孖寶車仔麵

營業中

休息中

今天，我在葵涌廣場了一會兒，感到肚子餓，於是我去覓食。發現這間食肆，有油渣麵。勾起了數年前，我第一次吃油渣麵的美好回憶。於是我決定光顧這間食肆~這間食肆的油渣麵:湯底好清和不咸油渣香、脆和不油吃完1小時後，沒有感到口渴

琴日去開葵涌廣場去街唸起果到地下有好多野食於是就去搵下有咩食啦我記得之前我係幫襯開輕鬆一下今次就試下開心孖寶我叫左一個油渣面,男朋友就叫左車仔面我地另外加左鹵水豆腐同豬肉燒賣食油渣面既湯底好清,一d都唔咸而d油渣仲係脆好耐未食過d咁好味既油渣啦平時幫襯開果dd油渣比較淋豆腐好夠鹵水味而且入口好夠滑真係唔係好睇少佢細細舊豬肉燒賣就較為一般下次尼到又試下其他野食先~

難得與友人到葵芳逛街，見到葵涌廣場裡的食店，感覺也不太好。盲目地轉轉轉，最後還是選擇最平民的車仔麵。奇怪在，葵涌廣場的所有車仔麵店，也聚集很多年輕人，間間爆滿。唯一，這間看起來，好像服務不錯，也較為乾淨。原先以為多人光顧的理由，是因為可能這裡的價錢便宜等等但一看，價錢相對不便宜，還比起我家附近的車仔麵還要貴一兩蚊。我這個咸蟲也覺得碗仔翅好咸…份量也算多，不過可惜，蘿蔔甜得很…

尋日(1-1-2011 Sat)同男友睇完戲行街,路經呢o度,男友話睇睇雞髀,係滷水雞髀,我o地諗o緊食唔食之際,老闆就極力叫我o地入去坐.有位,咁我去坐,男友睇有咩o野食啦,點知佢同個亞姐入o左o黎,就坐o係o度點啦.我o地要3. $6.00o既咖哩魷魚唔係好大碟,係灼o左o既魷魚加咖哩汁,唔太辣,但凍o既.不過落單時亞姐已經話水魷魚就熱o既,咖哩魷魚就凍o既.咖哩汁唔太辣o岩我,我覺得可以.味道: 3分1.$13.00一隻o既滷水雞髀大大隻又深色,好體貼咁畀隻膠手套,我叫男友食剩一半畀我就得,佢就用筷子同竹籤分,畀啲我食.食落好夠味又夠熱,味道唔鹹,肉質仍滑,正.味道: 5分2. $7.00兩隻o既滷水雞翼呢個係雞中翼,味道同口感同雞髀一樣,不過唔熱,只係暖暖地.味道: 4.8分最後男友話叫o野飲,我揀o左$5.00杯o既豆漿原來都大大杯,唔係咁甜同都有豆味,可以o既.味道: 4.8分男友就要5. $4.00o既紙包裝麥精,唔使講啦.不過只賣$4.00好有良心呢.服務:原本我想同男友坐o係方枱o既一邊,費事阻住佢有其他客,點知佢叫我o地打對面坐,入面擺o野,真好人.

以前因為返學o既關係,所以成日都會幫襯呢到!!但係畢左業之後加上搬左第2到,已經少左返o黎幫襯嚕!今日係呢頭附近做野,所以又可以返o黎幫襯下,緬懷一番!!今次又係叫左車仔麵~~~又係叫d例牌野!!~~~花枝丸 雞腎 麵筋 招牌牛什!!花枝丸大大粒!!正x10!!雞腎同麵筋,好入味!!非常正!!!!招牌牛什!!goodgoodgood!!好食到有讚冇彈!!估唔到冇食幾年,都依然keep到喎!!~熟悉o既環境同味道,令到我突然好掛住d中學同學同老師~~我諗都係時候要搞返d中學聚會先得啦!!

26$+2$凍飲 飲可樂3送一面豬紅-咪又係咁,,,如果可以煮得難食既唔好開鋪頭雞中翼...可能熟過頭...欠太實d肉感..味道就又係一般形容la..咖哩尤魚,,基本上巳經無咖哩汁係佢面上出現過..只係黃色黎feel佢係曾經咖哩過...味道就走哂樣.麵方面就不過不失,,又係個句,,可以難食就摺埋好過,,支持環保嘛..香蒜汁加左...有加只係好20%左右...

滷水雞中翼($6二隻)雖然是雪藏雞翼,但主角是自家製滷水汁,和一般滷水店的滷水味不同,有點似瑞士汁加滷水汁,甜得來帶點滷水味,因八角味花椒味較淡,不會互相搶走本身味道,正!!

