好到底麵家

營業中

休息中

。小時候，曾跟家人到一家有樓梯底的餐廳，感覺老舊，暗黑中吃麵的記憶模糊。今天本想去西關再嚐咸湯圓，原來星期一休息，走著走著便來了此老店。卡位木製，擁擠而懷舊，員工下單後會出一張電腦單，老店配上電腦科技，與時並進。小小的廚房迫著幾名漢子，外邊亦一樣，人頭擁擁。雲吞麵非常小巧，可能又是秉承往昔情懷，一碗麵不得超過五口吃完，雲吞要一口一粒那樣吧。因此聽到不少食客下單時已要求加底。麵條挺硬身，彈牙而非未煮透的硬度，爽而吸湯，有功架。雲吞小小一顆，內裹蝦亦相當小型，味道淡淡的，後來加點腩汁更好。吃到一半發現絕對不可能吃得飽，便追加一碗小食-蘿蔔牛腩。蘿蔔四五件，熱盪盪，爽甜、吸腩盡更香濃，完全沒筋，大快朵頤！牛腩稍嫌遜色，兩件是痴牙質素，味道挺濃，惟可幸其餘的較腍，筋肉相隔，否則便不值回票價$26。

一直都想試試，今日因工作路過約於可以試了。叫了一碗雲吞麵。很快便送到！麵不錯，同平時吃的不同。清湯也很好喝，似乎有大地魚的美味，雲吞需細細粒但非常可口。下次有機會要試一試蟹子蘿蔔！

第一次幫襯好到底，要咗一碗水餃麵，一碗雲吞麵。呢間係70年嘅老字號，心底有期望。其實一向我最鍾意食麥奀雲吞麵及正斗雲吞麵，麵非常彈牙，水餃雲吞用料靚，湯底更好好味直頭想飲晒佢。不過呢兩間麵家都好貴。好到底相對係平民價，麵端上桌感覺好乾身(一部分麵露出湯底之上)，食落口感覺好煙靱彈牙，麵質唔錯。不過水餃同雲吞用料好一般，水餃皮係用魚皮餃嗰種皮，剛好唔對我胃口，我一向唔喜歡魚皮餃。湯底亦冇乜特別，加辣椒醬食比較香口。整體上唯一係麵質彈牙可以吸引我，其他方面都唔係好啱口味。店內裝修古樸，饒有風味。

屹立元朗超過半世紀嘅誠意麵家曾有報章選出十大雲吞麵家，好到底不入十大，覺得有點意外，但後來諗番轉頭，不入係應該嘅，好到底的麵及湯底做法及用料上都有点另類，並非一般雲呑麵嘅味道。她不用跟別家爭什麼排名，不是第一，而是唯一！今次食左個水餃麵加底同埋蝦子羅白水餃麵賣相正宗，餃擺底麵放面頭，等麵冇咁快吸左啲而變焾，我為左影倒啲餃，所以夾左喺面。佢地嘅水餃皮並唔係用麵粉造，而係用魚肉做嘅，即係我哋講嘅燕皮，但佢又同中國嘅燕皮餃唔同，唔係淨係用豬肉，而係廣東水餃嘅饀，即係筍絲、豬肉、蝦、大地魚粉、蝦子同埋冬菇係嘅。魚皮今到食落口比其他麵鋪嘅出品多左一啲魚嘅鮮。呢個係佢嘅其中一個唯一。第二個數嘅唯一，係湯底，我完全感覺唔倒佢地有用蝦殼𤉶湯，其他麵鋪用蝦殼𤉶湯基乎係必然做法，咁做湯底会多左鮮味。但我估計好到底嘅湯有放大量嘅豬骨，為左保留骨香，唔想放蝦殼搶味。除豬骨外，靚面湯當然有大地魚啦，湯內亦有燒過嘅大地魚味道。第三個唯一係麵，基乎全港賣雲呑麵嘅都用生麵，即係淥起左半透明有啲似橡筋個種麵，生麵碱水味会多少少，造得唔好嘅食時仲要用大量醋先蓋倒碱味。好到底就用佢地自家制嘅麵，口感同喺佢度買嘅乾麵差不多，

麵身口感幾好，沒有麵粉香，但亦沒有鹼水味，這一點有加分。而賣相是傳統的細蓉賣相，麵在上，匙在下，雲吞沉底。賣相傳統。剛才說她的麵還好，那裡湯和雲吞呢？湯其實和其他名家相比，算淡口，雖有放豬油但湯本身卻鮮味不夠，說好的大地魚鮮味完全不明顯。而雲吞嗎，內餡沒有特別，要讚的卻是她的包法，雲吞皮沒有因重疊而出現未能煮熟的塊狀，金魚尾亦完整，使到入口滑溜，頓時好感大增。整體而說，是一間有底子的老店，未至於叫你驚歎，但也不會叫你失望捶心。

