好時沙嗲

營業中

休息中

知道這店，晚市都幾多人，所以今日同老公未到六點已經來到此店食晚飯。去之前上網看過資料，知道有些招牌菜可以叫來試吓，食過後，覺得整體味道一般，最好味係粉絲蟹煲，值得推介。喇沙湯底香濃,好香椰汁味,不過配料全部冇乜鮮味,所以味道只屬一般.海南雞飯雖然平,但味道真係嘛嘛,雞冇雞味,飯冇飯香,湯似洗碗水,不試也沒有損失.咖喱牛腩個汁唔夠濃唔夠滑,牛腩嚡實實,唔係太好味,金寶好過佢好多.成餐飯最好味個粉絲蟹煲,蟹肉一絲絲,好新鮮,粉絲吸收蟹嘅精華,超好味,若到此店,一定要試.薄餅味邊道ok,不過唔夠鬆化,韌咗啲,口感嘛嘛.

期待已久...有機會去食la..係去食之前已經決定左叫3樣野...個3樣我估大家都係必叫~約7:10到達..點知竟然要等位..今日係星期一woo..真係咁好食?...等左10分鐘終於有位la....原來係可以打黎book位ga...主舖得一間..但佢租埋對面個間我地就去左對面個間la~有d嘈呀因為又多人間房困住哂d聲必叫之一...講賣相其實都幾差....一食入口..........咩事????點解冇味既???點解d蘿蔔糕會冇味ga)))))))又淋又冇味都唔知自己係到食緊d咩真係非常之差...再試下d配料有蛋碎有幾隻蝦...反而d蝦唔錯woo..但係成隻野唔夠辣呀...再加上蘿蔔糕冇味..真係一d都唔好食..我之後就係咁食d配料..如果d配料再辣d就好食.必叫之二...賣相唔錯唔錯..份量適中仲有3隻醬汁tim....首先試下個湯.....救命...味精我預左..但點解會係菜湯...好難飲呀點解會配菜湯ga???再試下雞...唔算好肥只係有少許肥膏可接受...一食落口...我變左面...實在太令我驚訝la..冇味既???????!!!!!!!!點解可以一d味都??咩雞黎ga???滑係好

又黎我至愛之一既好時~例牌點叻沙、串燒半打同海南雞飯，見到隔離四五張台都不外乎係點呢幾樣野哈哈叻沙：一貫水準，汁杰杰地好濃，配料繼續係魚蛋蝦海南雞飯：雞是滑的，但是沒有味的，難怪要跟兩碟的汁n醬。飯就唔錯但都無用，因為主角太寡了串燒半打：其實我覺得好味係在於佢個沙嗲醬，有串牛被燒到黑哂，睇到就知un，隔離台又係咁就叫左侍應換，不過我地費事換喇照吞一路都知呢度既侍應比較有性格，果日都算多人，漏單又多…隔離台有碟送好耐都無黎(連我都覺耐)，第一次催單叫阿姐睇睇，阿姐即刻「唔好催喇廚房好忙架！」wao你作下狀話好咪算～真威水

今日收工行左成個tst同同事諗佐好耐都唔知食咩好之後行行下行佐去麼地道所以決定食好時2條友叫了半打串燒然後一人一個海南鷄飯串燒屋正個汁又特別海南鷄飯都ok但個清湯我會鍾意文華多d好多人食海南鷄飯等了一段時間

