夫妻沸片-台式麻辣火鍋 (已結業)

夫妻沸片除左主打既邊爐出左乾拌麵同車仔麵套餐😗最近就黎左試😗-🐽 沙薑手撕雞撈麵拼時菜雲吞🐓 ($88)手撕雞岩曬我依d懶人🤣啖啖肉🤪雞肉幾嫩滑 沙薑醬好惹味🤩🤩時菜雲吞鮮味十足 d娃娃菜吸曬湯🥳麵底係自家製嫁!偏向粗身 幾有咬口😙😙-🐽 夫妻麻辣湯半肚半肉🐮 ($68)雖然個湯睇落好紅 但唔會好辣😼好重麻香😻牛肚同牛肉都好好食🥰🖖🏻肚幾爽口😙個肉煮得岩岩好 唔會好老🤪🐽 拍青瓜雲耳🥒 ($19) & 麻辣嫩鴨血拼豆腐🐦 ($38)個人一向都好鐘意食拍青瓜🥰好爽脆!😻😻個鴨血同豆腐都好好味鴨血有咬口🤤有少少煙韌 唔會一咬就散🤞🏻豆腐吸曬d湯 都好惹味😙

呢間台式火鍋店午餐時段有四人同行一人免費優惠。如果無優惠食個午餐差吾多要$100，依家頓時覺得好抵😆美容養顏花膠雞濃湯乾拌麵🍜 $88＋10％飲一啖雞湯，湯底濃郁、鮮甜可口。食一啖雞肉，肉質嫩滑👍🏻呢個湯仲有幾片花膠，含豐富骨膠原😙 拌麵🍜揀左麻辣，食落吾辣但有輕微既麻香味🌶️麵條Q彈有咬口，撈埋隻糖心蛋，好滋味❣️沙薑手撕雞拼時菜雲吞乾拌麵🍜 $88＋10％呢個湯底都係雞濃湯，只係無左雞肉同花膠。雲吞正常，反而啲娃娃菜索晒啲雞湯，好清甜😋 手撕雞份量多，拌麵撒左芝麻，撈勻左食到芝麻既香、手撕雞既滑、煙煙韌韌既麵條，真係幾正架😆每份午餐都會包一份鴨血豆腐，同飲品。我地加左$12升級台式珍珠奶茶，茶底香但珍珠勁少😅

近排食得麻辣鍋都開始有少少膩,今日約左朋友夜晚食飯由佢發辦揀餐廳,估唔到佢帶左我黎一間麻辣火鍋店,起初心諗算啦食埋今次之後戒食一排,入到去先發現原來佢地有非火鍋外既dinner menu!餐廳位於地牢內,門口沿住樓梯落去會見到2大幅油牆畫係一對貓夫妻襯返店名-夫妻沸片.夫妻麻辣湯半肚半肉跟台式乾拌麵,食品用一個木盤整整齊齊咁放好再上枱,麻辣湯好濃郁,湯底呈深啡色帶點辣油既紅色係湯面上,滿滿一碗先飲第一啖,入口先唔會嗆喉,慢慢啖多幾啖陣辣味開始湧上喉嚨而且舌豆開始被麻痺,十分過癮.牛肚切成幼條,入口爽彈,內裏牛肚胃壁凹凸不平既坑內掛起麻辣湯入口更惹味.台式乾拌麵入口十分彈牙而且滑溜,用上麻辣醬去拌入口同麻辣湯有種雙重麻辣既感覺,好惹味,溏沁蛋香滑暫時為口腔解一解辣.招牌夫妻麵揀左麻辣湯配日式稻庭烏冬,內裏配料超多.鴨血豬血糕都有,台灣風味超濃.麻辣湯夠麻食完出晒汗.黃金魚皮炸得好香脆,魚皮上薄薄一層既鹹蛋黃漿食完都唔會覺得膩,雖然係薄薄一層但入口蛋黃香味好香濃,仲帶點沙沙既口感.拍青瓜雲耳清爽解辣,價錢又抵,份量超多.

雖然呢間餐廳個名寫住麻辣火鍋 但係佢與別不同既地方係佢仲有乾拌麵同湯麵食🤩 平平地就可以試到佢地招牌既麻辣湯底同花膠雞湯🥳我地今次就揀左2款乾拌麵 分別係夫妻麻辣湯同花膠雞濃湯🍲 套餐有乾拌麵 一碗湯餸同一個迷你麻辣鴨血拼豆腐 仲有飲品添👍🏻 乾拌麵麵條非常彈牙 醬汁微辣帶麻 好香好惹味 仲有半隻溏心蛋好滿足🤤 夫妻麻辣湯可以揀半肚半肉或全肉 我地就揀左半肚半肉 入面既肉係肥牛 唔算好辣 肚同肉都幾多 好入味😋 花膠雞濃湯湯底幾濃 有豐富骨膠原 雞件好多 好抵食🤩 另外 我地仲加左2款小食 分別係黃金魚皮同麻辣嫩鴨血😍 黃金魚皮真係十分十分推薦 即叫即炸 入口超級鬆化 每塊魚皮都鋪滿鹹蛋 極邪惡但係又好好食👅 因為無留意乾拌麵既小食都有麻辣鴨血 所以我地另外叫左一份麻辣嫩鴨血😆 份量超多 不過岩哂我呢d好鐘意食鴨血既人 過足口癮🌟

