好到底麵家

營業中

休息中

水餃撈麵- 偏奶白色的湯魚味濃郁，帶大地魚乾的甘香，蔥花新鮮爽脆添清新香氣- 幼麵條條分明、彈牙，帶濃郁豬油甘香，及恰到好處豉油鹹香。混入其中的蔥花，為麵添香氣- 三角形的水餃皮薄、晶瑩剔透，餃子餡若隱若現，很性感。餡料以豬肉甘香為主調，原隻蝦的蝦味不濃亦彈牙，木耳尚算爽脆*偏酒紅色的辣椒醬香口不太辣

前排同男朋友特登去試依間米芝蓮既蝦子撈面，因為係下午三四點，唔算好多人，都唔洗排隊即刻入得不過同時間好多師奶入泥買蛋面，一買就六斤咁買，真係好好生意喎我同男朋友一人叫左個撈面，一個蝦子撈，一個係炸醬撈面。兩個面都有送清湯，我地都一致認為個清湯幾好味男朋友就話炸醬面佢最中意，有少少甜甜咸咸幾開胃，我就覺得有少少中學時食茄汁焗豬排既感覺lol 蝦子撈面就真係不負所望係好食！而且面底真係好有口感，蝦子又好香，自己就最中意蝦子面。不過份量真係可以大份小小，我諗女仔都還好，男仔真係要叫兩份先夠，而且五十幾蚊都唔係平嫁喎~

到南生圍郊遊前，計劃到元朗光顧「好到底麵家」、大同老餅家及勝利牛丸😜先到始創於1948年的好到底麵家，山長水遠到此吃一碗麵真是值得的😍價錢很合理麵完全沒有鹼水味。水餃皮也沒有鹼水味，很多木耳絲在餡內，十分好吃。

今日年初三，俗稱赤口，無去拜年，而係去左元朗行一轉。元朗地膽話呢度既牛腩同埋蝦子麵都好出名，又堅係好味，成日都好多人食！難得入到黎，梗係要試下啦！等左一陣位，唔算太耐。麵店裝修簡單，好有懷舊感，有卡位有圓檯，我地個位係樓上。因為唔好鹼水麵，同屋企人叫左一碗牛腩米ᴴᴷ$39 同埋兩碗牛腩伊麵 ᴴᴷ$44（轉伊麵➕ᴴᴷ$5）。伊麵食左係咪會長壽d？！麵既size其實唔太大，一上檯已經香氣撲鼻！先嚐一嚐一著伊麵，麵有咬勁，同時又吸滿湯，好正好好味！同米粉係有d唔同😋😋 。牛腩望落雖然好瘦，不過整得好腍，入口隨即品嚐到花膠八角既香味🉐️🉐️🉐️！

元朗愈來愈多餐廳進駐，但傳統名物地位都唔會咁易被忽視。好到底係元朗有歷史既傳統麵家，冇豪華裝潢但有濃濃懷舊風情同人情味。兩個人黎食點咗必食既蝦籽撈麵，麵質爽口蝦籽鹹香，我諗呢種可稱得上係香港既古早味。雲呑足料皮薄，牛腩香腍入味，再來支玻璃樽可樂簡直妙絕！走時仲可以喺櫃臺買麵返屋企煮添！

一路都系自已買回家煮不會堂食，而且一盒蝦子麵都唔平架，但覺得已經不再好食不再好食質素下降。 煮時有部份面發不開好似一快木板咁，是是旦旦咁。我有諗去換但不如以後不再買算吧啦

係元朗呢個好西集中地，都有一定江湖地位既好到底，究竟有咩咁吸引？首先係佢既裝修勁懷舊，坐低食野特別有feel去到主角：蝦子撈麵同牛腩撈麵，麵勁有彈性，原來係人手整架，仲要無梘水！份古早味無得輸！加埋樽裝肥仔水，即刻gur晒呀好味到朋友都忍唔住買埋返屋企食👍🏻

仲記得細細個爸爸會經常帶我去食雲吞麵。除左好好味既野食之外，仲有濃厚既人情味☺️口頭大叫落單又從來唔會出錯既煮面伯伯。每次一起身立即可以靠枱上碗碟心算總數既樓面姨姨。計數好好既收銀婆婆。再加上店鋪內幾十年不變既裝潢，每一樣都係陪住我成長既童年回憶今日再同媽媽去，所有野已經電腦化。出野食速度慢，而且出錯。(我地點既係雲吞粗麵，等左25分鐘，結果出左幼麵)味道冇以前咁好味，而且少左一份人情味。不過我以後有時間一定會再去！懷緬一下過去🤗整體上味道還是不錯的

聽講元朗人口中都幾有名氣既好到底麵家d人不停入 食完即刻走基本上一定要同人地搭枱 而且係好迫既情況下不過即管試下啦不過前題係本人唔太喜歡食竹昇麵所以比較主觀我覺得唔太係特別好食我嗌左個牛腩麵 同行友人嗌左炸醬麵 不過我無影到相 不過竹昇麵無梘水味 而且好足料 牛腩好食即管當佢係好食啦炸醬會配個清湯比佢 未食過既 可以一試我個人應為佢又唔係真係好平但依然甘多人幫襯一定有佢優點我唔太識欣賞姐 一定會有識欣賞佢既人果個可能係你~

