妹記大排檔

營業中

休息中

妹記大排檔聽就聽得多，但係太多人成日都唔想等今次早左黎食，諗住避開繁忙時間都等左20分鐘 因為同成班朋友食，冇每個餸都影相成餐飯都有驚喜，覺得值得既推介 最好食係豬手，平時都唔會特別鍾意食但呢個我全晚食唔停，炸到好香口忍唔住叫埋啤酒送好好好好好正啤酒係用雪凍左既雞公碗飲，第一次試幾特別!今次都係食炸野多但係我覺得啲炸野香口又唔會太油膩  不過叫左金銀蛋浸茶 (唔exactly 記得個名 )咸左少少少少，不過係可以接受既! 同埋好難搵到人幫我哋落order 因為啲侍應都太忙啦!如果10分滿分，我覺得絕對值 : 9分 

一班人諗唔到食咩，又想食平啲就即刻諗到妹記！好彩旺角開左，方便左大家！唔洗去到尖沙咀先有不過，都依然係咁逼..黎得妹記，就一定要食炸豬手炸豬手外脆內軟而且好香口，味道岩岩好，唔鹹豬皮炸到好脆，唔油，雖然皮下痴住脂肪但食落口感好好，完全唔似食緊肥肉！

又到聚餐的時候，如果有老人家通想要食中菜。當中有九十後比較鍾意食熱氣，為滿足他們慾望，我選擇大排擋。當中妹記有冷氣及舒服舖頭。第一碟到中式炸🐷手～配上泰式辣醬，好似德國咸豬手隻皮脆薄博，有小小膠質掛上豬肉好好色。如果覺得要點醬食，配上泰式辣醬不二之選。有🐷手點可以無戰爭碗～飲勝呀！黃金🦐～我想信一定不係用海蝦，但質地不差，個黃金醬剛剛掛到隻蝦，令人指甲留香。黑椒牛肉炒薯粒～個份量太細，將近二百元。我見隔離班食客叫這個餸都無甘少，証明廚房伙計擺碟不係好平均。炸蠔餅～這個餸真的下次不好叫，好厚粉同蠔仔份量好少，結果我們有一半浪費無食。😩最後叫了個咸魚炒通菜，辣辣地好好食。一行五人，每人都係百多元一個，非常抵食

『大排檔』三個字一直比人印象都係野食有鑊氣, 夠地道, 冇冷氣同埋環境唔太乾淨,  而妹記大排檔比我感覺就係一間大排檔主題既餐廳。野食方面, 今次點左多款香口野...炸豬手肉嫩但皮有啲韌, 淨肉係好好食, 唔算太咸, 點埋醬汁好正, 但食多會膩, 建議多人先好點一隻。鬼馬油炸鬼外皮酥脆配上墨魚滑, 口感煙韌. 加埋酸甜醬食 加分!炸蠔餅成個蠔餅雖然炸得好酥脆好大件, 但整體粉多, 唔多推薦。椒鹽墨魚咀好好嚼，椒鹽配墨魚咀, 冇得輸。而且, 香口野再配上佢地戰鬥碗飲啤酒一路傾計係一種享受。雖然傳統大排檔難以取代, 呢種新式大排檔餐廳亦有佢出色之處。

文字真係唔多講。。真係寫緊呢篇野都好想再食，大家想食大排檔，但又想坐得舒服，唔介意無左大排檔既環境，但又會想有大排檔既鑊氣小菜味，真係去試試啦😋😋鬧市Gathering首選之一👍🏿人均消費大約100👍🏿晚上730後等位情況比較嚴重，要多注意

間鋪係大廈入面，上到去覺得好新奇，保留大排檔風格，碗筷亦用番一d舊風格既碗，好有feel。炸豬手皮脆肉嫩，火氣十足既粟米斑塊，牛柳粒真係必叫，連外國人都直豎拇指呀。30幾個人去食都係每人$100樓下，價錢係大排檔黎計都算合理。

在香港的大排檔裡面，妹記排名都算十分高，今日又黎排下，7人枱晚上7.30pm排了個半鐘，睇下有咩咁厲害先，真係好多人！保留大排檔風格，筷子筒、洗杯盤，唯一有D奇怪，用碟仔，呢個唔夠原汁原味。Signature dish 鬼馬油炸鬼 ($78)幾得意，彈牙的魚滑連油條一齊炸，點酸甜醬，口感豐富又脆又有嚼頭，真係鬼馬，要趁熱食！另一燃手小菜係原隻脆皮豬手($185)，都幾大份，豬皮真係脆到有D口，肉質都係扎實，真係要多人先可以點黎食。經典小菜粟米斑塊($68)好味道，斑瑰好脆，肉質又滑，配粟米蛋汁，可以食多碗飯。海鮮什菜煲($68)好健康，有蝦、魷魚粉絲、西蘭花、菜心、白菜等，好似清左D，冇咩味。推介菜脯肉鬆煎蛋角($58)，雖然賣相不討好、價錢可以再調整下，但係真係幾好味，蛋没煎得好生，啖啖都食到菜脯，肉鬆可能已經溶化左，唔係幾食到。蝦醬炒通菜($58)一般，食到底先有蝦醬味，可以再炒匀D先上。例湯一窩($78)係蓮藕髮菜湯，有好多湯渣，唔知係咩咸，真係飲鹽咁。

