孖寶車仔麵

營業中

休息中

位於葵涌廣場地下的孖寶車仔麵，推介大家一試。店舖面積不算大，有點大排檔的感覺。店內有車仔麵、腸粉、燒賣、碗仔翅等等不同選擇，最具特色是這家車仔麵店是唯一一家有自家制菜脯，有辣有不辣，如混合在車仔麵中，十分美味。

今日去咗葵芳百老匯睇完戲，就順便去葵涌廣場度行吓食吓野，見到呢間車仔麵店，就俾啲滷水雞髀吸引住，令立立咁好吸引咁我哋行到有啲攰，所以就坐低食下野咁。因為甘啱係下午茶時間，又可以食下午茶，可以抵啲我哋叫咗個三餸麵，仲有燒賣魚蛋，本來想食雞髀但係比較難分開，所以就叫咗滷水雞翼呢個就係我哋叫嘅三餸麵，叫咗五香豬頸肉魚肉春卷同埋花枝丸，份量都幾大碗㗎，豬頸肉好入味，魚肉春卷可以吸收埋啲湯呢個就係滷水雞翼，賣相都好靚，味道夠晒入味，連入面既肉都有滷水味

葵涌廣場是出名的平民美食天堂。什麼創意小吃也有。但今天只想來個最簡單、最傳統的下午茶小吃就可以了。經過這車仔麵店，看到有很多我想吃的東西，就這裏吧。店舖不大，但飯、麵、小吃、甜品俱齊，不簡單。車仔麵點了貢丸、牛腩、菜肉雲吞、米線。牛腩很腍、非常入味，讚。菜肉雲吞饀夠多、豬肉夠熟。米線不腍不硬剛剛好。湯底清甜，做得夠誠意，不會在湯底加一堆杰杰的醬汁做調味便算👍👍。生菜魚肉湯我最愛的經典小吃之一。魚肉夠多夠大份，湯底清甜。番薯糖水今天天氣非常寒冷，正好來個番薯糖水驅寒。番薯夠多，糖水甜得剛好，有薑味但又不太辣👍。店員親切友善，抵吃又好吃！下次再吃過。

黎葵芳次次都係掃街，但今日實在行得太攰，就想搵間食店坐低休息一下。位於葵涌廣場地下嘅「孖寶車仔麵」客人絡繹不絕，價錢又夠親民，絕對係不二之選。三餸麵 （腩汁+麻辣汁+沙爹汁）辣魚蛋、雞中翼、魚皮餃愛重口味嘅我又要加辣汁，又要加沙嗲汁，每款都只係加兩蚊，但滋味提升不少，係非常地道嘅香港口味！另外真心推薦辣魚蛋，係我鍾意嘅口感😍招牌油渣湯麵$30朋友點的，佢話好味👍🏿魚肉碗仔翅 $22碗仔翅非常足料，深啡色的湯頭夠香濃，木耳脆、冬菇彈牙，加麻油和醋就更美味😋豆漿+$2呢餐又平又夠飽肚，難怪咁多人幫襯！

約咗家姐喺葵涌廣場shopping，總算有啲收穫，買咗啲小朋友用品。但最大嘅收穫就係去呿孖寶食咗美味嘅車仔麵。孖寶車仔麵係我哋經常幫襯嘅店舖，其中最主要嘅原因係為咗佢嘅孖寶菜脯。自己都好鍾意食辣野，所以無論食佢嘅碗仔翅定車仔麵都一定加佢嘅勁辣菜脯。今日係下午茶時間，所以叫咗佢嘅三餸麵套餐，＄37仲送埋嘢飲！大大碗，材料豐富，認真抵！家姐叫咗豬大腸、牛雜、豬皮米線，平時啲車仔麵如果叫牛雜同大腸通常要另外加錢，但係佢哋冇加錢，份量都好足！最欣賞佢個豬大腸，炆得夠林夠入味。豬皮好乾淨，冇平時嗰啲一點點一條條嘅豬毛出現。我就叫左咖喱魷魚、豬紅、牛腩手打麵。我最鍾意個咖喱汁，仲有手打麵即係平時食油渣麵嗰種質地！正！最後都要整多一碟勁辣魚蛋先滿足！食飽就繼續上路，繼續shopping 嘅行程！

葵芳美食有不少見到呢間車仔麵人流不俗 朋友推介便坐低叫了碗三餸車仔麵附送了生菜很細心落單時待應會先問客人要不要走葱 態度十分友善 上麵速度亦很快令人感到窩心蟹柳屬於較大條的雞翼聽聞是皇牌當然要一試了果然鹵水鹵得入味 大大隻的雞翼也食得很滿足牛肚惹味非常而且給予的份量亦不少起碼有五，六條加菜甫是必須的 令成個靈魂都亮了伴着米線吃 亦屬享受滑滑的米線 微辣的菜甫 用料實在的配料 造就了一碗便宜又大碗的平民美食這一餐輕鬆滿足100分