這家店想去很久了只是一直未有機會今次終於有機會一試, 成日聽人講呢間野要等位, 我地大約7點上到去, 居然不用等位(真開心), 不知是否星期一人真不多.開開心心睇餐牌, 點了星洲炒蘿蔔糕, 胡椒雞, 加多加多, 同一個椰青. 來菜速度都好快. 因我朋友唔食牙菜關係, 在落單時已問了落單阿姐加多加多入面有無牙菜, 個阿姐答得好快 無~~~, 仲好nice咁問我個fd你唔食牙菜嫁.點知d餸一碟碟咁來, 我地都開動邊食邊傾, 到食加多加多時發現入面好多牙菜(哈哈), 我個fd同我講個阿姐是否唔識咩是芽菜, 唔知芽菜是咩樣嫁咁多都話無 XD. 不過我地都無換到因我都食既, 而我個FD就 "了下了下" 避開D芽菜. 不過我地都無怪個阿姐可能都唔知個碟野入面有咩, 下次唔食芽菜既朋友, 就記住在好時既加多加多是有芽菜嫁!!!!星洲炒蘿蔔糕 - 入面有蛋有蝦炒得好香 (再問埋阿姐取碟辣醬, 正呀~~) 胡椒雞 - 即炸雞加黑胡椒味粉, 雞炸得乾身好脆, 不過無咩胡椒味 加多加多 - 入面好多料, 個花生醬最出色, 好儂好香, 唯一失色就是塊蝦片林晒 椰青 - 朋友飲,

這間以「海南雞飯」馳名的「好時沙嗲」，一向久負盛名，但自己也不知是因為什麼原因，始終未有前往一試。直至日前，一天晚上，忽然想到這間名店既然始終不曾試過，正所謂「百聞不如一見」，與其道聽途說，倒不如親身試試這裡的「海南雞飯」，看看是否質素超群。乘車來到尖沙咀，再經地鐵站來到尖東，兜兜轉轉一輪之後，終於來到「好時沙嗲」的所在----好時中心。這名店隱藏在中心二樓一角，店外轉角處早擺放了數張桌子，雖然仍未有人就座，已可想見在稍晚一點的時候的熱鬧情況。步進店內，雖然室店內地方不太大，但其實對面還有另一間舖位也是店子的一部分，這店子的生意可真不錯呢！坐下之後，侍應隨即遞過印刷尚見精美的餐牌給我們點菜。這裡的名菜既是「海南雞飯」，當然不可錯過。不過一碟海南雞飯似乎不大夠喉，叫兩碟嗎又似乎多了點，隨時剝削了自己享用其他菜式的配額，所以最終決定叫半隻「海南雞」，另加 一碗「雞油香飯」，藉此騰出胃納的空間，一試這裡的「什錦串燒沙嗲」與「星州炒蘿蔔糕」。這裡的「海南雞」確是名不虛傳，雞肉嫩滑，雖未臻最高的啫喱皮境界，已算甚為出色。三大碟顏色鮮豔搶眼的醬油、辣醬與薑蓉，也見地道。把嫩滑的海南雞蘸上三款醬汁同

最近翻看了不少封存的食物相片，發覺仍有不少的飯局實況還未有用筆記記錄下來。看來真的下決心要寫寫這一大堆昔日的味覺回憶了....看見這裡的照片，就想起了從前小友午餐飯局的歡樂時光。雖然現在飯局已停辦，但那些美麗的往事，仍是可堪回味再三....三隻嘩鬼來到以價亷味美見稱的這所星馬菜名店，自不然要掃一掃餐牌才能心息。特別是有一半南洋血統的劍青小友，待吃的興奮心情就更是顯而易見....說到星馬地區的開胃小吃，怎能不提將鹹、甜與酸味共冶一爐的囉惹Rojak?這裡做的味濃非常，特別是那個加上了蝦頭羔、辣椒及青檸的褐色醬汁，夠杰身之餘又夠濃稠，拌上大量的切粒生果及菜蔬如青瓜、菠蘿、沙葛、荳卜等，令人開胃異常....肉骨茶呈非常深的黑褐色，嗅落有着濃烈的藥材香；湯入口不覺極苦，喝得出有肉香；肉排大多是一字骨，炆得很淰，但不至於爛。於我這個星馬菜外行來說，已是甚有水準的出品，但貴為半個馬來人的劍青小友卻覺仍有進步空間，說肉味及藥材味仍可再濃一點。小弟笑說，在香港弄出來的是不能與真正的馬來餐館出品作比較。單是欠缺用炭爐邊烘邊吃的風味，出來的效果已是差天共地了....串燒不是港式的大塊肉的串進竹簽中。細細件