香港租金地價昻貴，很多老字號的食店都在無聲無息的結束，換來更多連鎖式，或是裝飾得像五六十年代的懷舊餐廳，不如尋找一下現有真正的老店，品嚐一下食店幾十年的傳統味道。去到元朗好到㡳，接近七十年歷史，沒有華麗的裝潢，更沒有五星級服務，但都值得去吃碗麵，支持老店。這張在門外的廣告，相信有幾十年了，電話號碼只得三個號數。雲吞麵（$28）雲吞有五粒，麵質爽彈，湯㡳清甜，雖然不是很大碗，但從$28來說，都算抵食。雲吞皮很滑，蝦肉爽彈，配合紅醋及辣椒醬一起吃，更加提升味覺。炸醬麵（$32）炸醬麵是撈麵形式，配上一小碗上湯，麵質爽彈，上湯鮮甜，炸醬調味合適，每條肉絲都很好味，與湯麵相比，又是另一番風味。

喺附近行完街 朋友想食雲吞麵所以黎咗呢間鋪 入到去好快落好單 朋友叫咗碗雲吞麵我淨係叫碗淨雲吞 落完單等咗勁耐 等到坐我地對面遲過我地黎既搭檯姨姨食完碗麵 我地既單都未上到 問落單個啊姐 佢好惡咁話「黎緊㗎啦」態度極差！收銀既啊姐又黑哂面咁 就算碗麵幾好食 啲態度咁差都食得唔開心！下次唔會再幫襯！！！

住咗元朗成20幾年.....都好少去呢度食雲吞麵....你間元朗老字號好到底麵家聽講話年年都攞米之蓮不過好似價錢都唔平....都要幾十蚊一碗雲吞麵.....反正老字號試吓無妨淨係呢間鋪已經屹立元朗幾十年.....而且裏便嘅層次同幾十年前都一樣都算係元朗一個地標之一如果樓下唔夠位坐樓上都可以有位佢哋年年都攞米之蓮餐牌就十年如一日.... 冇乜大變化亦都冇乜新意思有時候我阿媽都會買佢哋嘅蝦子麵返屋企肚餓煮一個食都幾好味我叫左個雲吞麵家底同一個凈水餃個水餃就有啲扁身.....而且味道一般但係個雲吞麵就OK.....都算幾彈牙我建議食雲吞好過食水餃最後埋單61元

元朗傳統老店, 裝修擺設都有令人走返去70, 80年代嘅感覺! 作為鍾意食麵多過食飯嘅人, 我真係非常期待入店去試麵同Mr. Go兩個人叫咗4款食物, 本身驚會太多食唔晒, 點知原來全部都好的骰, 安心無做大嘥鬼!首先必須要讚吓個麵底, 夠爽口又彈牙, 師傅煮麵時間掌握得好好! 而且無乜鹼水味但係份量偏少, 男士應該要加底先夠飽~牛腩麵4件牛腩, 每件都細細嚿, 味道中規中矩水餃麵哩度嘅水餃皮好特別, 似魚皮餃皮但薄d, 而包水餃嘅方法亦有別於一般店舖, 包得薄薄哋形狀似蛋角。個人嚟講幾鍾意, 夠特色~ 但Mr. Go就覺得餡太少, 餃太薄, 口感欠佳。淨雲呑餡料好味, 但份量偏少蝦子蘿蔔蘿蔔好清甜, 蝦子都好香!!! 但總覺得哩兩樣嘢不太match反而下次想試吓蝦子撈麵~

入元朗問朋友借d嘢洗 朋友好好人仲順便請我去呢度食麵 佢話呢間好到底麵家喺呢度嘅老字號 有人請食嘢就梗係好啦 我都想知道好到底麵家究竟有幾好雲吞麵兩碗 佢一碗 我一碗 好耐都冇人陪我一齊食嘢 有朋友陪我一齊食嘢特別開心一食入口就知原來 好到底麵家 只係一個舖頭名又或者係一句口號 因為味道真係唔係幾好 但係又唔可以話係中伏 因為又未去到伏嘅階段 味道就一定比一般差個湯好咸一啲鮮味都冇 面又煮得太林仲有好重嘅鹼水味 雲吞係細粒蝦肉又唔夠爽口 味道都係好咸可能係唔啱我口味

入到黎元朗除左必食糖水之外 唔好唔記得去｛好到底｝食番碗麵先走呀呢間元朗老牌面店雖然裝飾比較平民 但就夠哂乾淨企理 而且啲店員姐姐都好親切 好有人情味 入選左米之蓮都無吊高黎賣 值得一讚今次就叫左2碗麵 雲吞麵同水餃麵雖然唔算大碗 但對於小妹黎講就剛好 可能男仔過黎要叫多碗或者叫多個餸或加底先夠啦同埋價錢黎講好平民！以呢個價錢食到米之蓮認可既野食簡直係好底一碗雲吞麵入面已經有6粒雲吞 粒粒都好足料 一半蝦一半豬🦂🐷 好鮮味爽口 個湯都好清甜 最後飲哂咁制 唔係味精湯黎架～麵既質素都好高 水餃麵非常驚喜 原本就中意食雲吞多過水餃 而間鋪聽講主打雲吞 但水餃麵都好出色 入面有埋雲耳 更加爽口彈牙 而且水餃相對中粒啲 睇番個menu 其實有好多野都想試架～特別係見到格離木台食緊果個撈麵好似好正咁 決定下次黎元朗要再黎試下其他