孖寶車仔麵

營業中

休息中

日日都係屋企食飯，黎到星期六更係想出街食吓，經過葵涌廣場，見到2溝碗仔翅，雙眼發光，係童年回憶.... 即係買碗食。再買多碗三餸麵食添.... 先試2溝碗仔翅，熱辣辣，正，再有好多雞絲同我最愛既木耳，雖然不算大碗，但夠足料!!魚肉夠彈牙，讚讚讚!!!  跟以前屋村所買的2溝相比，不相伯仲!!點了碗3餸麵，羅白鮮甜，無根。豬紅爽口，陳皮魚蛋夠彈牙，有陳皮味。湯底夠濃，再加腩汁，好味!價錢方面好超值，真係平靚正的一餐。仲有好多特色麵食都想試，例如招牌油渣麵、滷水雞翼麵等，下次要同埋阿媽黎食!!