孖沙茶餐廳 (已結業)

懶得動手煮飯，連早餐也只是以即沖麥片解決，未到十一時肚皮已經開始抗議，根據某研究報告指出，餓得多會變蠢，為免智商跌破一百，唯有快點出門口搵食。到達孖沙時時間尚早，長長人龍尚未出現，不過店內已坐滿客人，幸好小妹孤身一人，免去等位的煩惱。一坐下去連餐牌亦不用看(基本上好像沒有客人有看過餐牌)便要了一碟叉蛋飯加凍啡，凍啡忘了少奶少冰，冰果然是滿滿的半杯，唯有趁未融前多喝兩口，味道不過不失，正常茶餐廳水準。叉蛋飯不久亦送到，首先進攻的對象是叉燒，早已知道叉燒是外來貨，並不期望有甚麼出色表現，雖然偏瘦，但並非一塊乾柴，有叉燒味，已經收貨。三為一體的煎蛋才是今次的主角，煎得如平日網上所見般漂亮，蛋白嫩滑而且脆邊，蛋黃凝在蛋白之上，搖搖欲墜，更添吸引力。在食煎蛋先食蛋白的原則下，久經訓練的小妹成功地在沒有弄穿任何一隻蛋黃的情況下將蛋白和蛋黃分離三隻亮晶晶的蛋黃躺在白飯上，誘人的樣子使本來打算原隻蛋黃吞下肚的小妹馬上改變主意，連續督穿兩隻蛋黃，蛋汁漂亮的流到白飯中，與甜豉油混合在一起，小妹輕易地把整碟飯掃清，鄰坐還剩下半碟飯的OL 姐姐就彷如發現新大陸般驚訝。　值得一讚的是阿姐的服務態度，小妹雖然食量

12:30行行行過去食飯見各位兄弟說這個叉燒太陽蛋飯很好吃小妹愛食好東西的性格驅使我去一嘗這個飯孤身上路的我不用等位...叫了一碟叉燒太陽蛋飯+凍OT飯來了!!正如相中所見....3隻大大的太陽蛋下藏著很多的叉燒...上面澆了甜豉油一啖食下去.....這個甜豉油很淡味....還有叉燒....也不太有味......或者抱有太大期望...結果換來失望~~~這飯勝在便宜及大碟...算是這區最便宜吧~

簡簡單單寫o下第一次食，要了人人讚好的叉燒太陽蛋飯，叉燒真係叉燒而唔係煲湯肉，撈埋o的蛋黃飯同豉油真係好正(有三個黃o架)o野飲超快，十秒鐘內就上

黎過呢到食幾次﹐覺得d野好好食。lunch都會有好多人係外面等位﹐等外賣。但d野出得好快﹗通常我都係叫炒粉麵﹐d炒野好有鑊氣而且夠大碟﹐雖然唔係跟餐但叫埋野飲都係$30到。我早幾日就係睇咗下面個食評﹐今日專燈去試個叉燒炒旦飯加熱獰茶﹐好食喎。都好多人叫呢個飯﹐我碟飯就黎食晒既時候﹐隔離檯都叫叉旦飯﹐可惜無晒叉燒。

今早九點前已到達中環, 有時間讓我慢慢找一間未食過的行上結志街, 本來有間麵檔可以, 但佢推出早餐公仔麵, 有點兒那個...行下行下, 想起中午排大隊的孖沙, 最重要要留意一樣野, 孖沙茶餐廳不在孖沙街, 是在隔離的禧利街. 平時中午路經, 總是看不到入面是究竟, 今早才發現, 孖沙是一家小店. 早餐有個豬扒腸仔麵, 亦是其主打之早餐Menu, 拿回公司食, 豬扒好淋, 麵係福麵底. 味道不錯. $19, 有麵有茶, 抵食之選

Found this place here at openrice. What to give it a try during lunch time. Order 叉蛋飯 and 凍奶茶. First, there are 3 eggs in the dish! That's already over the limit of egg a human being should eat per day. Any ways, you can also take the yoke out if you want. 叉燒 is not bad, rice is much better than 樂香園咖啡室 (蛇竇) since they are not cold and hard. 豉油 is the special of their rice. Not salty at all. Combine food quality and price, this place is worth a try.

