孖寶車仔麵

營業中

休息中

葵廣無人不知的旺地一段，無論、早餐、山掃街、宵夜都幫到手的孖寶車仔麵，是小編早、午、下午茶、晚飯都會去的地方。今晚開夜班前就來個街頭一青大餐!=燒賣$10 腸粉$10=̶推介:⭐️⭐️⭐️⭐️⭐️有燒賣自然要搭多四條腸粉，呢樣真心無論早午晚都岩叫巳經係車仔麵以外必點。=̶滷水雞翼$20=̶推介:⭐️⭐️⭐️⭐️⭐️$20有五大隻極為推介，滷水汁入味，放工餓餓地又口痕的時候，最岩係食呢款。=̶生菜墨魚條湯$24=̶推介:⭐️⭐️⭐️⭐️令自己感覺良好的一款小食，因為有生菜絲幫助消化，加埋任你加嘅惹味菜甫一齊食，係又涼又濕嘅天氣加增一份熱湯暖意。=̶豆漿$10=̶推介:⭐️⭐️⭐️⭐️支裝豆漿食完腸粉燒賣雞翼後，剛剛好解哂渴。整髒體孖實車仔麵百搭多款，小食亦緊貼返港式原味，是掃街以外坐低嘆嘆的好選手。👅美味: 8/10 😮驚喜: 5/10✨環境: 6/10 💆‍♂️服務: 6/10💡性價: 7/10 🐽飽肚: 8/10💫回頭: 7/10 👍推薦:8/10

今晚終於吾駛外賣la ..終於可以夜晚堂食!!!困左咁耐當然要出去搵下好野食架啦，順便去行下街買下衫！行過見好耐無食既車仔麺🍜 見價錢又吸引仲偷睇到人地碗面都幾足料，🤨 就坐低食你啦😁😁 生菜都尚算新鮮🥬魚肉同埋手打麵都好爽口彈牙👍🏻 最後叫埋我最鍾意食嘅腸粉😍 腸粉都幾滑，唔會蒸過龍，食飽仲可以行吓街👫🏻 地點位置都超方便🍜總括唻講唻葵廣行街想搵間快靚正既餐廳，依間車仔面一定係首選！！！

如果喺葵芳講車仔麵，孖寶車仔麵應該都算係比較出名，長期都好多人叫佢哋啲嘢食，除咗車仔麵之外仲有腸粉等等嘅中式小吃。我哋就揀咗車仔麵，當然都係揀返佢哋嗰個秘製嘅湯底，我果碗就加咗兩蚊揀秘製辣醬，口味非常香辣。兩碗啲餸都係share食，當中揀嘅餸包括豬紅，牛腩，滷水蛋，豆卜，需要加錢+$4嘅餸包括牛雜，沙嗲牛肉，豬油渣我哋都叫咗！味道都唔錯，豬紅質感彈滑，牛腩都好入味，滷水蛋就更加入味，豆卜吸左湯底嘅香味，加錢嘅牛雜都好濃郁嘅味道，沙嗲牛肉另上味道適中，豬油渣口感香脆，啱晒我呢啲想食少少油膩野嘅人！面方面幼面鹼水唔重，朋友有鹼水敏感都冇事；我就叫咗米線，質感比較軟身。$46嘅三個餸車仔麵套餐當中仲會包熱飲，如果凍飲就要加$3 ，我哋就揀咗凍檸茶同埋凍豆漿～下次嚟就要試吓其他中式食品啦！都好多人叫！

葵涌廣場有多家麵食店，走進去地下那層，隨意找了一家較多人的，醫一醫肚。拿起餐紙，上面有多款配料之選擇。本身跟麵也有配3款料，另外還附送熱餐飲。另點了一份小食跟朋友開心分享。生菜墨魚條湯 湯底帶有香濃的麻油味，那股麻油頓時提升整體的味道。墨魚條即是墨魚丸子的變奏版，蠻有口感的，而生菜切得細碎，爽口。3餸麵套餐麵底選了手打麵，外形像烏冬，比起烏冬，這款同樣是粗麵條，卻沒有彈性。醬汁揀選了秘製醬汁，味道有點像咖喱汁，不過不帶辣。配料太多，挑選了5款，如麵筋、花枝丸、滷水豆腐、菜肉雲吞、連麻吉燒也有。魚餅入面包裹著芝士年糕，煙煙韌韌，很少見的車仔麵配料。  