很久沒逛葵芳了，今日難得星期日空閒，約了朋友一齊逛葵芳。甫到達，便隨便坐下吃碗車仔麵，坐下點食物時才發現我之前來過。 我們都未吃午餐，所以一人點了一碗車仔麵。 再點了😜小食 🌭芝士腸（$10） 一串有5條，抵食！ 🍜三餸湯麵🍥🍢🍗🍤🍳（$42） 👉🏻雞中翼、鳳爪、辣魚蛋米粉 👉🏻醬爆肉丸、豆卜、齋麵根米線 朋友是個清淡主義者，選了清湯外，配料都以清淡為主，但她也說味道不錯呢！ 配料選擇非常多，雞翼是珍寶size，大大隻😍 鳳爪軟腍入口，好吃！ 辣魚蛋爽囗彈牙！ 湯底有👉🏻清湯、秘製汁、沙嗲汁（+$2）、🌶麻辣汁（+$2） 我選了大辣麻辣汁，對於嗜辣的我來說味道不會很辣，但湯底再加入了腩汁，所以非常濃味，愛重口味的我表示很喜歡！ 枱上還有原味和辣菜甫隨意添加，爽脆美味，撈在車仔麵上非常好吃！ 🥛豆漿 🍹冰檸茶

葵涌廣場是出名是女人的天堂, 包括學生定OL 都好鐘意來呢到。呢到除左女人野買, 仲有好多唔同類型小食。今日葵涌廣場行完街，有啲腳軟又肚餓，又來坐低食返碗我最愛的車仔麵先。孖寶店舖都幾大，所以食物種類很多，唔止有車仔麵, 仲好多款飯同小食，選擇幾多。由於收工時間都幾多人，我同店員呀姐講聲，佢就極速幫我攝左個靚位，仲埋來幫我落單，唔使自己排隊買飛。3餸車仔麵套餐$42包熱飲/豆漿車仔麵我揀左豬紅大腸豬豬頸肉米粉,  腩汁連小辣麻辣汁(加$2) 豬紅口感滑嘟嘟，大腸乾淨軟淋入味, 係我每次食車仔麵都一定會揀的餸。 五香豬頸肉有微微五香味而且又有小許爽彈，不錯吃。麻辣汁略嫌唔夠麻，大約只有辣味。豬紅好味唔夠喉， encore多一份先 。之前爬過開飯文，見到飯友推介滷水雞脾 ($18)。因為平時返工，下午茶時間我最鐘意就是食雞脾+紅豆冰! 但係公司附近己經冇得食滷水雞脾，好懷念， 今晚忍唔住又要試一試。滷水雞脾都幾大隻，皮香肉滑，滷水入味但有少許鹹。原本諗住用筷子叉住隻脾來咬，呀姐即刻話我知牛油紙下原來仲有2隻膠手套，相當貼心，咁(我呢啲)靚靚OL就唔使食得咁麻煩啦。

來到葵芳， 除了在二、三樓掃街， 其實地底那一層，亦有很多很好味的食肆。當我們從門口進入葵廣時， 聞到香噴噴的鹵水雞髀味， 便忍不住與朋友坐下來一嚐。 我們點了一個公仔麵、一份雞髀和雞翼 share 吃。炎炎夏日，當然會不少得凍飲啦。三餸公仔麵配凍好立克 $44我們選了燒賣、醬爆肉丸和芝士雙響丸。燒賣口感不會太粉狀，都有點彈牙的質感。醬爆肉丸的肉質很煙韌彈牙。而它裏面較熱，吃的時候要小心燙口哦!而芝士雙響丸，不是圓形丸類的形狀，它是像望遠鏡的形狀。 外層是玉米的味道。 把它咬開後，兩邊管道裏的芝士醬，會紛紛湧出來。 玉米加芝士，甜中帶點鹹，很惹味。凍好立克不會太甜，若果更重好立克味就更好。凍朱古力 $9朱古力濃味十足，不會像水一樣太稀。而甜度亦是剛剛好， 不會過份甜。滷水雞髀 $18它的雞髀十分大隻，很抵吃! 絕對值得一試! 雞髀肉質鮮嫩， 肉身很厚，很肥美，但同時亦不會太多肥膏。雞皮亦不會太多油脂， 不會讓人覺得難以消化。 味道上，每口雞肉也滲透著濃濃的鹵水汁， 什至吃到骨的附近，也會有 鹵水汁的味道。超入味， 相信這些雞脾是用了好一段時間淆製而成，才會這麼入味呢! 強烈推介!鹵水雞

