好時沙嗲

營業中

休息中

在附近辦完事後，朋友說想吃海南雞飯，她說味道要濃的亦要有咬口的，於是就來這裡吃個下午茶，其實午餐還未落格，只點炒蘿蔔糕同一碗雞油飯，二人各試小小也差不多了。伙計趕著吃福食，是日的星州蘿蔔就炒得不夠乾身，醬油亦下得不多，不夠惹味，不過蘿蔔糕仍堅持自家製，吃起來有蘿蔔的甜，加上菜甫，吃著吃著也清掉大半碟，這裡收三十八塊，比起沙嗲軒平宜，亦不會吃到一口是粉，做得比那邊好。飯被雞油包著有咬口，米粒吸收雞汁後味道也豐富，一碗賣八塊仍是好吃亦抵吃。

想食好耐...終於有機會同bb去呢個好味呀 湯底好香 好重椰汁味平昤不太喜愛食米粉..但呢個又煮得ok好味呢個bb對佢期望好大..但呢個我覺得係最差果個雞滑但冇味仲有唔知係d飯既特色定係其他原因..好大陣燶味我係其他地方食果d油飯都唔係咁既呢個汁的確唔錯但肉質唔太好好 好散好梅呢個我記得好平 好似$30咋但汁咸左少少..但都唔錯佢d野黎得勁快..五分鐘內到一定一早整好晒啦..不過都夠熱既食物質素有好有唔好...一試無妨始終係尖沙咀區唔算好貴一人七十幾都食到我飽不過環境就麻麻地喇 唔知點解會有蒼蠅

今日同男友特登來尖東既潮州城攞月餅,一場黎到尖東,突然想起在openrice有一間餐廳 ~ 好時沙嗲,成日都登上十大餐廳,於是試下walk in,好好彩,可能時間尚早,所以有位wor!!!我地order了椰汁珍多冰(味道好特別,唔識形容)、咖哩牛腩(一般)、薄餅(幾好味)、沙嗲串燒(個汁好香)、海南雞飯(一般)

一直聽聞「好時沙嗲」大名鼎鼎，但就從來唔知此店何在，更莫講話主動訪尋。上周去到先知道，原來此店位於一幢叫好時中心嘅商廈，而且隱藏於猶如死城的商場死角位置。店舖所在位置奇怪，格局就更詭異。面積不大的店舖用餐區和廚房佔用商場其中一舖位，位置實在不夠，竟然又於隔鄰空置舖位放三幾張摺檯開檔，連商場走廊都佔用供客人用餐。當然，這間好時位處死場中的死角，就算佔用走廊也不會影響他人，也不必擔心走鬼；但作為著名食店，如此格局認真估唔到。環境地踎，店舖餐牌卻似足酒店餐牌。賣的是東南亞菜式，主打喇沙、海南雞飯、串燒，尚有不少其他選擇。我這個海南雞飯狂當然必點雞飯，還眼闊肚窄的想吃串燒和巴東牛肉。既然店名已告訴客人這裡是賣沙嗲的，就要了雜錦串燒，雞牛羊各三串。串燒很快就上桌。跟本地食肆慣常的「串炸」扮串燒不同，串燒本來就是應該像「好時」這樣子的，每串肉份量不能過多、伴碟放幾件青瓜、沙嗲醬用淺碟盛載...總知，一看就知道這裡夠正宗。吃串燒除了不能燒得過乾變成柴外，沙嗲醬亦必須要給得夠多才吃得過癮，「好時」應該深明這一點，大方的提供很大碟沙嗲醬，很加分。用眼看賣相就很對路了，放進口又如何呢?算很不錯的了，質感、

