季季紅風味酒家 (已結業)

朋友間聚餐, 叫左個 1388 套餐試試蝦禾米乳豬十分值得推介, 單買要 550 蚊一隻. 咁勁就點都要試試 ? 乳豬的確皮脆肉嫩, 而乳豬肚內釀了蝦叛炒飯, 吸收了豬肉香氣更加不得了. 但份量真係好大... 6 男 5 女同都唔以將佢 KO...套餐內還有桂魚兩食, 碧綠炒球及生炆頭腩. 生炆頭腩的魚上粉略多, 太厚了, 但味道卻好.清蒸鮑魚沒有驚喜, 但好像食橡皮, 因為冇咩味道其實幾道小菜同一般酒樓既無咩分別. 之後最後既咩一爪雞... 賣相真係唔得, 隻雞 D 色灰既... 一睇已經唔開胃. 一咬落去, 肉實到呢... 最後既糖水係芝麻糊, 食一啖... 暖既... 再食一啖, 已經肯定係開粉既... 收工依間酒樓, 完全放棄係好可惜既, 因為主打的蝦禾米乳豬幾精彩, 但其他野唔得呢...服務方面, 真係冇咩人沖水架... 而且整間店既地板都好肥好 SIN. 大家小心...

朝早打去問佢地有咩套餐,叫我快d問,問多兩句都唔得,去到大約六時＋五分,不用等位,d侍應你叫佢我似聽唔到,就算應左你都可以走左去.一d服務質素都無,連d所謂高職位的主任或經理都一樣.......................差勁,我地四大兩小吃了三百九十元,1.一個老火湯ok夠熱,2.咕嚕肉(勁酸)3.金菇肥牛煲(牛肉仲老過我)4.節瓜粉絲煲(好水law)5.椒鹽九肚魚(勁細條)6.千層糕(入得口)7.四個白飯...........仲要七蚊一碗吃完問佢地有無糖水送,好唔想俾law..............@@唔會再有下一次幫襯..................難食............服務態度勁差............又唔抵食

第一次去時，叫左12點前既平價食物，叫左大既2至3樣度，但係等左好耐都冇黎。後來問d侍應，先至話賣哂。賣哂唔緊要，但係都應該同d客講聲，唔使d客一直坐係度等。結果，要重新點過其他食物，又要等過一輪。第二次去，都係叫左12點前既平價食物，叫左4樣。頭3樣都有黎，但係有1樣等極都冇黎，於是，又問侍應啦。點知個侍應話碟樣送錯左去隔離，所以冇得食，仲叫我地取消原先叫果碟，叫返正價大碟果d。好啦，走時去埋單，諗住睇下張單有冇錯，因為取消過野，點知個收銀黑哂面，找錢時仲張d錢達落張台度，態度極之惡劣。

啱啱好十二個人吃飯，揀一圍圍嘅全包宴係一個好選擇，有人推介呢間 $1388，佢話乳豬好好食，淨乳豬都要五百幾，所以好抵。乳豬特別在原隻出，即場剪開，乳豬底鋪咗 d 飯，唔覺得咁樣食會特別夾，飯亦無乜特別。乳豬就確然新鮮燒好。初初睇點解個餐無魚，後來才發現是西芹斑片，會唔會真係 cheap 咗 d 丫~無翅，連羹都無……湯係菜乾豬肺湯……黃金蝦，呢個味道唔錯。有個類似什菌時菜，菜底好唔靚嘅白菜仔，面上鋪咗秀珍菇，整碟嘢都係白灼，一 d 油都無，睇見都唔想食，我掂都無掂過。這個餐無炒飯 (乳豬底有 d)、無炒麵、無壽飽、無生果，唯一只有精美甜品……叫經理比甜品，佢話甜品送晒喎，講完想走，跟住我哋話個餐包甜品喎，佢好唔順望一望張單，話糖水送晒，桂花糕啦，走咗……等咗十五分鐘，終於攞住紅豆沙走埋嚟，又話桂花糕無晒，紅豆沙啦…… 咁頭先又話無糖水……見到 d 如圖既紅豆沙，真係唔想食，似係煲完紅豆沙，用水浸住個煲待洗果 d 水，好明顯係無晒甜品，然後用咗剩餘無幾既紅豆沙加水加糖滾出嚟，求其安撫吓我哋就過骨，望見都唔想食，有朋友食過就話無味……我其實真係接受唔到，但呢班朋友比較隨和，所以也沒有出聲

