孖寶車仔麵

營業中

休息中

今日經過kwaifong雖然好凍仍然好想同屋企人食車仔麵。當日同舅父同埋阿怡一齊食,眾樂樂。他們有幾個小食非常好食。😘咖喱魷魚他們的咖喱好特別,適合鍾意食辣嘅人。魷魚好新鮮嫩口, 配上獨特的咖喱簡直好似飛一樣,好食。滷水雞腎這款小食非常難整得好食。他們做得到。首先雞腎要煮好多個鐘,配上特有秘製嘅滷水,再煮多五個鐘。這樣入味程度難以想像。炸魚皮他們的炸魚皮可以見到用紅燈再照，目的令到佢哋更加乾脆。最後效果好似食薯片一樣。一路食嘅時候聽到清脆嘅聲音。腸粉蘿蔔好滑又白又滑，配上他們的豬皮蘿蔔，簡直係perfect match😘

係葵芳食車仔麵既選擇唔多🙁好多間都試食過 😛但食呢間米之蓮既車仔麵真係第一次 😌佢有個套餐 45蚊 3個餸 送1杯熱飲料🤥咁我就叫左 雞中翼 雞腎 豬大腸 熱奶茶 首先先評論個份量先 我覺得份量太少 😔因為平均一個餸價值$8 由上圖而知 得4件雞腎 5舊豬大腸 會唔會少得離譜 其次係成份我食完之後都覺得有D肚餓😅得5成飽肚感覺 再者味道既話我就覺得太重味精個湯係甜既 食完要飲好多水😰 雞中翼就正正常常 唔會太重滷水汁味總括來講呢間餐廳唔知點得返個米芝蓮既朵同深水埗既X記都係差唔多 貴 份量少 😏食物質素就麻麻地 但服務質素都OK既 起碼都nice 上菜快 但下次會有改變✅

葵廣孖寶食豉油雞脾🐤星期六去左葵芳整眼捷毛，整完11點，又未好肚餓，就去左葵涌廣場睇下有咩好食。廣場上果幾層都仲未開鋪，地下果d就開得7788，簡單填下肚啦。見呢間孖寶車仔面既豉油雞脾幾好樣，就買左黎坐低食。d阿姐都ok，$18落完單，等佢碌返落豉油整熱，連埋膠手套送上。都尚算可以，個豉油稍嫌甜左小小，雞脾size中等，肉質吾算鞋口。下次會試下佢個車仔面，見周圍食客都係食車仔面，我諗都值得一試。填到肚，$18隻雞脾，ok👍🏻

每次去葵芳必食！好正好入味嘅車仔麵臨近新年葵涌廣場好多食肆都提早休息，好在孖寶仍然營業，但係就比平時更多人。今次叫左碗三餸車仔麵加杯凍檸茶，揀左辣魚蛋、咖哩魷魚、麵筋、米粉米粉軟硬適中，唔係一夾就斷個種。辣魚蛋好惹味！麵筋最正有三大舊咁多，而且吸曬秘製汁啲味，超好食咖哩魷魚係另上嘅，份量都ok，陣咖哩味好濃厚，同魷魚爽口嘅質感好夾揀左秘製汁，加上咖哩魷魚碗麵本身嘅味道都已經夠豐富！如果想再多點層次，可以自己加埋枱面嘅菜甫碎，有辣有唔辣，任君選擇自己本身中意食辣，所以每次都加好多辣菜甫，其他地方食唔到架

喺葵廣行完街，行到攰攰地去地下食碗車仔麵。雖然樓上有好多小食不過無得坐，真係好鬼攰嘅。坐低就即刻叫碗車仔麵，仲送埋熱飲好抵食。初頭叫秘製汁嗰陣時都喺度諗會唔會係辣㗎呢，不過好在係唔辣嘅，因為我唔太食得辣。個秘製汁仲好香口有啲似沙嗲汁又有啲似咖喱汁。車仔麵叫咗魚片頭、咖喱魷魚、豬頸肉仲有牛雜。配咗米粉，原來有得配腸粉架我後尾見到隔離位食我先知道。唯有下次嚟先再叫啦。車仔麵嘅小食呀最重要就係入味呀，孖寶車仔麵嘅餸完全做到呢一點，正！飲品我就叫咗熱檸蜜，本身以為佢係好似啲普通茶餐廳咁，整杯有少少味嘅熱水敷衍一下。點知好甜喎佢真係落足蜜糖喎，幾有誠意，唔錯唔錯。個餐牌設計啊，店入邊嗰啲設計啊，都幾特別係主打依家香港嘅本土情懷。唔錯唔錯～葵廣有一間好食嘅車仔麵。

