好到底麵家

營業中

休息中

7點半....趁未收舖...入去整返碗我諗喺元朗, 無人唔識...老舖, 裝修當然...但d碗碟非常乾淨...要讚兩碗水餃麵 -- 水餃仲係其次, d麵質真係好得,只要配辣醬, 絕....一碗有4隻水餃, 份量ok...一碗淨雲吞 -- 不錯, d蝦都好爽..一碟生菜 -- 依度得一款菜, 唔食就無....我懷疑佢地係用豬油...好香...喜歡水餃麵,去開元朗記得試試..依度食既唔單只係食物, 仲有一種由細食到大既感覺.......

以前幫襯呢間舖頭只會選擇食蝦子麵或撈麵，甚至買蝦子麵返屋企煮。因為好耐都無食過伊麵，兩公婆專登去試吓啲伊麵，伊麵要煮得好食，一啲都唔容易，時間要掌控得好先至會做到香、滑、軟綿，但又唔會軟綿到或者腍到一pat嘢咁囉。而且伊麵通常都比較貴，呢間就要另加每碗五大元，唔係問題，好食就得嘞！今次叫咗兩碗雲吞伊麵，伊麵煮既時間都尚可，但有油臆味；雲吞有少少變壞o既味道，可能同天氣熱，廚房處理問題有關。一碟生菜，蠔油味道剛剛好，唔會太鹹，不過菜就少咗啲。重有一碗牛腩蘿蔔，呢碗都算係今餐o既代表作，蘿蔔香不在話，無渣又清甜；牛腩腍度剛剛好，一咬就OK，唔痴牙，好滑(因為有牛筋)好香但唔會冚過蘿蔔味，互相配合得宜，所以蘿蔔同牛腩真係絕佳o既好拍檔。

今天，我們一起食午餐︳可是最後的一頓午餐……你已知道我想怎樣了…很不拾得你，真的…你知道我喜歡食麵，便帶我到這家麵家食麵，一走進去很有六七十年代的感覺…風扇、燈、坐位…等等都是保留了舊時香港的茶館特式……很特別，你想和我靜靜的享受午餐，所以要求到樓上二樓享用午餐，侍應們都很好，他們安排我們到二樓，一上到二樓，看見了舊式傳菜窗口，哈哈…很新奇…^^希望這間麵家見證着香港時代的變遷…很享受、很喜歡和你享受任何一餐…真的…你永遠會遷就我，點菜都是點我喜歡的食物，你深怕我點的不喜歡，都可以食你的…多謝你…對我的愛和包容……講回食物：整體而言，這間麵家是我食過的麵中，最好食的一家…麵條不但沒有梘水味，每條麵條都很爽、很有質感…連你都食得出有很大的不同，比爽爽的麵條還好吃…十七元就有一碗麵，5粒雲吞…食得挺飽的…你食了一個三十八元的水餃撈麵…你說很好吃^^雲吞、和水餃都是一樣餡料的… 我覺得沒有什麼分別，只是在於形狀不同…不過，接近每粒雲吞都有一隻小蝦仁，都幾足料的…哈哈…食得過…仍然很懷念…難怪入選米芝蓮……我會再和你去的…一定有機會的…一切在神手中…^^

好耐都冇去過好到底啦因為女朋友唔鐘意咁岩今日自己行開元朗買野女朋友又唔係度梗係入去食番餐先啦我叫左一個雲吞米同埋淨水餃等緊途中發現原來好到底入左米之蓮雲吞都幾ok,真全不過不失但係水餃真係好正有空可以試試埋單都係44蚊

好耐都冇去食好到底，今次天后寶旦去還完神，去開元朗心思思走左去食。去到左叫左個雲吞麵，由細食到大都只食雲吞麵。不用一會雲吞麵已在我面前，一如以往食晒所有麵先食雲吞，因為怕d麵"林"晒。先望下個麵，d色水好似唔同左，食落去仲有d"簡"水味，而個湯底都差左d，冇以前咁昏，好左d雲吞仲keep到咁好食，不過有一粒係冇左隻蝦(以前粒粒最少都有一隻蝦)。希望下次去食可以好d喇。

係元朗睇完醫生, 好肚餓, 於是又去搵野食~本來打算去食嘉麗園的, 但係唔食得牛腩, 費事得個恨字~行行下見到好到底既招牌, 諗起之前係呢度search元朗有咩食既時候見過, 於是就行去食~唔食得牛, 咁就要淨雲吞, 水餃伊啦~~雲吞細細粒, 唔錯~水餃就相對失色, 有點實, 似肉餃多點~不過偏細似九記, 麥奀, 真係多多碗都唔夠我食~下次好番, 要去試下牛腩有冇特別~(我鍾意懷舊風, 所以環境比高少少分)