今晚是為慶祝媽媽的六十大壽而去季季紅食晚飯，一早已訂好一圍"蝦禾米.大桂皇全包宴"，以及一打"壽飽"，而享用時段為兩小時 18:30 - 20:30，雖然食物味道也ok，但這餐飯就讓我們食到一肚火呢！ 為什麼？包括以下幾個項目：1) 坐下十分鐘亦未有人問可否上菜未2) 全包宴內有兩煲湯，但旁邊較遲來的人已有湯飲，為何我們沒有呢？我們再三追問只話 煲緊，有個還說「加繄水！」<--搞笑定搞真呀！最後，連雞都上咗檯，才有湯飲！唔係 一開始便有湯飲的嗎？3) 周時無人替我們的茶加水，於是我們便自助加水，點知有黑衫的部長見狀只來取走茶壺去其他檯加水，但係我們也未加完水，又幫我們加埋先取走，一d禮貌到無呀！服務態度就不用說啦！4) 乳豬就於開席時話要等45分鐘，話客人到才開始燒喎！ok無問題。但是其間有個部長答應了我們一定會盡快有豬，而豬不會比壽飽快出場的！還要說「壽飽好快的啦！一定無問題！還會替你們清乾淨檯上的東西才上的。」5) 食完乳豬，過了差不多十分鐘，我們便叫服務員上壽飽！點知...竟然有一個部長問：「你們剛剛落單加的呀！」我便答她：「我訂檯時一早便

星期六一行四人約去荃灣季季紅食晚飯, 人人都話好食咪去試試 6:00 入座叫左 ,豬肺頂蝴蝶腩燉菜膽湯, 奇妙醬蒸烏頭 拼例排 碳燒脆皮燒腩仔 無錫骨咸魚碎炒莧菜同豬手仔!!第一味到的係(季季紅)出名之一的 (碳燒脆皮燒腩仔),我地各人興高采烈食第一件脆皮燒腩仔之制你眼望我眼.........點解(碳燒脆皮燒腩仔)D皮UN 到呢.......之後食多件一樣誰知個部長俾左個答案我地............ 我地叫左個部長諗住換個我地都呆一呆部長話:可能風乾左,大佬呀!!! 我唔係食緊 (spain ham).喎!!!!風咩乾呀呀6:00岡岡開門你話風乾左即係唔新鮮呀個部長立即走開左 ,我再叫一個女部長同佢話要換個碟, 女部長話OK換個碟 原來點係加多3件 (沙離篤) 仲要咸到死............垃圾(我地果碟一定唔新鮮) 碟野我地而經唔食.........其他食份都可以接受......不過接受唔代表好食,最後豬肺頂蝴蝶腩燉菜膽D湯料係最好食.........吹賬我一定唔會再去................

季季紅開到過來，真好，又多過飲茶地方，咸水角…番炸，不好吃，牛肉球、千層糕、豆沙包…即點即蒸，熱辣辣，就最好味，千層糕蒸得高身，好軟熟，菜乾豬骨粥…豬骨唔見有，反而找到舊燒肉，真得意，埋單47元，假期都有優惠，但都係貴過屯門個間季季紅。

今日(31-7-2010 Sat)同男友食完日本壽司後,爸爸從外面返o黎join我o地後,由於男友驚多人,所以先o黎搵位,我同爸爸稍後到.男友好快搵到位,我同爸爸都到o左2樓.我o地未落單啫,已經有人o黎sell$18.00一碟o既蜜汁燒排骨,爸爸就要.然後男友話叫送湯米會正,就叫o左兩個湯米同遞點心紙,要魚翅灌湯餃同魚鰾鴨腳扎.等o左起碼15分鐘,兩個湯米至到,我o地分o黎食喇.蜜汁燒排骨大大碟,蜜糖好夠好甜,肉洽算太實,係唔錯o既.味道: 5分湯米唔係咁大碗,飲一啖湯已經飲到味精味,米粉一般啦.味道: 3分食完後又等多5分鐘,魚翅灌湯餃至到o黎,但要等亞姐再拎醋,未落醋前湯幾清,我先食一半.一咬落去,個皮腍到好似霉咁,而第一陣味就係芫茜味,有蝦仁,蟹柳,素翅同好多木薯,口感就係一pat pat.後來男友食,佢話好彩我爸爸唔食,差到呢.味道: 1.5分食食吓,魚鰾鴨腳扎到o黎,我食魚鰾,爽o既?唔係魚肚更唔係魚鰾,係豬皮,勁呃人囉.不過爸爸讚呢個味道對辦囉.味道: 3分環境:好落本,之前o既食家都影o左啲相,佢啲燈都好靚,好有中國風格.我o地坐o個張枱o岩o岩都幾闊落,唔錯.服務:都

