太郎居酒屋

營業中

休息中

神神祕祕，唔search都唔知原來個度有間咁正嘅居酒屋🥳一出9樓，就已經見到！入面播住日本pop song，而且有榻榻米坐！！好舒服同好似置身喺日本一樣🥰正呀！！牛油果軟殼蟹卷 $45好好食！好多紫菜碎係外面，而入面有少少沙律醬，將軟殼蟹嘅味吊咗出嚟👍🏼👍🏼好抵食！吞拿魚腩蓉卷 $88份量比相象中多，而且有啲應該乾蔥係上面，多咗一個味道，好特別👍🏼吞拿魚腩蓉份量都好多hehe西京燒 $98好嫩滑🤩而佢比較重味同甜！我好鐘意！！略略覺得如果大舊啲，會更開心🥳三文魚蟹子炒飯 $68這個性價比高！！唔好覺得好似好少，但都每人食到一碗半，我哋都食到飽哂！！炒得好乾身，而味道都夠哂👍🏼👍🏼最後就係三文魚腩壽司 $28/1肥美！新鮮👍🏼👍🏼同一班朋友去食都開心！！私隱度好夠，而且仲未係好多人，啱哂慢慢傾偈🤭

尖沙咀行完街，因為商場餐廳好多人排隊，所以係海港城附近隨便搵有咩餐廳好食，搵到呢間最近，所以踏上去試下！一進入店就見到塌塌米，成個感覺唔似係香港。首先叫左蟹肉蟹壽司開開胃，蟹肉蟹膏好多。火灸北海道珍寶帆立貝壽司帆立貝肥厚，入口啖啖肉！再叫一份大拖羅，拖羅顏色睇落好粉嫩，油脂同肉分佈平均。沒有雪藏味，高質然後再叫食串燒一定要有既：雞軟骨及韮菜。韮菜燒到又香又辣，好滋味，好過癮呀！而香辣松阪豬及荔枝豚肉卷好特別，松阪豬肉質結實，入口口質好彈牙，唔錯唔錯。又食又吹水到咁上下叫左份海膽甜蝦蓉卷，海膽明顯見到係有兩批次，但整體表現可以，輕微甜甜的，最少係沒有苦澀。最後叫多個壽喜燒鍋。店內裝修同設計都好日式，好符合居酒屋，黎食飲真係可以好舒服，可以慢慢食慢慢傾計。我地食左成2粒鐘先走。

店舖裝修得好日本風，平日夜晚嚟到都幾full吓！ 想嚟記得要預早book位啦！一出lift有種日式隱世居酒屋嘅感覺，而且內裏樓底好高，天花板都掛哂錦鯉旗喺上面，好有置身於日本嘅感覺😄豚肉泡菜湯 $148好夠足料，有芋絲、豚肉、泡菜、 豆腐、冬菇、金菇等！湯底會有少少辣，怕辣嘅朋友仔可能未必handle到🤔 但就好夠惹味！份量中規中矩啦，大食之人可能就唔太夠啦！算係一似份嘅主菜，二人份嘅小食🙈 蟹籽吉列炸蝦卷 $38一共有四件， 價錢感覺冇mark up得太多，而且吉列炸蝦炸得脆，蟹籽鮮甜，唔錯

太郎居酒屋位於海港城附近，流尚坊的上樓餐廳，同商場內的日式餐廳相比，太郎相對更有居酒屋的感覺。店內有塌塌米座位，就算普通座位都用上塌塌米墊，成個感覺真係好正宗的居酒屋呀！！壽司：1️⃣火灸北海道珍寶帆立貝壽司$38帆立貝厚厚的，好有滿足感2️⃣大拖羅$46入口即溶，新鮮沒有雪藏味，好食！3️⃣蟹肉蟹壽司$28蟹肉多到滿瀉黎居酒屋就是要食串燒：4️⃣香辣松阪豬$185️⃣雞軟骨$186️⃣韮菜$127️⃣荔枝豚肉卷$28荔枝豚肉卷好特別，荔枝甜甜中和豚肉油膩感。卷物：8️⃣海膽甜蝦蓉卷$78海膽有輕微失色，但整體表現可以。9️⃣壽喜燒鍋$168最後用暖暖的壽喜燒做完結😋😋

位於尖沙咀嘅太郎居酒屋，裝修用心又有特色，令人印象深刻！其中主題牆由許多達摩組成，非常吸睛，打卡一流！仲有其他位置都好有日本感覺，令人仿如置身日本！!黑松露唐揚炸雞 $58即叫即炸，熱辣辣，外層炸至金黃香脆，內裡雞肉多汁嫩滑，再點少許沙律醬，nice!壽喜燒鍋 $168材料包括有牛肉、冬菇、金菇、紅蘿蔔片、芋絲、豆腐、娃娃菜等，好豐富呀！再加上甜度剛好嘅壽喜燒湯底，令到整個壽喜燒鍋更美味，yummy!

