影片
更多
2007-05-18
22 瀏覽
一直想嘗試大坑車仔腸粉,曾幾何時專程到訪,只可惜緣慳一面!某日去銀行後,發現呢間新開無耐小食店都以"車仔撞腸粉"作招徠,當然唔會錯過。車仔腸粉連飲品套餐($20),腸粉份量似乎最多只有三條,質感尚算軟滑可惜唔夠熱,但醬汁又比到少少驚喜自己,雖然豉油份量偏少,但甜醬味道及花生醬香濃程度,相當合自己口味,呢樣唔錯。三款餸揀左牛雜、咖喱魷魚、豬皮。見到鍋牛雜滾滾下突然想食,由於混雜咖喱汁關係,本身味道唔太清楚,只覺得牛肺偏硬,牛肚又太淋,只有牛膀軟硬情度適中;幾片豬皮煮得未夠淋身,食落仍有爽爽地感覺,個人比較煮得淋少少既豬皮;咖喱魷魚份量最多亦最為惹味,咖喱汁味道有少少辣都有香味,算幾ok;魷魚軟硬度適中,只係間中有一小條軟骨未清,唔算大問題。飲品揀左最穩陣熱奶茶,茶味普通及花奶稍多,水準平平;不過用上包裝白糖,以小店黎講算有心思。呢間小店似乎係家族經營,aunt落單時細心講解,外賣包裝個位弟弟斯文有禮,感覺幾好,可以翻炒。
車仔腸粉連飲品套餐($20),腸粉份量似乎最多只有三條,質感尚算軟滑可惜唔夠熱,但醬汁又比到少少驚喜自己,雖然豉油份量偏少,但甜醬味道及花生醬香濃程度,相當合自己口味,呢樣唔錯。
三款餸揀左牛雜、咖喱魷魚、豬皮。見到鍋牛雜滾滾下突然想食,由於混雜咖喱汁關係,本身味道唔太清楚,只覺得牛肺偏硬,牛肚又太淋,只有牛膀軟硬情度適中;幾片豬皮煮得未夠淋身,食落仍有爽爽地感覺,個人比較煮得淋少少既豬皮;咖喱魷魚份量最多亦最為惹味,咖喱汁味道有少少辣都有香味,算幾ok;魷魚軟硬度適中,只係間中有一小條軟骨未清,唔算大問題。
飲品揀左最穩陣熱奶茶,茶味普通及花奶稍多,水準平平;不過用上包裝白糖,以小店黎講算有心思。
呢間小店似乎係家族經營,aunt落單時細心講解,外賣包裝個位弟弟斯文有禮,感覺幾好,可以翻炒。
張貼
