好時沙嗲

營業中

休息中

今日表姐出開黎話同我地食晚飯，諗唔倒食乜，腦海只出現尖東名物好時沙嗲，見表姐都話未食過，就決定食好時。＊＊＊＊＊＊＊＊＊＊＊＊＊＊＊記得對上一次約左朋友喺尖沙咀食晚飯，本來想食好時，點知搵黎搵去都搵唔倒，先喺開飯網見倒佢結業，之後到佢原址開返都冇黎過，所以距離對上一次幫趁都有十年八年前。重開嘅好時，打通左五間鋪，所以坐得都冇咁迫。唔知係咪因為平日關係，食客同以前比算少，起碼七點幾去到都仲有大把吉位。沙嗲豬－半打($49)食哩類星馬野唔少得串燒，串燒有豬牛雞揀，但因為同一款最少叫半打，我地又得四個人，所以我地就叫左豬牛各半打。哩度嘅串燒份量同新加坡差唔多，每一串大約只有一隻手指咁長，唔似港式街邊沙嗲串燒咁有成隻手板咁長，味道方面豬肉都算腍，沙嗲醬都香，但唔算特別突出。媽媽就話覺得以前街邊嘅港式沙嗲好食好多，之前新年都試過特登搵啲走鬼檔食，講真走鬼檔未必真係咁好食，好多時都係食個風味，食個回憶，不過同味道偏甜嘅港式沙嗲比，個人就比較鍾意食後者多啲，因為正如我好耐之前喺一篇食評講過，所謂正宗只係代表製法跟返原創，但唔同地方口味都唔同，所以即使跟返正宗，第二個地方嘅人都未必會覺得好食。沙嗲牛－

今日同朋友約左去尖沙咀科學館睇木乃伊展覽，睇完展覽行行下我朋友突然話好想食海南雞飯，聽聞好時沙嗲嘅海南雞飯不錯，所以我哋就去左。喇沙湯底香同濃綢，令d湯可以掛麵，食時可以食到原汁原味，料足同大碗。海南雞飯好正值得一讚⭐齋睇同聞已經令我留口水D雞整得好滑一d都唔"鞋"，油飯粒粒分明同好香d飯軟硬適中，口感好好，還有3款醬料點雞(我會將d醬撈少少落d飯到食會好味好多我自己覺得)，醬料中我最欣賞就係薑蓉，因為唔多油，平時點雞d薑蓉都會有一浸油。辣炒通菜好香蝦米味，味道不錯，只可惜喊了點。

好時沙爹～係塔塔子耐唔耐都心思思想黎嘅餐廳又平又好食雖然係小店，但佢大大話話都幾間鋪位，人多時等位都唔算等好耐，適合同唔鐘意排隊等位嘅麻煩男朋友黎食海南雞唔洗多講，當然係呢度嘅必食啦小小心得，兩個人嘅話可以叫半隻雞，抵食過叫兩份海南雞架雞肉又入味又鮮嫩，加上三款惹味醬汁，我最喜歡點綠色加醬油！少少辣，仲有三串串燒，煎蛋，大大塊蝦餅，非常豐富！好香好好食第一次試呢個茄子，有d似沙爹，但又少少甜，撈飯一流！配個白飯就正仲有後面嘅葉包雞其實都好出色，可惜塔塔子太肚餓，唔記得影近鏡每次黎好時都係好滿足咁離開，而且好期待下次幾時再黎呢

在這個鳥無人煙的商場內， 我們只會經過而不會理會，同學讀書與我分享這商場內「別有洞天」的食店，當中 肉質嫩滑去滑 的海南雞，每次下單也有可點選薑蓉、辣汁及醬油作調味、芬香撲鼻的辣蟹汁炒蛋、濃郁味道的辣牛筋通菜煲、巴東牛肉、椰汁香飯、雞油飯，還有店內馳名已久的沙爹串燒，令人垂涎三尺，食指大動。 更重要的是，若不是早來享用晚膳，需排隊等候，曾試過等一小時多的時間。食物方面選材非常講究，味道濃郁，質感很好，賣相佳，每次同學聚會也會特意挑選這間店舖。半隻海南雞 辣蟹汁炒蛋辣牛筋通菜煲

今晚係林敏驄作品展首場, 我地呢D老餅當然要去支持支持, 重拾一下8, 90年代果陣嘅少年情懷啦🙈由於演唱會開場前發生左d意外延遲左開場, 所以我地有時間行去尖東食埋好時先再去睇。不過又一次眼闊肚窄, 結果捧住個肚走都食唔哂😰巴東牛肉, 都幾辣, 不過好惹味肉骨茶d肉好腍好味配肉骨茶嘅油炸鬼太硬😌海南雞有3款醬汁海南雞嘅雞肉好嫩滑👍好後悔叫左炒飯, 海南雞都係配油飯好d菜咸左少少炒蘿蔔糕太多食唔哂串燒正常, 個汁唔錯

