夫妻沸片-台式麻辣火鍋 (已結業)

天寒地凍最好梗係去打邊爐😚哩間鋪頭地方好寛敞，加埋好有特色既壁畫，係幾有中國風氣氛喔😚呢度既點餐都係用電話落單，超方便，抵讚😍一個出色既湯底係唔小得，我要左美人鍋加埋兄弟鍋☺️美人鍋係養顏花膠雞窩，入面有葵花雞同花膠，真係好養呀💓葵花雞超級滑😚雞味好香，花膠大大嚿，膠感好重，食完感覺補充左好多骨膠原😋兄弟鍋即係酸菜白肉鍋入面有旺菜同豚腩肉酸菜，加埋薯粉，個湯超級開胃😊打邊爐材料選擇一啲都唔少，西班牙黑毛豬份量唔少而且好香既豬肉味，最重要係肥瘦均勻😍😍打邊爐必叫嘅午餐肉喇，口感唔會太淋，唔錯♥️叫左走地滑雞件半隻，對比葵雞，走地雞既雞味更加重😋肉嘅質感就比較實😛手打牛丸好香既牛肉味而且打得好彈牙，唔錯😘凍豆腐吸收左湯既精華之後再食真係好正呀，加埋佢獨特既口感😜油炸鬼打邊爐到底係咩玩法😎出奇地真係好食啵，吸收左湯既油炸鬼無乜油膩既感覺🤩正呀！最後加個稻庭烏冬真係好完美呀😘😘♥️♥️呢度既員工個個都好好態度同即時反應，今次既台或火鍋真係俾我一個好好既感覺呀！

今日同朋友去旺角攪啲野之後就去咗附近嘅湊湊火鍋。佢在旺角地鐵站出地鐵行過去就到，非常之就腳。一入到去發覺佢嘅座位非常舒服同埋新淨企理光鮮。再睇下有乜嘢叫先，佢主打正宗正宗消閒火鍋為主。一如以往，一於樣樣都叫啲啦！麻辣鍋配酸菜白肉鍋 湯底十分之足料同埋入味，今次叫左麻辣鍋同埋酸菜白肉鍋雙併。估不到十分之足料，麻辣鍋配料十足仲附上好多塊鴨血，淨係湯底都令大家好飲好食又滿足，正!手切牛小排雖然要咗細份，但其實上到枱都有大大碟厚切。牛小排入口即溶同彈牙，香口有牛味，牛魔王首選，應該是貴價牛肉的，亦是滿足口感之選。鱔片白膳只有鮮魚味而沒有養魚成日有的淡草味同埋魚鯹味，仲要十分之爽口彈牙，推介！竹笙這裡還吃到了於其他火鍋店甚少有供應的竹笙，新鮮又乾淨，可以一試！走地雞件另外一種出色嘅配料，雞肉大份，新鮮，有口感，正！團團圓圓各種丸子十分爽滑彈牙，𥚃面也十分足料的。是另外的推介之選。甜品到了最後，雖然已經很飽，店員還贈送了每人一客甜品，十分之體貼同窩心！加埋特式台式飲品，又是愉快的一餐。

特別時期甚少出門，十分挂住臺式麻辣鍋，忍不住都出來覓食，發現這間火鍋店的午市套餐既可以試到臺式湯底，又包括我至愛的臺式乾拌麵，空間闊落又舒適。餐廳采用手機自助落單，微辣/走辣，少冰/走甜等要求皆可透過手機提出，方便快捷。所有午市套餐包括一款足料湯底以及流心蛋夫妻乾拌麵（或紫薯拌飯），麻辣豆腐鴨血，一杯臺式飲品。乾拌麵微痲辣，充滿葱油香，非常惹味。隨麵附的流心蛋亦十分有水準，鹵味剛剛好。美容養顏花膠濃湯跟台式乾拌麵(微辣)$88。雞湯鮮甜，花膠同雞件分量十足，雞肉嫩滑，養生之選。夫妻麻辣湯半肚半肉跟台式乾拌麵(微辣)$68用上經典臺式麻辣湯底灼熟的肥牛和滷牛肚，滿足了本人想食臺式辣鍋的心願。焙火鐵觀音珍珠奶茶/御翠烏龍珍珠奶茶 跟餐+$13正宗臺式風味，珍珠分量足，和飲品專賣店水準相當。絕對是一次過滿足多重臺式願望的午餐

