孖寶車仔麵

營業中

休息中

葵廣多數掃街，好少坐低食野，今次試下車仔都，成日經過都好多人食～叫左雞中翼、水魷（+4蚊）同豬大腸另外沙嗲汁（+2蚊）辣汁（+2蚊）3送本身連熱飲要$45, 唔算平～選特別汁要加錢，不過加左辣汁真係爭好好好遠！加左好味好多👍🏻成碗唔同哂配料方面雞翼同豬大腸都醃得幾好，水魷好新鮮，不過份量唔算多凍柑桔蜜要加$4, 不過都幾好飲～唔算太甜👍🏻

去親葵廣都係掃街😂但見到都有幾多坐係度食既餐廳麵檔其實都想試下😗有時掃小食又要拎住又要企係度食又要搵垃圾筒都有d唔方便 #懶到出汁🤣由上而下咁填張紙一睇就見到有兩個汁要加2蚊🧐見佢咁有信心收得我兩蚊應該都會係有番咁上下quali先會敢收錢既🤔咁我同朋友都決定一於加哂4蚊試試佢😎我三個餸揀左麻吉燒，牛腩，同埋咖哩魷魚😬而左邊就沙嗲汁右邊就係孖寶辣汁我揀左小辣🤓牛腩唔錯炆得夠淋唔un而且帶少少都係炆到好淋入口會溶既牛筋😉麻吉燒mix個湯底襯托到佢既甜味唔錯喎👏🏻（試過打邊爐食覺得無乜味點醬油都淨係食到醬油味）今次比我食到佢真實既味haha而咖哩魷魚我覺得幾sweet用個兜仔裝住另上唔會比個湯洗走哂d咖哩汁😈個湯底我覺得好回味係會令人掛住既味☺️濃等黎有d層次而且我覺得揀小辣都唔錯唔會太辣 少少辣可以吊到其他食材既味出黎又唔會辣到食得好辛苦😝呢碗就係朋友既 一上枱我就拿拿林相機食先啦🤣影完朋友撈好個湯食左啖落單個姐姐黎問有無加到辣汁我朋友食左啖就話唔覺辣（佢都唔記得左自己話要辣汁）🤣然後我拎番張相出黎睇就見到無然後姐姐好快咁幫朋友加番👍🏻 佢真係好上心先會記得我地都加左辣汁朋友自己都唔記得😹

呢日去咗葵涌廣場，買完野之後當然要食野醫肚🙈自己好鍾意食小食，但因為行到有d攰而且好肚餓，想坐定定喺度係食，所以就冇上三樓，落咗地下食車仔麵。一去到既時候已經見到d雞脾好大隻好厚肉，所以二話不說就決定揀雞脾。本身想叫$45既3餸麵，但見冇雞脾揀，所以叫咗雞脾麵（$36），再加滷水蛋（$6）同花枝條（$10）。個麵係沙嗲湯底，沙嗲甜而不辣，好啱我口味~滷水蛋好入味，裏面d蛋白都浸到變咗啡色花枝條都配有沙嗲醬，正！雞脾冇令我失望，大大隻咬落去啖啖肉，同滷水蛋一樣入味，而且附有膠手套，唔怕食得好狼狽飲品方面揀咗熱朱古力（加$8）

雖然唔係成日返office，但返去必食孖寶車仔麵。朝頭早就食腸粉加燒賣，午餐或下午茶就會食滷水雞翼雲吞手打麵的車仔麵。好鍾意孖寶嘅手工麵，夠咬口。其實最愛係佢嘅辣菜莆，對於我鍾意食辣但又唔受得太辣嘅人嚟講，佢嘅辣對我嚟講剛剛好，唔嗆又夠香，有菜莆本味。唔知點解，我食車仔麵最怕就係裝修得靚靚嘅食店，食嘢係食裝修，視覺都會影響味覺，所以食車仔麵就只要乾淨企理，menu 簡單一眼就明，最怕太多配搭又太多選擇。咪以為多餐多款，事實係簡單複雜化，返工已經用盡腦力，食個晏就畀我抖吓啦！

每次收工如果經過葵芳就會去食🤤因為收得比較晏可以唔使周圍搵餐廳😂每次我都會叫三餸米線，因為我超鍾意食米線嘅關係，其他麵我唔評論😁我最鍾意食豬頸肉，魚皮餃，咖喱魷魚，記得一定要俾錢加$2辣汁，加埋一齊食真係超好食😋味道幾好👍仲要$10有三粒抵食

行過葵廣咁多次，我都經常見到孖寶呢間車仔麵檔，佢嘅裝潢都幾有心思，因為今日要約左朋友係葵涌見面，所以就去試呢間野啦。我地兩個人，每人叫左3餸麵，當中更加四蚊試左過牛雜。牛雜入味，幾彈牙，雞翼尖唔錯，豬大腸洗得幾乾淨，無咩雪味同腥味。當然，最令我難忘及回味既就一定係佢份價值十蚊既辣魚旦，因為佢都係用我好好好好好好好鐘意食既陳皮魚旦(有七個好字，就係最完美，因為耶穌講過七次係最好的，所以我就一定要打七個好字)。試到辣，就一定要加辣，因為食第一粒，你就已經感受到佢個種辣味湧緊上來，同一般你係街食到既一定有分別。 所以呢，呢個係我極級推介的車仔麵檔。

