孖寶車仔麵

營業中

休息中

相信大家都會覺得香港愈來愈多嘅連鎖店, 而小店嘅生存空間都壓抑得愈來愈小, 連帶某些港式食物都愈難有機會食, 以本人來講車仔麵同碗仔翅真係好耐好耐都冇食過了咁岩今日坐紅van 返到葵芳, 一落站就直入葵涌廣場見到一間車仔麵檔, 平時都係直行直過, 不過見佢長期都有唔少人幫襯, 咁就激發左好奇心就試一次因為太耐冇食過車仔麵嘅關係所以今次就叫左四餸過下癮, 分別叫左齋面根, 豬大腸, 豬頸肉同埋沙嗲牛肉, 油麵底加沙嗲汁, 加多杯凍檸茶添成品放上檯就係咁嘅, 當時就叫左沙嗲牛肉另上, 但見到份量都唔錯, 應該食得飽人比較特別嘅地方係每張檯都會放辣/唔辣菜甫, 雖然今次冇食狗仔粉, 但下落車仔麵度都幾唔錯豬頸肉, 份量唔少, 有5塊左右, 有手掌心咁長, 本身已經滷得入味, 而且唔會得瘦肉, 有d 脂肪位所以都有點油脂甘香, 切得唔薄所以口感爽脆又夠味呢個係齋面根, 咁某d 出名嘅車仔麵檔所提供嘅齋面根係用蜜汁製成所以會韌韌地同埋會另上避免吸左湯而影響味道, 呢度嘅齋面根係本身充滿油炸嘅香口味, 咁岩再加上沙嗲汁, 吸哂汁之後真係好好好食, 份量就大約2粒大嘅切開成4粒呢個係豬大腸, 佢舊舊

今日約左個朋友去葵廣行街買野, 行行下都行到有啲晏, 所以決定係度食埋野. 但係因為行得太耐, 所以都想搵個位坐底慢慢食, 休息下, 仲可以坐底傾下計添.一落到樓下, 就見到有間車仔麵好多人食緊,咁多人即係好食啦, 咁我哋就決定食呢間.雖然話舖頭好多人食緊,但姐姐都好快手幫我哋搵到兩個位, 仲要係二人位, 唔洗同人share坐得舒服啲又自在啲.呢度三餸車仔麵$46加多一個餸就加$8至$10, 仲有熱飲送添, 如果凍飲就加多幾蚊.咁因為都有啲肚餓關係所以都叫多咗少少野食咁我就叫咗個四餸車仔麵-咖喱魷魚(另上), 牛肚, 墨魚春卷, 同牛柏葉加一個墨魚條碗仔翅, 再加多杯凍檸茶小甜叫完之後啲嘢食都好快送到咁車仔麵其中一個最重要就係個湯, 咁我叫咗沙嗲湯, 都見到下面張相, 舖頭俾咗好大Pat沙嗲醬, 所以碗湯都好濃沙嗲味好好食咖喱魷魚佢就好有心用另外個碗裝住等啲咖喱魷魚可以浸住啲咖喱汁, 如果唔係佢將咖喱魷魚放落碗麵入面咁就食唔到咁重咖喱味, 佢哩個另上好貼心魷魚好濃咖喱味, 好食牛肚好入味, 味道唔錯, 唔韌. 同出面舖頭食牛肚面個啲有得比啊, 好食魚肉春卷入面係魚肉, 唔算落得多粉,仲

有冇人同我一樣好鍾意食車仔麵貪佢夠香港特色 又可以自選🙋..呢間孖寶既車仔麵配料 超多款間唔中 都想去撐下場💛..🌀三餸 配手打麵湯底可以揀清湯 秘製汁 腩汁 +$2 辣汁/ 沙爹汁麵底都有11款 仲可以揀配飯同腸粉.今次揀咗手打麵 少少彈牙有咬口豬大腸同蘿白都好入味 蘿白夠清甜要讚一讚 豬頸肉好厚肉 而且夠嫩同入味!.下次黎要試多幾款餸先💓