呢間邊爐一定要Book !呢間邊爐一定要Book !呢間邊爐一定要Book !重要既野要講3次～～～ 如果唔book 枱真係有排等嫁！重要有機會等唔到！呢間邊爐都相當高質，我真係勁勁勁中意佢你湯底，佢你湯底真係相當之咁高質！我地叫左個鴛鴦鍋，美人鍋配夫妻鍋，前者係雞湯花膠鍋，後者係麻辣鍋！其實淨係食個鍋底我地都飽左一半！點解咁講呢，因為雞湯花膠鍋係可以飲個雞湯... 而個湯真係好鮮甜我地一人都飲左2-3碗.... 另外仲有半隻雞我地都食埋先食其他野，因為驚滾太耐會老... 煮到咁上下食就夠哂嫩！而個麻辣鍋入面就有好多鴨血同豆腐，鴨血好新鮮味道都好好..... 講到呢度又想再食多次....佢D火鍋配料其實都做得相當之好！我地都唔算叫左好多野，有肥牛、海鮮拼盤、丸拼盤同皇帝菜，樣樣野都夠哂新鮮，而肥牛份量所好多同好有牛味！海鮮拼盤都有好多款，亦都夠哂味道，正！仲有呢度提供既茶都好有茶味！記住黎食一定要訂位！

同朋友打邊爐，我地點咗美人鍋同兄弟鍋，仲有海鮮拼盤、團團丸丸同2杯珍珠奶茶。醬料配菜任君選擇美人鍋有半隻雞同埋好多花膠，份量一d都唔吝嗇！仲有職員幫手剪雞，唔怕食到好狼狽。兄弟鍋即係係酸菜白肉，入面已經有好多湯料，例如大量菜、豬肉片同薯粉，湯底只係微酸，唔係重口味嘅味精湯，好易入口。團團丸丸包括鮮蝦、墨魚、鯪魚同埋梅菜豚肉，最正係鮮蝦同墨魚，咬落好彈牙！由於我同朋友都鍾意食海鮮，所以見到呢個拼盤價錢都合理就點左一盤試吓。海鮮拼盤擺盤好靚，總共有8款海鮮，包括海蝦、鮑魚、蠔、扇貝、青口等等，全部都好肥美好新鮮，食完超滿足！兩杯奶茶都好正，茶味突出，但又唔會完全遮蓋奶味，正！

台式火鍋近年o係香港大行其道, 愈開愈多! 最出名就緊係養x殿啦, 但真係好貴, 又多味精!! 咁唯有試下其他店啦!行下行下, 就去左呢間食! 試左鴛鴦鍋, 夫妻鍋火併暖男鍋, 有辣有唔辣! 夫妻鍋 – 完全唔辣, 但有好多鴨血, o岩晒我地女仕補血! 暖男鍋 – 即係人蔘藥膳鍋, 唔太濃藥膳味, 男仕唔會抗拒! 美國榖飼牛肉捲 – 唔肥, 但亦冇乜牛味! 紅豆薏米水 – 有薑味唔甜, 算大杯! 蟹柳 – 唔係最cheapo係隻X文蟹柳, 都食得過! 皇帝菜 – 又係菜一條, 冇咩特別!

我地叫左2個set lunch，每個set都包一個好足料既湯同夫妻乾拌麵，仲有一杯野飲。個乾拌麵好香！微辣唔會好辣但又完全有四川嗰種香味！-美容養顏花膠雞濃湯 $88雞湯好好飲，花膠同雞件都有好多舊😍-龍躉海鮮燴鮮蕃茄湯 $78個蕃茄湯濃郁到不得了，超好飲，龍躉大大舊，又有蝦、帶子、青口等海鮮，好足料！-焙火鐵觀音珍珠奶茶 $13真係好香茶味，唔係一般餐廳嘅珍珠奶茶，有出面飲品專賣店嘅水準！-紅豆薏米水好多紅豆同薏米，好健康嘅感覺🤣