星期六放半日補假，可以行吓街食吓野。去了尖東吃東西。數年前黎過好時，印象良好，所以今次出到尖東都心思思去食。去到時2點，但店內仲有好多食客。兩個人，點了海南雞飯 & 叻沙 share 食。海南雞飯先來，用托盤盛著，幾整齊。有一碟海南雞、一碗湯、一碗油飯同3小碟sauce。海南雞同油飯都很好吃，絕不遜色於文華或酒店級數嘅海南雞飯。海南雞份量比文華要多，起碼兩個人share 食都覺得夠，但文華就是份量少得可憐那種。雞同樣是去骨的，雞皮爽彈，但這隻係肥雞，所以只可吃少許皮，否則會很肥。雞肉嫩滑，個甜豉油同辣醬好味，點一點用黎送飯一流。個湯夠熱，又清，不錯。油飯係我嘅至愛，超正，很香濃，但吃下不覺油膩。叻沙份量也是很多，一大個湯碗。用上米粉，吸盡湯汁。椰汁味香濃，也就是比較漏。好足料，有蝦、魚旦、豆卜同芽菜。真沒令人失望，下次黎尖東都應該會諗起好時！

差唔多八點去到，客人唔算太多，店內同門口既枱都坐唔滿。咁多吉枱，唔知點解阿姐要我地兩個好似搭枱咁同另一對情侣坐男朋友拍板叫左﹕ 雜錦串燒$36 - 牛、雞、豬各2串，沙嗲惹味，不過D肉就好一般… 香芧雞 $48 - 無味既雞 依個價錢，都預左係用雪藏雞，都唔會對鮮味好期望，無味...起碼都醃下佢…個汁最落好香香芧味，不過一咬舊雞就勁失望… 印尼炒飯 $45 - 炒飯唔錯，大大碟兩個人食都夠飽。今次無試佢既招牌海南雞、蝦煲，就知就出事喇…下次都係穏陣D好…

With the recent hype of two new popular Singaporean eateries 1) Mandarin Chicken bar in TST 2) Hainan shaoye in CWB, I decided to visit the long standing "Good Satay" in TST.In the earlier days, this was a popular pick along with Katong. It was so hard trying to find this restaurant, but after looking at the map, it was located behind CEO.The restaurant is located in an ancient mall that looks like the ones you see in old HK movies.The restaurant is not a big restaurant to be exact, its like a f

最好味就係喇沙、餐牌上寫住「叻沙(椰汁咖喱米粉)」,有幾種配料當中有蝦、魚旦都幾彈牙、豆腐卜吸哂Ｄ湯既精華非常入味、雞絲、而且個湯又香又濃,湯底的椰味亦果然十分重, 帶黃咖喱的味道及少辣, 質地亦濃厚, 幾惹味; 所以索滿湯汁的腍身米粉都好食;最欣賞魚蛋細細粒但彈牙非常, 而蝦肉亦結實爽身, 感覺不錯. 香港嚟講係幾好食的一碗喇沙, 值得試試的, ..半打串燒沙爹豬: 沙爹汁杰身濃厚, 花生味香, 少辣大甜, 正! 豬肉熱辣辣, 偏乾身但唔硬柴, 亦醃得入味, 食落 lemongrass 味好香, 正

第一次光顧應該大概一年多了....感覺不錯.剛巧今日在尖咀就再上去食吧, (晚上九時多)一座下就開始經歷左人生最差嘅一次待遇& 服務女侍應走來說: last order la.......廚房放工,,,快點叫...心裡已有點不安....食物真的很快就弄好....不用15mins...半打沙爹串:普通,唔夠香,細串....其餘的食物係mini 版 接下來的時間不停有個女侍應『啤』住心裡起了怒火...野食都未食完...就叫收錢.不會再光臨此店...

尋日同男朋友去行街,想食好時沙爹,馬上打去book位晚上8點半都有位唔洗等!我地點左半隻海南雞,一碗油飯,一碗椰汁飯,炒芥蘭同埋兩個椰青海南雞應該係冰鮮,所以無雞味,但肉質嫩滑我鐘意點豉油,男友鐘意薑茸油飯唔會好油而且惹味未試過椰汁飯所以點黎食下點知好香好好食同海南雞幾夾,唔會怪怪炒芥蘭都幾爽口至於椰青就ok啦,我本身麻麻椰青成餐飯最有驚喜係碗椰汁飯!!!