今日(15-3-2011 Tue)同女同事FC入到元朗做啲o野後,1:50pm左右至食lunch.原本想去嘉麗園食牛,但FC唔食牛,咁冇辦法,邊行邊搵o野食,由於我o地都唔太餓,我又提及好出名o既呢間,佢又未試過,所以就o黎啦.地下原本都有位,不過亞姐見我o地拎好多o野,就叫我o地上樓上,真係good呢.上到去,卡位冇晒位唔緊要,重有一張有椅背o既四方枱.我想試蝦子,但我驚$32.00o既蝦子撈麵太大碟,所以唔叫呢個.就叫個$17.00o既蝦子蘿蔔同$11.00o既淨麵,再$6.00一支o既細可樂.FC就要$17.00o既餛飩河同都係要可樂.所有o野到齊,FC o既河粉好似半透明,而餛飩原來有5粒,佢畀1粒我試,佢細細粒,但好味,蝦鮮甜同爽皮滑,唔錯.而我嗅到好大陣蝦子味,食吓先,唔….食落蝦子味好似冇乜,蘿蔔冇渣唔苦,可以.而淨麵湯仍然好淡,我要加醋至稍為好食啲.服務:樓上得一個亞姐,佢好攪笑地幾乎唔記得邊張枱叫幾多支可樂,連派食物自己都睇唔返自己o既字跡.最好笑到我o地枱,FC見想攞麵畀佢,佢已經嗌住話係餛飩河,亞姐都依然畀碗麵佢.不過我畀錢時,收銀服務都好好.第一次o黎o既食評:

叫咗一碗水餃麵,一碟牛腩撈麵,一碗正雲吞,我覺得麵好爽口,名不虛存,但男士應該唔夠食,最好加底加$5,水餃扁扁怪怪的,相比之下,雲吞好味啲,雖然啲麵好味,但我覺得就唔會好味到米芝蓮推介,又一證明,米芝蓮推介未必最正嘅~

去元朗玩完,夜晚經過見話米芝蓮推介,見咁出名就入去試下.個裝修保留以前舊式老店風味,幾有懷舊感覺.雲吞撈麵-雲吞又實又細,餡料普通到得猪肉加蝦粒,味道極普通無層次,出面任何一間麵舖都好過佢,係個麵彈牙無鹼水味幾好!蝦子撈麵-朋友叫的,我無試所以不作評語.但佢地話不及澳門的多蝦子又無聽見佢地話好食,相信都係一般.淨水餃-唔覺特別好食味道又普通好似屋企包果D咁,見人寫話個湯好正,但我都飲到有味精味...服務方面:落單時個阿姐問我地個麵要唔要剪,我停左一秒去諗,佢即刻轉身用好唔友善既語氣同我講"你諗好先再叫我!"就走左去,咁既態度真係好唔得,唔知係唔係米芝蓮關係,所以唔憂做咁!價錢方面:$38一碟麵真係幾貴,就算個麵幾得,d雲吞唔掂都扣晒分,何況出面普通一間麵舖既雲吞都做得好過佢.整體來講除麵好食以外其他野都好普通,可能佢想保留最原始以前既味道,但就唔應該用呢個價錢.再加上服務又唔得,點配得上米芝蓮個名,相信唔係有人要求都唔會再試.

陪媽咪出嚟元朗，順便去「好到底」買麵。唔去唔知好到底已經獲選2011米芝蓮！原先，佢打算買一斤蝦子麵俾我做早餐，但係我見到咁貴，唔想佢太破費，叫佢買6個就算嘞！另外，買埋齋麵。蝦子麵 ( 6 個 $18 )以水、小麥粉、木薯澱粉、蛋、蝦子、鹽、糖制成。本身已有咸味，煮 1~2 分鐘，方便快捷！蝦子麵滿佈蝦子，麵質爽口彈牙！齋麵 ( 大約 $30 / 斤 )以水、小麥粉、木薯澱粉制成。本身無味，煮食時要加調味料，麵質一般！不及蝦子麵。

在咐近的勝利吃了半碗河粉及幾粒牛丸後再來這裡進行下半場.因麵條並非自己喜歡的類型故一直提不起興趣來這間光顧過.更加的老字號模樣,一樣的人山人海.辣椒醬----傳统麵店必備的橙紅色辣椒醬!偏酸的味道用來配炒粉麵蘿蔔糕的話確是不錯.水餃伊麵----向來不喜吃麵條欠爽彈的蝦籽麵類,故寧願加$5吃伊麵.伊麵灼的時間欠佳,軟軟的欠咽韌及已發漲,加上浸透索飽了這個帶點腥味的湯,更覺九記的湯及伊麵可貴.水餃就像大隻的台灣肉燕餃,還是喜歡傳统用雲吞皮及餡料做的版本.剩雲吞----雲吞包得死實餡料鮮味欠奉,似其形而不像其味.這情形就像小時候的平價街坊餅店奶油蛋糕和較高級西餅店的忌廉蛋糕分別.同是外形一樣就是用料味道不同.企檔的因落單錯漏先後次序而粗口橫飛,侍應阿姐門的待客態度更是不敢恭維!有些東西要親身試過才知適不適合自己.明顯這裡的不是我碗麵.

