季季紅風味酒家 (已結業)

今朝,放工果陣經過呢間野佢開張咁耐都未幫襯過,所以今次試下於是打電話番黎問屋企人想食咩跟住幫屋企人買買完畀錢果陣,我銀包就得番張500係到但自問買成百幾蚊野 畀張500都唔叫過分丫佢就係到話我,一朝早買左少少野就畀張500蚊黎找嘈左陣,個經理出左黎,調停左我就係到等左十幾分鍾,佢先同我講話今日冇叉腸但係我買既時候,佢同我講有既!!ok,都算 買完番到屋企 先發覺少左2盒鴨腳扎但我番到去佢地仲唔認,話我番到去先話冇,咁就冇得拗呢間野d野食 不過不失啦但係d服務態度真係 不知所謂總言知 真係冇下次

今天下午2點和8位同事在荃灣季季紅風味酒樓午飯!食物不過不失,因為在下午茶時段,價錢可以接受!因以前在藍地分店試過炭燒燒肉,都幾好味.所以叫了$68一碟例牌燒肉,但一上檯,全檯嘩一聲!眼前所見是一碟7肥3瘦皮肉分離的物體.約6-7兩重細細件有10件$68如果連加一要7拾幾蚊,今時今日..............................所以要求部長換一碟!但換回來的是一碟皮肉分離的沙彌篤!肉質好難食,味死咸!以後再也不會在荃灣分店叫他們的燒肉!

最近發覺屋企附近開左間叫季季紅風味酒家,今日終於都可以一試, 面口掛住幾大紅燈籠,幾特別, 入到去,整體都以"紅"為主.有d古代客棧feel,睇一睇餐牌,發覺好多菜式都係以"乳豬"為主題,所以試一試佢既招牌菜1)風味乳香豬-味道:食落去唔肥,唔"利",皮好脆, 真係好好食.如果去一定要試.不過價錢就唔平-$100 (1/4隻),(2)紅燒乳山瑞(水魚)煲,用bb水魚加火腩,芹菜,蒜頭,冬菇煲製而成,味道好香,食水魚,最緊要係火喉,將條水魚邊煮得剛剛好"林",就為之good. 季季紅的確做到好好.(3)啫啫豬潤雞煲:呢個菜式味道一般, 煮得太耐,令到豬潤偏老, 有點"鞋"口, d汁都偏咸.. (4)杞子桂花糕: 外相ok, 不過偏甜..不是太好味..服務方面:一個字"差", 其實其他服務員無咩問題, 係招呼我個個侍應..太差..

曾於去年年尾時吃過晚飯，當時的服務態度已經是一試難忘，那晚因年尾關係，以為態度才會這麼差，叫了的套餐遲遲未來齊，侍應更加搞笑，叫她換碟，她竟然拿著隻吉碟站在我身邊等我自已去換。真是不知是她來服侍我，還是我去服侍她。上星期六因約了些老人家，便就近再去一試，今次更試出火來；我們叫了一些點心，其中來了一碟腸粉，我和親戚們都異口同聲說沒有點，說時遲，那時快，那位點心阿姐已急急的將豉油淋了落碟，還想立即蓋印，我們便堅持不是我們要的，請她拿走，她很不高興的說為什麼我們不早些說，待她淋了豉油才說，我們便說在她將東西一拿上來時已經說不是我們要的，是她自己不理吧！最後她唯有悻悻然地把東西拿走；但過了不久，有一位經理卻拿了我們落單的點心紙來說我們有點這味點心，於是我們便拿來查看，發現的確是有人點了這腸粉，但問題是我們一向都會在點了的點心上再打圈的，唯獨是那款來錯了的卻沒有，所以便向那位經理指出問題所在，他便黑起口面的替我們取消。但跟著我們便好像吃自助餐一樣，大部份時間無論要取餐具或是加水都要自已招呼自已，我們決定以後都不會再到此間酒樓了及要將我們的所受到的待遇告訴大家。

禾米豬套餐質素是不錯的,價格亦合理.但服務態度使人大打折扣.套餐寫明送甜品,女侍應說甜品已賣光,沒有甜品.我們回應餐牌上寫明有,是否應該有其他代替品.女侍應回應是什麼也沒有.之後我們找了部長,他面黑黑的才叫侍應拿些柑出來代替.其實我們跟本不在乎是用什麼代替品,但作為服務行業應有的基本待客態度都如此差勁,那實在做壞招牌.可惜可惜!

