季季紅風味酒家 (已結業)

本人冇寫食評既習慣, 但今次都真係唔寫唔得呀! 2星期前已經同屋企人去試過屯門分店既季季紅, 上次食488蚊半席既魚蝦蟹九大簋餐覺得大件夾抵食. 咁岩今次有屋企人請食飯就推薦季季紅, 由於地點問題知道荃灣既分店已開張所以決定係度食! 今次一行17人所以就叫左一席及半席既魚蝦蟹九大簋餐, 初初黎既分量都冇咩特別! 但D蟹一上既時候2碟一齊黎每枱一碟, 分量竟然一樣每碟都只有約一隻半. 而且我地再睇2張電腦單都清清楚楚寫明3隻及1隻半. 即時叫部長過黎查明原因. 但竟然得到既答覆係8佰蚊既餐係咁上下 酒樓白紙黑字寫明份量有幾多居然可以咁樣回應我地, 經我地再三理論該部長竟然以發脾氣既語氣話補返俾我地! 而且魚亦有相同情況明明寫2條, 黎左1條之後又要追! 最後碟蟹都係冇補返俾我地, 攪到我D長輩都燥哂叫唔食要埋單!埋單既時候另一個部長話扣返碟蟹既錢150蚊, 但張單黎到茶錢又係唔岩既, 17人 每圍居然都係收72蚊共144蚊, 我都唔知佢條數點計, 又要等佢改返岩! 老實講野食已經唔係煮得好食過人比屯門店差好遠, 而且服務重要咁差, 下次請都唔洗預我啦!

從加州紅到季季紅, 那個位置從來都是人來人往, 看得出老闆是有心攪大, 店子新開在原來的加州紅, 兩層的酒樓, 古式的裝修, 以前的荃灣從不缺大酒樓, 現在的荃灣想搵間兩層的酒樓都難, 荃灣一向是新舊交替區, 老一輩每朝飲茶已是習慣, 看來店子是看中了這個市場才來荃灣大展拳腳今天是『四老雀局日』, 我跟老婆是下人, 激戰過後, 是開餐既時候, 七點去到, 門口已經大排長龍, 歸根究底, 除了新屎坑, 應該是因為現在有的特價餐, 一圍十二位有魚蝦蟹雞乳豬扇貝都只係$888, 係邊度搵? 雖然weekend要加服務費$300, 但計埋都仲平過其他酒樓, 還好昨天已book位, 不然今日真的對不起四老今天數埋都只得九位, 食不到十二人餐, 所以叫了半席再另加一個餸以下是半席魚蝦蟹九大簋內容:紅瑞乳香豬: 原本一圍才有半隻, 所以我地半圍只有例牌, 例牌也不算少, 應該比1/4多, 乳豬不愧為招牌, 皮脆肉嫩, 難得的是皮跟肉不會天一半地一半, 我覺得黐少少肉的乳豬才好食, 要挑剔的是來到已經不是很熱, 無法, 因為我地唔係要一隻, 例牌的算是不錯了另外提一提大家, 另一個餐的是蝦禾米乳香豬,