對安利大排檔既切腩念念不忘，今日行完山就同佢黎食啦，去到東大街已經關左門，我地就去佢另一間店”安利魚蛋粉麵”，佢地7點半就last order，想食既朋友就要早d到。我地叫左切腩河同埋雲吞燘腩河，佢地既份量比起另一間店多。先講講雲吞燘腩河，深啡色既湯底就咁睇已經知道湯底係幾濃厚，牛腩燘得好淋好入味，河粉同樣薄同滑。而切腩既口感同燘腩既口感剛剛相反，切腩切到一啖一舊，爽口好食👍🏻個人比較鐘意食切腩。另外我地叫左混醬多士，有奶醬、花生醬、牛油同埋果jam，多士烘到外脆內軟，多士上面雖然冇果jam既顏色，但花生醬、奶醬當中有淡淡既果jam酸味，酸酸甜甜好開胃。

走路過來東大街這邊，友人一直在說要吃這間安利。而過到來這邊，她亦都一支箭般很有目標的，向着安利進發。你既似箭往前跑，我也只管拼命追。結果來到安利，就拿票等一下位。之前吃過牛腩，感覺都偏向瘦，以及都是柱候牛腩那一種味道，於是，有次就試切腩，但亦不覺得味道特別出眾。友人第一次來，就想試了四寶的，有魚片頭、魚蛋、雲吞、以及柱候牛腩。不管是普通食客定還是我這種鍾愛牛腩的食客，也覺得這兒的牛腩，偏向瘦，沒有什麼肥肉，咬下基本上滿口癡牙，又乾又瘦，絕對不好味。之前已經想過，亦都不算太過肚餓，因為放假的日子，通常都不用吃太多東西，於是只吃了個魚片頭魚蛋河粉。河粉份量也不算太多，屬於正常的份量，魚蛋還算好，沒有什麼骨，也沒有什麼腥味。魚片頭就比較好，因為細細件，外皮又炸脆了，不會太腥，又有點脆皮，味道尚算不錯。在這些店舖吃一碗普通麵條，我這碗30多元還尚算正常；有人吃過下碗$50的所謂四寶，味道極之中庸，不甚了了。

聽朋友介紹依間D牛腩好好食好出名星期6黎到離遠已經見到一大堆人排緊隊 不過咁遠黎到唯有等等左20分鍾終於有得食片頭牛腩撈粗雖然價錢唔算平 但係真係好好食雖然牛腩份量唔多 不過勝在夠爽口魚片頭亦都十分彈牙不過野食要另外叫 唔包餐

要去鶴咀行山，所以就穩下附近有咩地方可以食早餐，見到呢間都幾多人推薦，就試下。鮮奶油多好味!鹹牛肉炒蛋都唔錯~因為想試柱侯牛腩，又想食撈麵，所以就選左柱侯牛腩撈麵，結果就係鹹左d，應該食返本來的湯麵會更好😂下次再有機會會試下切腩湯河

一定一定要再黎多次！一直好多身邊朋友都介紹安利，個個都話牛腩食過返唔到轉頭！平時太少出港島區，今日下午有機會試到啦！下午2點鐘都好多人等位，差唔多等左15 分鐘就入左去切腩片頭撈粗麵牛腩真係一啲都唔痴牙，係我食過最好食鮮油奶多不嬲都係包類愛好者，呢個都出色！

同事好味推介 - 魚蛋炆腩河 🍜（$42）聽左我位同事推介左咁多次，終於試到呢間- 安利魚蛋粉麵！好早去到但係都已經有人排隊！因為搭枱嘅緣故，坐低前已經睇到隔離嗰碗河粉係晶凝通透滑捋捋嗰種，所以已經確定一定會嗌河粉！ 🤩🤩 但係個人又貪心，又想食魚蛋，又想食炆牛腩，所以就決定咗叫雙拼！ 😜碗河粉一嚟到，個炆牛腩湯底已經香到無倫，即刻忍唔住飲啖湯先！好濃好正 ！👍🏻 河粉同心目中諗嘅一樣，滑捋捋，唔會係嗰啲好厚嗰種。 牛腩超級入味，就算連啲肥膏位我都差啲想食埋！ 🤣🤣 魚蛋就較為失色少少，不過亦都不錯！總括嚟講平靚超級正！ 我而家已經有啲掛住碗河粉 🤤🤤，應該好快會再去幫襯！❤️❤️

因為系附近翻工所以成日同同事一齊到場棒場每一次都好多人但每一次都好想等唔知大家係唔係都係一樣一坐低一定會先嗌個先奶油醬多多士中間夾住一舊厚厚的牛油真係無野再邪惡啲 但愈肥永遠愈滿足坑腩河😀其實安利仲有好多部位 大家可以黎發掘下每一次黎食其實都唔會失望記得有次友人食蝴蝶腩都好有驚喜不訪做下research再落order雲吞魚蛋麵😀安利嗌魚蛋會係白魚蛋同魚片而雲吞都係鮮蝦雲吞雖然話安利最有名係牛腩但其實其他野都好食架