呢間可以打邊爐，又可以食車仔麵、乾拌麵！我lunch time去食就食左麵類🍜🔶美容養顏花膠雞濃湯乾拌麵 $88啲雞肉好嫩滑，有埋花膠去煲，好養生一邊食乾拌麵、一邊飲雞湯，唔會「濁」親仲有小食（豆腐、鴨血）可以試到不同食物🔶招牌夫妻麵 $78入面有好多料：台式溏心蛋、日本蟹柳、黃金卷、豚肉丸、牛肉丸、韭菜豬肉餃、蟹爪菇因為有選擇困難，唔知揀咩餸好所以呢款麵最好，綜合晒樣樣餸都有，乜都可以試下揀左薯粉，好彈性煙靱🔶滷牛肚 $54好味，係金錢肚既質地，高質👍🏻🔶滷牛腱 $54 （同普通都差唔多，可以淋啲）每個餐跟一杯飲品（可樂或汽水不用加錢）🔶百香果鮮桔綠茶 （要加$13）呢款好飲，有台式味道

旺角市中心雅蘭商場地庫嘅特色餐廳，室內設計主打中國風，一進入餐廳見到中式嘅紅燈籠，非常之有氣派，餐廳環境舒適，每張枱嘅面積相同之大，可能因為食店主要提供火鍋，所以一張大枱的確能夠擺滿火鍋食物，一班朋友打邊爐時更加有氣氛。今次午餐時段來，主要食湯麵或江拌麵餐，價格大概八十元，先來一客美顏滋補雞湯配台式微辣干拌麵$88。雞湯不會太油膩，而且其中至少有五件花膠，的確真材實料，肌肉略嫌比較乾，不過值得一讚嘅係台式麵非常煙靱，而且調味得剛好，麻辣嘅香料特別，這樣配搭非常新鮮，有煥然一新嘅感覺。另一客係夫妻麻辣燙半牛肚半牛肉配台式干拌麵$68，麻辣湯味道刺激，牛肉牛肚都林，而且入味配上台式麵係不錯嘅選擇。加$13仲可以有台式飲品~正另外叫咗兩份小食，都係帶來驚喜嘅好選擇，鹹蛋炸魚皮$39非常香脆，配上淡淡的鹹蛋黃，係一絕嘅港式小食。還有滷水牛展$58 份量非常之大，而且每片都相當厚，很有口感。

一直都想黎呢到試打邊爐，但近期食得太多，所以今日決定先黎試試佢既乾拌麵，遲啲再試火鍋！一入到地面入口就見到貓貓畫，好得意！行樓梯落到去，裝修好有心思，紅燈籠同木枱木櫈，好有feel~lunch set有車仔麵同乾拌麵揀，車仔麵選擇都幾多幾吸引，但我同朋友一眼就睇中其中兩個乾拌麵set，所以最後都係只叫左乾拌麵同兩個小食。我既花膠雞濃湯配乾拌麵，湯底既濃郁，不過我覺得咸左些少，朋友試左啖話覺得幾香。雞件都比得唔少，雞胸無可避免地有啲鞋，另外幾舊唔係雞胸既位就幾嫩滑。花膠係比較滑身，唔係好張口個種。最最最突出既絕對要數佢既乾拌麵！！醬汁係好食既，夠香口，不過我覺得大部份拌麵既醬都唔難食，所以呢個唔特別提。但佢既麵質，同煮既時間真係掌握得好好！雖然唔係用最粗個隻麵，但佢煮到十分彈牙，口感無得彈！而且麵上面個隻溏心蛋，十分入味，蛋黃雖然熟左少少咁多，但係都好好食。朋友既夫妻麻辣燙半肚半肉既餸好似比較少啲啲，但湯底辣度係大部份人都接受到，有啲怕食辣既朋友都覺得好易入口。滷水牛肚同大腸都做得唔錯，滷得夠入味，而且唔會話放乾左，入口彈牙好食。飲品方面都好多選擇，可以揀汽水，或者加錢轉台式飲品。我既烏

