好時沙嗲

營業中

休息中

四月中旬最近食友們爭相談論新晉的文華海雞飯店，其雞汁飯如何了得，對於坡式雞油飯，要求簡單，米芯謹熟並富雞湯汁味道，飯粒粒圓潤分明，光線照射下泛出雞油產生亮光，說來容易，但由平民價的三巡、大少爺吃到高價的四季酒店珍珠米版本，成品能叫人回心微笑就真五指可數，而吃了多年，如果要推介好吃的正宗雞油飯，就只有圖中水準如一的好時沙嗲出品。雞油飯面泛油光，扁長的泰國絲苗米呈坊間少見的棕啡色，，油飯吸滿浸雞的雞湯味道，夠色夠味，米芯軟韌火候到家，就是sh!ok主理人David所說謹熟的正宗質感，是吃得用心的靚飯，如果要推介本地最好吃的雞油飯，這裡是三甲之選。更多的人情．味分享＠http://foodxfile.blogspot.com/2010/04/blog-post_23.html

食完第一餐唔飽 同男朋友去食好時薄餅夠晒熱 餅面脆裡面鬆化煙韌 超好食 海南雞飯飯唔夠香又唔令立立 d飯痴笠笠 唔好食 雞無任何味道 淡到無人有半打沙爹串燒沙爹唔好食 太酸又唔香串燒得牛係好食 椰汁咖哩雞幾好食 但係就無乜特別椰汁黑糯米好好食 椰汁好香 糯米有咬口 有小小覺得過譽

好日唔經尖東呢頭,係加連x老道買開野,就行10分鐘過黎"好時"啦. 前一次黎食都知佢地d坐位好small啦,兩個人再加上backpack同手袋. 好在當時20:00入坐得80% 袋可以放係第二張枱既椅子上.上次食過串燒,但唔好食("小巴黎"好過佢啦) 所以今次冇order.1.)巴東牛肉 - 同牛腩差不多,但冇咩汁,係我記憶中係辣味既,(大部份食唔出辣既?)2.) 薄餅 - 食落口就知,個餅做左好耐啦,佢加熱後比客人食 (勁唔掂呀!)3.) 炒介蘭 - 好油,味道好鹹,真係好鹹 (我食完要係街買技水飲.)4.) 喇沙 - 招牌食品,但同上次4-5個月前相差很遠呀.....味道還可以,但d汁好結,漲住個口. 好小餸. 整體食物味道真係"好鹹",食完呢餐血壓應該會好高!

大前日(4-4-2010 Sun)陪男友工作,又交帶完o野後,又係時候食晚飯喇.我記得上次我話想去好時沙爹,呢晚終於有機會喇.我o地o黎到時係7:07pm左右,已經有好多人等,我同男友講,畀半個鐘時間去等.我見啲2-3人o既都郁得幾快,至7:30pm到我o地喇,我心中有數要叫沙爹串燒同海南雞飯,都睇吓重有咩o野食,見有巴東牛肉,問男友呢個係咪辣?佢答唔辣,咁叫埋呢個啦.1.$36.00o既海南雞飯一set有好多o野,飲吓啖湯先,好惹味,因為有味精. 暖暖o既油飯唔太濕又唔太油,OK o既.海南雞,雞肉嫩,冇乜雞味.見佢中間o既薑蓉竟然幼到好似醬咁,係咪用攪拌機整o既呢?而深色o個碟係甜醬油,都好好味啊.男友話呢間o既海南雞飯係唔差.2.$40.00o既巴東牛肉呢個有啲辣,牛肉係牛腩,可能因重有少少脂肪,所以肉質都唔太實,但牛味好似冇乜.男友話食呢個要叫個飯或印度烤餅o個類送啲汁o黎食,所以我o地最後都叫o左$18.00兩件o既薄餅.3.$35.00o既半打沙爹串燒o黎到,都分唔出邊啲係雞,牛同豬.我先食最下方o個隻,好羶啊,咩o黎o架?肉質呢,三種都差唔多,亦分真係分唔到咩肉打咩肉.而