比借口買野比自己之行葵廣(好似又差唔多轉季😳）Hahaahha 行到咁上下咪又係食個快麵又再血拼🤣係比佢地既滷水引左我坐低左🤤$45 一個車仔麵包三個餸同熱飲😌就決定係你啦輕晚餐🤣一人一碗我叫左滷水豆腐，雞翼，豬腸，魚皮餃米粉由於想試晒三個汁就加咗沙嗲辣汁同埋秘製醬汁🤣Lee 個湯相對濃d !忍唔住偷偷問咗店員姐姐到底乜嘢係秘製醬汁佢話係一個麵豉醬蒜香汁🤣一上碗醬汁絕對係完全蓋過晒所有餸可以話係包多醬而且米粉係勁足料勁大碗一定夠飽👌🏻😊滷水豆腐😊係肥肥厚厚入面都好入味🤤雞翼都係滷水🥳正 另一碗五香豬頸肉，滷水豆腐，咖哩魷魚，金菇配米線腩汁少辣加沙嗲Lee 個就相對清d既湯底🥳咖哩魷魚係另上，可以enjoy 埋個咖哩汁😽豬頸肉都係大片肥厚系列😍🤝好味大大碗抵食車仔麵🤝😌

行下葵芳突然想食車仔麵，咁就上open rice睇下有咩介紹啦。見到依間都有百多個好評，咁就試下啦⋯⋯兩個人叫左兩個三餸麵包熱飲。一個豬大腸雞翼尖豬頸肉粗面$45一個牛肚咖喱魷魚蟹柳雞翼尖米粉$53再另加墨魚條生菜湯$23點知一食落....豬大腸雞翼尖都無味，明明話間野滷水雞翼尖都好出名下....點解會咁，而且湯底飲左啖就好想飲水啦，味精好似好重手下😓仲有蟹柳既選色係鮮紅色，都知係加工野，不過有低檔次既材料...咁既價錢同質素吳會有下次啦⋯⋯

又一次去葵芳血拼一輪，攰攰哋又有啲餓，就順便再去孖寶醫肚上次無影到，佢個餐牌設計到好似武林秘笈咁，好有趣，食物品種同埋選擇都唔少，去幫襯時不妨揭吓睇清楚先不過呢次因為心急想食嘢，都係叫車仔麵算數，貪佢快靚正而佢又的確好快就上枱今次點咗個5餸車仔麵湯底加咗腩汁，飲落好鮮甜可能今次剔餸多咗，變咗每種食材嘅份量亦少咗，不過勝在可以試多啲口味有餡嘅肉丸爽口彈牙之餘又有啲肉汁，幾好味豬頸肉唔韌，調味都唔錯值得一提，手攪麵幾特別，夾起嚟麵身幾挺，以為食落會硬身，但真係入口咬落又係另一回事，比想像中柔軟，仲索晒湯底嘅味道，都幾好食，有機會去開葵芳嘅朋友可以去試吓~

眾所周知，葵涌廣場是個週末逛街好去處，今個週末我就和寶寶由新界東來到新界西這邊逛街😜 由於我們今天各自都在家吃了早餐才出來，因此午飯時間到了還未餓，於是決定到來葵芳以後再找個下午茶吃☺️下了巴士以後，沿着智芳街走到葵涌廣場，一進去以後則有好幾家賣傳統小食的車仔麵檔。先醫肚後搏殺！我們選了這家叫「孖寶車仔麵」，店舖佈置比其他的店舖加了一點本土特色。我點了個三餸「車仔撈麵」（$39），選了魚肉春卷、雞中翼、花枝條，選三款餸免費配熱飲。而寶寶則懶惰地點了個「孖寶招牌面」（$45），他說太肚餓了不想再想食甚麼了🙈。另外我們再額外點了腸粉（ $10/四條 ）+魚蛋（ $10/八粒 ）+燒賣（ $10/八粒 ），作為小食。先來的是小食—腸粉、魚蛋、燒賣。熱騰騰的爽滑腸粉配上甜醬、豉油、麻醬、芝麻及微辣醬，乃香港傳統街頭小食的始祖，好懷舊的味道，好好味！而且腸粉不會煮得過熟，吃起來還是很有口感👍🏻魚蛋是果皮魚蛋，味道好吃與否順粹是個人喜好，唯配上香濃醬汁，其實也不會不好吃🤣 燒賣也是同樣的道理🤓 其實街頭小食不過分烹調，基本上也不會差成怎麼樣😜招牌面有豬紅、豬皮、雞中翼魚蛋和蘿蔔豬大腸。豬皮好彈牙，很