因為honey係上環返工, 所以黎呢度食左幾次lunch~叉蛋飯(同下面食評一樣, 唔會差得去邊)雪菜肉絲炆米(唔油, 但淡左d)味菜排骨飯(too salty)廈門炒米/星洲炒米(夠穫氣, 不過太油)每碟大約$22~$24, 冇野飲

因怕「飯氣攻心」, lunch 一向只會食麵類或麵包類, 今日無啦啦想食叉燒又想食蛋, lunch 摸了0黎呢度試試佢的勁多蛋叉蛋飯. 叫了碟叉蛋飯($22), 加個凍奶茶(+ $6).先0黎凍奶茶, 奶多過茶, 幾0岩口味, 飲落亦幾滑, 唔錯.阿姐放低碟叉蛋飯俾我之後, 即刻宣佈「叉燒賣晒!」, 我實在太好彩喇=P 3 隻太陽蛋煎得好靚, 亦連成了一體, 成張被一樣蓋住d 叉燒同d 飯, 好吸引! 蛋黃夠晒流質, 叉燒係半肥叉, 好腍, 雖然唔夠甜, 但撈上d 蛋漿, 甜豉油及飯一齊食,都幾難唔好食. 不過因為碟頭勁大, 最後都係食唔晒, 下次都係叫扣底好d.環境地mou, 衛生麻麻, 不過是但啦; 招呼幾好, 阿姐幾好人.雖然午市凍飲要加$6 好似有d 貴, 但埋單$30 有找, 點都係抵食. 朋友K 好鍾意食叉燒又好鍾意食蛋, 有機會會帶埋佢0黎都好!下次亦會試試「招牌」炒意粉.

來這裏，本為一碟义蛋飯。但太晏去到，义燒沽清。馬上想走人，但既然坐低咗，姑且試一試其他嘢...見好多上班族都order干牛河。諗落自上次响何洪記食過後都未點過(都好耐世紀之前)，就來一碟試試...碟底唔算太油，幾夠鑊氣，但河粉唔太上色，牛亦係梳打牛，不值一提...响香港真係好難揾到出色嘅干牛河。就算係好多人奉若神明嘅何洪記，都係唔得...反而茶走就不錯，有少許茶味，煉奶份量適中，還可以...但無論如何，一定一定要一嘗呢度嘅义蛋飯...

前排得閒四處走走...由中環走到上環, 睇下有咩特別0既餐廳, 又平又正0既, 試下ma~終於吾打吾撞走到來這間"孖沙餐廳", 咁咪試下佢地0既下午茶, 叫了一個豬扖通粉+熱央$16, 比起市價算係低~豬扖通到啦! 不錯呀! 豬扖好有味! 又香喎! 仲要有成個碗咁大塊! 正喎! 下次等我試下個叉燒旦飯先, 見大家都話咁好味~~

眾多食友讚這裡的叉燒煎蛋飯無敵，愛死這飯的我，不甘心不試。未夠12:30已有人龍，所以對其充分信心。由於等位時，被食客的炒蛋叉燒飯所吸引，於是立即改變主意。一上枱已被舖滿豉油的蛋嚇怕，第一口只是細嚐，嘩嘩!原來豉油是甜甜的，與炒蛋、叉燒及飯這四角關係互相緊扣，真是比起中環的蛇竇十個好。奶茶就有點失望，茶味淡淡的，沒有港式茶記的風味。有同事的滑蛋叉燒，賣相雖比我的炒蛋叉燒飯好，不過他嫌雞蛋的份量極少。另有同事食雪菜餐肉米，份量不太。下次再來的話，不再三心兩意，試試遠近馳名的「叉燒煎蛋飯」。