I made a reservation here, and at first the woman said I couldn't reserve 7.30 because of the concert that was on that night.... I was quite annoyed so I asked ok what time can I book? then the woman said either 6-ish or after 8. By now i was annoyed so I just asked if i could book for 7pm and she gave in =P. Upon arriving I thought to myself thank god I booked because this place was full except for the reserved table and there were already people lining up!We ordered sambal fried mee with seafo

openrice search 下tst, 見呢個人氣幾爆, try try la, bf醒目仔, book定位先, 當然黎到又係等一等:環境: 當然麻麻...但唔mind, 有風味嘛服務: 正常, 呢種環境下, 唔應該追求酒店服務food: 海南雞飯 - 讚, 油飯幾正~星州炒蘿蔔糕 - oh...失望....差過酒樓喎串燒 - 普通貨仔...喇沙 - 都係普通貨仔, 唔係講到咁誇喎辣通菜 - 正, 鍾意食菜, 又辣辣地或者睇食評太正啦, so expect好高, 結果, 中中間咁啦....一試無妨~

每次來「好時沙嗲」，海南雞飯可以說是必點之物，今次人多了，可以點的食物也多了。除了海南雞飯($36.00)外，再多點了排骨茶($45.00)，與及星州炒蘿蔔糕($40.00)。上一次品嚐肉骨茶是在上環的「楊氏肉骨茶」，其實一早已知「好時」有此食品供應，只是名字是排骨茶，但基本上是同一食物。排骨茶跟來四片已切好的油炸鬼，排骨的數量不少，件頭亦足，肉嫩有肉香。湯的味道充滿藥材味，但又不會過火。但若以材料豐富度來比較，還是楊氏多一些。星州炒蘿蔔糕是用了多種調味料炒成，味濃搶口，可惜星州蘿蔔白過軟，十分漿口，食起來不夠爽，質素只是一般。海南雞飯的水準如一，當中又是以油飯最出色。雞肉爽嫩而沒雞味，一定要靠醬汁來調味，始終油飯才是主角，確實是捨你其誰。服務仍是一貫的簡單，不可要求太多，到此簡簡單單吃一餐，快來快去的星馬菜。

一行6人gathering. 有人提議去好時, 因為1.出名; 2.好味; 3.多人. 下? 咁勁? 所以我早左接近2個星期前打去book台, 以防要等好耐! 所以係呢到recommend大家, 如果係plan左去既話, 就早d打去, book台, 唔係就真係可能要等好耐.準時入去坐低, 點野食, 發現坐得唔舒服, 比較逼, 又好多台, 又好多人, 所以建議大家坐定就唔好行出行入, 唔係好易就撞到人. 由於非常多客人, 所以侍應都較忙, 唔係好得閒, 但話說佢地雖然忙, 但冇一個黑面又或者態度唔好架喎. 呢到要讚下 (因為好少餐廳既侍應唔俾氣俾客受架喇). 不過佢真係要請多幾個伙計, 唔係真係等到第二日都未必點到野食. 同埋我地已經唔使佢黎加茶, 因為自己黎仲快!食物叫左9樣, 因為樣樣野都細細碟, 其實都唔係好夠: 炒貴刁:呢碟野suppose係貴刁, 但唔知點解好似河粉. 呢碟野同係茶餐廳到叫個d炒河粉冇分別. 佢呢碟甚至比茶餐廳到叫個d仲要再油d同細碟好多! 我估佢真係落左好多油去炒. 味道唔辣, 鹹左d. 唔係好好味. 我覺得最好味既個part可能係銀芽 (因為夠爽!). 噢.