因事到葵芳，決心在葵涌廣場找一家未曾吃過的食店試試，經過「開心孖寶」，看到一盆盆的滷水食物烏黑油亮，十分吸引，開朗有禮的老闆適時迎前招呼，便決定在此解決一頓。點了三餸車仔麵餐，連熱飲$26：鳳爪、雞腎、麵筋+手打麵，熱檸水。鳳爪不是一般炸過的粗皺手指，而是苗條修長的玉手，滷得很入味，也很軟腍，沒有「樣板鳳爪」味，妙！雞腎原本漏了給我，後來用小紙杯補回，共六片，份量可觀，味道更令人折服！很入味之餘，還能保持爽脆，鹹甜香均搭配得宜。至於手打麵，雖不是原以為的煙韌口感，但卻出奇地好吃；而麵筋亦新鮮，不太油，並沒有討厭的油「益」味。湯底可以，加點隨意放的辣菜脯，味道便突出了。

突然好想吃腸粉 , 去到開心孖寶後又改變主意 , 還是叫了車仔麵 . 套餐 $25 可選 3 個餸加一杯飲品 , 可以改豆漿 . 我叫了雲吞 , 豬頸肉和魚蛋配幼麵 , 等了差不多 10 分鐘 , 客人越來越多 , 沒有以前那麼快了 . 料好足 , 菜肉雲吞有兩大粒 , 豬頸肉好像也有 4 塊 , 好味 , 不會煮得太硬 , 吃的時候加一些辣菜圃 , 好味好多 . 這裡服務好好 , 雖然不是什麼高級餐廳 , 對客人的態度也友善 , 最重要就是在這裡吃完車仔麵不會飲太多水 , 外面有些的味精實在太勁 .

去完銀行,經過這間小吃店見到客人不多,那就來個金牌牛雜米當late lunch。跟叔叔侍應點了牛雜米加魚蛋後, 叔叔說:咁樣食唔抵呀,叫多個餸當車仔麵餐,有飲品又平d,抵食呀!! 還主動幫我想車仔餸去配,好熱心的叔叔。可能是麵餐關係,份量比上次單點為少, 米粉份量可以飽肚但不是勁飽那種,還可接受!牛雜仍是來貨貨色,肺的份量最多,大大厚厚的兩件真滿足,牛腸瘦瘦的沒甚油香,牛膀更是薄得可憐,當時我有點懷疑用上豬橫脷代替。實的的魚蛋有點腥味,不太好吃!反而炆冬菇意外地好吃,軟滑的菇身滑滑的很不錯,炆得相當入味,但不太像蠔油味道,不過對口味就是了。在這熱得要死的天氣,喝一口冰凍豆漿真的爽得要命,只是豆味欠奉,甜度可以減低一點就更好! 本不想寫重覆類似的食物,只是叔叔的熱心服務態度,實在令月巴人改變初衷再寫上一筆,另外一些姨姨侍應也是相當有禮,這間小店的服務比食物更能留住客人;看到其他食客在吃鹵水大雞髀,下次應試試其鹵水雞髀、翼、腳......

同事請假但又要到銀行,唯有在這裡買個快飯回公司繼續坐陣。看到那鍋牛雜,想也不想就要了牛雜米($18),再看到有實的的魚蛋($5)又加了一份。打開碗蓋,米粉和餸快要沾到碗邊了!普通的女生應該不能完成此米粉份量,月巴人當然不在此限!米粉質感ok,個人認為可以爽口一些更好吃,現在還有進步空間;湯底是一般的清湯,加上牛雜汁一小勺和一些像沙爹汁的東東後就惹味多了,不過後果當然又是勁飲水。相信店內的牛雜都是來貨,味道也沒有太特別可取,不過還算煮得入味,除了牛腸不夠油香,牛肚太薄太淋外,其餘的牛膀牛肺也可以一吃,曾經吃過己變酸的牛膀,這裡都沒這個問題,牛肺更加大大件沒欺場;實的的魚蛋除非太腥,不然我都一定覺得好吃。負責外賣的姐姐很風趣,這位姐姐聽到我稱呼她為姐姐,她也笑容滿臉的跟我說: 妹妹,想要d乜野食呀?? 這個"妹妹"年紀可能比你還要大呢,姐姐! 呵呵~~~

一直想嘗試大坑車仔腸粉,曾幾何時專程到訪,只可惜緣慳一面!某日去銀行後,發現呢間新開無耐小食店都以"車仔撞腸粉"作招徠,當然唔會錯過。車仔腸粉連飲品套餐($20),腸粉份量似乎最多只有三條,質感尚算軟滑可惜唔夠熱,但醬汁又比到少少驚喜自己,雖然豉油份量偏少,但甜醬味道及花生醬香濃程度,相當合自己口味,呢樣唔錯。三款餸揀左牛雜、咖喱魷魚、豬皮。見到鍋牛雜滾滾下突然想食,由於混雜咖喱汁關係,本身味道唔太清楚,只覺得牛肺偏硬,牛肚又太淋,只有牛膀軟硬情度適中;幾片豬皮煮得未夠淋身,食落仍有爽爽地感覺,個人比較煮得淋少少既豬皮;咖喱魷魚份量最多亦最為惹味,咖喱汁味道有少少辣都有香味,算幾ok;魷魚軟硬度適中,只係間中有一小條軟骨未清,唔算大問題。飲品揀左最穩陣熱奶茶,茶味普通及花奶稍多,水準平平;不過用上包裝白糖,以小店黎講算有心思。呢間小店似乎係家族經營,aunt落單時細心講解,外賣包裝個位弟弟斯文有禮,感覺幾好,可以翻炒。