週未的午市，坐滿食客，但也不用等很久便有位了。點了兩碗雲吞麵，$25X2。搭枱的緣固，等食期間，留意同桌的食客，大部份也是吃雲吞麵，眼見他們的表情，狀甚滿足，有位少女更是吃了兩大碗。等侯期間拍攝的米之蓮推介。不久，輪到我開餐了，麵身跟其他雲吞麵店的不同，是好到底自家的口感，蝦子味濃郁，而且有一種油香，一試難忘;雲吞內的豬肉和蝦份量分配恰當，是一口雲吞大小。$25就能吃到這麼好吃的雲吞麵，物有所值。無論是堂食，還是在家，我也是給一個好到底的食評。

蝦子蘿蔔冧但唔會冧到爛哂一pat嘢咁。蘿蔔夠香甜之餘又唔會俾蝦子嘅鹹蓋過，喺味道上加多一層，令食客唔會好似食淨蘿蔔咁寡。水餃麵不得不讚麵身極為爽口彈牙非常好食！份量亦多。蠔油乍看頗多但撈埋其他料一齊食又唔覺太鹹。水餃同雲呑都有一陣獨特嘅醋味喺啲涵度，幾好味。蝦肉本身已經彈牙，配埋木耳嘅爽喺個水餃入面更令成個口感升咗一個層次。主角麵底唔洗講，係我食過最彈牙嘅，好味都O囇嘴😮

N年前讀大學時因為住宿舍，所以常常以「麵」為伴，除了沒什麼營養的公仔麵，也會買來意粉、米粉等一大堆。偶爾出沙田，就會到當時好到底的沙田店買菠菜麵，一斤才三十多塊。現在店早就沒有了，但想不到價錢好像沒多大變化。從小布站回到元朗市中心，經歷了一場暴雨，很慶幸我的水鞋終於可以大派用場。無定向的亂行亂走，穿過街市，看到好到底麵家，正想買些菠菜麵回味一下從前，走近才發現總店原來除了賣乾麵，也設有堂食。戰後1946年，商業興旺，由擔子檔攤到地舖，至今接近70年歷史。小店有兩層，燈光有點昏暗，全店保留了六七十年代的裝潢，尤其是木櫈，兩旁幾乎全部都有用L 鐵加固，可以想像它有多陳舊。點了一碗淨雲吞($25)，價錢跟細蓉麺一樣，還有一款細淨雲吞，這個只收$16。普通淨雲吞有8粒，size小巧，皮薄卻沒有煮爛，蝦的味道非常突出。接下來是蝦子撈麵，這個是男友指定要點的。從賣相看來，扁扁平平的一碟盛惠$50的確很貴，男生甚至未必夠飽，但入口那堆蝦子實在香到不得了，真的很想舔盡每一粒。猶記得幾年前曾經嚐過劉森記，梘水味還是搶劫了蝦子的鹹香，所以對於好到底的麵身沒有半點梘水味，感覺最難得。水餃麵端來的時候，水餃都

元朗好到底，相信很多人也會慕名而來。我愛到好到底堂食，也愛買它的盒裝麵回家吃或送禮。好多底的麵多是一斤裝一盒。金裝蝦子麵--$76--約15個蝦子幼麵--$53--蝦子味香，平價之選。蝦子寬條麵--$55波菜麵--$36斎麵--$25--麵身爽口，平得來非常好吃。好多底的麵，我已嚐過不少款式，一般味道同其他出品都是水平以上的。在這裏我特別要詳細介紹一下金裝蝦子麵。以前多會買蝦子幼麵，因價錢較實惠，自從試過金裝蝦子麵後，覺得$76能買到這麼好吃的蝦子麵，也非常值得的。紅色盒子，別樹一格，打開盒子，嗅到淡淡的蝦子麵香，看到麵身佈滿蝦子，貨真價實，未吃也感物有所值。好到底的蝦子麵，跟其他蝦子麵略有不同，煮的時間很快，麵很快便會散開。最近先發現原來盒子底部有教煮法(看附圖)，本人不愛太硬的蝦子麵，自己加30秒左右。我吃其他蝦子麵，不會留湯，會另加調味料，但好到底就不同了，湯底非常清甜，不會加任何調味，我要連麵帶湯吃，而且一滴不漏把它吃完，不然就會白白浪沉澱在碗底的蝦子麵。金裝蝦子麵較幼身蝦子麵貴$20多元，蝦子味更濃更香，味道真是高了一個層次，金裝蝦子麵已經成為我的宵夜道選。

我覺得大雲吞比好到底好吃，在好到底點了一碗雲吞面，25元，雲吞好小又不新鮮，麵也是麻麻，好像大雲吞20元的雲吞麵比他們的好吃。應該不會再光顧喇! 店鋪內部又比較暗，感覺很一般，總之就只此一次啦，試過就算。