個日係食團年飯,一早已經book左位以為有位,點知入到去就比人坐左既......個接待話等陣比你入,咁咪等囉,點知等左成個鐘都未入得要我地成班親戚一行十人係度等已經算,等左成個鐘老人家梗係炆嫁啦,話左個接待幾句但係個門口個接待個態度完全係唔可以接受囉,「你係度嘈都冇用嫁,唔等得咪唔好等囉,出面都有人兇我嫁,我好驚」佢講呢句係因為個日都有其他人都係等左好耐而嘈佢,跟著個收銀又加一句「係囉,嘈都冇用,慢慢等啦你」嘩你話呢d咩態度,book左7:30,到8:30先入得個時食咩都冇胃口啦仲要比人串到啤啤聲我今次真係第一次火到上黎打食評想試既人你係可以試,不過要考慮清楚我就以後都唔會去食

今日食團年飯，又係阿媽生日，成家十幾人於兩個星期前已經訂了位，所以去到好好，唔洗等位，上到去攞位，要搵人先有人招呼，冇人主動問你幾位，跟住攞咗位，個位又唔太好，因我地都有幾位BB，於是再問侍應可否轉去近牆邊嗰張枱，等咗一10分鐘，仲問兩次，先有個部長好悔氣咁話可以轉，好啦，，若五分鐘後等齊一家人，叫侍應上菜，先嚟汽水啤酒，再等咗半小時有乳豬食，跟住精采囉，足足等咗1小時5分鐘先嚟其他餸，仲要催.....催......催......催到啲部長都唔敢行埋嚟，隔離啲枱都食完咁滯.....唔知係咩事，最後由6:30pm 食到9:30pm，原本只需個半鐘嘅團年飯，你話幾激氣，埋單要三千幾蚊，服務態度差，傳菜慢，以後都唔會幫襯囉...

一行10人係6：30到季季紅攞位食晚飯，人多等位少不了，但門口個公關十問九吾應，問佢要等幾多張枱，完全吾理人。等左15分鐘，先問我哋係咪齊人，答左佢幾次，佢都不停問係咪齊人，喂，答左你好多次囉。。。上到二樓坐低左先開始覺得出事。。。坐左10分鐘，冇人理你哋，叫人加位同開茶都吾睬你咁，等左好耐先有一位部長行嚟，我哋好勞氣咁問佢會吾會開茶，佢先問我哋飲咩。由點餸到出第一碟餸，時間好快，吾使10分鐘就嚟，一家人開開心心開始食，點知，原來每等一碟餸，要等成10鐘先嚟。突然間，一個傳菜行過時，好求其咁同我哋講，啫啫雞煲冇晒。。咁就走左去，究竟佢係同我哋講定同邊個講，又冇待應同部長走過嚟同我哋講番。。等到差不多食完，見個啫啫雞煲未到，咪追下個待應，個待應去問部長，部長去問個傳菜，嘩。。個傳菜好惡咁話，都話賣晒囉。跟住個部長吾問我哋要咩就走左去。。。我哋又叫番個待應嚟問佢究竟點，佢又叫個部長幫我哋轉其他煲。。我哋同佢講吾該快少少，佢話得得得，但好冇禮貌。咁我哋又等。。。等。。。等。。。等左半個鐘，再追下個待應，佢又走去問個傳菜，點知果個好惡的傳菜又係好惡咁話，依個都冇。。下。。。等左半個鐘，冇人講，

晚飯.叫了一個盤菜, 炸大腸, 金菇鵝腸, 雜菜煲, 3個白飯.盤菜($78), 份量OK夠但味道嘛嘛, 太重藍乳味食唔出其他食材味, 上台時煲熱心不熱明顯係由雪櫃拎出黎.炸大腸($38), 平係好平, 但認真難食, 外皮唔夠脆內裡成浸油好似未夠熟咁......金菇鵝腸(around $48-58, 忘記了), 呢個穩陣唔錯.雜菜煲($58), 味道唔差還可以.侍應服務幾到位, 但記得坐二樓, 我地坐一樓外面D風係咁吹入黎, D菜好快凍.整體唔係話好平, 雖然價錢唔高但用料又打返個折, 中中亭亭, 但試過一次就夠了.