已有一年沒有來過這裡，因為要到尖東，老公想起這裡就過來。時間大概是傍晚6:30，不知是不是時間尚早，看不到空前盛況。兩人叫了加多加多、豬沙爹半打、炒貴刁。加多加多 - 大部份是雪梨及生菜，少量薯仔豆角，醬汁偏甜而沒有花生味。吃慣了印尼餐廳的加多加多fans必定失望，配料味道單調。用上雪梨，更是店方慳水慳力之作。炒貴刁 - 也是只有幾隻蝦及牙菜，味道偏淡，唯一好處是沒有下大量味精。豬沙爹 - 味道質量還可以。店小走廊通道更小，沒坐多久便離開。應該不會再去了。

一張相都冇影, 因為真係難食豬牛雞串燒: 梅梅地, 唔好食, 個汁一D特別都冇, 我覺得又一城FOOD COURT果間食串燒仲好味~咖哩雞: D雞唔好食之餘又冇咖哩味, SIN $呀真係~海南雞飯: 雞冇雞味, 個飯一D都唔香, 都唔知點解會有咁多人讚

位置比較偏僻~~商場入面原來仲靜... ( 基本上附近無鋪租出開晒檯都無人理)~~兩個人坐左係走廊~ 服務就唔洗有咩期望會好好~不過未至於好差~ 其實都係斯文有D禮貌的~可能大聲左少少喇~叫左﹕咖哩角﹕新鮮炸起﹗好脆~熱辣辣~入面洋蔥好香~ 正﹗沙爹﹕豬﹐牛﹐雞各2串.... D肉好重魚露味....普普通通.... 無咩特別...唔太好食....個汁都麻麻地....黑椒脆炸雞件﹕食起上黎係無黑椒味﹐不過用香茅絲一齊炸﹐夾著絲同雞一齊放入口~個感覺幾好~香茅味中和番少少過咸既雞件....D雞炸得一般﹐有D好硬好鞋﹐有D又有少少肉汁﹐衰在唔夠平均粉絲蝦煲﹕比餐牌個圖片呃左﹗係勁呃果種﹗﹗事實與圖片偏離得非常嚴重﹗﹗ 上檯個樣好細。。真係湯甘...而唔係好似沙爹牛肉煲果D乾乾地。不過﹐食落口又OK...個湯落左勁多胡椒粒﹐好香...蝦就得兩隻﹐開邊甘上.... 但係加埋少少粉絲就$80.... 好貴!!!!!!海南雞飯﹕成個set 有埋湯﹐最出色係個飯!!! 好好食~ 雞去曬骨~肉好滑~食過就算

尖沙咀諗唔到食咩好,發現原來尖沙咀有好野食第一次來"好時沙嗲",已經9:15,雖然係星期六,但都幾乎坐滿人~我們坐低睇睇個餐牌,第一時間會諗到串燒(豬+牛),喇沙,肉骨茶~串燒: 最快到就係呢樣,可能燒定係出面有個爐烘住啦~一食落口好有馬來西亞風味,點埋個汁真係好味道暈(80分)喇沙: 我個人覺得椰汁放多左,湯底好咸........成碗粉又無乜湯.....雖然有蝦同埋魚片(魚蛋粉的魚片),但湯底我覺得唔得........結果要加熱水食埋佢.......(60分)肉骨茶: 湯都唔錯,不咸又不淡,藥材味不太搶味~又可以將湯內的肉送飯食一流(75分)我一定會推介這裡的串燒,真係好正