好耐都冇食車仔麵！有啲掛住～難得今日放假，就打去樓下買返幾碗車仔麵同屋企人一齊食～招牌車仔麵套餐 $46魚蛋、豬紅、蘿蔔、豬皮、朱大腸、雞翼！套餐有多款車仔餸，絕對滿足到貪心嘅我！魚蛋係陳皮魚蛋，即係細粒嗰隻，呢款魚蛋較大粒嗰款好味，而且唔會浸到脹晒！豬紅滑嘟嘟，味道濃郁。豬大腸較為肥美，滷水汁好香，口感煙韌！蘿蔔數量有不少，入口軟淋冇喳，味道清甜。雞翼大隻，冇雪藏味～麵底我選擇了油麵，份量比想像中！現在車仔麵越黎越貴，這個套餐算抵吃～腸粉套餐 $46腸粉、魚肉春卷、牛柏葉、墨魚丸唔想食麵又想食車仔餸嘅朋友可以考慮呢個腸粉套餐！一份腸粉，再加三款餸～墨魚丸彈牙、牛柏葉爽口。魚肉春卷比想像中好吃，魚味算重而且口感煙韌。車仔3餸麵 $46豬大腸、豬肚、蘿蔔、粗麵 三餸車仔麵雖然冇招牌車仔麵咁多種類，但份量相對地較多～

疫情期間，活動非常有限。冇得出國，出去四圍飲飲食食又驚有危險，行經葵芳廣場就同男朋友諗住買個外賣，返去公司撐枱腳。我哋對葵芳廣場其實認識不深，今次去行街我哋都蕩失路好多次，成個商場對我哋來講就好似迷宮咁。行過呢間車仔麵，見到都幾多人排隊，我又鍾意食車仔麵啲餸，所以我哋就平平哋試一試。先唔逐樣講啲嘢食，成個晚餐雖然簡單，但其實真係幾驚喜。對於我呢一個對食物有一定要求嘅人，我覺得非常滿意，性價比都好高，我會用好味之餘又抵食嚟形容。我哋叫咗個車仔麵，但係因為見到佢有得配腸粉，好奇之下就揀咗腸粉底，配辣魚蛋、牛肚、豬紅、蘿蔔、花枝條、冬菇，因為男朋友鍾意食沙嗲牛肉嘅關係，所以叫埋沙嗲牛肉🤣老老實實其實一開始冇乜期待，諗住普普通通食一個晚餐就算，但佢哋每一樣野都整得好好味，對我哋來講都係充滿驚喜。坊間好多餐廳都煮到啲沙嗲牛肉好老，或者用鬆肉粉整到冇晒肉感，但係佢哋做到恰到好處，有牛味亦都有沙嗲味，搞到我都好想試吓佢哋既沙嗲牛肉麵。辣魚蛋係陳皮魚蛋，陳皮味好香。蘿蔔冇渣夠冧花枝條香得來食得出新鮮。其他其實都好出眾，調味冇遮蓋食材原味，牛肚又夠冧，真係好正。特別一提，佢哋嘅辣菜脯都好好味。揀腸粉底原

呢到葵芳, 一落車最就腳就係孖寶車仔麵. 食呢間車仔麵食咗好多年，有一輪冇呢，今日行過見到人都好多, 但他們的效率, 真的好快. 冇諗太多, 就買兩碗外賣返屋企慢慢嘆!返到屋企, 碗麵返到屋企仲係熱辣辣，試一下小辣湯，好味又唔覺太辣太口渴。餸方面陳皮魚蛋好食，牛腩方面都煮得好入味好淋。紅腸, 魚皮餃都不錯.油麵索晒湯汁, 十分入味. 奶茶水準都好高, 絕對比一般快餐店的好. 另一碗沙嗲湯，湯都好好味, 配幼麵一流。豬頸肉, 貢丸, 魚條都好好. 整個車仔麵套餐都十分出色。 三餸$46一個套餐我覺得十分超值。