今日經過葵芳雖然好凍仍然好想同屋企人食車仔麵。於是同嫲嫲去。雞腎富有豐富的滷水味,加上韭菜,簡直是享受。咖喱魷魚他們的咖喱好特別,適合鍾意食辣嘅人。魷魚好新鮮嫩口, 配上獨特的咖喱簡直好似飛一樣,好食。秘製豬軟骨骨應該超過12小時用唔同嘅滷水汁去慢慢烹調。而能夠做到骨肉分離,咬落去可以聽到樂樂聲。炸魚皮他們的炸魚皮可以見到用紅燈再照，目的令到佢哋更加乾脆。最後效果好似食薯片一樣。一路食嘅時候聽到響脆的聲音。

今晚收工同大人去葵芳買D野, 臨近聖誕周圍都好多人,怕等位既我地去左葵涌廣場食車仔麵醫肚, 住係葵青區廿幾年去過葵涌廣場無數次,但都未食過地下呢間車仔麵, 今次可以話係突然想食車仔麵而係葵芳冇選擇下去試下呢間孖寶車仔麵。大人因為唔肚餓, 淨係叫左隻滷水雞脾雞脾既SIZE適中, 味道不會過咸, 肉質算滑!我叫左秘製汁+豬大腸+辣魚蛋+牛腩油麵、熱檸茶豬大腸夠腍入味辣魚蛋既魚蛋似陳皮魚蛋, 正!!牛腩亦都整得唔錯, 味道好!而秘製汁到最後我都係搞唔清其實係咪辣架呢?!檸茶就普通一杯檸茶的味道吧~總括: 車仔麵配料選擇款式多, 有下次!! 

今日去咗葵涌廣場行街見有啲肚餓就去咗樓下搵嘢食，落到去樓下見到有間車仔麵檔門口嘅雞髀雞翼都好吸引，就入咗去試試。好彩原來仲有下午茶時間，當然就叫一個下午茶再加小食同餸啦，價錢都合理而且份量都幾大份，當個晚餐絕對夠食。車仔麵本來三餸再加二個餸，麵身煮得吾錯而且湯底都幾好味道，牛腩口感軟熟而淋身，丸口感幾彈牙，鳳爪入味味道剛好，有豬油渣的確比較少有但最好用湯浸一陣再食仲好味，飲品送的選擇檸檬茶，味道都正常檸檬都夠酸和茶底吾苦。小食要了水魷魚堅好食，口感好仲要醬汁辣度同香都好味。最後醬汁用來送車仔麵添。

黎孖寶會食油渣麵？腸粉？車仔麵？油眦？其實孖寶仲有樣好少人留意kei 食品--腐竹白果糖水對，就是腐竹白果糖水， 很少人留意到。某次機緣下，買左來食，現在成為左我老婆最愛。糖水唔太甜，但好有豆味，好rich. 雞旦就算食唔食都冇所為。冬天凍凍地，食返碗，真係好舒服。大家有機都試試。

2:30pm忙裡偷閒食下午茶諗住求其食，上網見$39下午茶三餸麵包嘢飲，就去試下。叫咗醬爆肉丸，牛栢葉，魚肉春卷，粗麵，秘制汁。第一啖試下麵，麵質有d硬唔夠淋，牛栢葉切得好幼而且得3條，醬爆肉丸有2粒，無醬爆效果，口感同普通貢丸差不多，魚肉春卷有2條，出面塊腐皮好硬好鞋，入面魚肉好實，秘制汁即係咖哩汁，但味道超甜好怪，總之成碗麵都好甜好怪一路諗$39唔好要求咁高，好勉強食完但唔夠飽個人覺得有點失望，要去第二度補飛

葵涌廣場現在真的是一個美食廣場，每一層都有很多食肆，小食，餐廳好幾十間。競爭相當劇烈。今天在這裡找下午茶吃，好久沒吃車仔麵了。就選了地下的孖寶車仔麵。坐下來看看發餐牌，孖寶秘笈，設計很有心思。營業時間由上午6點到凌晨12點，真的大部分時間都可過來醫肚。今天點了幼麵，蘿蔔，豬大腸，黑椒牛丸，雞中翼，辣魚蛋，湯點了小辣的腩汁。麵到了，第一個印象十分好，餸整齊排列賣相一流。麵和湯底很入味，小辣很適合一般愛吃辣嘅朋友，豬大腸很淋很入味，魚蛋很彈牙，蘿蔔也很清甜，甜整體來說很不錯。下午茶三餸一麵才$39，已經有飲品。的確是下午茶的好選擇。