孖寶車仔麵

營業中

休息中

孖寶車仔麵————————————————————— 1. 魚肉春卷、香煎午餐肉、冬菇、生菜 配河粉(加腩汁)河粉好滑好好食，我叫完之後仲聽到姐姐話河粉賣完，睇嚟都幾多人叫，魚肉春卷有啲腐皮包住，幾好味，午餐肉勁厚切，冬菇似係啲細粒嘅花菇仔，加咗腩汁成碗嘢再好食啲。2. 牛肚、牛腩、豬大腸、韭菜 配粗麵(加秘制汁)牛肚夠淋，牛腩好入味，豬腸冇膻味，餸嘅份量都唔少同埋佢個粗麵唔會好重鹼水味。💸$48 三餸包熱飲，額外加餸就$9一個，勁大碗，好飽。總結，車仔麵嚟講，水準好平均，冇伏嘢。————————————————————— 孖寶車仔麵📍葵芳葵富路7號葵涌廣場地下A15號舖

嚟到葵廣真係有好多野食選擇，唔掃街嘅話餐廳都有一大堆可以揀。最後嚟咗良心小店孖寶車仔麵💛一坐低梗係即刻填紙仔啦，佢都幫我哋計好咗如果俾人罰$5000倒不如食100碗車仔麵我就叫咗湯米粉，朋友叫咗撈油麵。我哋都有加秘製辣汁其實每次食車仔麵都好想叫好多餸，魚旦豬皮豬紅冬菇諗起麵好想食最後因為我想食多啲菜就叫咗滷水豆腐，蘿蔔，生菜。一開始我以為滷水豆腐會係好似滷水鵝下面個啲咁，點知佢比個啲更加好食。首先佢係熱，其次佢啲豆腐係硬豆腐入邊有好多氣孔，索哂啲滷水汁同湯汁，一咬落去佢哋即刻好似係個口入邊開party咁一路食一路忍唔住大讚。蘿蔔仲誇張，又甜又多汁，煮得又夠淋有時候出去食車仔麵叫三餸每樣都得一兩舊，但呢到就唔係，雖然$50食碗車仔麵都唔算平，但味道同份量搭夠返，食完都覺得呢50幾蚊好抵比同埋佢個秘製辣汁真係好抵加，簡直令到碗麵昇華咗去第個level

多年前好鐘意去呢個商場地下食車仔麵、腸粉、燒賣. 而家呢間個鋪位唔同咗、又細咗，唔知仲係咪同一個老闆。50蚊左右一碗車仔麵加一杯嘢飲（偏細杯）。坐得極迫。我叫咗牛雜豬紅蘿蔔。大部分味道同質感都正常地可口。如果下次再去呢個商場，可能會試下其他。但今次因為好耐冇食車仔麵都冇後悔去到。

每次去襯葵廣都係掃街，今次就搵左間餐廳食車仔麵，次次行過都見到好幾個店員係到整野食，望落又幾乾淨，所以就有衝動試下佢。三餸麵套餐 （包熱餐飲）$48餸都算好多選擇，而且好少會見到有麻吉燒（所以即刻叫左🥰）我叫既三個餸分別係雞翼、包心蟹籽丸、麻吉燒，揀左秘製汁同埋要菜甫。每一個餸都各有兩件，而且每件都好大舊，個包心蟹籽丸入面個餡好重芝士味，麻吉燒雖然食完好飽肚😂，但都好想再食多幾舊，雞翼就正常，冇雪櫃味秘製汁有少少似咖哩，但唔辣既，都幾好食，下次會再叫👍🏻

每次黎葵廣都好中意食車仔面。星期一lunch hours Walk in有位，等都唔洗等好好。鋪面唔算大，好有中學同同學仔食午餐嘅回憶，價錢都係 同其他葵廣鋪頭一樣，侍應好鬼快手落單送菜。叫左個手打面配魚旦+豬油渣+腩肉，外加左杯凍奶茶:1.手打面好夠味，D料多到不得了，魚旦都有8粒，成碗滿哂。2.奶茶正常發揮，飲完冇肚痾同其他葵廣車仔面一樣，水準都好多，會再黎!!

今日去葵芳新都會行街，好自然諗住喺嗰邊食埋野，基本上想平靚正又飽肚就會諗起孖寶車仔麵我同朋友一人叫左一個三餸麵套餐$48 叫左杯凍奶茶 (+$3)油麵幾爽口份量都多，仲有辣菜甫自己決定落幾多，五香豬頸肉依然覺得係必食，肥瘦適中肉質軟嫩淡淡肉沙嗲牛肉(另+ $4)今次既內質比起上次好似爭少少，但醬汁依然好濃郁入味朋友上次食左魚肉春卷，所以我今次都叫黎試下，原來同車仔麵都幾夾，外層好似腐皮咁，入面有魚肉既口感仲要充滿湯汁咁後來仲叫左一串牛雜過下口癮，不過唔記得相機食先哈哈，分量算多，同埋牛雜既豬大腸比起車仔麵叫餸既豬大腸更爽口入味