餐廳裝潢得古色古香，非常華麗，似是做遊客生意，價錢應該絶不便宜，但看到門外的餐牌，午市套餐價錢都是$58至$88，覺得挺划算，可以試試。二人點了兩個午市套餐，龍躉海鮮燴鮮蕃茄湯跟台式乾拌麵(微辣)$78和美容養顏花膠濃湯跟台式乾拌麵(微辣)$88。拌麵微辣，爽口彈牙，龍躉都算大舊，仲有青口同蝦，份量幾足，蕃茄湯底酸酸辣辣，十分開胃，豬紅和溏心蛋味道都可以，花膠湯很清甜，雞肉幾嫩滑。飲品方面，二人分別+$13轉配了培火鐵觀音珍珠奶茶和百香果鮮桔綠茶，百香果味清香，但味道略淡。

「汝欲嚐夫妻鍋，先尋一伴侶！」夫妻沛片今日同朋友終於試咗呢間夫妻沛片，除咗覺得佢個名夠特別之外，朋友都推介佢哋嘅火鍋幾特別。呢度用先進嘅點餐儀器可以喺平板電腦上面點取自己心儀嘅火鍋材料，只要用呢個QR code就可以啦這裏的裝修很有中國風用了中國傳統的花瓶去做裝飾還有吊着的燈籠而且還有卡位坐非常舒適難怪會有咁多客人啦還有VIP房可以吃火鍋和一大班朋友聚會這裏而且餐牌上面的火鍋選擇也繁多我同朋友好想飲呢度嘅珍珠奶茶，呢度嘅珍珠奶茶都分咗好多款式，我哋就飲咗佢哋嘅奶綠，未溶冰之前會覺得口味有啲甜，但時間久了，甜度就變得剛剛好，而且佢裏面都有好多珍珠，充滿咬口。夫妻鍋裏便嘅配料十足，有好多辣椒而且仲有鴨血，而另外一邊嘅湯底花膠滑雞，味道都幾清甜。呢個餐真係無得頂啊，我點果個花膠雞濃湯簡直一流，d花膠同雞既份量都多，個湯一流，呢個餐真係好有滿足感，好適合愛美的女士，飲完成個湯真係勁滋潤，覺得自己立刻靚曬我哋仲另外點左花膠再煲嗰個湯我同朋友都急不及待將火鍋配料加進湯底裏，食咗佢哋嘅四寶丸，口感唔錯，尤其墨魚丸想encore！牛肉都非常美味之後佢哋嘅蔬菜盤也非常吸引，擺盤好似盆栽一樣。我哋一行五人

服務態度差｜食物一般｜飲品價錢貴一去到門口安排座位個男人已經態度麻麻地落到去基本上所有員工好似唔想理你咁 講多句都趕住走 明明餐廳剩返幾台客冇咩人服務質素極差 嗰百幾蚊服務費真係唔想俾食物方面我哋試咗麻辣鍋底鍋底一試我哋大家都覺得個麻辣湯底係用調味粉開出嚟食落去好似食中藥咁粉粉地苦苦地而其他食物我就覺得冇乜特別手打墨魚丸冇乜墨魚味 蔬菜新鮮嘅 飲品價錢貴 但恐怖嘅事佢攞隻杯俾我哋 杯上面有啲好似係熱情果殘渣喺上面 佢即刻扮冇事攞走 衛生情況...以呢個價錢而呢個服務質素我哋係絕對絕對絕對唔會再幫襯好似俾錢買難受咁

又去食邊爐🍲 台灣火鍋真係無得輸 之前行過已經好吸引 勁想試鴛鴦鍋-夫妻鍋👫同暖男鍋👦 麻辣加人蔘藥膳 台灣出名藥材湯 😍麻辣唔算辣又唔太麻 岩唔食得辣既朋友 但麻辣湯底已經包括好多既豆腐同鴨血🤤🤤 鴨血好正 口感QQ 人蔘藥膳 湯底濃 叫左皇帝菜 菜吸曬濃湯後 真係好正 👍👍👍重頭戲 海鮮拼盤 有鮑魚青口生蠔帶子聖子元貝蝦象扙蚌龍躉片 雖然$298 但抵食呀😋 好新鮮 全部都無沙 其實2個人真係必叫 食完都飽啦美國榖飼牛肉捲 呢個一般 唔太重牛味 脂肪比例較少 唔算淋紅豆薏米水 幾唔錯 而且大大杯 料又多 佢加左啲薑 感覺又唔同

