孖寶車仔麵

營業中

休息中

葵廣除左好多小食店可以掃街之外最底層都有間車仔麵係黃店💛💛 如果唔想逐間小店慢慢揾或者想坐低食既話呢間絕對係抵食飽肚之選👍🏻👍🏻 三餸車仔麵連熱飲 $48 (加餸每個另加$9)7.5分🥰🥰蘿蔔+牛腩+香煎午餐肉+魚肉春卷 米粉 (腩汁) 配凍朱古力個湯底望落冇乜色咁，初頭都驚係伏但飲左啖，係足味既！唔錯！😋😋蘿蔔超級甜同冇渣！仲好入味！大推！🤤🤤牛腩偏肥，但份量唔少，都抵食香煎午餐肉正常發揮，唔會係梅梅地林林地個種魚肉春卷味道一般，唔推介呢個，建議大家試其他餸好過🙈🙈 朱古力有驚喜！飲得出落左超多粉，好濃味！🤯🤯唔係平時茶記飲個啲朱古力水 滷水雞脾 $20 🍗🍗8分隻雞脾好大隻肉質都幾滑，而且好入味！😍😍如果可以再淋啲就完美今時今日，大x樂一個雞脾下午茶都四十幾蚊呢隻脾仲要大隻勁多冇得輸！🤩🤩 墨魚條碗仔翅 $25 🍲🍲8分性價比極高大大碗先$25，仲要好足料☺️☺️平時去掃街，買完仲要企係條街食，都唔只呢個價個碗仔翅好好味😍😍反而墨魚條冇乜味個人認為叫淨翅/試下魚肉翅會好啲🙈🙈好可愛既MENU

嚟到葵廣覓食就唔一定要掃街嘅，仲有好多可以坐定定慢慢歎嘅餐廳揀㗎！例如呢間屹立多年不倒嘅車仔麵老店就係其中長期人氣高企嘅選擇喇～😃▶️ 3餸麵套餐 $48 | 送熱餐飲🍜 墨丸×龍蝦丸×牛肚×油麵；清湯+蔥花 | ☕ 阿華田💯 評分：🌕🌕🌕🌕🌑 (4/5)💬 墨丸都算彈牙，味道正常。龍蝦丸大大粒，十分足料！牛肚咬落夠腍，亦冇乜筋，麵質又唔油膩，爽滑掛湯。清湯已經幾濃，超級大碗～😋檔口keep住客似雲來，要食記得預早啲排隊！即使生意多到冇停手，店員依然笑面迎人咁同你吹水。果然係高質嘅良心商家，同路人請多多支持～😉

很久無分享車仔麵的食評。我間中會去麵店，享受吃車仔麵帶來的樂趣🐥可惜，平常吃的湯麵感覺平平無奇，很難有分享的理由和動力🙈不過，今次去的車仔麵店，感覺吸引，燃起我對車仔麵的追求😍👏🏻👏🏻環境🌴葵廣空間不算太大，但餐廳有幾個舖位，能容納不少食客。餐廳牆上掛上舊時香港的相片和口號，有一種特別的親切感，別具本土情懷🏙食物🥟這間車仔麵店其中一樣特別之處，就是除了平時常見的粉麵之外，還可以選擇飯、腸粉代替麵底，適合不想吃麵，但又想品嘗不同配料的客人☺️🍜$48 3餸車仔麵配飲品，是餐廳客人最普遍的選擇，除此之外，亦有特定粉麵提供，迎合不同客人需要🍲1. 孖寶招牌麵：油麵配豬皮、魚蛋、豬紅、白蘿蔔、豬腸、秘製汁，另加$13咖喱魷魚（$48+$13）🔸 豬皮口感爽口，外表晶瑩剔透；最重要的，是豬的毛脫得非常乾淨，因為平時見到部份麵店的豬皮剃剩一兩條豬毛，影響食慾☹️🔸 魚蛋非常彈牙，餐廳選用了陳皮魚蛋，所以有濃香陳皮味😋加上少少辣汁，辣味剛剛好之餘，又不會搶去魚蛋的魚味。不錯不錯👍🏼🔸 豬紅份量多，爽口味美😙🔸 白蘿蔔煮得軟淋，而且味道鮮甜沒有渣😌🔸 豬腸軟為細件，但感覺爽口無異味😛🔸 咖哩魷魚🦑：魷魚是