晚市禁堂食, 又唔想返屋企煮, 最方便快捷就更係買外賣返屋企食。放工經過葵廣, 有間車仔麵有唔少人排隊幫襯, 吸引左我去買黎試試。除左有車仔麵套餐, 仲有唔少港式小食。我就order左碗車仔麵, 同埋幾款小食返去比屋企人試試。自選3餸麵, 款式選擇多, 揀左咖哩魷魚、豬大腸、豬紅、沙爹牛肉配油麵, 加辣汁免費加蔥+菜莆一打開, 豐富餸菜佈滿面層, 豬大腸雖有d肥層, 不過容易清走, 而且好林;豬紅細細粒, 一口一粒; 魷魚好爽, 有陣陣咖哩香; 沙爹牛肉爽彈, 沾上了沙爹醬, 油麵林身, 微微索了加左辣汁嘅湯底, 惹味。套餐免費送熱飲: 好立克魚肉碗仔翅: 茨汁做得唔錯, 整體容易掛湯唔稀, 都幾多料, 加了醋後, 酸味味, 好開胃!雞腎: 味道有d偏鹹, 每件都大大塊, 質地軟硬都有, 滿足喜歡不同口感牛什: 牛肚好林, 牛骨爽彈, 款款入味。

-{黃店💛葵廣車仔麵😙}嗰日好想坐低食 揾倒間車仔麵滿足倒我依個廢青唔想喺葵廣企😂🤤三餸車仔麵🤤($46)我地嗌左6款餸 麵嗌油麵 麵質啱啱好🤓夾起唔會斷 順序排最推薦嘅餸😛牛柏葉: 好彈牙😍我平時唔太食牛柏葉嘅都幾鐘意 仲要份量好多☺️咖喱魷魚: 汁勁濃郁 魷魚都好爽 會同個麵分開裝嘅 必嗌!!豬紅: 冇臭 夾出黎冇散 幾有咬口🤩 豬大腸: 普通 冇異味但可以唔嗌牛腩: 少少勒 但幾入味 蘿蔔: 冇筋 可以一試😂👖褲評: 7.8/10幾好食嘅！如果葵廣想坐低食係幾好嘅選擇🙆‍♀️但座位有d窄 仲要門啱坐走廊位好多人 同埋會用膠🥄 就唔太環保😢性價比: 8/10服務: 7.3/10環境: 7/10🚩孖寶車仔麵🚩地址: 葵芳葵富路7號葵涌廣場地下A15號舖荃灣大壩街63號地下4號舖#fuudjai #fuudjai黃店 #fuudjai港式 #fuudjai葵芳 #fuudjai荃灣

孖寶車仔麵真的葵涌廣場的地標，經開一定想食佢地的車仔麵/魚旦燒賣個D是日去開葵涌廣場SHOPPING，同HONEY提早在孖寶車仔麵食晚餐~~見到真的樣樣都想食，同HONEY點左豬紅蘿蔔豬皮米線，我就點左豬大腸牛肚雞翼尖油麵，另外點左個碗仔翅同埋生菜魚肉湯另外因為下午茶包熱飲，點左熱檸蜜同埋熱菜蜜熱檸蜜同埋熱菜蜜熱檸蜜同埋熱菜蜜碗仔翅，生菜魚肉湯碗仔翅同埋生菜魚肉湯真的好耐無食，碗仔翅真的好足料，加埋醋食真的一流~~生菜魚肉湯都好多份量，條條都好爽口，豬紅蘿蔔豬皮米線豬紅蘿蔔豬皮米線HONEY話都好足料，豬紅蘿蔔豬皮都做到唔錯，加埋佢地的咖哩汁，真的好惹味，豬大腸牛肚雞翼尖油麵豬大腸牛肚雞翼尖油麵，油麵真的車仔麵的最愛，豬大腸同埋牛肚真系好琳，另外雞翼尖食落滷得淋有口感，真的好夠味，仲要一定加埋佢地的辣蒲菜，真的好正~~

今日去開葵芳廣場行街，想搵啲野食嘅時候就見到呢間好旺場嘅舖頭。佢賣點係三餸車仔麵都係39蚊仲包一杯熱飲，就一於試吓佢！我哋想試多啲野，就叫左一碗腩汁粗麵，揀左咖喱魷魚，魚肉春卷同麻吉燒。另外要左幾樣小食，有一碗牛什，四條腸粉，墨魚條碗仔翅同鹵水雞翼。個麵都好大碗，啲配料都幾實正，大大件，枱面仲有菜莆可以自己落。牛什都好大份，食落爽口，加埋芥末同甜醬好食。腸粉係好有誠意嘅，食落好滑口，啲醬都好正。碗仔翅都大大碗，墨魚條都好好食，有墨魚味。最後雞翼有5隻，都好大隻下，亦都無煮過火，唔錯。埋單一人唔駛60蚊，推薦俾大家！