今天我和老公 / 朋友路經這兒,聽聞是新開張,便上去一試有二層,坐位不太擠迫,可能是平日啦,又時間尚早,自行找位坐便可以.一坐下侍應阿姐(xx群)便招呼我們,服務態度很好,執碟 / 加水又快手早市特價點心11:00前價錢$3.8-$14.8,我們叫了(豆沙包,皮蛋瘦肉粥,奶黃千層糕,蝦餃,芋絲春卷,.....)豆沙包(很滑),皮蛋瘦肉粥(不太細碗),奶黃千層糕,蝦餃,鴨腳扎(唔乾身,夠入味),芋絲春卷(很油膩,炸過火)滑蛋蝦仁炒河,只是淋獻汁上面,不是炒的,又細碟,沒有蛋味,只有色澤不值$42,唔低吃早知叫燒味飯還低些$16.8-$24(11:00-中午2:00價錢)但在平日的早上11:00後叫同一樣的特價點心就貴了($2-5)一個這兒很近地鐵站(B 富華出口),行過來約三分鐘便可以,很方便

一行五人，本來打算吃午餐，但排到時已經1:45pm，2點鐘開始下午茶，就索性改做下午茶算了。一看見點心紙，發覺有大量特價點心，價錢由$5.8-$10不等，很興奮地選取了14個點心，埋單只不過是$201,很抵食。家鄉炒米粉：雖然冇乜料，但炒得夠香口，加上價錢只是$5.8，不能要求太高。明爐燒鴨飯：每碗$14.8，味道不錯。脆皮燒肉飯：燒肉皮脆肉嫩，而且有好多塊，雖然要$16.8一碗，但下次再來時一定會再叫。其他點心包括：豆沙飽、黑椒豬大腸、蒸排骨、豬潤燒賣、鮮蝦燒賣、牛柏葉和雞扎也很美味。千層榚和菜肉飽很普通、鳳爪太硬、蝦餃太細粒(但却是特點，價錢較貴)。總括來說，是很豐富的一餐。

上次幫襯完屯門"季季紅"以為order D嘢食叫得唔好，所以唔覺得好食，今次俾多次機會佢再試過點知一樣好唔掂。1) 乳香豬 - 好燶，好厚肉，一D都唔"乳"似中豬。2) 豉汁蒸大鱔 - 份量小，不彈牙，小小霉，唔好味。3) 豉椒味菜鵝腸 - 無"黎"鑊氣。已上所有食品好似用"微波爐"叮熱咁，上枱時只是微暖及好快就凍晒！

中午約屋企人飲茶, 見佢地未去過, 咪去囉.我覺得ok既就係d 粥, 蒸飯, 排骨 同 茶 (不過尼些一般酒樓都好少出事既, 因為係尼類酒樓街坊, 你都唔會有好大期望吧)其他d點心就真係一般般, 同其他街坊酒樓差不多, 而價錢又唔係特別有優勢, 都唔明點解咁多人.出事既係燒賣, 有些少變左味; 之前我外賣也有同樣情況, 那時候仲以為係個盒焗親變味添; 原來本身已經係咁. 可能係做起後, 沒好好冷凍保存吧.而d人話好食既燒味, 外賣燒味飯盒係好鬼便宜, 除左之外, 其實都只好話性價比高囉. 其中燒肉最高. 所以都唔係好明, 佢所謂之"風味"是指什麼, 應該唔係指變味吧