孖寶車仔麵 (葵芳).平日去葵廣食小食多，但每次落地下都見到呢間爆多人嘅車仔麵，今日想搵個地方坐下就試佢.▪️四餸車仔麵▪️.叫左韭菜，牛肚，牛柏葉，雞腎，配米粉，另加沙嗲汁$3，醬汁濃郁偏稠，唔算太辣餸菜都好入味，特別係雞腎超爽口.▪️腸粉▪️$10.因為我都唔算係勁餓，所以叫左兩個小食，腸粉都幾好食，雖然唔算係超滑但都ok.▪️生菜魚肉▪️.我睇人地有墨魚滑食，但今日但魚肉(´；ω；｀)不過都幾好食，少彈牙，唔會太過嘅麻油香！.📌 孖寶車仔麵 (葵芳)葵芳葵富路7號葵涌廣場地下A15號舖環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️

今日偶然間發現呢間小店，就決定一試，竟然真的一試難忘。我地點了兩碗，一碗係腩汁牛腩豬腸牛肚河粉，個腩汁湯底好甜，河粉索哂湯汁嘅甜味，牛肚好軟，豬腸好香，洗得好乾淨，唔會有💩味，真係愈食愈香吖！另一碗秘製醬汁蘿蔔牛腩牛肚米線都好香，係我食過最好味嘅車仔麵湯底，蘿蔔好鮮甜，軟身入味。不過因為佢地實在太濃味啦，食完大家記得飲多幾杯水，咁就唔驚口乾啦總括來說，雖然大家去到葵廣通常都係掃街食小食，但呢個車仔麵的確值得一試！下次大家不妨留肚去食個車仔麵啦

去葵廣 梗係要去掃街啦😋不過因為疫情 😷 怕喺商場內除口罩食嘢會比人話 所以就乖乖哋坐低食呢間好多人食嘅 #車仔麵 🥢有個貌似老闆的叔叔好好人 👨🏻 幫我哋搵位又介紹餐牌 📕枱上仲有菜甫免費供應 不過我淨係食車仔麵所以無試到🍜三餸麵必有蘿蔔 佢嘅蘿蔔係高水準嘅 夠淋夠甜無渣 深得我心😍豬紅亦入味 再加埋豬腸同小辣嘅秘製辣汁 完滿 💯💰三餸麵加辣汁配凍檸茶 $51👉🏻孖寶車仔麵 葵芳葵富路7號葵涌廣場地下A15號舖.__________#葵廣美食 #車仔麵關注組 #哪渣麵 #豬紅蘿蔔 #油麵 #cartnoodles #toppings #fishball #curdledpigsblood #radish #turnip #yellownoodle #車仔麺 #屋台麺 #碗のスーブ #魚ボールと豚皮 #香港の庶民の味 #猪紅 #蘿蔔 __________

葵涌廣場長期嗰間車仔麵大排長龍 今日下晝三點嚟到呢間餐廳都依然係大排長龍 叫咗個腸粉底 有牛腩雞翼生菜 仲有另叫左燒賣個腸粉好滑 加左麻醬 甜醬同埋豉油真係超級好食 喺香港嘅特色街頭小食風味 另外牛腩雞翼加咗沙嗲汁 本身d 餸忟得好淋好入味 就咁食都好惹味 另外燒賣加左辣椒油真係冇得輸 唔係凍咖啡呢個組合真係最佳下午茶 其實佢仲有好多嘢食嘅選擇 但係一個人食唔晒咁多 下次要再試埋其他 終於知道點解佢大排長龍 價錢經濟貼地 真係會食極都唔厭

如果有成日係葵廣覓食 咁一定聽過孖寶呢個大名😜因為佢嘅車仔麵、魚肉翅、各式小食都好鬼好食佢有幾個舖位 位置唔算寬敞 係坐得比較有風味每個侍應都超好人又細心 見到啲湯索晒 會比多碗清湯你呢啲就係比錢都買唔到嘅「人情味」🥲 好感動!!🔖 三餸麵套餐呢個價錢 三個餸 份量又多 仲包埋熱飲 其實都真係幾抵 有時諗唔到食乜 叫個車仔麵 可以呢樣叫啲 嗰樣叫啲咁就唔洗煩 唔洗左諗右諗揀邊間餐廳喇♡︎小編推介～豬紅、蘿蔔、咖喱魷魚☺️豬紅唔腥唔易散 蘿蔔軟腍入味 咖喱魷魚爽口記得! 一定要加佢嘅秘製孖寶辣汁 超好食(* ⁰̷̴͈꒨⁰̷̴͈)!