最緊要冇某米芝蓮車仔麵咁多味精-有時去到葵廣，除左掃街，都想食啲正餐落肚，見到呢間孖寶車仔麵長期逼爆，田中終於忍唔住試，估唔到揀嘅幾款餸都做足基本功，重點係食完冇某米芝蓮車仔麵咁口渴！-🍜三餸麵套餐 ($46)1️⃣先講車仔麵最緊要嘅汁，呢到嘅秘製汁夠哂惹味，但又唔會太鹹，撈埋湯底就岩岩好，而且唔辣，如果想要辣就可以剔埋辣汁。2️⃣而餸菜方面選擇都好多，而且田中揀既幾樣都非常入味，最推薦冬菇、白蘿蔔同豬頸肉。3️⃣冬菇醃得濃郁，白蘿蔔相信用冰糖煮過，而豬頸肉就夠哂軟淋入味，魚蛋就用上田中最愛嘅陳皮魚蛋，呢幾款都夠出色。👍🏻7.5/10-孖寶車仔麵🗺葵芳葵富路7號葵涌廣場地下A15號舖

前幾日同朋友去葵廣買嘢，但又唔想掃街，所以就去左食車仔麵，可以食飽啲，46蚊有三餸一麵，加飲品，係街食嘢講算唔錯，呢間車仔麵檔都真係算多人幫襯，佢有好多間舖都坐滿晒人，不過都好快搵到住比我地。我今次叫左蘿蔔、牛肚、豬頸肉、咖哩魷魚配腩汁河粉，而我朋友就叫左魚肉、齋麵筋、雞翼尖、咖哩魷魚配秘製汁米線，飲品就熱鴛鴦和凍豆漿。飲品上得好快，鴛鴦就咖啡味偏重，茶味唔太出，比例比較似8:2，好視乎個人鍾意咩多啲，如果奶茶多啲叫返奶茶可能適合啲，豆漿係枝裝低糖豆漿，唔會太糖，兼且飲唔晒仲可以拎走，所以唔錯。車仔麵方面，蘿蔔好腍同入味，同埋好甜，牛肚就有出面牛肚河的質素，唔太韌，而且味道好足，五香豬頸肉係最正，舊舊肉的五肉味都好入味，但又無話太重味太鹹，洽到好處，魷魚分開上，好似小食咁，但就偏辣，腩汁都ok，唔會太多，令到人覺得成碗有太鹹的感覺。朋友的個個我地都交換左啲餸，魚肉份量幾多，佢係平時食生菜魚肉的個種魚肉，調味ok，好似加左少少醋係入面咁，齋麵筋就未太索到湯，如果想食入味的食物，可能豆卜會適合一點，雞翼尖的滷水味濃，好入味，而最正係個秘製汁，味有啲似沙茶醬加左尖小咖喱汁，無一般食腩汁、沙嗲

今日約咗朋友喺葵廣食午餐，大家都好肚餓，又想坐低慢慢傾偈唔想掃街，於是選擇近葵廣入口嘅車仔麵食，之後先慢慢行街。呢間餐廳都有好多人幫襯，車仔麵食材選擇繁多，唔錯！3餸麵套餐+4餸 $78- 今次我嗌左總共七個餸，因為今晚要比較晏先食晚餐，所以午餐要食飽啲。我叫咗貢丸、生菜、金菇、魚肉春卷、滷水蛋、菜肉雲吞、芝士腸、米粉加腩汁。食物上菜速度好快，不過米粉變咗做米線，朋友叫嘅滷水豆腐擺咗喺我嗰度，不過唔緊要啦。每個餸我都好鍾意，最推介嘅係滷水蛋，佢滷得好入味，蛋白有少少實，係我鍾意嘅質感，推介！貢丸、魚肉春卷爽口！其他餸都正常發揮，係腩汁比較油膩，如果想食得健康啲嘅話，可以叫清湯。如果淨係叫三個餸嘅話，我會選擇滷水蛋、貢丸同金菇加清湯米粉。順帶一提，原來呢度堂食都係用發泡膠碗同紙杯即棄餐具，希望遲啲餐廳可以用返循環再用嘅餐具啦，為環保出一分力！