補寫番上星期四的食評.素來愛星馬的美食, 畢竟曾留學獅城. 學成歸來這几年間, 依舊keep住尋覓星洲美食. "好時"嘛 .. 其實一直都有留意, 特別係brothers們在openrice的食評, 但好與壞都好似一半半咁. 終於上星期親自去一趟.星期四晚7點半左右到, 竟然唔駛等位 眼觀週圍仲有好多位喎, 點知侍應仲要我同男友坐另一間房的位(總之唔係收銀個邊啦). 算吧, 唔係坐店外就ok.入到去, 我總係覺得氣氛麻麻咁, 暗暗的不光猛, 我未點菜已經想瞓覺. 點了以下几款菜:1) 排骨茶:肉骨茶啦, 唔, 味道都叫濃, 好多排骨, 微微的藥香, 伴三數片油炸鬼, 是可取的菜式.2) 加多加多 菜少醬多, 係超多超多醬. 食左簡直滯到不得了. 唉, 我知實有花生醬, 但未至於多到成碟都係, at first glance根本見唔到d生菜囉.3) 海南雞飯 的確, d雞無雞味, 只係得個肥字. 湯呢, 一啖已經嚴重感到口渴. 油飯呢, 的確係好油, 但油得來我唔覺得雞味, 所以, 的確係"油"飯. 仲有, 三色醬的黑豉油, 很失望不是又甜又"傑"的那種. 紅色的酸辣汁亦唔好, 只得紅色

知道有這間餐廳已久，可是位置較偏僻，所以一直沒有光顧，但得知有叻沙及 satay 食就要一試。餐廳環境很狹窄，人客非常多，舖位分佈似乎由很多間舖組成，東角一間，西角又一間，要到洗手間又要走要老遠去。雖然如此卻沒有影響再次光顧的興致。黃薑香茅雞當侍應送這碗鮮黃色的黃薑雞來，陣陣香茅香味，禁不住立即起快就吃了兩件，可以味道方面卻不等如賣相，黃薑味淡，雖然確實的黃薑味是怎味道我不清楚，但可以肯定的是味道不濃而且淡淡的。辣牛筋通菜煲完全稱不上辣，無論你是不能嚐辣的人也吃不出有辣味，應該是似五香味之類的牛筋煲，煲底部的通菜吸取了整個牛筋的精華，是個不錯的配菜，而牛筋的軟硬恰到好處，多吃對皮膚好處多，一煲份量供兩人吃剛剛好。叻沙 (椰汁咖哩米粉)由於在香港較少有正宗的叻沙，正因此，我除了留意星馬印餐廳及各具有特式的餐廳，一旦遇到便急不及待一試。至於這裡的湯底略帶多了點油，椰香味尚可以，應有的配菜之一→ 芽菜甚少，魚蛋魚片充足蝦又少之又少以及細粒得像蝦米仔，此外，米粉的口感較“唉”。白飯普普通通無軟糯口感或者特別好食，只作為主菜的附屬品。時次晚飯每位70, 尚算經濟抵食

不經不覺,已經到了五百篇食評,自己也想不到.找一個空檔日子,放下兩個寶貝,跟太太往尖東看電影,附近食肆實在提不起興趣,就跑遠一點,找一間不論價錢或是食物水準都不錯的餐廳.其實好懷疑這一類型商場客人都不多見,究竟點可以生存? 好時沙爹位置其實係商場一角,但多年來經營,亦將附近幾個舖位租下,相信可以用作包場.太太是第一次到好時,見商場鬼影都唔多隻都有點出奇,因為由落單時得兩檯客,到食完竟然有八成滿,而且又是 weekday 日子,不過食完就知乜事.海南雞飯($36) : 一直以來對海南雞飯中的油飯最喜愛,而且是精華所在,可惜坊間所謂油飯,只不過是用現成的合成油混入米飯頂包,睇見都火滾,不過好時的油飯粒粒充滿油份,粒粿分明,飽滿混圓,而去骨雞肉雖然比較粗糙及無乜雞味,相信是貨源的問題,作價$36,總不能要求太高吧?三色醬料是星馬一帶海南雞飯常見,泰式就少了一碟黑醬油,好時的薑蔥蓉打得幼滑,是對食物認真的態度,而且例湯是紹菜雞湯,對比起求求其其奉上青紅蘿蔔湯好得多,不過是日雞湯真的過咸.蝦湯麵 ($45): 呷一口湯,非常清甜,比灣仔另一名店濃郁得多,而且蝦味又未至於南瓜兄所講輕清,相信是偶爾