孖沙茶餐廳 (已結業)

這兩年經常到上環上堂，雖然都幾辛苦，但上堂前四處試不同食肆，可算另一個原動力；翻看食評，大部份自已想試光顧的食肆都幫襯過，但唯獨在禧利街的孖沙，因下午已關舖，幾次下來都過門而入不到，就連永合成的煲仔飯都已試過，孖沙的豉油汁硬是無緣！最後一個返上環的日子，已經刻意早點過來，幫襯這裡的叉燒煎蛋飯，配杯凍鴛鴦小甜，而阿姐落單問清要不要反蛋來煎，窩心。原來這裡的叉燒煎蛋飯真的頗多人點選，記得的已經起碼有三個外賣，兩個堂食，利害！叉燒煎蛋飯上檯，份量大得很，兩只雞蛋煎出來份量都不小，叉燒應是外面送來的，但玫頭叉燒，夠腍身之餘又夠味；不得不提這裡的豉油汁，靈魂是她主角又是她，簡單的叉燒煎蛋，就是這樣簡單的美味！炎熱的中午，就坐在靠大門沒冷氣的檯子，望著生記，望著禧利街的人來人往，享受這刻，亦記著這刻；下次來上環，將用另外一個身份了！

上環有不少茶餐廳, 有d 裝修得好好, 但我就係都要去呢間"up dup" 既孖沙茶餐廳. 其實呢度碟頭飯選擇唔多, 但樣樣都俾足料, 價錢算平，特別係叉燒/餐肉煎蛋飯, 真係俾成三隻蛋你, 太陽蛋亦好夠生, 用既甜豉油都係一流, 周圍都未試過咁正！！不過提提大家兩點半打後可以無飯, 無叉燒, 無乜又無物, 但下午茶餐就一定有, 要介紹一下鮮油奶多士, 切得夠薄, 牛油又多, 佢地份魚柳包大件夾抵食, 正過麥記多多聲!!! 最後要表揚一下呢度d 亞姐, 態度親切, 聲線獨特, 講野又好笑, 得閒又"串"下你, 令食飯時間充滿歡樂, 所以我係呢頭做野孖沙已成我食飯既首選地方!!

成日經過每朝都有好多人響度食早餐, 足知搵左一朝都黎食返個早餐先!同事話呢度奶油多好食, 就叫左奶油多同熱奶茶. 多士幾新鮮, toast左裡面都唔係乾曾曾! 幾好. 奶茶都算ok, 雖然茶香爭d, 但味道都唔錯!

唔知去邊度食lunch好..行行下..見到好多人食依間喎,咪試下囉...食0左個雪菜肉絲炆米...幾好..唔油..22蚊..叫埋凍飲...29蚊埋單...其實個味冇咩特別,都係茶記的standard,but佢最好係..冇油又足料...下次要試下佢d豉油皇义燒飯...因為個豉油睇上去好似好正..又好多人食喎..

小妹今朝開工之前路過這茶餐廳,走入去食左個豬扒腸一丁, 件扒好大, 但一早已經幫我cut 成細細件, fit 晒d 又要食, 又驚大件的女仔, d 一丁又好爽, 真係好正, 佢重有3個特餐, 包一個麵or意粉, 牛油多士, 同飲品都係買18 蚊咋, 特餐重要係由早7到晚6都有, 真係好適合d 返朝9晚5的打工仔女.....

應同事要求今日來吃lunch，以往呢度好多人，但唔知係唔係非典型肺炎的關係今日竟然唔使等就有位，同個同事就拿拿林坐低。叫了星洲炒米和叉蛋飯炒底。星洲炒米夠鑊氣又夠份量，炒得夠乾身而咖哩粉亦夠味，唔錯。叉強飯炒底都不俗，叉燒不太廋，加埋雙蛋大大碟。加兩杯熱奶茶埋單每人廿幾蚊都幾抵食。呢頭有幾間茶餐廳短兵相接，真係差少少同貴少少都幾難競爭。因為但幾油，所以怕肥的就要諗諗。

又來tea break，兩個人叫了西多士、豬扒包及兩杯茶走。這裡的奶茶咖啡水準一向不俗，尤其奶茶好過咖啡，食物亦過得去，但個人覺得略遜於蘭芳園。但價錢又較平，下午茶餐只13蚊，涷飲只是加1蚊，算係幾抵。呢度位置偏僻，蛇王走過來這邊都唔會咁易俾人發覺，係我們的熱門蛇竇之一。