1. 海南雞: 幾好食, 無骨, 不太肥. 半隻既份量都夠4個人食.2. 抄蘿蔔糕: 個調味幾惹味, 但其實無咩蘿蔔味3. 抄芥蘭: 好食, 好惹味4. 沙嗲串燒: 雖然係招牌菜, 但感覺一般, 因為唔熱, 無個種食串燒熱辣辣同香的感覺5. 沙嗲海鮮: 一定唔會再食, 個賣相好似一碗賣剩既野. 好多碎晒既魚同魚骨… 有d豆卜, 魚彈咁… 好奇怪6. 薄餅: 好食, 好香, 一碟有兩塊下次會試下喇沙, 好似幾好食~

早已聽聞「好時沙嗲」的大名，而且據說它的海南雞飯很好吃，這天下午要去尖東辦點事，一於約友人一起前往光顧。我和好友到達「好時中心」時，已是正午時份，但原來這商場的人流頗為疏落，而且驟眼看來，內裡仍有很多空置的舖位，感覺上四周環境的確有點水靜河飛。我倆在商場地下及下層轉了一個圈也沒發現這餐廳的踪影，後來經場內保安教路，才知原來這餐廳座落於商場一樓的轉角位置，都幾隱蔽啊！幸而午膳繁忙時間，餐廳內仍有空置卡座，甫坐下先看看店內裝潢，嗯，都頗為簡陋喎，除了簡單的桌子和椅子外，基本上沒半點多餘的裝飾和佈置。由於友人今早要空腹驗身，連早點也還沒有吃過，那就一於多選幾款食物一起分享吧。海南雞飯 ($38) 以一個啡色小圓托盤盛載，上面有一湯一飯一雞加三款醬料。先呷啖清湯，原來湯入面放了很多一絲絲的椰菜，雖然碗湯的面頭望落去有層薄薄的油，但飲起來又不覺油膩，味道還算合格，清清淡淡的，起碼喝完後亦沒有「味精」上腦的後遺症。至於碟海南雞，雞件已把骨去掉，都幾適合我這懶人進食，不過無可避免的現實就是，今時今日，一般食肆大多採用冰鮮雞作食材，所以這碟雞入口真的毫無雞味可言。至於雞肉的肉質，鬆腍有餘，惜嫩滑不足，

接近九時, 門外依然人山人海, 幸好開始有很多客人用餐完畢, 陸續離開, 所以等位的時間還可接受 二人枱不算舒適, 不過求的是醫肚, 便立刻點菜, 不作計較香口美味, 不油膩, 一口接住一口呢!十足正宗口味, 絕不單調, 有應有的咖喱味道而不是馬虎不像樣 禁不住點了碗蛋炒飯來伴食亦是回味無窮, 100%正宗味道, 份量十足!!服務一般, 談不是專業, 但食物是加分的地方!

一直都想試下呢到既海南雞飯，今日無端端記返起，黎左幫襯。海南雞飯。湯，有幾多椰菜絲，望落好油下，飯落味好濃郁。雞，好嫩滑亦夠肥，份量都唔少。飯，望落幾深色，唔同平時果d，食落好香，唔油口，係令人回味既雞油飯。三色醬，我首選係黑醬油，甜甜地。沙嗲雞飯，都係油飯，正斗，沙嗲汁未算對胃，不過d雞肉唔係好似星馬泰咁燒到乾哂，岩哂口味，有時就返本土口味又有何不可。$36蚊食到個好味既海南雞飯。

