影片
更多
2020-11-02
96 瀏覽
前幾日同朋友去葵廣買嘢，但又唔想掃街，所以就去左食車仔麵，可以食飽啲，46蚊有三餸一麵，加飲品，係街食嘢講算唔錯，呢間車仔麵檔都真係算多人幫襯，佢有好多間舖都坐滿晒人，不過都好快搵到住比我地。我今次叫左蘿蔔、牛肚、豬頸肉、咖哩魷魚配腩汁河粉，而我朋友就叫左魚肉、齋麵筋、雞翼尖、咖哩魷魚配秘製汁米線，飲品就熱鴛鴦和凍豆漿。飲品上得好快，鴛鴦就咖啡味偏重，茶味唔太出，比例比較似8:2，好視乎個人鍾意咩多啲，如果奶茶多啲叫返奶茶可能適合啲，豆漿係枝裝低糖豆漿，唔會太糖，兼且飲唔晒仲可以拎走，所以唔錯。車仔麵方面，蘿蔔好腍同入味，同埋好甜，牛肚就有出面牛肚河的質素，唔太韌，而且味道好足，五香豬頸肉係最正，舊舊肉的五肉味都好入味，但又無話太重味太鹹，洽到好處，魷魚分開上，好似小食咁，但就偏辣，腩汁都ok，唔會太多，令到人覺得成碗有太鹹的感覺。朋友的個個我地都交換左啲餸，魚肉份量幾多，佢係平時食生菜魚肉的個種魚肉，調味ok，好似加左少少醋係入面咁，齋麵筋就未太索到湯，如果想食入味的食物，可能豆卜會適合一點，雞翼尖的滷水味濃，好入味，而最正係個秘製汁，味有啲似沙茶醬加左尖小咖喱汁，無一般食腩汁、沙嗲
我今次叫左蘿蔔、牛肚、豬頸肉、咖哩魷魚配腩汁河粉，而我朋友就叫左魚肉、齋麵筋、雞翼尖、咖哩魷魚配秘製汁米線，飲品就熱鴛鴦和凍豆漿。
飲品上得好快，鴛鴦就咖啡味偏重，茶味唔太出，比例比較似8:2，好視乎個人鍾意咩多啲，如果奶茶多啲叫返奶茶可能適合啲，豆漿係枝裝低糖豆漿，唔會太糖，兼且飲唔晒仲可以拎走，所以唔錯。
車仔麵方面，蘿蔔好腍同入味，同埋好甜，牛肚就有出面牛肚河的質素，唔太韌，而且味道好足，五香豬頸肉係最正，舊舊肉的五肉味都好入味，但又無話太重味太鹹，洽到好處，魷魚分開上，好似小食咁，但就偏辣，腩汁都ok，唔會太多，令到人覺得成碗有太鹹的感覺。
朋友的個個我地都交換左啲餸，魚肉份量幾多，佢係平時食生菜魚肉的個種魚肉，調味ok，好似加左少少醋係入面咁，齋麵筋就未太索到湯，如果想食入味的食物，可能豆卜會適合一點，雞翼尖的滷水味濃，好入味，而最正係個秘製汁，味有啲似沙茶醬加左尖小咖喱汁，無一般食腩汁、沙嗲咁寡。
值得一提，菜甫真係好正，有辣同原味，但辣入面有好多籽，真係好辣，特別我呢啲唔食得辣的，就食原味，一樣好食，我都食左唔少。
張貼