呢晚..我經歷左人生最差嘅一次待遇!!!一早打左電話問last order係幾點鐘..因為諗住睇完戲先過去食..知道係10:00p.m...我就book左9:45p.m...同友人準時到達好時沙嗲..一坐低已經俾一個女侍應『啤』住...但我覺得我已經有預先通知佢地我會咁遲先黎食..但佢都表現得好唔滿意..我一於好少理..醫飽肚皮先算..點知睇左menu一分鐘..個女侍應就問:『叫得未呀?』(態度極之唔耐煩)我就答:『我仲未睇完喎!』(跟住佢就望錶同苗咀...仲jip左我一聲)過左一陣..我地叫左野食之後...個女侍應就一直『啤』住我地...我去廁所..佢又『啤』..送野食到我地檯面..佢又『啤』...我真係想問:『你啤乜x野呀?』....但係我都盡力揭止我既怒火...當時..所有員工都收晒工..淨返佢同埋坐係收銀嘅人..我知佢好想收工..但我都要食埋先架..?!仲乜由我入黎到而家佢都要咁唔禮貌?...差唔多食完..衝突事件又發生...我叫佢:『唔該加茶』佢又好兇狠咁望住我:『黎緊啦...!』點知佢加一個唔知另外一個...我就話『你唔駛加俾我架?』..佢先死死地氣加俾我..之後又『啤』.

1. 排骨湯$45 ~ 藥材味不濃，仲有點味精，不太好飲.2. 海南雞飯$38 ~ 雞很滑，不知搞了什麼化學野!? 但我覺得無雞味. 油飯只有一點點雞油香，飯很油潤及有點顏色罷.3. 叻唦$36 ~ 湯底椰奶味很重，米粉內有蝦、雞絲、芽菜、豆卜及魚蛋. 豆卜浸完都好乾，魚蛋好假，所以好彈牙，碗米粉食落一點辣都無.

想一想，對上一次來，至少都有四至五年，今日來到尖咀，終於都的起心肝再來。週六下午，一點幾，二位，有人剛走，不用等位，很好。冇得走雞，一定叫要雞飯啦。泰式雞飯吃得多，新加坡式雞飯實在是比較少吃，這裡的油飯是褐色的，跟泰式雞飯的黃色不同。吃很來也很香，帶有微微的飯焦香，也有其他香料的味道，就是這點獨門秘方才能顯出與別不同吧。雞是夠滑的，我覺得也有雞味，但當然不能用清遠走地雞那種雞味去比啦。這裏算是合格的了。三色醬料當然也很有風味，點完雞用餘下的醬料去撈托碟底的生菜絲，不浪費，也好吃。 也點了叻沙，味濃厚，椰漿味重，微辣，配料有蝦，魚蛋，豆卜，芽菜等。蝦已去殼，正合我這懶人，吃得暢快。可能是香料香葉的配方不同吧，總覺湯底就欠了點層次感。豬雞串燒沙爹半打，精粹在於沙爹醬，把沙爹醬塗得滿滿的才吃，其實是什麼肉都吃不出，來得没所謂了。這裡的沙爹醬很濃也很夠花生香，帶甜。真的很合愛濃味的人口味。當然，吃完濃味那種暢快之後是有代價的，因為之後我嚴重口渴了大半天，灌了兩罐可樂的無補於事。haha。

看到KC的食評一直想來這家店試試它的海南雞飯, 星期五到此店時人頭湧湧便改到第二天下午來.果然下午人不多, 我點了海南雞飯及炒蘿蔔糕, 雞飯還可以有油味, 但雞卻一點味道也沒有...炒蘿蔔糕始終沒有餡料只是純蘿蔔糕配以星洲式加醬油及肉碎炒, 味道較單調一些......

食左海南雞飯同laksa，作為半個malaysian ，認為這家店很有水準。飯香雞滑，醬汁都好"野"味。laksa 個湯濃，一食就知足料。lime soda 不過不失。一定會再黎，係香港這家算係數一數二的malay food !