影片
更多
2023-01-15
80 瀏覽
今日過嚟葵涌廣場行街， 是但喺廣場地面 搵咗檔車仔麵醫肚。舖頭叫孖寶車仔麵， 座位採取開放式嘅設計， 喺商場嘅空位擺放咗一大堆嘅枱枱櫈櫈。 除咗車仔麵，仲有車仔飯， 小食同糖水賣， 選擇種類都幾多。舖頭要自己搵搵位， 好貼地 。我哋兩個人要咗一碗四餸車仔麵，一個蘿蔔牛雜飯，一碗魚肉碗仔翅，一杯凍奶茶同一杯柚子梳打。四餸車仔麵揀咗醬爆肉丸，辣魚蛋，咖哩魷魚同麻吉燒， 麵方面揀咗手打麵。 咖哩魷魚好好食， 咖哩味層次豐富，夠曬杰身， 魷魚爽口一咬就咬得開，大推。 辣魚蛋有六粒， 食落都彈牙冇雪味。 麻吉燒就比較普通，就係一般我哋打邊爐都會食到嘅麻吉燒味道 。 醬爆肉丸有兩粒 ，可能因為食咗咖哩魷魚嘅關係 ，肉丸餡食落偏淡， 咬開肉丸瞬間有少少油汁溢出嚟。不得不提嘅就係佢哋嘅手打麵， 望落似烏冬， 食落就畀烏冬硬身，有咬口，亦都冇烏冬嘅酸味， 非常好食。 配上店舖提供嘅辣泡菜， 成碗車仔麵即刻惹味咗好多 ，令人忍唔住想再食多碗。牛雜飯有牛腸牛肝牛肚同蘿蔔， 牛腸冇騷味帶少許肥膏， 蘿蔔質感夠淋，可惜味道淡咗少少。魚肉碗仔翅大概有14，5條魚肉, 魚肉食落味道唔算出眾，勝在有咬口。 碗仔翅即使
舖頭叫孖寶車仔麵， 座位採取開放式嘅設計， 喺商場嘅空位擺放咗一大堆嘅枱枱櫈櫈。 除咗車仔麵，仲有車仔飯， 小食同糖水賣， 選擇種類都幾多。
舖頭要自己搵搵位， 好貼地 。我哋兩個人要咗一碗四餸車仔麵，一個蘿蔔牛雜飯，一碗魚肉碗仔翅，一杯凍奶茶同一杯柚子梳打。
四餸車仔麵揀咗醬爆肉丸，辣魚蛋，咖哩魷魚同麻吉燒， 麵方面揀咗手打麵。 咖哩魷魚好好食， 咖哩味層次豐富，夠曬杰身， 魷魚爽口一咬就咬得開，大推。 辣魚蛋有六粒， 食落都彈牙冇雪味。 麻吉燒就比較普通，就係一般我哋打邊爐都會食到嘅麻吉燒味道 。 醬爆肉丸有兩粒 ，可能因為食咗咖哩魷魚嘅關係 ，肉丸餡食落偏淡， 咬開肉丸瞬間有少少油汁溢出嚟。
不得不提嘅就係佢哋嘅手打麵， 望落似烏冬， 食落就畀烏冬硬身，有咬口，亦都冇烏冬嘅酸味， 非常好食。 配上店舖提供嘅辣泡菜， 成碗車仔麵即刻惹味咗好多 ，令人忍唔住想再食多碗。
牛雜飯有牛腸牛肝牛肚同蘿蔔， 牛腸冇騷味帶少許肥膏， 蘿蔔質感夠淋，可惜味道淡咗少少。
魚肉碗仔翅大概有14，5條魚肉, 魚肉食落味道唔算出眾，勝在有咬口。 碗仔翅即使唔落胡椒粉味道都好足，餡料非常豐富。
整體而言，性價比非常之高， 下次過嚟葵廣值得一試。
張貼