很濃郁的湯底，椰香味足夠，愛辣的可問服務員取辣椒油，每一口米粉都吸曬啲湯，它的味道真的得近似我試過新加坡328的叻沙！用料需只用魚旦，蝦仁及豆卜，但很多數量，多到都食唔曬，這樣的價錢，真的很抵食又好食

仲記得之前好時沙嗲宣佈執笠時, 大家都好唔捨得, 要去潮聖最尾0個個星期仲要係超誇張, 排勁耐隊先食到由於我係一個超級唔中意排隊等0野食的人, 所以佢臨執前一直都冇幫襯過心諗: 咁受歡迎, 佢點都會搵過另一個鋪位再做0既估唔到隔左一陣, 佢真係從頭再來, 不過估唔到0既係......竟然係原址再開!!!!唔知當時LAST DAY 時, 排左幾粒鐘0既食客知道呢個消息後,係開心定唔開心好呢....哈, 人生有時就係咁戲劇性! 講返正題, 鋪面稍為裝修左少少, 但分別唔大MENU 亦都好似冇乜變動我0個日叫左碗喇沙湯麵, 味道都ok幾重椰香味個湯都幾杰身另外加$10 就有一枝可樂, 呢個lunch 都唔差呀~

海南雞飯- 好時沙嗲感覺有點名過於實🤔 海南雞飯雞皮比例相對上略多, 幸雞肉質感尚算嫩滑, 油飯味道不錯, 吸收雞油香氣, 配上薑蓉, 醬汁等 相當滋味! 沙嗲串燒應該是失敗之作, 肉質較 "梅", 肉味欠奉不在話下, 感覺似吃上一口口泥膠😂 沙嗲汁未做至濃郁, 整體大失望!rating:5/10

自從好時沙爹結束後再重開，第一次再訪，地方大了，多了一個舖位，但從前的味道卻悄悄消失了。牛豬沙爹（半打$49）到好時沙爹，點沙爹串燒是必定動作，但今時的沙爹真的不同往日了，肉串縮小了，肉質有點似免治肉，好像串了一串碎肉，沙爹醬甜味掩蓋沙爹的香辣。炒貴刁（$49）貴刁一上枱，細碟了很多，顏色也不對辬，記得以前的炒貴刁是帶黃色的，現在眼前的似乾炒牛河多啲，味道也不合格。咖哩牛腩（$59）咖喱牛腩算是最似樣，咖哩汁香濃，牛腩很入味及軟腍。法國麵包（$17）法包外脆內軟又夠熱，烘得剛剛好，不會太燶。薄餅（$27）薄餅是全晚最好食滿意的，餅很鬆軟，用來點咖喱汁，真的爭着吃。

早前《好時沙嗲》結業已經好想去幫襯，但是由於有不少人想在《好時沙嗲》執笠前去幫襯，實在無乜耐性排隊。好彩最終《好時沙嗲》重開，有幸再吃到《好時沙嗲》的海南雞飯，這日故意避開繁忙時間去幫襯。 何謂繁忙時間？就是Lunch Time以及Dinner Time，若果選擇在Lunch Time以及Dinner Time之前幾乎包場。可以靜靜地享受這一碟海南雞飯，首先喝一淡湯，肥嘟嘟的雞沾上3種醬料再吃一啖香噴噴油飯。 《好時沙嗲》的海南雞飯與其他海南雞飯不同之處在於其3種醬料，雖則不太清楚是什麼醬料。不過海南雞飯最精華就是這3種醬料，如果沒了這3種醬料再好的海南雞飯好像也不再吸引。