諗住入南生圍影下相前,決定黎lee度食個蝦子撈麵做lunch~一入去就有位,不過要坐樓上,入面好有舊式食肆的風味,兼且入到去先知好到底已經得到"米芝蓮"..oops!!急不及待叫蝦子撈麵,雖然好快有位,但都要等10-15分鐘先有得食整體黎講,麵質相當彈牙,自家製的果然零舍不同..同埋d麵真係冇梘水味,very good!!蝦子方面,都幾香,如果可以再落多d蝦子就好喇!!不過個人依然認為lee度的蝦子撈麵不及澳門的祥記及六記好..但我相信lee度的師傅已經盡左力..始終隔離埠d蝦子新鮮d..lee樣野冇得講..價錢方面,lee度賣$38一碟,有點兒偏貴,澳門的大約$20已經有交易,不過無理由無lala特登買張來回$3xx的船票食碟蝦子撈麵吧!!雖然如此,我都o係度買左樽金裝蝦子($80)返屋企,得閒撈下野食都好...橫掂我都係愛好蝦子的一份子~可以再試,但間中好喇..始終有d貴..

一間元朗食麫老字號，懷舊feel味濃 (有卡位，大圓枱，樓上雅坐，樽型汽水... )幫嚫個數次主要食雲吞伊麵，今次適逢同一位住將軍澳嘅朋友去食：雲吞伊麵 ($22)加左2蚊雞價，我覺得味道同份量無變，蛋味伊麵裏有4粒雲吞，我最鐘D湯帶鲜蝦味，所以每次都飲哂D湯 .點知我問個朋友係咪幾正，佢話 “無乜特別，同我自己煮差唔多” 我當時腦子一片空白，我再問 ”D蝦呢? ” 佢答 ”唔算大，不過D湯無落味精”，幸好個朋友都同意D湯唔錯，只可以話位朋友對食物或雲吞伊嘅要求比我高，加上佢吾係元朗人，吾洗比面.今次服務就差過之前好多，我地食完後叫位阿姐清理台面，佢只係抹枱， 我再叫阿姐拿走D碗，點知佢話 “放係到得” 然後走開，我相信 ‘可能佢唔係負責lee方面嘅嘢’.發生此事後，我當日巳無心機為此店影其他相. 不過我都會再光顧，支持香港老店.期待：份量加大

每次到元朗都是吃彪記的肥腩米，聽到友人說好到底好吃，所以今天便去一試。果然是老字號，店內仍保留舊有的裝修，最喜歡是它那木製的圓枱圓凳，勁有懷舊feel。這裡是沒有餐牌的，不過來到麵店當然要食麵，而且選擇也不多，就點了雲吞麵和蝦子蘿蔔。要提一提他們是沒有記枱號的，但人多又要搭枱，非常容易落錯單，我就因漏單等左好耐。 這方面餐廳不需懷舊，應該要改進~ 等了良久，終於來了。 雲吞不是很大粒，但吃得出是用鮮蝦，不錯。 麵沒有鹼水味，很爽，但是顏色偏白，有一種浸了一會兒的感覺... 蝦子蘿蔔是餐廳的新出品，蘿蔔清清的，頗稔，很能帶出蝦子的香味，是值得一試的。整體來說，雲吞麵和蝦子蘿蔔也是不錯，但並不是特別到要專程去吃。如路經元朗，食一碗也無妨!

假日到元朗搭輕鐵買餅逛街,從前都不知道元朗有什麼好吃的,出門前特地查了一下OpenRice,就發現了這家"好到底麵家"~下午2點多進到店裡,位子依舊坐得滿滿的,生意真好~原本擔心店員會忙到沒空招呼,但一踏進去店內就被店員注意到了,並幫我找了座位坐下~ 最後點了蝦子撈麵 和 鮮蝦雲吞,蝦子撈麵....還是我第一次吃到,在台灣從來沒吃過這樣的東西,原本以為會是有幾隻鮮蝦,沒吃過像這樣的蝦子顆粒,好稀奇~撈麵的蝦子味很濃郁,麵很彈牙,附贈的湯味道也很鮮,好好吃!!!最後想說難得來元朗,就再加點了淨雲吞,雲吞味道也很不錯!!裡面的蝦子是整隻的~整體來說,服務態度良好,東西好吃,而且份量充足(好飽呀XD),下次有機會到元朗一定還會再來光顧