開業喺葵涌廣場多年嘅孖寶車仔麵，次次經過都文到滷水味大腸味，相信如果係車仔麵迷都會被它吸引住我唸最少都有四個鋪位，其中一個就係廚房，整齊嘅相片無論係車仔麵，油楂麵，多餸飯都好誘人，下面排滿各種配料，雞脾，雞翼，豬紅，蘿卜......另外三間鋪就係比客人坐底堂食，環境都算乾淨，而且有冷氣，咁樣環境食車仔麵總比深水埗舒服今日點左三餸麵餐$42包3個餸有成,52款選擇，必點蘿卜是常識吧咖哩魚蛋同雞賢加埋麻辣醬，好彩小辣咋，如果大辣就咀都腫埋豬紅同水魷魚加秘製漿汁，不過不失加$2有凍飲都算合理

午餐時間又到，想不到吃甚麼，如果有間包羅萬有的 食店便好了車仔麵這發明很偉大，偉大在有很多選擇，就到這間 試試看來很吸引原來有幾個舖位都是這家車仔麵……有時多選擇都幾頭痛，樣樣都好想食，真係好多選擇生菜墨魚條湯幾特別最終都選擇了自選車仔麵凍奶茶茶味夠濃，喝後茶有回甘生菜墨魚條湯，墨魚夠彈牙，加上辣菜甫更野味。下次試問下可否墨魚條溝魚肉，應該會更豐富我點了辣魚蛋、豬腸、蘿白、雞翼，選了麻辣汁。辣魚蛋煮得很有風味，真的在街邊拮魚蛋的感覺。豬腸肥美，鹵很入味。蘿蔔很甜，爽口沒有渣，湯很鮮甜。留意菜甫有辣/不辣兩款，不論吃車仔麵或魚肉湯，加了菜甫又帶到另一層次。這家人流不斷，店內員工處事迅速，我們找位置時，員工熱心為我們走了幾個舖位，希望盡快入坐。下次要再來試試其他食品先。

今日下午去左葵涌廣場行街，依個商場係中學時代留低唔少腳毛既地方，今日重遊舊地，別有一番風味～依個商場有好多小食吃～諗緊食乜好時，突然見到有人喺車仔麵舖食豬紅蘿白豬腸，好似好好味～一於試下～～坐底睇下餐牌，又有車仔麵、又有魚肉湯碗仔翅～花多眼亂，最後order左一碗韮菜豬紅蘿白豬腸$23同一碗生菜墨魚條碗仔翅$23～～碗韮菜蘿白豬腸好得～豬腸洗得好乾淨、冇壓味，蘿白又甜，配埋枱上任食既辣椒菜甫～絕配而碗墨魚條碗仔翅～好少喺街食到～d墨魚條好彈牙，正

叫左個三餸麵套餐，揀咗魚皮餃、咖哩魷魚、牛腩手打麵，價錢上算抵，成個餐$42 包埋一杯豆漿。手打麵個樣有d似烏冬,有啲失望，一咬就斷，一啲咬口都冇又好粉！因為揀咗咖哩魷魚，佢啲咖哩汁變咗成碗都咖哩麵，好好，唔洗加錢轉辣湯。魚皮餃不過不失但得2舊，好似有少少唔抵，但有兩條生菜送又幾好！啲牛腩唔多根同肥膏，啖啖肉同都算淋。豆漿好彩唔重豆味，甜甜咁，重點佢好大杯滿晒咁滯！總括黎講除咗個麵底麻麻之外，其他都算滿意。

放假有時候就係想宅喺屋企唔想出街皆因一放假條街真係好！多！人！話雖如此，肚餓起上嚟都要落一落街買外賣嘅～今日我揀「孖寶車仔麵」呢間車仔麵店都幾旺場，雖然店內有座位提供，但多數坐無虛席！如果要嗌外賣，就要喺「外賣處」拎張order form 填，清楚又快捷，減少落漏單嘅風險！車仔麵餸款式都幾豐富，午餐$42（三餸一麵，額外餸加$8）奉送豆漿和熱飲（凍飲加$2）！心大心細嘅我最後揀左六個餸（花枝丸、龍蝦丸、豬紅、蘿蔔、雞翼、香煎午餐肉），麵就揀左手打麵，再加多左$2麻辣汁！麵店伙計非常細心，幫我將湯、麵分開放，咁就唔會發到脹哂！值得一讚係蘿蔔同花枝丸！前者清甜無渣，後者用料扎實，爽口彈牙！配合秘製麻辣汁，惹味過癮手打麵條外形似上海麵，偏粗，比較飽肚！

毎日都會係呢間舖頭買早餐，雖然呢類舖頭既點心都係買返黎再蒸，唔會自製，但係佢入貨既粉果真係幾好食。其實我對d 幾蚊既粉果都無乜要求，但求粉果皮唔厚，d 料夠多就好滿意呢度就正正附合曬我要求，加埋豉油同埋辣油，正呀！Good Morning  咪就係咁解囉～