最近極需要吸收蛋白質, 所以是日午餐就行過黎食.原本諗住堂食, 雖不知勁多人, 單人位是有的, 不過今日是最冷的一天, 個個都穿得厚厚, 所以無謂入去搏批掙.要了個叉燒煎蛋飯外賣, 其實變相係扣左底, 正合此意.三隻太陽蛋, 蛋黃色水夠哂, 吉開蛋黃, 每一隻都流著蛋汁, 賣相倒是不錯.叉燒幾淋唔會又乾又硬, 甜豉油+ 蛋汁+ 白飯就是一流, 如果是豬油更是perfect!蛋白邊位也煎得香脆, 不過主角當然是蛋汁.一碟叉蛋飯正好一次過打爆一日蛋白質所需, 這裡看來又是出名太陽蛋, 難怪人頭湧湧, 其門如市的．$21, 午飯來說，也抵吃.

其實每次黎都係想試下馳名叉蛋飯，點知黎到硬係比其他非叉蛋飯吸引，叫左第樣！都唔知幾時先至真正 ，擺\脫引誘，正正經經叫番碟叉蛋飯歎番餐\！係度試過炒粉麵飯，＄２３。全部都又平又正，可惜呢度冇例湯供應，奶茶檸茶又唔係我杯茶，唯有齋飲水！地方冇錯係逼Ｄ，一張兩尺半圓檯可以誇張到坐六個人，唔計呢Ｄ，招呼都算唔錯，阿姐爽快俐落，「一隻豬」、「一條魚」叫聲此起彼落。原來「一隻豬」即係快餐\Ａ－洋蔥豬扒飯，「一條魚」即係快餐\Ｂ－天天不同！盛惠＄２２，凍飲加＄１。不過洋蔥豬扒有落料醃過，大大份，馬馬地，但都ＯＫ。

已經很久沒有遇過只需14元的下午茶餐。奶茶有點澀，不過這個價錢，也不會有怨言。但是當那豬扒包來到時，就連丁點的不滿都被踢走。大餐包夾着的是一塊更大的豬扒，吃了多啖，才能吃到麵包。餐包是烘熱過的，所以邊緣位置變得脆口，而且本身有點甜味，配埋煎得很香的薄豬扒，嘩！呢個豬扒包就真係！

未夠四時，當人人都在吃下午茶，我和同事就來吃午飯。在上環的眾多茶記之中，除了科記，這裡也算是幾得我心，因為跟隔離蛇王林一樣，話晒又係幫襯左廿幾年的地方了。要了叉蛋飯，加隻炸雞比，同事就簡單的要了碗腿丁。這裡的叉蛋飯，正在隻煎蛋，僅熟，三隻舖滿飯面，蛋黃晶瑩亮麗，賣相極好。將半生熟蛋黃和著流質的蛋白，配上甜醬油，一碟飯輕易的吃完。這裡的叉燒不差，夠腍身又不韌，蜜汁香甜，但比起蛋，已是配角。當然，要有太陽蛋才有最佳的演繹，要反蛋甚至炒蛋的話，差之千里。炸比也不錯，也是皮脆，但肉卻不夠嫩滑，乾身了一點，這是用猛火急炸的效果，不像時新，是用慢炸的，肉汁自然保留。也看過人們對時新炸比的見解，有時人很得意，人家介紹好的，有很多人只識說「沒有驚喜」，或「不特別」，但其實十蚊一隻炸脾，要幾驚喜？要幾特別？當事人自己多數也說不出，當然要其推介那裡更好，亦做不出。奶茶、咖啡俱有水準，不然怎成蛇竇？這裡午市總是衝風陷陣似的，還是待沒有什麼客人時來吃，會比較滋油一點。埋單六十幾蚊，經濟抵食。