妹記大排檔

營業中

休息中

今日準備睇戲，放工搵個同事快閃食個晚飯。叫左三個餸，都係咁啦，妹記紅左之後，唔會難食但又唔係超好食，勝在款式多。金菇肥牛粉絲煲。個汁唔會太杰，偏向稀，可以撈飯。牛肉都嫩滑既，沙爹味就可以多啲。西蘭花炒帶子。呢個幾好，菜始終係贏在起跑線，帶子夠大件，又唔會overcooked 炸蠔餅。嚴格黎講，應該係芫茜餅。芫茜同炸粉一齊撈埋去炸，個人就比較鍾意芫茜同粉分番開，咁芫茜味道會重啲之餘，口感會好啲，同埋可以無咁油。我六點三四開始食，個陣都無乜人，但我食完七點三四，已經超多人。大家要食記得早啲。