大家鍾唔鍾意食車仔麵?🍜我鍾意架!因為可以有好多唔同選擇同方便🤎細個時已經好鍾意食呢~呢一日剛好經過葵芳，在葵芳廣場又想食野😆見到孖寶車仔麵決定試下，真係好耐無食過呢!🥰-我點了韮菜，牛栢葉，辣魚蛋 配米線🍜😙醬汁點了腩汁，加上蔥花及小辣 🥬🌶想不到份量都幾多，而且小辣的味道真係好惹味😋唔會太辣! 值得一提的是辣魚蛋🥳，真係果一款小食店之選!所以有少驚喜，而且彈牙呢!🤩飲品方面我點了凍豆漿，還是支裝，抵讚!-老公選了包心蟹籽丸，牛栢葉，魚皮餃配河粉🍜醬汁是腩汁及加上蔥花🥬一向鍾意食牛栢葉的他說這家的牛柏葉不錯，不會太硬及咬不到，也是爽口的!💡飲品方面他則點了茶餐廳必選的凍檸茶🍋-除了麵食，這家仲有港式小食⚡️我們也點了腸粉呢! 好抵食，只需$10😆而且仲係多醬! 好正呀! 小時間最愛呢💘-車仔麵絕對係簡單開心快食之選~🤎這家連同港式小食更加是地道之選💝長大後都少了食，間中都值得回味，大家都可以試下呀!當然在葵涌廣場因為好熱鬧，所以適合作快餐之選🤪未必適合傾偈同慢慢品嘗😜

喺葵廣除咗掃街之外，其實有好多好唔錯嘅食店可以選擇～～地下有間好有名氣、又抵食嘅車仔麵，而且選擇又多，重點係有得坐低慢慢食嘛～～嚟親呢度都好貪心，太多選擇，樣樣都想食，因為價錢太相宜喇～～今晚兩個人揀咗4樣野～～先點咗皇牌滷水湯油麵 + 秒製汁+蔥 $48大大碗好多餸，有滷水蛋、滷水雞翼、滷水雞腎、滷水翼尖、滷水雞腳、滷水豆腐樣樣餸嘅滷水都好夠入味，唔會係死咸嗰種，秘製汁好得，食落有沙爹汁同咖喱汁嘅混合感覺，正👍🏻👍🏻墨魚條碗仔翅 $25墨魚條夠彈牙，多料，唔錯喎～～腸粉 $10 + 燒賣 $10燒賣腸粉真係要多醬先好味😂😂腸粉夠滑，燒賣配埋醬食真係無得輸👍🏻👍🏻👍🏻滷水雞髀 $20剛好有雞髀出爐，忍唔叫咗隻雞髀好夠滑，而且滷得岩岩好，又係無死咸嘅感覺，好好味呀～下次要叫雞髀飯先得～～食咗好多次，佢哋嘅質素都Keep得到，味道好，價錢唔貴～～一定會繼續支持💪🏻💪🏻

去到葵芳食飯 突然發現車仔麵店 簡直就如獲至寶 諗都唔諗即刻食啦入到去望下個menu 好多餸料 仲可以轉腸粉底 o餐本身包左三個送 佢係睇你叫幾多個餸再收費 餸料多到令到你有選擇困難症 仲有得簡湯底同麵底 正我就點了幾款- 蘿蔔 豬大腸 牛腩 雞翼 配腸粉好大兜 剩係食餸都飽 好夠份量，配料件件都大塊另外叫咗一碗牛雜同埋滷水雞髀 非常淋 牛雜份量非常之多好正 吸哂湯汁同精華 而滷水雞髀好入味 食完飽哂仲有好多嘢想試 下次要帶多d 朋友尼食埋其他食物！