好到底在元朗已經悠久歷史，我每次去元朗都會去好到底，我覺得好到底雲吞好好味，雲吞皮好薄，湯底好好味，個湯不算太咸，這裡維持懷舊裝修，今次同阿女去元朗行街，我去了好到底無數次，依然覺得雲吞麵好味，服務就一般，好到底地點十分方便，位於市中心地带，環境講不上好好，我來了多次覺得幾好吃味道:湯底不算咸，蝦子麵十分好吃環境:充滿懷舊裝修服務:一般價錢:28再度光顧:每次去元朗一定去

一直想試好到底，只是住九龍的我绝少來元朗。因緣際會今次可以試了。叫了牛腩撈面，朋友要水餃撈面。蝦子撈要$50,没有再加了等了一會，面來了，好像很少的份量，我的牛腩更是迷你，心涼了一截.…試一口面，不錯！沒有梘水味，很彈牙，但美中不足是蛋香味不足，不可稱為完美。牛腩一般，軟身而味不足，腩汁更加少，可惜可惜。朋友的水餃反而不錯，有點像魚皮餃的外皮，跟水餃是有趣的配合，推薦！附送的湯也很好喝，不會有味精FEEL, 應是大地魚的美味, 推薦

比張相大家提睇下先，果然係百年老字號，一入到去d檯凳同以前睇的粵產片一樣，好有五六十年代的感覺．今次係小編第二次寫食評，好到底麵家絕對係慕名而來，一泥入到元朗人生路不熟，二泥想係去冰雪節之前食碗熱野暖下個胃．我同女朋友叫左三樣野．首先講下雲吞麵，作為老字號，女朋友試過話有d失望，因為真係太小碗，ｄ蔥花雖然多但晤多夠味，平平淡淡，無咩特別．之後個牛腩麵就比較有水準d，雖然都係小碗，但勝在腩汁晤濃又晤淡，恰到好處．麵質有彈性，終於似反百年老店既名．最後晤夠飽就叫多個蘿蔔牛腩，牛腩切到細細粒,無肥筋，認真不錯大家想懷舊下，復古下，不妨黎試下，可以叫埋老一輩朋友去．

元朗既好到底麵家,好多年前住元朗既朋友帶過我黎,我印象中係十分出色,今日經過再試一次,發現味道差左少少但仍舊好味印象中門面好似裝修過幾企理, 唔太記得.晏晝比較多人排隊,而入面就如同一般粉麵檔一張張細枱圓櫈坐位比較逼夾. 而我同一位朋友就坐喺上層既一張大圓台上面搭枱二人叫左炸醬麵,淨水餃同蝦子麵淨水餃湯底好香肉味,好似仲有少少蝦味. 水餃形狀比較橫身有大慨五CM長,水餃皮包得比以前退步,冇左個手握位(雖然我吾知點先為之正宗包法,但以前包得凹凸D食落會更有質感,裏面既蝦肉都算新鮮, 仲有啖啖豬肉粒口感蝦籽麵好好味, 成碗麵係比較乾身,令到上面充滿蝦香且且粉狀既蝦籽完全滲哂落去十分乾身既麵入面,麵質好香蛋味而且有咬口,每食一啖都充滿蝦子味,好食炸醬麵 麵身同之前一樣,乾身蛋香有口感,炸醬既豬肉肥瘦大慨成37之比,所以有咬口得黎爽口,配合甜酸度比較高既炸醬撈麵,係一個不錯既選擇總括而且,蝦籽麵比較出色,其它都不錯!

好到底的雲吞面和水餃面，相信元朗無人不曉了，吃了好到底二十多年，吃過雲吞面、水餃面、蛋面、伊面、蝦子蘿蔔，甚至牛腩，偏偏未試過蝦子撈面，原因無他，就是貴，索價要$48元，但今天終於試了，吃完後的感覺仍然是一個字: 貴！我知很多人愛吃好到底的蝦子撈，事實上的確好吃，它的蝦子没有劉森記的腥味，是上等蝦子，不過，量卻少了點，一碟面下一些蝦子，加一小碗湯，便要近五十大元，實在肉痛和齋了點，人家劉森記的黑柏葉蝦子撈面，也只是$38，還有酸蘿蔔任夾，讓人吃得順氣多了！如果好到底能推出雲吞或水餃蝦子撈面，即使索價四十多元，我也會多多幫趁的！引用：雲吞面對比永華面家：「元朗好到底的湯底雖大地魚味不濃，可能不算正宗，但其豬油香味令人齒頰留香，好到底用的是干麵，口感較硬身，接受程度因人而異，餛飩雖比十年前硬了一點，但不會像永華般硬成一團，整體而言，始終元朗好到底仍是個人餛飩麵的首選，加之加價後仍只是$25（十年前好像只是$14），加底也只是多加五塊錢，抵食之選無懈可擊！」