同朋友食餐生日飯，佢地揀左打冷，因為話openrice一search 就系le間，結果真系冇介紹錯，但如果要去既人切記要約實時間，因為齊人先俾入!!!!!! 結果等左個幾鐘(我系其中一名遲到人士) 最好等位既時間諗埋食咩，慳返時間😂😂😂 一入去即叫炸豬手，干炒牛肉，粟米斑塊，豆腐煲，炒芥蘭，牛柳粒。上菜速度好快，十分鐘內d餸就陸逐到齊👍👍👍先黎系豬手，炸得岩岩好，皮脆肉嫩再黎系粟米斑塊同my favourite 干炒牛河; 斑塊食得出系新鮮，水準高! 牛河油得黎吾過份，火氣夠!!! (狂讚其中一個原因可能因為太肚餓hahahhaa)薯仔牛柳粒👍👍👍鮮魷炒芥蘭豆腐煲總括黎講，食物水準系高，暫時系我食過既打冷入面最好食(食過八間左右)，好似冇收切餅費，5個人食左580，價錢合理，我地叫既餸中系炸豬手同牛柳要百幾蚊，其他都系$100樓下。讚完啦，講返d吾好既野先，就系港人最著重既服務態度啦，因為太忙，舉左好耐手，叫埋出聲都冇人幫我地加水，另一樣就系岩岩找完錢，有個呀姐話: 走未? 我地話:走啦走啦。佢話: 話走咁耐仲未走! 語氣勁差，明明系佢地找錢找得耐，同埋個陣冇客，不過吾緊要啦，最後佢知

一個字-咸，蛋白炒飯超咸，可能年廿九，師傅無心機。蠔餅應該不是鴨蛋煎，無香味。隻雞唔錯，但「鬼馬油炸鬼」有些失望，入面D料好硬，唔彈口。豬手肌肉結實，考牙力，老人家唔好試，其餘野一般。

炸豬手-妹記有點名過於實既妹記, 全店最值得叫應該只有呢碟😂 豬手質感滑嫩,豬皮炸至金黃,口感酥脆惹味,而且原隻豬手上,份量多另外仲叫左牛柳粒, 椒鹽鮮魷,份量相當少,跟價錢完全唔成正比, 炒蜆大部分得殼, 蠔仔蛋蠔都唔見多粒,炸粉比例多😂整體旺角既分店真心有d伏 試一次算😂

有朋自遠方來, 預訂了位置想食出名的油炸鬼及大排檔風味, 誰知選錯了地方, 地方難找之餘味道不好, 以前都有食北角的妹記,感覺不錯。。但是過左幾年,這間令我懷疑是否同一間的妹記品牌, 太失望了。 今次一早打去預留了黃金蝦,油炸鬼及豉椒蜆,但可惜原來佢會一早做好放到涼之後再上桌,難食到一個點,不熱的菜絕對不是大排檔的風味,整場空桌子都未嘗不是原因。

同朋友一行五人黎食，唔係朋友帶路我都唔知呢橦大廈咁多好野食。有易拉架話你知佢有咩拿手小菜必食！我地黎既時間尚早，仲有位唔駛等！鬼馬油炸鬼 ： 有驚喜！原來裡面係魷魚黎架！好重魷魚味！外面脆而且裡面好有口感，不太咸。豉椒炒聖子 豉椒味濃，聖子質量一般但不過不失，份量不多，五個人都分唔到兩條。沙嗲粉絲雞球煲 賣相既顏色都幾吸引，不過沙嗲味略為淡，但雞肉就好滑。椒鹽豆腐 外脆內滑，豆腐比較一般大舊。馬拉盞通菜 微辣。牛腩煲 牛腩較韌, 但羅白林同好入味。最後呢隻戰鬥碗，你知用黎做咩啦～

是晚同老公去女人街行下，行行下見到個易拉架，“妹記”二字令我哋可以一試品嚐聞名已久嘅大排檔。兩個人點咗三款餸，一隻紅燒乳鴿、鋼窩雞同鹹魚茸飛天通菜煲。紅燒乳鴿係屬於bb鴿嘅一種，上枱時熱辣辣 ，外皮好脆同嫩口。由於係bb鴿既關係，所以肉較少。鋼窩雞裏面嘅雞件真係好少，同埋係無肉既雞件，不過勝在香料多，好惹味，但係我倆就覺得麻麻地。鹹魚茸飛天通菜煲上枱時都係熱辣辣嘅，通菜好淋好入味，有鑊氣又有少少鹹魚味。由於兩個煲嘅香料、醬料都濃郁，最後都要叫個飯同一支啤酒嚟做陪襯。

六個人試了馳名的炸豬手、鬼馬油炸鬼、蒸魚、砵仔魚腸、炸大腸、腐乳通菜。菜式夠懷舊，炸豬手皮脆多肉口感佳，送啤酒一流，必定再試。啤酒用碗飲有風味，碗更是預早冷凍的地方整齊光猛，像餐廳多於路邊大排檔，侍應服務不錯，只是環境有點嘈雜，交談要提高聲浪 (終於有點大排檔 feel)。

想試戰鬥碗很久 今晚終於的起心肝來到室內環境很明亮，不像一般的大排檔。坐系圓枱我們四人合共點了五道菜 分別是：炸豬手 鬼馬油炸鬼 咕嚕雞球 沙嗲金菇肥牛煲 蕃茄金銀菜最值得關注的是戰鬥碗 拿著戰鬥碗喝酒 彷彿喝完會充滿力量的 飲勝