今日放工就搵朋友喺尖沙咀食日本野入到去裝潢好有居酒屋嘅感覺鋪頭掛咗好多日式紙燈籠 牆上仲擺滿好多黑色達摩不倒翁除咗一般座位,仲有榻榻米可以揀🥢壽喜燒鍋 $168壽喜燒湯汁香甜惹味鍋物材料好豐富 牛肉片同蔬菜吸滿咗甜甜嘅湯汁仲有芋絲冬菇同金菇食完個人暖笠笠🥢蟹籽吉列炸蝦卷 $38吉列炸蝦炸得香脆 蟹籽亦十分鮮甜配埋沙律醬 perfect!🥢黑松露北海道珍寶帆立貝手卷 $58 & 三文魚親子手卷 $68手卷好足料 每個都有好多魚生係入面~帆立貝食落鮮甜同埋大大粒 三文魚肉質都好厚實~可惜掛住影相d紫菜腍左🥢油甘魚鮫 $148油甘魚刺身就成日食 煎香嘅油甘魚肉質嫩滑亦較結實充滿魚油香~🥢黑松露唐揚炸雞 $58上到枱已經聞到好香外皮炸到好香脆食落仲有淡淡黑松露味裹面嘅雞肉熱辣辣肉質一啲都唔乾柴

尖沙咀嘅樓上居酒屋太郎，大廳位置嘅主題牆極為吸睛！由N咁多個達摩組成，極具特色之餘，又可以鎮店辟邪，望真啲仲幾可愛添，打卡一流！北海道縞蝦 $38啲蝦炸到啱啱好，入口先係酥脆嘅感覺，然後就到蝦肉嘅甜美，有部份仲有蝦膏嘅濃香添，炸到連殼同頭都可以食得，開胃送酒之選！刺身盛合6點 $298拼盤包括赤蝦、海膽、油甘魚、深海池魚及時令刺身2點時令刺身為三文魚同埋真鯛，真鯛係我最鍾意嘅白身魚，肉質緊緻，咀嚼中會持續滲出清甜鮮香嘅味道！

今日約左一個樂耐無見一個老朋友食晚飯，約左佢黎尖沙咀既太郎居酒屋，貪佢方便，坐得舒服同可以坐耐少少吹下水。餐廳環境裝修美輪美奐，用咗好多日式元素既擺設，成個感覺好舒服。食物方面都幾多選擇，日式居酒屋有既菜式都有，而且仲有佢自己特別既菜式。食居酒屋刺身壽司一定唔少得，吞拿魚好食，食落爽口冇腥味。特別中意佢既帶子手卷，有成3大粒並多，仲有黑松露係上面，正。燒物方便，試咗三款串燒，有雞翼、雞脾菇，火候控制得好，唔會燒到乾爭爭。另外值得推介係佢嘅日式炸雞，每件外皮夠脆卜卜，都好juicy。

同朋友出開尖沙咀 想食日本野🇯🇵見到呢間居酒屋價錢都ok 所以試一試😜佢既位置其實都唔難搵 喺廣東道 但要上樓上（好處 ：比較隱世，同朋友有傾計空間，唔會好嘈雜😝）呢間居酒屋既環境佈置超有驚喜！🤩好有日本風味，店主有花過心思👍👍仲有「榻榻米」既位坐😚好岩三五知己傾計食野😋🎌泡菜豚肉鍋 $148個鍋都幾足料🤩有金菇、豚肉、芋絲、豆腐、冬菇、泡菜、紅蘿蔔😋勁豐富！湯底有少少辣，唔太食得辣既人應該都handle到，好惹味🔥🎌香蔥吞拿魚腩蓉卷 $88吞拿魚腩蓉份量比想像中多😍（除左面頭 反卷中間都有好多🤩）吞拿魚腩蓉口感柔潤，連埋壽司飯一齊食味道岩岩好～唔會太膩😆兩者好夾🙌🏽🎌壽司🍣（三文魚 $18、油甘魚 $38、深海池魚 $48）三款刺身都好新鮮！！🤩食落口夠滑嫩，魚脂豐腴，而且好厚切，夠晒肥美，滿足😋！🎌串燒✨鹽燒雞軟骨(2串) $18✨五花腩 $23✨厚切牛脷 $38✨翠肉瓜 $12✨雞肉串 $18✨免治雞肉棒 $48去居酒屋一定環要食串燒！呢度既選擇都幾多，可以叫多d款share食😜串燒既調味恰到好處，食落口好惹味😍五花腩油香十足，但又唔會覺得太膩，食落口啖啖肉❤️牛脷好厚切，份量幾多