今次試吓用口語來打食評 其實早在下個月已經嚟過好時食飯 嗰次覺得好好食 不過無打食評 諗住叫埋一班朋友嚟試吓 嗌多D嘢食先打食評 我覺得咁樣會準確一點 於是一行七人嚟到 點咗以下菜式:海南雞飯同上一次一樣咁好食 肉質好滑 配埋油飯絕對一流 辣通菜這碟無上次咁好食 比較淡 不太辣 份量算係適中 可以一試 叻沙(menu係咁寫)其實係喇沙 辣辣哋 幾野味 有魚蛋,芽菜同米粉 都幾大碗 推介之一巴東牛肉又無上次咁好食 牛肉好硬 醬汁味道亦只屬一般 上次最快清哂o既餸今次竟然食剩 串燒嗌咗打半 豬同雞肉都係推介之作 肉質嫩滑唔在講 點埋個醬就一流 依然係牛肉唔好食 好嚡 不叫也罷炸豆腐味道不過不失 睇你鍾唔鍾意食豆腐 其實冇乜味 單靠豆腐滑 炒貴勺如果你當乾炒牛河咁嚟食感覺得好D 材料有蛋絲,芽菜,蝦同臘腸 我有位朋友係做廚師的 認為落臘腸係最大敗筆 千萬唔好嗌粉絲蟹煲賣相精緻 佢會砌番成隻蟹出嚟 用料很多 有大量粉絲 蟹亦都大隻 但係唔知落咗咩香料 有D古怪味 個人來說都好味可能上次係職工頭圍用膳(未夠六點到)o既關係 所以好食D 今次八點先到 已經座無虛席 可能太忙所以煮得比較差 我自己覺

自從中環果間好正宗既"Pasar新加坡小品"摺左之後, 我餓laska餓左好耐, 響妹子推介 + Openrice好評如潮下, 即管試一試。但係奉勸大家真係唔好有任何期望, 尤其係想食正宗星馬菜人士, 因為呢間野食既並唔係正宗星馬菜, 雖然係好平, 但係材料唔新鮮, 煮得極之求其, 幾平都冇用!!! 呢碗Laska簡直就係我食過最難食既Laska! 冇左正宗laska應該有既獅磡都算, 冇湯, 杰撻撻好恐怖, 成碗都係汁, 完全係撈麵咁撈黎食, 兩個人share 一人一碗仔都已經飽飽滯滯。食完呢個海南雞, 終於明白到麗梅姐姐所講既"雞有雞味"係何其重要! 因為, 呢碟雞係冇雞味既!!! 雞肉滑又如何? d肉冇里味道都唔知自己食緊咩! 至於個油飯, 係全餐飯最好既, 夠香。基本上無論係雞, 係豬定係牛, 肉質都一樣咁鞋咬唔開, 冇味, 如果唔係3隻肉既顏色唔同, 我係唔會知自己食緊雞, 豬定牛......btw, 醬汁唔錯~好咸......

平安夜，不訂桌，要吃晚飯，真不容易幸好我們6pm便吃，還是選擇星馬菜，不介意走廊位，才不用挨m記東巴牛肉 - 味道一般，還是比較喜歡在印尼餐廳吃的，比這個辣、椰汁沒這個重海南雞飯 - 雞滑，略覺雞味不夠濃，醬汁不錯，最愛薑蔥蓉炒蘿蔔糕 - 最喜歡這碟，蘿蔔糕加上其他配料，如蛋、菜莆及 (不知是不是) 梅菜，炒得微微焦香，至今仍然回味無窮

同朋友去左TST 食好時沙嗲.早上打去問六點半BK 位 (因為聽人講好多人)不過佢話六點半可能冇得BK但六點就應該有位...結果我地六點三去到先叫了一個咖哩雞一個薄餅佢明明話係麻油雞...但...佢似...豉油雞多D=.=一D麻油雞都冇哈..我地見到酸辣湯就以為係中式個D..原來係呢D!!!真係幾辣!!!咖哩牛肉個喇沙幾好味, 尤其D丸!!法式要黎送咖哩~之後都有一人一杯野飲埋單好似八十幾忘記了我覺得一般~冇重慶咖啡個種滿足加上...D伙計好忙... 冇人黎加茶...我估我未必會再去食如果未食過既試次都OK 既