今次係第一次黎，之前佢就黎執笠同岩岩重開咁多人排隊，一路無試過。今日星期六睇完戲未夠七點就過黎睇睇，唔使等位直接入坐。得兩個人食唔到咁多野，之前睇食評串燒好似劣評如潮，避免中伏所以無揀。左揀右揀之下揀左海南雞飯、喇沙、咖哩角同牛丸粉絲湯。油飯好多人讚所以一定要試。果然，飯粒有咬口夠煙韌，粒粒分明而且帶有香料同雞油香，係全晚最精彩嘅食物。至於個雞，如果個飯係值5星，個雞我會俾1星 ，因為佢係完全無味。呢個價錢我當然唔會期望有新鮮雞，但係如果用白滷水浸點都應該吊到少少雞味出黎啩？呢個雞食落去無論係雞味同香料味都係欠奉。食完無味嘅雞跟住食番啖濃味嘅喇沙。食喇沙最緊要個湯底夠濃稠，最怕食到啲雞湯底加少少咖哩味就話自己係喇沙，呢碗完全無呢個問題，夠晒香濃，而且大大碗夠足料。$49蚊一碗，翠華魚蛋河都差唔多呢個價。出面而家食碗喇沙閒閒地都要六七十蚊，當然呢碗係無螄蚶啦，不過絕對係水準之上。之後呢碗牛丸粉絲湯又將個分數拉番低，湯底係有少少雞味嘅滾水，牛丸無牛味同唔彈牙，粉絲就超多，絕對係夠晒飽肚，如果病左想食啲清淡食物，呢碗係白粥以外嘅首選。見到隔離檯個咖哩角幾靚仔又忍唔住叫埋，新鮮熱辣炸起，大大隻

好耐無去哩度食野了 應該都有三年了哈哈 今次揾左幾個朋友一齊去食野😋😋知道重開後都有好多人去要排隊 所以今次早少少去 但去到已經都好多人 果然犀利呀👍🏽👍🏽不過時間都算早 所以都唔洗等位 啱啱好有位😊☺️巴東牛肉 唔好睇佢size細細細 入面都有好幾舊牛肉架 不過味道就同咖喱牛腩好似無咩分別😅😅但係都係好食架 個汁都幾好 唔辣架 怕辣者可以try try 配埋薄餅係幾好食😛🙂薄餅一定要趁熱食先好食呀😊☺️熱食都算軟熟嘅 凍左就真係無咁好囉喇沙😍😍真係好好味呀 喂呀真係好正呀 首先佢原本係配米粉嘅 但可以揀其他款嘅 我地揀左配河粉 河粉係粗個款 佢個汁好入味呀 每一條河粉都食到有喇沙 推介呀佢個湯底仲有魚蛋 蝦 魚 架 一定要trytry😋😋串燒半打 牛豬雞每款兩串 豬同雞都烤得幾好喎 不過牛就有少少韌喇 但都可以接受嘅 okay arr😊仲有咖哩角 係勁好食 炸到勁脆 入面啲函好正架 仲encore左多次呀哈哈 推介呀👍🏽👍🏽😍😍因爲卦住食所以無影到相相呢😝😛

裝修完小左好多人食。。。唔洗等叫左半隻雞+拉沙+咖喱牛腩雞肉一樣咁正。。夠滑。。加埋黑豉油。。真係冇得頂。。如果出邊食海南雞飯佢冇黑油比你既話。。果間一定唔正宗。。拉沙。。唔同左。。上次係米粉加蝦麵底。。口感好好多。。不過個湯底都一樣正咖哩腩。。一啲都唔辣好啱我食。。正。。加埋 蒜蓉包就仲正。。不過價錢真係偏貴。。因為真係好細份我三個人都唔係好夠喉環境：裝修完好好多。舒服。乾淨食物：保持到質素不過可以分量多啲總括：尖沙咀食雞飯佢第一唔洗諗

平時open rice都係做CDROM今日忍唔住要即刻開返個Account寫負評記得以前細個唔係咁差咁今日同老婆去睇演唱會會見到就入去試吓啦，點知個咖喱海鮮好似稍水，夠膽死放魚蛋同埋魚片切絲落去。個串燒牛好似悔左咁耐囉，叫左半打食左串半。個海南雞飯又超級難食。唯一個正常嘅就係個椰青，食唔夠20分鐘即走佢收我差唔多＄300出面仲有成班戇居仔喺度排隊食，我想同佢哋講，咪排啦，垃圾來架。。我哋食完之後，去咗翠華食魚蛋粉同奶油豬完

同朋友討論晚飯去邊到食，講講下大家都想食海南雞，朋友就建議去食呢間好時沙嗲，我都係第一次黎咋。首先叫左個為佢而黎的海南雞（半碟），雞肉鮮嫩，配有豉油、薑蔥醬同辣醬，本人覺得最好味係個薑蔥醬，其餘兩種都唔太特別。仲叫左個參巴手指豆，即係秋葵，個汁似係辣蝦醬味，好惹味，不錯～辣星洲炒飯，個炒飯好入味，有蝦同雞肉炒，另外仲有兩串雞肉串燒，一隻煎蛋同一塊大蝦片，讚！第一次黎呢間好時沙嗲，感覺不錯，下次會再來！