影片
更多
2020-11-17
107 瀏覽
相信大家都會覺得香港愈來愈多嘅連鎖店, 而小店嘅生存空間都壓抑得愈來愈小, 連帶某些港式食物都愈難有機會食, 以本人來講車仔麵同碗仔翅真係好耐好耐都冇食過了咁岩今日坐紅van 返到葵芳, 一落站就直入葵涌廣場見到一間車仔麵檔, 平時都係直行直過, 不過見佢長期都有唔少人幫襯, 咁就激發左好奇心就試一次因為太耐冇食過車仔麵嘅關係所以今次就叫左四餸過下癮, 分別叫左齋面根, 豬大腸, 豬頸肉同埋沙嗲牛肉, 油麵底加沙嗲汁, 加多杯凍檸茶添成品放上檯就係咁嘅, 當時就叫左沙嗲牛肉另上, 但見到份量都唔錯, 應該食得飽人比較特別嘅地方係每張檯都會放辣/唔辣菜甫, 雖然今次冇食狗仔粉, 但下落車仔麵度都幾唔錯豬頸肉, 份量唔少, 有5塊左右, 有手掌心咁長, 本身已經滷得入味, 而且唔會得瘦肉, 有d 脂肪位所以都有點油脂甘香, 切得唔薄所以口感爽脆又夠味呢個係齋面根, 咁某d 出名嘅車仔麵檔所提供嘅齋面根係用蜜汁製成所以會韌韌地同埋會另上避免吸左湯而影響味道, 呢度嘅齋面根係本身充滿油炸嘅香口味, 咁岩再加上沙嗲汁, 吸哂汁之後真係好好好食, 份量就大約2粒大嘅切開成4粒呢個係豬大腸, 佢舊舊
咁岩今日坐紅van 返到葵芳, 一落站就直入葵涌廣場見到一間車仔麵檔, 平時都係直行直過, 不過見佢長期都有唔少人幫襯, 咁就激發左好奇心就試一次
因為太耐冇食過車仔麵嘅關係所以今次就叫左四餸過下癮, 分別叫左齋面根, 豬大腸, 豬頸肉同埋沙嗲牛肉, 油麵底加沙嗲汁, 加多杯凍檸茶添
成品放上檯就係咁嘅, 當時就叫左沙嗲牛肉另上, 但見到份量都唔錯, 應該食得飽人
比較特別嘅地方係每張檯都會放辣/唔辣菜甫, 雖然今次冇食狗仔粉, 但下落車仔麵度都幾唔錯
豬頸肉, 份量唔少, 有5塊左右, 有手掌心咁長, 本身已經滷得入味, 而且唔會得瘦肉, 有d 脂肪位所以都有點油脂甘香, 切得唔薄所以口感爽脆又夠味
呢個係齋面根, 咁某d 出名嘅車仔麵檔所提供嘅齋面根係用蜜汁製成所以會韌韌地同埋會另上避免吸左湯而影響味道, 呢度嘅齋面根係本身充滿油炸嘅香口味, 咁岩再加上沙嗲汁, 吸哂汁之後真係好好好食, 份量就大約2粒大嘅切開成4粒
呢個係豬大腸, 佢舊舊大腸都切到好似張相咁斜開, 本人係幾中意呢個切法, 因為更加睇到洗得乾唔乾淨咁佢係洗得算乾淨又唔會整走腸裏面嘅脂肪, 因為太乾淨連痴住嘅脂肪都洗走就會無味, 咁佢炆得好淋而且厚身, 幾好咬口, 豬大腸點都係那渣麵嘅必點推介吧
咁岩樓面姐姐另上比我嘅沙嗲牛肉, 佢嘅份量非常之多, 加加埋埋成6-7舊, 肉質唔鬆散, 醃得夠味, 有適當嘅肥瘦位, 加埋沙嗲汁係有心調製, 比起坊間餐廳嘅沙嗲汁多左好多花生同麻醬香味, 所以佢地嘅沙嗲汁係要加2蚊嫁, 不過本人覺得係值得嘅, 因為佢嘅沙嗲汁比茶餐廳嘅沙嗲汁好食唔知幾多倍
油麵比平時果d 幼身少少, 不過咬落去唔特別粉, 而且掛汁效果唔錯, 加埋本身嘅沙嗲汁撈湯底, 食完都好滿意
凍檸茶一杯, 茶底比較新所以澀口少少, 食濃味嘅野有澀澀地嘅去味都幾好
🤣🤣因為食開個胃就加埋個墨魚滑碗仔翅, 平時食開都係用鯪魚滑, 咁呢碗墨魚滑效果就更加好食, 墨魚味幾出, 而且都唔少嫁, 應該有6-7舊, 而碗仔翅配料分量幾足, 又有冬菇, 木耳, 以近年食嘅碗仔翅來講質素都好唔錯, 唔會落太多生粉整到杰撻撻呢度以港式小食店來講, 用心處理嘅食物種類算唔少, 味道夠都有特色, 所以值得一試不過今次唔記得影相, 埋單約75蚊左右, 下次唔咁貪心食咁多
張貼
