好時沙嗲

Good Satay
559
289
149
等級4
900
6
2017-07-14 6016 瀏覽
今日表姐出開黎話同我地食晚飯,諗唔倒食乜,腦海只出現尖東名物好時沙嗲,見表姐都話未食過,就決定食好時。***************記得對上一次約左朋友喺尖沙咀食晚飯,本來想食好時,點知搵黎搵去都搵唔倒,先喺開飯網見倒佢結業,之後到佢原址開返都冇黎過,所以距離對上一次幫趁都有十年八年前。重開嘅好時,打通左五間鋪,所以坐得都冇咁迫。唔知係咪因為平日關係,食客同以前比算少,起碼七點幾去到都仲有大把吉位。沙嗲豬-半打($49)食哩類星馬野唔少得串燒,串燒有豬牛雞揀,但因為同一款最少叫半打,我地又得四個人,所以我地就叫左豬牛各半打。哩度嘅串燒份量同新加坡差唔多,每一串大約只有一隻手指咁長,唔似港式街邊沙嗲串燒咁有成隻手板咁長,味道方面豬肉都算腍,沙嗲醬都香,但唔算特別突出。媽媽就話覺得以前街邊嘅港式沙嗲好食好多,之前新年都試過特登搵啲走鬼檔食,講真走鬼檔未必真係咁好食,好多時都係食個風味,食個回憶,不過同味道偏甜嘅港式沙嗲比,個人就比較鍾意食後者多啲,因為正如我好耐之前喺一篇食評講過,所謂正宗只係代表製法跟返原創,但唔同地方口味都唔同,所以即使跟返正宗,第二個地方嘅人都未必會覺得好食。沙嗲牛-
更多
今日表姐出開黎話同我地食晚飯,諗唔倒食乜,腦海只出現尖東名物好時沙嗲,見表姐都話未食過,就決定食好時。

***************

記得對上一次約左朋友喺尖沙咀食晚飯,本來想食好時,點知搵黎搵去都搵唔倒,先喺開飯網見倒佢結業,之後到佢原址開返都冇黎過,所以距離對上一次幫趁都有十年八年前。

重開嘅好時,打通左五間鋪,所以坐得都冇咁迫。唔知係咪因為平日關係,食客同以前比算少,起碼七點幾去到都仲有大把吉位。

沙嗲豬-半打($49)


食哩類星馬野唔少得串燒,串燒有豬牛雞揀,但因為同一款最少叫半打,我地又得四個人,所以我地就叫左豬牛各半打。

哩度嘅串燒份量同新加坡差唔多,每一串大約只有一隻手指咁長,唔似港式街邊沙嗲串燒咁有成隻手板咁長,味道方面豬肉都算腍,沙嗲醬都香,但唔算特別突出。媽媽就話覺得以前街邊嘅港式沙嗲好食好多,之前新年都試過特登搵啲走鬼檔食,講真走鬼檔未必真係咁好食,好多時都係食個風味,食個回憶,不過同味道偏甜嘅港式沙嗲比,個人就比較鍾意食後者多啲,因為正如我好耐之前喺一篇食評講過,所謂正宗只係代表製法跟返原創,但唔同地方口味都唔同,所以即使跟返正宗,第二個地方嘅人都未必會覺得好食。
沙嗲豬-半打
$49
50 瀏覽
0 讚好
0 留言

沙嗲牛-半打($49)


蘸左沙嗲醬後,基本上味道都差唔多,只係沙嗲牛明顯肉質比沙嗲豬粗鞋。
沙嗲牛-半打
$49
38 瀏覽
0 讚好
0 留言

巴東牛肉($59)


巴東牛肉其實係印尼菜,印尼人食飯通常用手,所以印尼人整巴東牛肉個醬汁時,通常都會磨碎晒啲香料先,務求啲醬汁滑得黎又黏得住啲牛肉。

哩個巴東牛肉醬汁都幾滑,牛肉亦軟腍,味道唔錯,啲醬最啱用黎餸飯。
巴東牛肉
$59
50 瀏覽
0 讚好
0 留言

椰汁飯($12)


椰汁飯都幾大碗,白飯中間都見倒白色一堆堆嘅椰汁,食落椰汁味普通,不過白飯唔會過腍。
椰汁飯
$12
29 瀏覽
0 讚好
0 留言

排骨茶($63)


排骨茶其實即係肉骨茶,哩度嘅肉骨茶係馬拉藥材味版,但味道就唔夠濃,湯底黏度亦唔夠,比較水汪汪,油炸鬼亦乾柴柴,味道非常一般。
排骨茶
$63
43 瀏覽
0 讚好
0 留言

炒貴刁($49)


炒貴刁係全晚比較好味嘅菜,賣相有別於港式顏色偏黃嘅炒貴刁,反而比較接近新加坡嘅炒粿條,都係用豉油黎炒。份量雖然比較細碟,只夠一至兩個人,但勝在價錢平,人少叫一碟炒貴刁仲可以試下其他野。
炒貴刁
$49
46 瀏覽
0 讚好
0 留言

海南雞飯($53)


海南雞飯本身跟左油飯,以晚市黎講都算抵食。海南雞只有最面嗰層有雞,下面其實係菜,哩個價錢當然預左,不過雞肉就略嫌鞋左啲,同埋跟海南雞個湯係冇味嘅。
海南雞飯
$53
23 瀏覽
0 讚好
0 留言

總結,已經成十年冇食好時,唔知係因為當時柴娃娃一大班人食乜都覺得好食,定我對食有要求左,定食物真係差左,今次再黎,覺得除左抵食,食物真係好一般,相信如果食物味道冇提昇嘅話,以而家咁貴嘅租,好時都好難生存落去。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食
人均消費
$100 (晚餐)
推介美食
炒貴刁
$ 49