美容養顏花膠雞濃湯拌麵 ，雞湯非常之香濃，絕對係真材實料，而且飲完唔會覺得口渴, 雞肉皮薄肉嫩，都好有雞味。拌麵麻辣味好香 仲有鴨血同豆腐，非常入味 。沙薑手撕雞拼時菜雲吞乾拌麵套餐，非常豐富，手撕雞份量頗多又有香脆芝麻。乾拌麵微辣，口感彈牙有少少似讚岐烏冬。配埋青瓜食味道啱啱好。糖心蛋食得出鹵過， 蛋白有鹵水味， 蛋黃甘香軟骨！ 雲吞每粒餡料有鮮蝦同肉，加埋 用上湯浸住 娃娃菜，食落好鮮甜。我哋仲點了🐂鹵水牛肚🐮鹵水牛展。鹵水牛肚冇騷味，清理得幾乾淨， 而且非常入味， 充滿 鹵水汁嘅味道但係又唔會太鹹。 牛展啖啖肉， 肉質軟嫩鬆化。台式焙火鐵觀音珍珠奶茶， 茶味突出回甘， 甜度適中唔會搶過茶味， 珍珠有咬口， 煙韌好好味😋😋百香果桔仔梳打， 清爽解渴酸酸甜甜， 綠茶味甘香， 加埋熱帶果味嘅百香果， 比喺街上面嘅茶飲店更有水準😋😋😋

話說呢間野食lunch有湯+撈麵set就有左好一段時間架喇。我一直以為晚市無呢d set嘅，可能因為疫情緣故，最近發現晚餐都有，所以特登打一篇update下先。食物就無新發現架喇，照舊湯甜味美嘅花膠雞湯，再加埋微微辣幾開胃嘅撈麵。另外叫多個牛肚，炆得幾入味。同場發現，雖然有限桌令，但仍然有好多人打邊爐，我偷偷睇到都有幾多唔同配料選擇，同埋原來個湯底就係正正可以叫set lunch嘅湯底！有機會再黎先！

沙薑手撕雞撈麵拼時菜雲吞$88這款乾拌麵又有雞又有雲吞，都幾抵食，首先是沙薑手撕雞撈麵，由於手撕雞冇骨，食起上黎都方便，而且雞肉夠嫩滑，加上個沙薑醬，挺惹味，只係略嫌咸少少，至於麵底是自家製，所以不會軟霖而帶有少少嚼口，都幾好食。 時菜雲吞係超乎想像地好味，湯底呈奶白色，是用雞湯做底，配兩粒雲吞和少量白菜，食起黎都鮮味十足。手拍青瓜木耳份量都大碟，青瓜新鮮爽口，帶有少少辣，當小菜都不錯。招牌夫妻麵朋友點了雞湯底的夫妻麵，材料都好豐富，可以選擇四、五款配料，味道跟一般車仔麵檔差不多。

之前以為剩係得打邊爐，原來仲有拌麵同車仔麵。想滋保養顏嘅我揀左美容養顏花膠雞濃湯拌麵，雞湯非常之香濃，入邊仲有成隻雞髀，拌麵係微辣嘅，麻辣味好香，仲有鴨血同豆腐，非常入味。而我朋友就揀咗麻辣湯底嘅車仔麵，有好多唔同嘅餸可以選擇，是每一碗車仔麵已經送咗鴨血、豆腐、米血糕，麵條係手工麵，好有彈性，而每樣嘅餸都好足料，叫四五樣已經滿一碗。仲叫咗兩個小食，黃金炸魚皮同拍青瓜雲耳，魚皮即叫即炸，加埋鹹蛋黃醬，我相信個個都鍾意食，而青瓜雲耳非常爽脆，特別解膩。

有時，一次不太好的經歷就足以叫你將餐廳打進冷宮，未去第二次之前，我覺得來自台北的夫妻沸片，同台北的水準有點距離。當然，那時剛剛開業的事，之後也沒有再去過了，直到朋友讚佢地似大師兄嘅午餐上市後，幾個朋友都讚有大師兄的感覺。到和朋友談起33年的正宗麻辣味，佢同我講嘅係完全相反經歷，係佢嘅講法，同喺台灣食基本上冇乜分別。我最鍾意就係聽人哋意見，既然W小姐和佢嘅朋友講到咁好，話應該值得俾多次機會佢，咁就一於一家人嚟一齊食一次啦。四人過來打邊爐，剛剛好，就算當時已經有條例，我們都避過唔使罰錢。先來個鍋底，當然要個經典的夫妻鴛鴦鍋，一邊是台式正宗麻辣，另一邊係養生美顏之選。正宗的麻辣以經歷了30幾年的傳承，加上多種唔同嘅香料同藥材製造嘅湯底，聞到已經非常開胃，飲落去唔會太辣，湯底的感覺近乎麻神，不算太辣，只是口感會麻，而且感覺非常溫和，講開湯底一定不能錯過佢嘅豆腐，老油條和鴨血，兩樣都絕對精彩，將湯底發揮所長。養生美顏的美人湯就係用上花膠、葵花雞加上紅棗和當歸等藥材，飲落去你會感到非常滋潤，骨膠原滿佈，而且花膠非常大塊，雞件也很嫩滑。吃花膠都好滿足。多人就一定要叫拼盤，唔使諗，牛肉同海鮮當然不能錯