葵涌廣場一向都多小食，而呢間係葵廣地下既車仔麵係葵廣開左好耐啦！碗仔翅：叫左2碗，一碗就加左墨魚條。碗仔翅勁足料，冬菇好大片，仲有d雞絲。墨魚條就不過不失。滷水：我地單點左幾款，拼埋一盤，好大份哦~滷水好好味，唔會過咸，勁推雞腎同雞腳。燒賣魚蛋：呢2樣甘代表香港既小食，點可以唔叫吖，呢度既魚蛋，係用陳皮魚蛋架，雖然細細粒，但勁彈牙，仲有微微既陳皮香味，而燒賣唔會話好粉，加埋辣汁食，真係諗起都流口水吖。

孖寶車仔麵, 葵涌廣場🍜呢日係特登黎葵涌廣場試係唔同店鋪小食。由於我個人實在太鐘意食燒賣、餃子同車仔麵(個人最愛銅鑼灣榮記車仔麵)，所以決定係葵涌廣場搵左兩間好多人推介既孖寶車仔麵同爽肉餃子專門店。最後食左一輪咸食想食個甜品就買左個綿花糖waffle。坦白講，食物未必係驚天地咁好食，但呢個價錢都真係物超所值，大家黎到葵涌廣場不妨試試。.淨蘿蔔$10燒賣🥟$10腸粉(4條) $10.🌟Rating: 7/10 📍葵芳葵富路7號葵涌廣場(地下A15號舖)

疫情期間,  少左出街成日係屋企做廚神, 但廚神都想放假, 出街晚市無我堂食, 咁唯有外賣罷, 放工時間外賣既人多到等好耐, 今次經過葵涌廣場地下, 好多人放工必經既地方, 成日都見到好多人企係度等外賣, 等我又試一試先店員手腳快, 態度好好, 指示又清晰, 唔會因為多人而好亂同脾氣差先係台面攞外賣紙, 自由配搭揀自己喜歡既野食, 實在太多選擇 , 餐牌都重有好多選擇可以揀, 不止車仔麵, 重有車仔飯, 小食, 滷水....$46- 3餸麵套餐, 送熱餐飲, 真係好抵食油麵配豬紅,豬大腸, 豆卜, 魚肉春卷.....豬紅好入味, 又唔會太實. 豬大腸有滷水味底好入味, 魚春卷唔係周圍有得食, 彈牙香口, 值得一食油麵配芝士腸, 雞中翼,五香豬頸肉, 牛腩.....五香豬頸肉好爽口又夠惹味, 牛腩夠淋, 雞中翼滷水底好好味推介秘製汁 &孖寶辣汁, 好惹味, 第一次未知辣度係點, 所以叫左小辣, 好惹味, 下次可以試中辣, 唔係只有深水埗X記才有好味既辣汁, 葵涌廣場-孖寶車仔麵都有好好味既秘製汁下次會試滷水拼盤,  因為係佢既餸度試到滷水底係好入味, feel到佢既用心

葵芳廣場今日好多嘢食呀嚟到地下 孖寶車仔麵真係好正呀好多地膽都識今日星期日都係人山人海呀 事關因為個湯底好味啲餸又夠熱選擇又多面嘅選擇都有個辣汁都真係不得了仲送埋熱飲㖭佢個熱奶茶都係好高質嘅我就揀咗米粉配咖沙爹汁姐姐服務招呼都好好非常有禮貌啲送分量又多又好味又多高質呀我就食咗我最愛嘅豬紅,豬皮,蘿蔔,豬大腸,牛雜,同埋午餐肉啦 三餸嘅車仔麵我同朋友就揀多幾個餸呀另外加三蚊有個凍檸茶都好好飲覺得做街坊生意收費唔貴嘢食分量多又好味豬群芳嘅街坊真係好幸福呀呢個係比較少有嘅齋麵筋去畀咗好多我份呀好粥好好味