🔅🔅🔅今日係葵廣行街心血來潮想食碗麵經過地下聽到好大聲喊著：好味車仔麵埋黎坐呀就係咁被吸引坐低左😆😆🔸原來呢間店面積好大連著有好幾個店舖光顧的人潮不少座位相對闊落🔹一看自助點單紙接近有四十款送菜湯粉麵飯和腸粉都有三送套餐仲額外送熱飲🔸<四餸湯米粉加腩汁> 平時花枝丸就食得多第一次食花枝條～口感爽口彈牙👍🏻雞中翼鹵得入味魚蛋內有陳皮好香而且又麻又辣好過癮金菇新鮮米粉份量很多特加了腩汁令湯底好清甜🔹<三餸湯油麵加孖寶辣汁> 鹵水雞腎入味又有咬口魚肉春卷味道很普通 呢個牛雜真的不錯不同部位都有齊炆得香濃入味加了特製辣汁～不算太辣好開胃🔸<鹵水雞髀> 雞髀超級大隻吃起來肉質嫩滑完全吸收了鹵水汁 不錯喔🤤🤤🤤🔹<熱檸檬水> 檸檬很新鮮片每杯有三塊毫不吝嗇～🔸<總結>必食餸款推介👅👉🏻牛雜👉🏻花枝條👉🏻鹵水雞腎👉🏻鹵水雞髀👉🏻免費辣菜脯（又香又辣值得一試）🔹🔅🔅🔅

看到此店有如此多讚好，就來一試點了菜肉餃、豬腸、雞翼、手工麵加孖寶辣汁菜肉餃～皮硬，食灣仔碼頭好過豬腸～夠淋，味道可以雞翼～卤水不夠味手工麵～硬實實的孖寶辣汁～夠辣，汁醬略杰湯底～加了辣菜甫夠甜夠惹味價錢～三餸麫加杯凍檸茶，盛惠50蚊總結～可能期望太高，不如想像，同層麵軒更好食，沒有下次

對於成日行葵涌廣場嘅我，行得攰都想搵地方坐下，而唔係掃街。去孖寶車仔麵嘆個麵，都係一個好選擇😝1️⃣大胃王車仔湯麵(個名我起嘅🤣🤣) 三餸湯麵套餐($45，跟熱飲)湯麵：手打麵😝配菜肉雲吞、牛腩、五香豬頸肉加咗沙嗲汁(+$2) 份量勁多，個麵夠2個女仔食，好彈牙可口😃😃我勁中意🥰🥰佢啲牛腩好多，食極都仲有，炆得幾入味😋而豬頸肉好厚身，有四大舊🥳好腍😍😍超美味🥳必點！菜肉雲吞好大舊，唔錯唔錯😋😋食完真係飽到上心口🤣🤣2️⃣另外，我嗌左個三餸撈麵($45，跟熱飲）烏冬(+$3) 配咖喱魷魚、牛柏葉、雞腎對比起手工麵，烏冬就正正常常啦~~魷魚嘅咖喱味重，調味做得好😝而雞腎就有滷水味😌牛柏葉好爽，幾好！😚😚3️⃣仲另外叫咗混醬腸粉($10) 超多長，同埋個侍應好好，我叫佢將啲辣醬擺喺側邊，佢有聽我講🥳甜醬麻醬都好多啊！我最鍾意食腸粉😋4️⃣嘢飲：熱杏霜同埋熱奶茶☕️

I walked around for a bit, not sure what I wanted to eat, and then ended up getting cart noodles at this place which is known for it. But too bad for me, the menu was all in Chinese rip lol. So you get to choose the type of noodles, soup base, a hot drink (cold drinks cost extra), and 3 toppings with your noodles. It took me a while to google translate most of the toppings lol. I got cabbage, pork neck, and roe dumpings (im not exactly sure what theyre called haha) with 粗麵, which are flat, thick