提到季季紅，很多人可能會即時想起屯門，但其實佢已經悄悄的在荃灣開了分店。沒有很豪華的裝修，店子風格比較傳統，侍應都是粗枝大葉，吃風味菜就是這個樣子。點菜不用我費心，坐定定等食就可以了，這份工作最適合我做。先來個湯，是馳名的豬肺頂蝴蝶腩燉菜膽，湯水是很香濃，喝起來清潤順喉，喝得出是沒有下味精的。而更出色的是那些湯料，軟稔得來仍不失咬口，菜膽亦好吃。的確，做得好的話，一款湯水已經足夠。這裡的另一名物是脆皮乳香豬，乳豬皮是薄薄的，卻十分的香脆鬆化，是名副其實的化皮豬。皮肉緊扣，不會分離，是另一要讚的地方。再者，肉是嫩滑的，只是味道稍為淡口，要加醬汁去調味。再要了梅菜扣肉煲，扣肉肥瘦有致，令人垂涎。肥肉部份不用多說，肯定就是入口即融，甘香無比，瘦的位置有丁點的韌，但情況並不嚴重，而梅菜則有進步的空間。肥膩的東西過後，也來一味清清地的，粉絲節瓜煲。節瓜的質感幾好，唔會硬轟轟咁，亦不會過份稔身，粉絲也入味；蝦米咸香，沒有過份的硬，做得不錯。最後一味是西蘭花炒桂皇球，魚肉啖啖肉我最喜歡，而且炒得香口，點上蠔油，我吃了不少；西蘭花質感爽脆，味道清甜，也屬出色。作為一頓家常便飯，這個價錢及水準，沒錯了！

自己食過一次, 屋企人都食過一次, 後尾講番先知大家都有不快經驗先講屋企人個單, 下午茶飲茶, 點心一般, 腸粉唔滑, 就算所謂下午茶既價錢都只係比正價平少少特價點心款式唔多食物之外, 伙記無論工作能力定服務態度超有問題, 應完你就算, 叫佢比張點心紙好似好艱難咁好啦, 以上係屋企人口述, 可能唔夠中肯, 今次到我自己, 真係頂佢個肺!尋晚同班朋友食飯慶生, 7個人諗住叫6個餸, 開頭先來兩個: 冰淋__ __ 骨 (類似沙拉骨, 唔鬼記得名) 乳豬 1/4隻 (跟多一個小菜, 係一個組合)呢兩味其實唔差, 咁餸黎諗住叫7個飯, 點知差唔多食哂兩味餸(已經食得好慢)都未黎同D伙記講, 哦完就算, 後尾有個似有番D經驗既阿姐先幫我地追好啦, 食完兩個餸啦, 七個白飯先黎, 好野!又要去催另外4個餸啦, 終於黎多兩味: 西蘭花炒桂皇, 豉椒炒聖子西蘭花果個...我只能講唔係難食, 亦都唔係零舍好食, 因為全港九新界既酒樓都做到呢個水準炒聖子完全唔掂, 完全冇豉椒味, 好似白烚完打個芡咁7條友兩味餸當然唔夠食哂成碗飯架啦, 好啦, 食左半碗,

連接地鐵站天橋要道的加州紅結業後不久, 同一地點已開始裝修, 後來看到那閃動招牌原來是"季季紅",這家在藍地打響名堂的酒樓再多開一家分店了。某個早上在銀行辦完事務後,取道天橋去港鐵站見到門外人頭湧湧,原來季季紅開業了!樓高兩層.從玻璃窗也看到裡面高朋滿座,門前還有佔地不少的外賣點心部,最吸引是新張大優惠的價目表,外賣點心每籠十蚊!! 比區內點心專門店還要便宜!! 問問收銀阿姐,點心除了糯米雞貴一點外,其餘的蝦餃燒賣等都是$10! 那還等什麼????蝦餃燒賣各一,謝謝!!蝦餃外皮顏色白白, 摺工不算很仔細,外皮稍厚卻有韌勁不黏牙,不錯。泛紅蝦肉蝦味雖不太濃,蝦肉的確新鮮爽口,餡料裡還有肥肉粒粒但沒甘香,只可惜沒加入筍絲,未能為蝦餃添加更爽口感覺,餡料味道不濃,比較淡口的味道水準還可。第二次光顧時,遇上師傅捧出新鮮蝦餃,外皮也仍是白白的,似乎師傅以較舊式的外皮造法,而不是新式點心那麼晶瑩剔透外皮。帶回公司路上不斷有冬菇香飄出, 燒賣上真的有不少冬菇粒 , 燒賣面有不少橙色蟹籽裝飾,除了顏色較突出外,卜卜脆的爆開感覺也是一絕。蝦肉完整的大大幾隻藏在肉餡裡,爽口情況依然;冬菇軟滑又有濃香菇味,