星期六放假去開葵涌廣場買衫換季，行到攰攰地搵嘢食，見到地方果層有間車仔麵，幾乾淨企理，人流暢旺，相信應該唔錯。這間車仔檔都好多選擇，除咗有車仔麵仲有生菜魚肉碗仔翅、腸粉燒賣、各類街頭小食。三餸車仔麵$48，額外$9多一款餸，仲跟熱飲，價錢合理。我叫左辣魚蛋、雞中翼、包心蟹籽丸、蟹柳、沙嗲牛肉、咖喱魷魚跟出前一丁，公仔麵煮得剛剛好，沒有過腍，雞中翼最出色，肉質保持嫩滑。包心蟹籽丸流心好療癒😅，湯底揀咗牛腩汁底，可能我又加左辣魚蛋、咖喱又有沙嗲，略嫌有啲油膩，味道還可以，下次可以試吓其他小食。

疫情關係都好耐無o係街邊篤下魚蛋扯雞脾，本身諗住懷念舊日時光，去葵廣高層掃街，但實在是太人來人往，唔好意思除口罩加上年紀大企係度食巧辛苦，最後揀左地下孖寶車仔面，見openrice咁多好評，真係無介紹錯，咁都俾我搵到個好地方坐低慢慢扯雞脾，正。雖然舖頭名叫孖寶車仔面，但除左車仔面原來都有好多好正既小食，碗仔翅雞脾燒賣卥味等等，必食碗仔翅，咁既價錢有得坐低慢慢食好正。點左碗仔翅雞脾加奶茶，一人portion 啱啱好碗仔翅$20好足料，粉絲冬菇木耳肉絲啖啖都有料，抵食好食必食。雞脾$20味道唔錯，有點唔太入味但size搭夠。奶茶$8茶味濃8蚊奶茶無得彈啦舖頭姐姐efficient得黎好有禮貌，仲有好多野想試，見隔離枱豬紅蘿白好吸引，下次蒲葵廣一定會再黎食。

已有一段時間無行葵涌廣場，今日舊地重遊，當然要去探下我最懷念的車仔餸配腸粉。店舖座位好像比以前少一點，但姐姐們依舊親切有耐性，對我呢啲三心兩意的人並沒有半點不耐煩。三餸麵連熱飲$48，下午茶減$5，加餸加$9。份量不算好多，男士可能要叫多一兩個餸。辣醬加$3加得過，加咗真係好好味。每次都會選擇困難症發作，因為車仔餸有超多選擇，就是連粉麵也有超過十項，其中腸粉最特別也最吸引。腸粉是另外一碗上枱、甜醬麻醬豉油芝麻齊全，爽滑好食。好耐冇食，今日大滿足。

葵芳廣場係我shopping嘅好選擇價廉物美吃喝玩樂咩都有 價錢貼地又近地鐵站出口 所以我成日攰過嚟食嘢玩咁樣 孖寶車仔麵幫襯咗好耐 勝在佢多餸 抵食而且好味衛生 今日同朋友嚟到呢就食咗個魚肉碗仔翅啦 非常 多餡料 魚肉都好多 加埋胡椒粉同醋實真係好好味另外我就揀咗個三送套餐送埋熱奶茶 點咗去比較特色嘅 龍蝦丸回鍋肉 醬爆肉丸 同埋花之條 熱辣辣真係好好味 餛飩好大就多餡非常新鮮午餐肉煎到好香 分量都好多 花之條 非常之清新 先填埋個河粉同埋佢嘅孖寶辣汁真係冬天熱辣辣嘅選擇呀 另外嘢飲都好出色爆檸凍檸茶 紅茶抵好靚加埋好多片嘅新鮮檸檬好正熱奶茶都沖到好香濃 所以呢度經常之爆滿要提早過嚟

記得小妹中學時好中意逛葵芳，因為衣服鞋襪價廉物美😍。地下有間車仔麵店也是歷史悠久。🥢滷水拼盤：有鳯爪、雞翼、雞翼尖、雞蛋🥚、火雞腎和豆腐，滷水帶微微香料味，滷得入味又軟淋。$52 試齊7款餸真抵食！🥢車仔麵：點了菜肉雲吞、牛腩、牛雜和金菇，配手打麵。手打麵好滑，份量算多，$48 3餸還有飲品，真是打工仔恩物！味道：🔅🔅🔅新鮮：🔅🔅🔅分量：🔅🔅🔅🔅衛生：🔅🔅🔅服務：🔅🔅🔅🔅（5🔅為滿分）#foodie #foodporn #foodstagram #food #foodphotography #foodlover #foodblog #foodbloggers #eat #eatinhk #kwaifong #hkcuisine #openrice #kyfoodiary #食評 #食在香港 #食在葵芳 #葵芳 #港式 #開飯 #車仔麵 #滷水 #孖寶車仔麵