説葵涌廣場是美食天堂，相信是無可厚非，除一丶二丶三樓的美食天地，地下就較多地鋪食店，今日行咗一輪街街，見肚餓就揀咗間就腳車仔麵嚟醫肚～地方不但就腳，座位簡便，但由於鋪面範圍大，所以唔會坐得迫夾，小店都有心思；整咗本秘笈比你覓食，可以在入面搵到不小精選食品落單係自行寫落點餐紙，平時就＄45就有三餸麵套餐，下午茶就更低～都包野飲，但要自行同姐姐講，因為點餐紙無飲品這一項麵鋪不只拱應車仔麵，仲有地道香港嘢食同小食，應有盡有店中有不小香港風情的掛畫，而且仲會喺白板寫是日沽清～我地叫咗個三餸車仔麵分嚟食，雞亦尖、豬腸同豬頸肉，三個款都係鹵水鹵的，帶有微甜，豬腸夠淋，雞亦尖啱啱好，有咬口，豬頸肉夠入味又大大塊～另外再叫咗兩款小食，韭菜豬紅湯，個湯帶有淡淡胡椒粉味道，清香撲鼻，個人覺得呢個做得好好味～叫韭菜豬紅湯，但配埋豬腸同夢白，一碗湯就有四種配料，豬紅夠實身，韭菜好嫩，夢白又夠淋，豬腸不是鹵的，相比下係瘦D，用清湯煮都好好味滷水拼盤，成六樣鹵味集於一碟，份量充足鹵味鹵入得唔錯，鳳爪丶亦尖丶鹵旦、雞亦要滷得剛剛好，但雞腎就鹵得軟硬身。鹵豆腐較實身，但雞亦超大隻，半個碗咁大

今日同家姐去葵涌廣場血拼，行到咁上下覺得肚餓，而衫鋪隔離就有間車仔麵檔，咁方便就入去坐低食下嘢兼休息下～其實佢有一個便利嘅位置，一入大門就見到＂孖寶車仔麵＂，而且佔地不小，有成三四個鋪位，絶對夠位坐，雖然係麵檔，但都滲入不小貼地嘅裝飾，而坐枱就係圓枱膠櫈為主，風味十足孖寶秘笈，其實係餐牌，自行點餐，三餸起就送嘢飲，餸款好多選擇～除車仔麵外，仲有小食揀，而且惠顧滿$20就可以加＄8叫飲品，車仔麵D餸仲可以配撈麵或者腸粉我地一人叫一個車仔麵share嚟食，豬腸、牛柏葉丶水魷同牛什，水魷同牛什要加＄4，牛柏葉同水魷淥得好爽口，豬腸好肥美入味，牛什就係另上的，好足料，又夠份量另外一個就叫咗咖喱魷魚，牛肚同豬腸，加＄2配個孖寶辣汁，大辣～咖哩魷魚另上嫁～牛肚、豬腸都鹵得夠淋夠入味，咖哩魷魚都好爽口，辣汁辣得嚟又甜甜地，易入口店內有兩款菜脯提供，有辣有唔辣，任君選擇

香港特色美食，車仔麵一定係其一喇。呢間「孖寶車仔麵」就喺葵涌廣場地下，紅van站落車後入商場就見到，所以人流都高，亦好旺場。6點前到，仲有下午茶優惠！$39有三餸車仔麵連熱飲，比正常時段（$45）更抵食！除左車仔餸，呢度仲有腸粉、碗仔翅等等嘅小食。我的三餸麵：咖喱魷魚、雞中翼、魚肉條，米粉（腩汁湯底，另加孖寶辣汁$2）食得辣一定要加辣汁，辣辣地更滋味，另食物味道更惹味！見到店面一堆滷水食物，就知要order滷水類車仔餸啦！所以我加點一隻滷水蛋（$6），非常入味！咖喱魷魚都唔錯！下次想食滷水雞比！

每次來葵芳，肚餓都都一定會食孖寶車仔麵。今天是星期六下午三點多，過嚟諗住冇咁多人，點知人都係坐好多。不過我一個人食嘢搵位其實都唔係太難，唔駛等就坐低左啦。今天叫嘅係佢地嘅三餸麵套餐，$45仲有熱飲。我點左菜肉雲吞，紅腸，貢丸，牛腩油麵。面嚟嘅時候熱辣辣，試一下他的湯，很甜不覺得有什麼味精，喝一些唔覺得口渴。餸方面我點嘅菜肉雲吞好新鮮，菜同肉比例都好。好好味。牛腩方面都煮得好入味好淋。另外忘記一提，點了小辣的辣汁，我覺得這個吃辣的朋友，可以試一試，因為他的辣汁做得很好，令整個車仔麵都更出色。忘記了拍奶茶的照片，但整體來說$45一個套餐我覺得十分超值。

葵廣呢個戰場太多麵食小食檔，要在此立足必定要好味道！落小巴一推門左幾間右幾間，就在熱鬧當中揾到二個位同仔食個車仔麵$45 三餸麵包飮品車仔麵選擇好多，個「麵底」連腸粉都可以揀，估佢唔到！各丸類啱我仔，另各肉食就啱曬我！D餸排得靚仔，送幾條菜也不錯！先撈渾在面的孖寶辣汁（小辣），極好味惹味！豬頸肉夠香又淋！豬腸和牛肚都鬆，個咖哩尤魚的咖喱夠濃又辣，我最愛的是店調的咖喱汁和辣汁！必食！仔則選了墨魚丸，貢丸，牛腩豬頸肉烏冬同熱菜蜜！他愛吃牛腩和豬頸肉，就只是好美味！佢話下次可以再食咼！