今日去左荃灣季季紅度幫婆婆慶祝生日，但係食得勁怒氣！話說上星期已經訂左今日２０３０食生日飯，由於我地有１９人，所以ＢＯＯＫ左兩張檯，仲訂左兩打壽包。當時季季紅既人叫我地早Ｄ到，所以我地今日２０００就早到安排左Ｄ位先，費時要成班人等。點知我地同其他ＢＯＯＫ左位既人過晒鐘都未入得去，好多人都一齊嘈緊，場面極度混亂。個公關問我地可唔可以隔兩張檯坐－－邊個食生日飯會分開咁遠坐！？我地就唔肯，結果談判唔成功，個公關居然態度勁惡劣！跟住佢就好晦氣咁話如果我地唔要張檯就要俾人，我地已經好燥，但係又費時要Ｄ老人家等，所以都係要左一張大檯先，我地依Ｄ細既就唯有再等下。之後再等多十幾分鐘隔離先等到一張細檯，我地先可以開飯，但係已經搞到九點幾啦其實食飯既時候都幾ＯＫ既，味道唔錯，尤其係個隻豬幾好食，羊腩煲幾入味，黃金蝦更加係必食。總括黎講，Ｄ送好有風味，不過Ｄ小朋友就唔係咁岩食。有個小問題就係Ｄ侍應十問九唔應，好似扮睇唔到你咁，所以成日冇人加水同換碟。食物方面算係幾滿意，最緊要Ｄ長輩都食得幾開心。就係我地開始唔記得攞位個Ｄ唔開心野既時候，又搞多一次麻煩事上文已經提及我地係有訂壽飽，訂位既時候已經ＣＯＮＦＩＲ

聽說季季紅的乳豬好好味，所以想一試。失望，一D都唔係特別好食，只是普通，而且有D貴。兩個人叫了兩個餸（包括乳豬一碟），埋單180。乳豬1/4隻，約有14塊左右，要100蚊。

我家中連不太喜歡中菜的媽子,一日內光顧了季季紅酒樓門口的點心部2次 因為真便宜!而我這個貪吃的女兒又想試下 之前都唔見咁平的!之前我留意 單餸:20元 ,雙併:23元, 燒味飯: $12,真係幾抵,下次有機會我又想試下先~呢間酒樓咁樣0係門口擺咁多零售部,都可以賺到唔少錢,例如好似我呢家人,唔鐘意等位飲茶,咁樣排隊就可以買到咁平的點心,唔駛加茶錢又唔駛加1,真係抵返晒!!!昨日媽子經過季季紅酒樓門口,見到好多個手寫及電腦打的食物餐牌,一一show晒出來,非常壯觀,吸引等緊人的媽子望過去睇,所以今朝媽子落去酒樓買 $8 一份早餐:::: 粥+ 點心 ,佢排隊花了10分鐘時間左右,真係好多人,可能今日重陽節的關係吧...很多人買左50-60元的點心....手扲3-4袋... 真係好瘋狂,媽子買的份量同佢地相比之下,係最小的~ 俾完錢後,cashier職員會又唔會傳張飛俾廚房部,廚房部又會反問返你要咩點心...你要一次過up返晒要咩咩咩點心,否則又要等cashier職員扲返張收據俾廚房部,咁就減慢晒成個程序的效率 是日粥-- 排骨粥 / 菜肝粥 / 皮蛋瘦肉粥 是日點心配搭--