#foodiezo食在葵芳 #foodiezo新界篇經過好多次都未真正坐低食過😗 今日俾佢嘅鹵水汁香味深深吸引到😍 咁啱有張二人枱，坐低同周邊啲枱都有段距離，安全嘅🤣 仲有辣同唔辣嘅菜甫揀，唔知有冇人同意食車仔麵一定要加菜甫先過癮🤪 我就次次食都會加好多🤣 ——————————————————🍜三餸一麵 $48呢度嘅餸同出面比較會特別啲，叫咗回鍋肉、豬紅同鹵水豆腐，份量每款都有4/5舊😬 對得起個價錢喇🤪 粗麵啱啱好可以掛哂啲湯汁😍 超級正，叫咗秘製汁，其實係咖哩汁啲frd😜 再加埋回鍋肉本身啲汁就搞到成碗嘢勁紅😆 但其實唔太辣ga咋😜 整體嚟講都好夠飽啊😂-🍗鹵水雞髀 $20勁推介大家食🥰 其實佢啲鹵水嘢好受歡迎，因為浸到入哂味呀😍 特別想讚埋佢好細心，會俾埋膠手套方便客人拎住🍗嚟食👍🏻 雞髀肉好腍又香，骹位同啲軟骨都咬得開，爽呀🤟🏻

以前喺荃灣返工，Lunch必會去孖寶車仔麵(荃灣西店)食車仔麵，可惜該店已結業。雖然我一直都知葵芳有分店，但因為不順路，便沒有機會去一試。幸好葵芳新都會商場近日舉辦咗勞蘇展，我去影相打卡之餘，更要去回味一下孖寶車仔麵。我當日去喺食3餸麵套餐，包一杯熱飲。我揀咗米線、豬紅、辣魚蛋，同埋我最鐘意食嘅鹵水雞鳳爪，更唔少得要加蔥同秘製汁喇！米線麵質唔會煮得太淋，口感剛剛好。辣魚蛋是陳皮魚蛋，好有咬口，好有辣味。鹵水鳳爪仍然係我嘅至愛，好有鹵水味，又好淋。有埋秘製汁的配合，成碗麵濃味得嚟好好味，但又唔會好咸！

有時去葵廣行街想坐低食個正餐我一定係去孖寶食個車仔麵咁多年嚟依然都keep到個味道💛車仔麵三餸起，包埋熱飲我必定會加2蚊要個沙嗲汁加咗會將個車仔麵味道升級其實佢樣樣餸都OK唔會伏雞翼size普通啦，不過佢都煮得入味但又唔會煮到啲肉爛曬咁豬大腸就唔係好肥好彈牙個款係比較瘦啲個隻嚟不過放心係冇怪味嘅~呀！我最like佢一樣嘢係就算你冇叫菜，佢每碗都會加條菜俾你架！我覺得呢點真係好好值得一讚👍我覺得湯底係最出色個樣味道好濃好正呢度缺點就係環境差少少空間比較逼夾，啲枱比較細張不過葵廣就係要逼下啦！

是日來到葵涌廣場地下後門入口的【孖寶車仔麵】下午茶，小店的選擇豐富，除了傳統車仔麵配料，還有大量滷水食材、牛雜、油渣麵、腸粉及魚肉生菜等經典港式小食。3餸車仔麵 下午茶附飲品 ($42)除了各式粉麵烏冬，還可選擇腸粉和飯，非常有彈性。點了腸粉、金菇、韮菜及冬菇，另加$2配以孖寶辣汁。腸粉和配料分開奉上，份量不算大，以女士胃口來說剛好。腸粉煙韌軟滑，加上大量甜醬、麻醬和白芝麻，經典美味。金菇軟嫰，韮菜新鮮翠綠無渣，冬菇雖不算大顆，但也炆得軟滑入味。孖寶辣汁辛中帶香，吃下醒胃而不會令味覺麻木。滷水雞髀 ($20)雞髀大大隻非常超值，滷水汁香濃不會過鹹。雞肉滷得入味之餘仍能保持嫰滑口感。