孖沙茶餐廳 (已結業)

每次平日經過<孖沙茶餐廳>，總係一大堆食客喺出面等位或者等外賣！我見到咁，平日一定唔會幫襯！但係長期都係咁，相信係有過人之處；促使我搵個星期六幫襯！見到 Menu ，飯類只係 $22，炒粉麵飯由 $24 起；熱飲大約 $9 ~ $10，凍飲多數 $10 ~ $11。如果，粉麵飯跟飲品，只要加$5 ~ $6，視乎熱飲定凍飲。上環區算好抵！我望吓附近食客嘅選擇，有荷包蛋飯、炒意粉.... 碟碟都係長碟。嘩！咁大碟架！所以，我叫咗( 少飯)！番茄炒蛋飯 $22 + $5 熱杏仁霜 番茄炒蛋飯 - 雖然食材主要係番茄及雞蛋，簡簡單單！都可以好美味！真係要靠師傅嘅技巧！炒蛋份量應該用咗兩隻，炒出嚟夠多又夠厚身！蛋炒得熟之餘，又不失蛋香及滑感，仲唔會燶！認真有鑊氣！另外，用上1 個大紅鮮番茄，1 開 8 件， 相信係炒完蛋之後落鑊炒，番茄仍保留鮮茄汁；如果炒番茄炒得耐，就會出水甚至變腍！調教嘅番茄汁，酸甜味恰到好處！加埋蔥段及少許洋蔥，能帶出蛋香味！顏色又可以吸引啲！ 熱杏仁霜 - 茶餐廳貨色唔會太差！夠多奶夠濃，我落咗半茶匙糖已經夠甜，飲到最尾仲有杏仁微粒！不過，我不太喜歡呢度

今日去攞回鄉証，因為時間關係，食唔到粥，無心插柳之下去咗對面嘅孖沙。點咗炸脾同西多。西多唔油，正。炸脾脆，正。若能大隻少少則更正。凍奶茶，正。凍檸茶無試，唔知。兩個餐加埋33，OK以上。有機會會再試。

茶餐廳黎講，孖沙極其量係不過不失，叉燒蛋飯，除左三隻蛋外，無乜可取之處~最敗筆永遠都用呢 d 隔夜叉燒，外貌瘀黑兼保證無香味!當年(十年前有多) 孖沙個餐最出名係果個茄汁炒意粉，可惜而家只係求求其炒意粉，個樣好似無炒一樣，又唔夠熱又唔會香。又係一句，如果無要求又無期望，去孖沙就唔會點失望。

哩日放工原本係返屋企. 但最後都係出左黎食選了這間孖沙茶記, 因為哩間店太細, 平日太多人根本濟不進去, 就算入到去坐都坐得唔舒服, 全部都係圓凳黎最出名就係叉燒煎蛋飯, 當然唔駛諗就叫哩個, $22, 另加$6 凍檸茶凍檸茶過甜了.叉燒煎蛋飯, 見到3隻太陽飯就非常滿足了. 但係之前睇過電視定報紙好似話一日唔好食多過兩隻蛋... 唔理lu!隻蛋蓋住晒d 飯同叉燒.叉燒普通, 當然係冇叉燒汁架啦, 就好似澳牛d 叉燒湯通咁蛋亦都不特別, 只係份量多但諗起哩個係個頹飯, 食落就更有味道更有意思了.唯一令我想不通既係佢d 豉油d 色素點解勁成咁呢... 勁到個咀抹極都仲有..$28 換來一個叉燒煎蛋飯, 睇個份量同賣相黎講, 都算ok既

今天工作地點來到上環，想起這裡的叉蛋飯，便要來一趟了。可能過了午飯時間，大概二時多，不太多人，老闆熱情招呼進去坐下，想叫叉蛋飯，誰知阿姐告訴我叉燒賣光了，唉，與它緣慳一面呢! 阿姐叫我叫餐蛋飯，可是我不想吃餐肉，最後叫了腸仔蛋飯。哈哈，如果我的同學在的話，一定會取笑我，笑我食一些cheap野! 以前係中學我叫餐蛋飯就會被取笑，食公仔麵他們就會說不如他們煮給我吃吧。可是有時真的會想吃這些簡單基本的東西嘛! 過了 5 分鐘腸蛋飯來到，我見到個 3 隻蛋都覺得好好笑，呢D大概就係「恃細行兇」吧，恃住自己年紀輕就什麼都吃，不過既然有得吃，何必想這麼多呢! 叫了她少飯，份量剛剛好，可以全部吃完。雖然是很簡單，可是我吃得挺高興的! 弄穿個蛋黃再撈飯吃，實在吃得非常滋味! 蛋果然是我最好的朋友! 那些豉油汁和整個飯非常夾，令個飯加倍美味! 腸仔鹹左少少，不過送飯就還可以啦!結帳$22，希望下次再來有緣和叉燒碰上就好了! =)