香港其中一個令人著迷嘅地方固然就係香港嘅美食與及食物價錢嘅彈性。 六千蚊可以食一餐， 60蚊亦都可以食到一餐非常滿足好味嘅，豐儉由人 。 疫情關係，收入大減價，所以而家出街食飯都會偏向價錢親民一啲嘅小店 。今日就去咗葵芳廣場地下“孖寶車仔麵“食香港地道美食-車仔麵。 兩個人分別嗌咗一碗招牌麵$46， 一碗牛腩麵$36。 另加一份鹵水雞翼尖$12同埋牛雜$20。招牌車仔麵固然大堆頭， 有齊曬雞翼，蘿蔔，豬腸，豬紅等等精選美食，46蚊大大碗性價比十足。 我就食咗牛腩麵，睇圖都見到牛腩覆蓋咗半個碗。入口完全冇牛嘅騷味，而且煮得好林， 好有咬口但肉唔“鞋“，仲有浸浸嘅牛肉香味。 湯底係飲到有味精嘅 ，但係這就是車仔麵嘅神髓囉 。 鹵水雞翼尖冇得輸 。12蚊12隻， 非常抵食 。最適合鍾意“ 算“骨嘅我。 最後一樣牛雜， 如果你去其他旺角嘅街舖，20蚊一杯仔仲要用蘿蔔墊底，數埋先得幾舊牛雜。 但係呢一碟就非常足料，有齊豬腸牛蒡牛肚等等十分滿足 。 順帶一提， 其實除咗車仔麵之外，仲有其他類型嘅食物例如飯同埋腸粉燒賣都有。，選擇都算廣泛 。總括嚟講咁樣食法埋單都係每人60蚊，夫復何求呢。

//#賤精黃店地圖💛間野叫：孖寶車仔麵邊度黎：葵芳葵富路7號葵涌廣場地下A15號舖▪生菜墨魚條湯 $247.5分墨魚條一向係孖寶必嗌嘅車仔麵配料 估唔到同生菜都幾夾喎 如果落多少少生菜就好啦❤️～▪鹵水豆腐 $127分 豆腐都夠入味 滷汁偏甜 同潮州款鹵水豆腐係兩種唔同味道的▪鹵水雞腎 $126分口感一般般 缺乏雞腎嘅爽感 同滷汁亦唔多夾▪五香牛雜 $20/碗6.5分份量好多 浸得幾淋幾入心 可惜五香滷汁唔夠香喔▪豬紅 $108分好清甜入味 必加辣菜脯 簡直一絕。小店姐姐都十分友善好禮貌 仲有蘋果日報任大家攞添 一定要多多支持啦💛

呢排減緊肥就想食返清淡少少經開葵芳見到車仔麵其實車仔麵都可以揀得light d一於去試吓舖頭老實講就唔係太好坐因為佢好開陽好多人經過但係勝在啲姐姐都幾有禮貌我最後揀咗蘿蔔，滷水豆腐同埋大家推介嘅咖喱魷魚🦑麵底係手打麵同埋秘製汁個蘿蔔好淋！但食得出係浸左糖都算好食滷水豆腐份量多夠入味好食㗎滷水魷魚雖然好食但係得幾舊好似少咗啲至於手打面好粗好舊彈牙我又幾鍾意個麵喎至於秘製汁就有少少似沙嗲汁都幾好味但整體來講就未至於有驚為天人嘅感覺不過樣樣都比起出面嘅車仔麵店好食同埋唔會好重味精相比起文X車仔麵超級勁濃味精我都鍾意呢間多啲佢枱面有菜甫提供 有辣有唔辣但佢辣菜甫甜甜地唔係太好食唔推介環境麻麻服務都尚算幾好食物就中上不至於驚豔但係你又會想試吓其他餸咁樣都會有想再返去食嘅感覺但就未至於好好食囉紅磡嗰間蒙X好食好多！或者生菜魚肉會好味啲我見好多人推介不過都尚算係好嘅體驗好啦俾個笑啦下次再嚟試其他

吾知點解我篇食評未批核成功就被刪😆唯有再寫多次🤣第一次既食評就記載一下呢間好味既街坊車仔麵💓我買左墨魚條碗仔翅同滷水拼盤返屋企食，2款都好味道😋墨魚條碗仔翅好足料，墨魚條爽口、碗仔翅配料好多，有木耳、雞絲、粉絲，食晒成碗真係夠飽👍🏻滷水拼盤夠晒豐富，有雞腳、雞中翼、雞翼尖、雞蛋、雞腎、豆腐仲有雞腳呀😍滷水汁味濃，啲材料索晒滷水汁真係好入味🤤送啤酒真係一流😆