好耐都無食過台式麻辣火鍋啦 今日放咗工突登同男朋友黎呢到 呢到環境都幾寬敞 唔會話好焗我地坐底之後就揀左個夫妻鴛鴦鍋 分別係麻辣鍋同酸菜白肉鍋 男朋友唔係話好食得辣 於是最後揀左小辣 整體黎講湯底唔會話好重口味 可以筆黎飲~ 湯底配料十分豐富 有勁多鴨血同白肉 鴨血每舊都勁大 而且一d腥味都無 推介推介！不過略嫌酸菜白肉無咩酸味同埋小辣好似無咩辣味 下次會試下中辣！至於食物方面 我地都點左唔少 其中澳洲肉眼同鱔片都好高質！ 牛肉肉質唔會話好孩 而鱔片都好新鮮好嫩滑 ~仲有唔少得打bino每次必點炸魚皮 見到呢到有黃金炸魚皮就試下啦 份量都幾多 鹹蛋黃再濃味d就好啦 另外松露丸味道都幾唔錯 半份有四粒 粒粒都勁大 食落有松露香味我地仲叫左桂花蚌同炸響鈴 桂花蚌口感都幾爽滑 響鈴則普普通通 🤔整體黎講味都幾正宗 有機會下次會帶朋友黎食😊😊

好正的美人鍋冬天當然要打邊勞，自從吃過台式火鍋後，就愛上了台式味道既麻辣火鍋，經過旺角雅蘭發現呢間台式邊勞，夫妻沸片，個名又幾特別，就同男友試試。裝修好靚，古色古香，貓貓圖。我哋叫左個夫妻鴛鴦鍋，一邊係辣既夫妻鍋 - 30多年傳承台式麻辣鍋，一邊補身既美人鍋 - 養顏花膠雞鍋。麻辣鍋香味已經飄散出勁麻辣味既feel，聞到都有d流口水，湯底入面仲有好多舊鴨血同豆腐，雖然辣，但好開胃惹味。美人鍋材料有花膠、枸子、紅棗及半隻雞，睇見個湯都想飲，味道好正，又有花膠補皮膚，雞肉又肥嫩滑，鐘意呢個鍋！飲湯食雞飽幾成，幾個火鍋料都夠。仲有d前菜食。西班牙黑毛豬肉質吾錯，有黑毛豬味，同埋大塊，係美人鍋果邊碌熟，連個汁食再滑d。美國肥牛肉卷 份量是比我地想像中多，有成15塊，價錢抵食！個肉質都係幾好添。一口台式腸通常吃火鍋都是食雞肉腸同芝士腸，今次食台灣腸，好食，味道飲臘腸但不油膩。凍苿莉花綠茶麻辣邊爐食完比較燥底，飲返杯綠茶清新下就岩岩好。

今日同朋友嚟咗間台式火鍋店，餐廳名叫夫妻肺片都係專門食麻辣火鍋嘅。叫咗個鴛鴦鍋一邊吃麻辣鍋，令一邊係養顏花膠雞鍋，火鍋湯底非常足料。花膠雞窩嘅花膠軟硬度適中，一啲都唔難咬，花膠好大舊。另外叫咗個走地滑雞件，雞件真係好滑而且好有雞味濃郁，龍躉片每一片都切得好均勻稍為浸一下湯就食得。西班牙黑豚肉脂肪比例較少。韭菜餃皮薄，餡料好新鮮。手工鮮蝦丸非常之彈牙。另外仲叫個竹遮茅根水清甜又能消熱氣。兩個人食咗$1000左右，非常滿足，真係一間幾高質嘅火鍋店。

態度極差，全部唔願做，無心做生意唔該十執左佢 ; 食完第一輪想再落order，話wifi壞左，死都唔肯人手落單，係都要我掃QR code ; 價錢貴，食物一般，一定無下次