22/7(三) 12:30pm位於孖沙的“孖沙茶餐廳,名字聽來沒啥性格,卻以太陽蛋叉燒飯紅遍OR.是日午飯特地專訪,淘氣地點了滑蛋叉燒飯$24;滑蛋的賣相看上去比太陽蛋失色,先評滑蛋,蛋液頗豐富的,蛋的質地偏乾身,乏蛋味.繼而夾起軟腍的叉燒,份量及身型,可堪稱益街坊!墊底的白飯飯粒彈口,不禁多撥兩回. 太陽蛋,留待下回分解!

好耐冇離過,經過就決定係lee度食lunch,因為印象中lee度ge叉燒蛋飯幾好食。最後,要左盒叉燒蛋飯外賣。(好快就有lah,抵讚)叉燒肉質偏瘦,但唔係太乾(我唔係太鍾意d好肥ge叉燒,所以我覺得唔錯).隻太陽蛋唔會太熟,good.醬油甜甜地,不是死咸的那一種。三樣野同熱熱的白飯一齊食係一種簡單ge美味,有時d野其實簡簡單單已經好好食,唔需要好complicated.$28有一個好食+飽肚ge飯盒,抵到冇人有。

平時行過親都人頭湧湧, 今日有機會Lunch早左放決定一試.環境: 好細好迫, 典型上環餐廳格局服務: 得一個阿姨落單, 一個收銀…..一坐低, 即刻叫個招牌叉燒蛋飯, 阿姨問我係咪要太陽蛋? 我話係啦當然.好快有得食, 有三隻蛋加幾件叉燒同d醬油, 食落…. 講真, 真係無特別, 係屋企都做到.我見到有d人叫雞脾飯, 點知上台後見到真係得一隻發育不良的雞脾同醬油飯…. 但係d人就好似無野咁…我諗d人覺得好食, 係因為d醬油, 不過自已食落, 又唔覺特別.總之就係無特別, 咁多人覺得好食, 我諗都有大部分是感情分

上環一帶到了中午時間,想找個地方吃飯都難,趁班白領大軍未壓境,在孖沙茶記速戰速決.之前食評中,較多人提的是叉蛋飯,又會有人會說:{叉蛋飯自己都整到,去燒味檔斬些叉燒,自己再煎隻蛋,舖在飯面,再淋點豉油就得.同腿蛋麵一樣,做咩仲要出街食,比錢人賺?}本身是茶記的孖沙,叉燒當然不是自己燒,是外來貨色,面頭三隻太陽蛋,煎得幾靚仔,想起電影"秋天的童話"中,船頭尺說過單春蛋治沒有營養,這碟叉燒飯一來就來個三春,問你頂得住無?外來的叉燒,肉質偏瘦,兼較為乾,當然沒有叉燒汁奉上,店內的豉油,則調教得出色.甜咸度適中,正好代替了叉燒汁的功用.混合著蛋黃,伴飯真的很美味.究竟一個人,一次過能夠承受幾多隻生蛋黃?這個純悴因人而異,沒有絕對的答案,等同甜魔去到雪糕專門店,吃個雪糕放題,普通人吃少少便要投降,但作為甜魔,未吃到二十球就誓不罷休!

二月十六‧陰天 整個早上也肚子空空的，午餐想吃得「充實」一點，去茶餐廳吧。想起也好久未來吃過了，就趁是日天陰陰的，這裡人客也不算很多，一個人來「涉位」。 這裡的炒粉麵好吃，燴意粉也可以，但我最喜歡的，還是叉蛋飯。三隻太陽蛋，賣相非常好，如果喜歡吃煎蛋的，看見這個賣相胃口已全開。將蛋弄開，讓蛋黃混和著甜醬油，再和著熱飯一起吃，人間美味。還後生的時候，會要炒底，但其實白飯底才是叉蛋飯的最好配搭，因為蛋香加上蜜汁叉燒的甜味，味道已經夠豐富，不用再吃炒飯了。 值得一提的是這裡的叉燒雖然不是半肥廋的，但同樣鬆化軟熟，好吃。 奶茶咖啡的水準俱好，相比之下，我會喜歡這裡的熱奶茶多一點。 埋單30蚊，是我在中上環想吃叉蛋飯時的必然之選。

