好時沙嗲

Good Satay
559
290
149
等級2
8
0
2017-05-22 497 瀏覽
今次係第一次黎,之前佢就黎執笠同岩岩重開咁多人排隊,一路無試過。今日星期六睇完戲未夠七點就過黎睇睇,唔使等位直接入坐。得兩個人食唔到咁多野,之前睇食評串燒好似劣評如潮,避免中伏所以無揀。左揀右揀之下揀左海南雞飯、喇沙、咖哩角同牛丸粉絲湯。油飯好多人讚所以一定要試。果然,飯粒有咬口夠煙韌,粒粒分明而且帶有香料同雞油香,係全晚最精彩嘅食物。至於個雞,如果個飯係值5星,個雞我會俾1星 ,因為佢係完全無味。呢個價錢我當然唔會期望有新鮮雞,但係如果用白滷水浸點都應該吊到少少雞味出黎啩?呢個雞食落去無論係雞味同香料味都係欠奉。食完無味嘅雞跟住食番啖濃味嘅喇沙。食喇沙最緊要個湯底夠濃稠,最怕食到啲雞湯底加少少咖哩味就話自己係喇沙,呢碗完全無呢個問題,夠晒香濃,而且大大碗夠足料。$49蚊一碗,翠華魚蛋河都差唔多呢個價。出面而家食碗喇沙閒閒地都要六七十蚊,當然呢碗係無螄蚶啦,不過絕對係水準之上。之後呢碗牛丸粉絲湯又將個分數拉番低,湯底係有少少雞味嘅滾水,牛丸無牛味同唔彈牙,粉絲就超多,絕對係夠晒飽肚,如果病左想食啲清淡食物,呢碗係白粥以外嘅首選。見到隔離檯個咖哩角幾靚仔又忍唔住叫埋,新鮮熱辣炸起,大大隻
更多
今次係第一次黎,之前佢就黎執笠同岩岩重開咁多人排隊,一路無試過。今日星期六睇完戲未夠七點就過黎睇睇,唔使等位直接入坐。
739 瀏覽
0 讚好
0 留言
603 瀏覽
0 讚好
0 留言
得兩個人食唔到咁多野,之前睇食評串燒好似劣評如潮,避免中伏所以無揀。左揀右揀之下揀左海南雞飯、喇沙、咖哩角同牛丸粉絲湯。
海南雞飯 (5星係俾個油飯,完全唔關個雞事)
$53
20 瀏覽
0 讚好
0 留言
油飯好多人讚所以一定要試。果然,飯粒有咬口夠煙韌,粒粒分明而且帶有香料同雞油香,係全晚最精彩嘅食物。至於個雞,如果個飯係值5星,個雞我會俾1星 ,因為佢係完全無味。呢個價錢我當然唔會期望有新鮮雞,但係如果用白滷水浸點都應該吊到少少雞味出黎啩?呢個雞食落去無論係雞味同香料味都係欠奉。
喇沙
$49
19 瀏覽
0 讚好
0 留言
食完無味嘅雞跟住食番啖濃味嘅喇沙。食喇沙最緊要個湯底夠濃稠,最怕食到啲雞湯底加少少咖哩味就話自己係喇沙,呢碗完全無呢個問題,夠晒香濃,而且大大碗夠足料。$49蚊一碗,翠華魚蛋河都差唔多呢個價。出面而家食碗喇沙閒閒地都要六七十蚊,當然呢碗係無螄蚶啦,不過絕對係水準之上。
牛丸粉絲湯
$40
11 瀏覽
0 讚好
0 留言
之後呢碗牛丸粉絲湯又將個分數拉番低,湯底係有少少雞味嘅滾水,牛丸無牛味同唔彈牙,粉絲就超多,絕對係夠晒飽肚,如果病左想食啲清淡食物,呢碗係白粥以外嘅首選。
咖哩角
$35
6 瀏覽
0 讚好
0 留言

見到隔離檯個咖哩角幾靚仔又忍唔住叫埋,新鮮熱辣炸起,大大隻漲卜卜好足料,好食過大部份茶記,非常之地道 (I mean係地道香港風味,即係春卷皮包住洋蔥薯仔黎炸嗰隻,唔係酥皮咖哩角)。最後太飽剩係食左一隻之後打包。

總括黎講呢度唔係每樣食物都好好食,亦都明白點解之前見佢嘅評價好壞參半。但係講真,以呢個價錢有咁嘅質素,係抵食嘅。另一樣要讚嘅係佢上菜快而且啲野熱辣辣。之但係如果要排隊先有得食我就唔會喇,Time cost都係cost丫嘛,黎呢度就係因為佢抵食。如果我喺附近番工呢度會係我嘅食堂之一,下次想試埋佢嘅炒米同炒通菜。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2017-05-06
用餐途徑
堂食
人均消費
$100 (晚餐)
推介美食
海南雞飯 (5星係俾個油飯,完全唔關個雞事)
$ 53
喇沙
$ 49
  • 油飯