今日放咗工去咗食台式野 呢間餐廳喺旺角雅蘭中心地庫原來個門口係商場側邊嘅間餐廳喺地庫，地方勁大，同埋佢嘅裝修都好有特色，牆上有好多特別嘅句子，環境都幾唔錯呢間餐廳主打係食台式火鍋嘅但係我哋今日食嘅嘢唔係火鍋， 係佢嘅台式麵叫咗兩個面麵兩個小食夫妻麻辣湯半肚半肉：麻辣湯入面有牛肚同肥牛，牛肚同肥牛吸左啲麻辣味道，好入味台式乾拌麵：揀咗微辣，佢個面好Q彈，自家製果然係唔同啲，食完仲想食多碗招牌夫妻面：揀左香濃雞湯同手作麵，有勁多配料：糖心蛋，日本蟹柳，黃金卷，梅菜豚肉丸，極鮮牛肉丸，韭菜豬肉餃，蟹爪菇，真係啱晒有選擇困難症嘅我，佢個湯底雞湯就好似人哋煲嗰啲老火湯咁，配埋佢個手作麵，又係另一番風味黃金魚皮： 濃濃嘅芝士鋪喺炸魚皮上面，好香脆， 一塊接一塊食唔停口滷大腸：呢個份量好多， 滷得好入味， 果然係台灣嘅味道焙火鐵觀音珍珠奶茶：用鐵觀音嘅茶底，茶味比較濃呢間餐廳環境同食物都好滿意， 如果想喺旺角舒舒服服咁樣坐低食返餐，呢間絕對係好選擇

約咗朋友來旺角交收，順便一齊食午飯。友人提議去「夫妻沸片」，初頭還以為是來吃台式麻辣火鍋，唔係好食得辣嘅我有少許卻步。原來聽朋友講，店舖最近推出咗好幾款乾拌麵同車仔麵套餐，而且有辣有唔辣，應該啱我口味，所以想帶我去試下。餐廳位於雅蘭中心地庫，佔地寬廣，店內有大量座位，另外亦也設有不少卡座，私隱度甚高。點咗兩客「夫妻•乾拌麵」套餐同兩份台式小吃，套餐可以跟配乾拌麵、紫薯拌飯或白飯，另外仲有幾款指定飲品，如果想轉配台式特飲就要另加 $13。美容養顏花膠雞濃湯麵跟台式乾拌麵 ($88)：花膠雞湯同麵條分開盛載，上桌時還配有一小碟台灣直送的鴨血豆腐。成個湯頭都飲得，絕對係真材實料，而且飲完唔會覺得口渴。花膠雖然唔算好大件，但食落腍滑中又帶點微爽，每一啖都是骨膠原，口感不錯。雞件水準亦不俗，皮薄肉嫩，入口有雞味。鴨血一啲異味都無，質地軟身而且好滑溜，口感非常討好；豆腐吸收曬碟底湯汁嘅精華，夠曬入味。沙薑手撕雞拼時菜雲吞跟台式乾拌麵 ($88)：分量十足的手撕雞面頭滿佈芝麻，同色、香、味俱全的拌麵撈埋一齊食，味道一流。麵條口感爽彈得嚟又有咬口，掛汁力超強，食落啖啖滋味。雲吞外形脹卜卜，飽滿足料，皮

作為一名健身教練, 今日食到個出色拌麵夫妻沸片lunchtime有拌麵餐, 佢既火鍋就出色啦, lunch時間有限又想食辣野, 就揀左佢個麻辣湯餐夫妻麻辣湯(全肉) $68有小食麻辣鴨血同豆腐, 鴨血大件又滑嫩, 本身set左半肚半肉, 唔食內臟可以揀轉全肉, 肉既份量都唔少, 麻辣湯好惹味, 辣就唔太辣, 牛肉掛滿湯汁, 正! 重點之一一定係夫妻乾拌麵, 醬汁濃郁惹味又香, 麻辣味超出, 麵條帶彈牙。美容養顏花膠雞濃湯 $88朋友既花膠雞湯, 花膠份量都幾足而且都幾大片, 湯頭濃又甜, 但係入面既雞件唔知點解係豉油雞, 哩度就有點失色。熱焙火鐵觀音珍珠奶茶鐵觀音茶底香濃, 一d都唔甜, 去油解解膩一流