三月三十日(星期一)回來後第一個工作日,我好像還未習慣,未有心情工作!還是holiday mood,怎麼辦!去旅行之前,我們決定回來後的第一個星期是禧利街美食週,選擇了四間!因為有一日老公唔free!今日就吃孖沙!之前一次我沒有去,只有老公同同事到過,他們說不錯,我還以為有兩層,原來得地下的,坐位不多!而且比較多外賣,所以不用怎樣等,就可以坐了!我要了個常餐,因為有個炒意粉,見到附近的食客吃得幾滋味!我要了沙嗲牛肉炒意粉!老公要了滑蛋义燒飯,我們都要了凍檸茶凍檸茶都不錯,可是比較甜了,所以把茶味蓋過了!常餐有牛油多士,多士也烘得不錯!沙嗲牛肉炒意粉雖則分量比較少!但是牛肉都比較多,而且很香!炒得不俗!又有鼓油香,又有沙嗲味!老公的滑蛋义燒飯都不錯,很開胃,不過我不喜歡吃半肥瘦义燒的,如果喜歡的!可以一試!埋單每人太約廿五元,又吃得飽,又有飲品,我寧願行遠點到上環吃好野了!

體力勞動完當然要補充吓，唔過份我要肉絲炒面，ok，但唔夠脆，但合格朋友要太陽蛋餐肉反，當然好過我Ｄ，但睇相見個陣容都有點誇，難得朋友唔驗身當健康清晒Ｄ蛋黃奶茶yin yeung夠濃掂！！

2009-01-14今日是舊老闆初嚐這裡的叉蛋飯的日子我就要快餐算餐肉燒肉飯連熱飲，索價$23，看上去是抵的……餐肉兩半片，很普通，煎得唔脆邊燒肉更可憐，得四小塊左右，更覺得是斬料夾落去咁……係飽o既，但與同檯的叉蛋人感覺差很遠…(要炒麵系的，分分鐘要等好耐)

第一次來這店,見到大家推介的义燒蛋飯真的好吸引,不過唔太想/敢吃太多蛋,所以叫了常餐(價錢勁平: before11am就$18,after11am就$20 - 讚), 有多士, 餐肉炒意粉, 凍央. 多士烘得十分香脆, 炒意粉一般, 凍央好正.仲叫了豬扒通,只係$15咋,太平la, 而且塊豬扒好大香,通粉又大碗,有機會必會再來, 覺得以如此平的價錢換來水準食物(及服務 - 幾位大姐都好nice),實在出乎意外的好!!!!

年多前經常在上環返學，所以幫襯了不小西上環區的食肆，記得最後一編關於這帶的食評就是孖沙，翻開去年食評，最後一段寫著 ” 下次來上環，將用另外一個身份了！”今次回來，仍是相同身份，就是過來信德中心應考的學生身份，晚上考試，大早已經在COMPUTER ROOM讀書，解決LUNCH第一時間就是想到這裡的叉燒煎蛋飯！十二點多來到，店裡已經快座滿了，只好選了門口靠近收銀的那張餐桌，風簾吹下來的猛風，都頗難頂；今趟仍舊是叉燒煎蛋飯，但要了太陽蛋，凍鴛鴦小甜，必然的組合！合三為一的太陽蛋蓋滿著大半碟飯，趟在蛋底下面的叉燒呼之欲出，加上像少女肌膚樣的蛋黃抖動著，光是賣相，這碟叉燒煎蛋飯已經滿分。跟著將蛋黃汁混和這裡又是主角亦是甘草的甜醬油及配上絲苗白飯，扒進口裡，羨仙也，而叉燒已經輪為配角了。凍鴛鴦仍是那樣的茶味勝過咖啡味，不合格，但在這大熱天時，仍可起著降溫的作用。十分鐘已幹掉這份午餐，而這時候店外已排滿不小等位等取外賣的顧客，對著這一字排開而快遮閉孖沙門口的顧客，唯有快快埋單退位讓賢吧！後話：近期好在還有消化三隻雞蛋及其膽固醇的QUOTER，否則這碟三頭雞蛋的叉燒煎蛋飯就無福消受了！