放工一個人一於去行吓街，行吓好耐冇行過嘅葵芳廣場，行咗一陣有啲肚餓見到「孖寶車仔麵」，車仔麵癮即時發作二話不說就已經坐低，車仔麵真係由細食到大百食不厭，真香港味道。這裏不單止做車仔麵還有很多香港的地道小食，滷水雞髀、豬腸粉、碗仔翅樣樣有，而且你會發覺有很多街坊都前來幫襯堂食外賣樣樣有。車仔麵配可樂四餸車仔麵豬大腸、五香豬頸肉、牛腩、魚皮餃油麵，豬大腸咁肥肉厚洗得乾淨食得放心完全沒有異味，五香豬頸肉入口五香味濃郁爽口，牛腩炆得非常入味鬆化冇渣，魚皮餃香滑彈牙，加上大量菜甫配上油麵最好食的車仔麵就已經呈現眼前。滷水雞髀食完車仔麵未，一於整多隻滷水雞髀，滷水雞髀size都幾大隻而且滷水味濃郁略帶香甜，肉質嫩滑多汁最正就係嗰塊雞皮，有機會一定要再過來食多幾次。

葵芳一向多小食美食今日來食一間成日夜晚都人流不絕的車仔麵店！大約夜晚7點30來到店舖，已有小量人排緊隊，但店舖的位置都算多，約等左5分鐘就有得入！生菜墨魚同傳統的生菜魚肉唔停，唔會有好多粉係入面，墨魚肉的味道新鮮，算係在外面比較小見的菜式 另一係外面好小見的配菜係麻吉燒(魚漿包麻薯), 入面口感QQ的，味道好食，值得推介！而蘿蔔甜甜的又入味，菜肉雲吞鮮味。秘製汁都幾特別，但個人都係鍾意腩汁多點。呢個三餸麵牛腩湯底味道好食，配搭的豬頸肉同牛肉味道都好入味，肉質新鮮，份量多，值得一試食肉獸之選！

每逢去葵廣，我知道你一定係諗掃街🙈🌝不過其實地下個層都有人氣良心車仔麵檔架～我哋6點左右到店，入面已經坐滿咗好多人🙉所以一定要盡早霸定位如果唔係會等好耐🐒話明車仔麵係招牌菜又點可以唔試呢🤪（三餸車仔麵$46，另加餸每樣+$8，跟熱飲）🌟麻吉燒+牛腩+醬爆肉丸+回鍋肉（轉烏冬+3)配秘制汁秘製汁真係必叫！ 😍好特別，雖然賣相一般但沙嗲味好突出，好惹味！麻吉燒係魚漿製成嘅丸類，特別之處就係中間係年糕餡，口感黏糯，仲可以拉絲💛非常入味魷魚🦑爽彈超入味，一食就食唔到口～醬爆肉丸多汁彈牙，鮮味十足牛腩醃得好入味～軟硬適中！回鍋肉：個人覺得一般評分：6.5/10💖另一碗嗌左牛腩+鹵水蛋+五香豬頸肉配腩汁油麵腩汁相對秘製汁會更加清啲,更能食出食材原味，各有特點😋牛腩：同上鹵水蛋：鹵得好入味，表面亦冇凹凸不平嘅問題五香豬頸肉：個人覺得比牛腩仲正！😍肥瘦均勻，好滋味評分：6/10金牌碗仔翅（$ 20）味道偏濃，好惹味～而且啖啖足料，入面有粉絲，雞肉絲，冬菇等等😋評分：6.5/10腐竹白果雞蛋糖水（$20）：可能唔擅長糖水，所以呢款麻麻，料唔多比較稀評分：4.5/10整體來講十分值得一試！特別係佢哋個車仔

🍜🍜行慣葵廣🏢嘅人都知道商場地下，有間出名✨又抵食🤩嘅車仔麵，未行到已經比佢嘅車仔麵味同蘿蔔香勾引😈左過去。。。🚗🚗🚗🚗🚗🚗🚗🚗🚗🚗🚗🚗🚗🚗⛩三餸車仔麵 加凍O茶 HKD$51—————————————————孖寶嘅車仔麵🍜出名夠惹味🔥又夠飽肚！今日小編就點左雞翼、蘿蔔同辣魚蛋🍢米粉 。食車仔麵🍜唔係唔叫鹵水雞翼🐥呀？佢哋嘅雞翼同蘿蔔🥕都超級入味😋！蘿蔔炆得超焾！一鹹一甜、一剛一柔，剛剛好👍🏻👍🏻。小編私心📣推佢哋嘅陳皮魚蛋😆！有陳皮香之外仲好有𡁻口👍🏻👍🏻！孖寶基本上有3️⃣隻醬汁比你揀：💛咖喱汁、🧡牛腩汁同❤️秘製醬汁。小編3️⃣隻都試過，唯獨辣辣地嘅祕製醬汁最討小編歡心❤️，係小編嘅不二之選！⛩墨魚條碗仔翅 (加生菜加多$3) HKD$28——————————————————————墨魚條🦑唔係度度都有得食🤩！呢度就整得好鬼死彈牙😋，加埋生菜🥬，就完全將成碗碗仔翅level up🔝！⛩韭菜大腸豬紅蘿蔔湯 HKD$26—————————————————-個湯底係用胡椒粒😙去煲，未飲已經聞到濃濃嘅胡椒味☺️，加埋炆焾曬嘅蘿蔔！咬到入口你就會忽然明白咩叫水乳交融😜、混為一體😙，有d境界，食左，你就