影片
更多
2010-10-16
28 瀏覽
我家中連不太喜歡中菜的媽子,一日內光顧了季季紅酒樓門口的點心部2次 因為真便宜!而我這個貪吃的女兒又想試下 之前都唔見咁平的!之前我留意 單餸:20元 ,雙併:23元, 燒味飯: $12,真係幾抵,下次有機會我又想試下先~呢間酒樓咁樣0係門口擺咁多零售部,都可以賺到唔少錢,例如好似我呢家人,唔鐘意等位飲茶,咁樣排隊就可以買到咁平的點心,唔駛加茶錢又唔駛加1,真係抵返晒!!!昨日媽子經過季季紅酒樓門口,見到好多個手寫及電腦打的食物餐牌,一一show晒出來,非常壯觀,吸引等緊人的媽子望過去睇,所以今朝媽子落去酒樓買 $8 一份早餐:::: 粥+ 點心 ,佢排隊花了10分鐘時間左右,真係好多人,可能今日重陽節的關係吧...很多人買左50-60元的點心....手扲3-4袋... 真係好瘋狂,媽子買的份量同佢地相比之下,係最小的~ 俾完錢後,cashier職員會又唔會傳張飛俾廚房部,廚房部又會反問返你要咩點心...你要一次過up返晒要咩咩咩點心,否則又要等cashier職員扲返張收據俾廚房部,咁就減慢晒成個程序的效率 是日粥-- 排骨粥 / 菜肝粥 / 皮蛋瘦肉粥 是日點心配搭--
我家中連不太喜歡中菜的媽子,一日內光顧了季季紅酒樓門口的點心部2次 因為真便宜!而我這個貪吃的女兒又想試下 之前都唔見咁平的!
之前我留意 單餸:20元 ,雙併:23元, 燒味飯: $12,真係幾抵,下次有機會我又想試下先~
呢間酒樓咁樣0係門口擺咁多零售部,都可以賺到唔少錢,例如好似我呢家人,唔鐘意等位飲茶,咁樣排隊就可以買到咁平的點心,唔駛加茶錢又唔駛加1,真係抵返晒!!!
昨日媽子經過季季紅酒樓門口,見到好多個手寫及電腦打的食物餐牌,一一show晒出來,非常壯觀,吸引等緊人的媽子望過去睇,所以今朝媽子落去酒樓買 $8 一份早餐:::: 粥+ 點心 ,佢排隊花了10分鐘時間左右,真係好多人,可能今日重陽節的關係吧...很多人買左50-60元的點心....手扲3-4袋... 真係好瘋狂,媽子買的份量同佢地相比之下,係最小的~ 俾完錢後,cashier職員會又唔會傳張飛俾廚房部,廚房部又會反問返你要咩點心...你要一次過up返晒要咩咩咩點心,否則又要等cashier職員扲返張收據俾廚房部,咁就減慢晒成個程序的效率
是日粥-- 排骨粥 / 菜肝粥 / 皮蛋瘦肉粥
是日點心配搭-- 蘿蔔糕2件 / 煎腸粉 / 馬拉糕 / 咸水角 / 雞札
選擇真係多元化!!!
媽子揀左 皮蛋瘦肉粥 及 煎腸粉 $8!!!!
皮蛋瘦肉粥 ::::
雖然唔係太多料,皮蛋切碎片,完全唔見有蛋黃tim,瘦肉都係碎碎的~但尚白滑及稱得上係好味的!加上大碗! 真係超值! 食落去又唔會好淡味,剛剛好!!
煎腸粉:::
仲係即場有阿姐煎,再切開5件!! 職員幫忙加埋甜醬,豉油! 都幾大件,加上幾爽口+滑溜,帶淡淡的米香!
6元一款點心:包括 蝦餃,燒賣(已售罄,未再次蒸好) ,潮州粉果,叉燒包,叉燒餐包(就係想買呢款,點知排緊隊的同時,聽到有職員話已經賣晒...) 等等
媽子還買了潮州粉果 (3大件)推介
中間的餡料確實非常非常的多
有很多馬蹄,西芹切粒,肉碎等等!!層次非常豐富,餡料食落很爽脆,個皮的厚度岩岩好,不過中間餡料太多,夾起來不久後,會漏了出來!!非常滿足,唔會食到滿口也是油!!
叉燒包 $6 / 3個
size一般,中間的叉燒唔會很鮮甜的感覺,剛好的肉餡!!味道俾7分~包唔算係軟軟的,較為硬身~ 唔算蜜汁叉燒包,醬汁帶很少甜味!
今早的早餐2個人食, 買咁多點心,20元而已
++++++++++++++++++++++++++++++++++++++++
媽子還在今天3點幾果陣,再次去睇下酒樓門口的糖水先~幸好唔駛點樣排隊
今日只有紅豆沙及芝麻糊,佢尋日見到有西米露tim,只售$5!!!! 個碗size同粥碗的size一樣!
芝麻糊 $5
我覺得略甜了點點,如果減返少少糖,會更健康!食落去係糊狀,唔會好稀!總算不錯~
至於媽子食的紅豆沙,佢覺得甜度岩岩好,豆粒一般,紅豆份量不太多,5蚊而已,呢個質素,算係咁架喇~
總結::::::: 2餐加埋,每人15元而已!WOW WOW平到笑~份量又多又飽~質素也不錯
張貼