今日(11-9-2010 Sat)同男友起身,爸爸叫我o地去買今日o既餸,咁同男友決定落綠楊新邨百佳買,但都先食個早餐.落到o黎問男友想食乜?佢答飲茶.啊,好啦,飲茶,呢間啦.上到去原來係搭枱.好啦 坐低o左剔好點心等o野食.叫o左:1. 點心拼盤有以下列點心一件:I. 季季紅蝦餃皇味道正常,冇問題.II. 蟹皇干蒸燒賣o衣o家睇返個名,乜有蟹皇咩?食唔到,咪只係一件普通豬肉燒賣.III. 潮州蒸粉果冇花生o係入面,唔惹味.IV. 瑤柱素粉果同II一樣,乜有瑤柱咩?又係食唔到,咪只有蘿蔔絲同少少菌類.V. 蜜汁叉燒包唔算太大個,我一向唔好,男友畀一半我,我覺得呢個冇問題,正常.VI. 晶瑩水晶包呢個細細件,係豆沙餡,呢個唔錯喎,豆沙真係變晒沙,唔太甜,可以.2. $11.80o既特價點心孖寶,揀o左香茜牛肉腸同季季紅蝦餃皇兩隻.VII. 香茜牛肉腸屬於正常水準,冇問題.埋單$47.00.服務:1. 知客畀飛人o地時,唔講聲會搭枱.2. 我同男友坐低後,枱腳o岩o岩頂住我,幸好同枱o既一對父子無耐就走,我o地就將張枱轉一轉,點知有個擺位o既侍應o黎,佢又將張枱轉.我同男友都覺得,未有人o

2010年7月5日 荃灣 ( 季季紅風味酒樓 - 1 )季季紅酒樓從屯門來到荃灣了，得悉開業後，當天晚上約同親友前來晚飯，六個人來，就選擇了半席魚蝦蟹九大簋餐。豬肺頂蝴蝶腩燉菜膽：整煲湯份量不少，湯料有豬肺及白菜，好飲(3.4分)。香脆黃金蝦：鹹蛋黃雪蝦，蝦肉偏腍，味道一般的(3分)。果場豉油雞：雞肉很入味，味道不錯(3.2分)。紅瑞乳香豬：皮算香脆，豬肉好味(3.6分)。什菌浸時蔬：菇類看似烚熟後，再加上進湯，湯汁亦過淡，唔得(2.7分)。木耳蠔鬆炆客家鮮腩肉：鹹菜腩肉好味(3.4分)。金銀蒜粉絲蒸元貝：元貝雖少，配合蒜蓉粉絲，味道也不錯(3.3分)。奇妙醬蒸烏頭：奇妙醬是檸檬與酸梅醬混合物，幾開胃，魚肉亦算嫩口(3.2分)。薑蔥炒蟹：端上時，蟹殼上黑麼麼的污積未洗淨，衛生成疑？又倒胃口，本來味道是好的，要扣分(2.5分)。新酒樓，運作好像未暢順，服務未到位，有些服務員亦很難溝通，廣東話都聽唔明。衛生情況：食具，猶如ryu_ng食友話齋碗碟洗得唔乾淨超油啊，還有那隻污糟蟹？人多時起菜也很慢，隔離左右甩甩漏漏的情況也見不少，也許是有優惠抵食關係，全場爆滿，人手又新，場面難以控制，酒樓方

話說係第一次去呢度食野(晚飯), 排隊都排左一個鐘, 食完就去排隊比錢啦, 排隊個度付近有個燒味檔, 見到d义燒好似幾好咁, 埋到去比錢時就問可唔可以外賣啦, 點知收錢個個人就對住我地呼喝"比左錢先!" 佢意思係我手上張單, 跟住我地就話, 唔通比左錢先再排過隊再買過义燒? 最終我地就冇買到就走左啦到第二次再去, 大約兩個星期後啦, 去到都己見唔洗等位, 又係晚飯啦, 佢地比左位我地啦, 係係二樓既一間房, 只係比左張咭我地自己去搵個張枱, 冇人帶位, 去到二樓盡頭終於搵到啦, 我地企左係個間房門口等人黎招呼啦, 完全冇人理我地, 見到d waiter行過叫佢地都冇人理, 一係就話"等陣先", 望入去房, 間房好熱, 完全冇冷氣連風扇, 於是就問佢地大廳有冇位啦, 佢地就話冇, 又話個冷氣壞左依家整緊, 全個場都係咁熱架啦個度個地下係用磚地既, 地下係勁sin於是我地就冇食到就走左啦, 但係咁樣走都係冇人理!!總結: 唔會再去!!!