今日晚飯， 突然想食車仔麵， 所以嚟到孖寶滿足吓胃口。我同 P san 各自點咗個三餸車仔麵餐， 餐飲加 $3 要咗豆漿， 另外再點咗個腸粉加燒賣。先嚟講吓 P san 碗車仔麵， 首先係傳統辣陳皮魚蛋夠香； 豬紅質地不易散，調味夠，居然食到鮮味； 同埋豬皮不會淋，有咬口，係典型嘅車仔麵餸。另一碗係我點嘅三餸米粉， 入面嘅蘿蔔顏色偏白，但估唔到超甜而且冇渣又入味； 菜肉餃入面多饀，唔會好似其他店啲饀咁攪得太爛， 仲有啲肉味同菜味； 貢丸爽口彈牙， 有𦭐菜同香菇香味； 米粉係粗嗰種， 爽口彈牙， 份量亦唔細， 雖然菜肉餃同貢丸每樣只有兩粒，但 size 唔細。腸粉爽滑， 配埋鼓油、 甜醬、 麻醬同芝麻, 當然好味； 最後係燒賣， 雖然唔係真係用魚肉做， 但真係有少少魚味， 而且唔會成團粉咁， 好味。總結一吓, 孖寶嘅餸俾到我哋一種小時候食到嘅味道， 雖然店面裝修簡單， 就係因為咁， 帶俾我哋有車仔 (嗱喳) 麵嘅風味。

星期六放假約埋好友去葵涌廣場shopping，係地下見到呢間孖寶車仔麵大排長龍，次次行過都想試，一於今晚試試佢!MENU叫“孖寶秘笈”，玩味十足，圖文並荗，列出各項價錢，夠哂清晰。車仔麵選擇甚多，仲有好多小食、飲品、甜品等。豬大腸、咖哩魷魚、魚肉春卷，腩汁手打麵豬大腸咸香有嚼勁，口感軟糯，好油潤；咖哩魷魚香濃中帶一點辣，口感爽滑；魚肉春卷滑嫩彈牙，油而不膩，鮮香十足。手打麵口感偏軟，Q彈美味，既掛湯又有嚼勁。雞翼尖、辣魚蛋、滷水豆腐，秘製汁油麵雞翼尖醃得入味，肉質飽滿，口感軟滑；辣魚蛋爽口彈牙，勁道十足，辣得過癮；滷水豆腐豆香味濃，口感滑嫩細緻。油麵軟中帶Ｑ，配以秘製汁，更為惹味。

唔好覺得個標題名好hea😂真心香港地個個都整車仔麵 但好多間麵好hea唔會想再翻撻 所以依間絕對係above average💛#支持良心餐廳💰下午茶三餸麵 包野飲$39麻吉燒有幾大舊軟糯麻薯 外面就似食緊魚蛋 好欣賞嘅係浸得耐都唔會淋左👻菜肉雲吞調味幾好 雖然入面肥豬肉比例較多 但幾好味 皮係厚身嗰隻 都係唔會浸淋鹵蛋幾入味 粗麵有啲咬口算係幾質素唔錯嘅車仔麵老闆態度又好

黎到葵芳，見到琳琅滿目既小食都唔知食咩好，但一入葵涌廣場就見到好多人坐低食緊車仔麵，都係入去舒舒服服坐低食野好過周圍買野食啦😆雖然睇落裝修唔係好新淨，但都做足抗疫措施，又有隔板隔開餐枱，食得放心～叫左一碗三餸車仔米線(豬大腸、豬紅、回鍋肉)，魚肉碗仔翅，腸粉。車仔麵都係一般車仔麵水準，米線煮得幾好唔會一夾就斷，餸都係正常份量。但係碗仔翅同腸粉有驚喜～碗仔翅足料，啖啖冬菇，魚肉都唔少～腸粉10蚊有4條，性價比黎講呢兩樣都唔錯架～下次可以再去發掘下其他小食😎😎

今日咁岩收工要去葵芳整少少嘢 咁順便食埋晚飯 差唔多糧尾 諗起想食車仔麵 就諗起去食孖寶車仔麵 之前已經好多次想食 但係葵廣太多野食 實在諗唔起咁坐低左之後就有姐姐過黎幫手落單我估平時係寫"點心紙"落單 我去果陣6點 唔算多人本身落左一個麵三個餸 但望到隔離枱叫左滷味幾吸引 就嗌左一隻滷脾同一隻滷蛋無幾耐就到 見到姐姐幾細心咁用個膠蓋遮住 算係幾貼心三個餸分別係豬紅 五香肉丁 醬爆肉丸 主食係米線中規中距 唔會太淋 有湯嘅味道 唔錯豬紅 正常 唔會一夾就散 醬爆肉丸幾好食 個餡幾濃味 唔錯而五香肉丁有啲驚喜 初初估係罐頭嘢 但食落似自家整 個肉丁唔會好梅 辣辣地 唔重味 幾好至於滷脾滷蛋真心出色 好入味 係必點推介(本身糧尾 但叫叫下都食左60蚊 😂)