今日係中環過海 在尖沙咀約左朋友朋友話想食日本野 有間樓上鋪想試下 就去左海港城對面的大廈食晚餐一出𨋢門口都已經幾有日式風味店入面的裝修都係貫徹風格亦都有Bar 台可以睇師傅整壽司我地選左食三文魚壽司 油甘魚同埋深海池魚壽司 基本上魚生都好厚切 食得出個鮮味 壽司飯亦都唔鬆散 唔錯另外亦都叫左一個吞拿魚腩蓉卷 個蔥花味好夾個魚蓉 份量剛剛好一口食到另外我地每人都選左想食的串燒最值得推介係月見雞肉棒 可以將燒左的雞肉串 配上日本蛋汁 係我冇咩諗過的配搭但又出奇夾最後叫左一個泡菜豚肉鍋 慢慢煲到成碗都泡菜色 惹味的黎唔會太搶口 基本上唔太食得辣嘅人都頂得順 如果下次去開尖沙咀 想靜靜地唔迫人試間日本野 樓上的居酒屋可以認真一試

同事知我鐘意吃每次遇到好餐廳都會推薦比我☺️今次佢推薦左尖沙咀的太郎居酒屋上到去係充滿東瀛風的裝潢我地坐係壽司bar枱前的位置可以邊食邊睇師傅做壽司食物方面 有壽司、刺身、鍋物、串燒都有滿足哂咩都想試下既我地首先係三文魚壽司同油甘魚刺身刺身入口滑嫩有彈性壽喜燒鍋牛肉片大大片 油脂均勻而且唔韌所有材料都吸收壽喜燒湯底的味道 令人吃不停 如果有碗白飯就好啦🤣辣酒煮螺每粒花螺都沾滿濃厚既醬汁螺肉肥美肉嫩 夠辣 好開胃黑松露醬唐揚炸雞呢碟炸雞有新穎配搭 大大的驚喜驚喜係來自旁邊的松露沙律醬！估唔到日式炸雞同松露係咁夾加上新鮮炸出黎 外表脆卜卜推薦推薦串燒叫左4款分別係奄春蛋豚肉、蘆筍豚肉、燒翠肉瓜同燒雞髀菇樣樣都唔錯 個人特別喜歡蘆荀豚肉

有friend同我講尖沙咀有間樓上餐廳好抵食，性價比高，甘我當然急不及待放左工走過黎試下，呢一間叫做太郎居酒屋，環境布置都好有風格，骰仔係一張凳黎，而餐廳既食物種類都非常多！叫左刺身同壽司，刺身好厚切，油甘魚好有鮮味，三文魚都好有水準壽喜燒鍋最喜歡壽喜燒既甜甜湯底，配上芋絲，金菇，豆腐，冬菇，仲有牛肉份量都幾多既，而且肉質鮮嫩，油花均衡，食材質素不錯！黑松露唐揚炸雞呢個炸雞勁好食！炸到脆卜卜，肉質好滑，配上餐廳既黑松露醬，簡值係perfect match, 必食推薦！叫左幾串串燒，雞比菇好爽口，豚肉包住鵪鶉蛋口感豐富，而我覺得豚肉包住露荀係最正，露荀燒左有小小啖啖既焦香味連埋豚肉好好食！一定會返黎再食過

今日帶女朋友黎尖沙咀食野，佢話今日想食日本野，就帶左佢黎呢間太郎居酒屋呢到好靜，唔會好似街市大排檔咁勁嘈勁多人大大聲講野，氣氛超好，環境又靚睇下menu，野食款式勁多！仲有好多係自創壽司卷物，唔會食黎食去都係個幾款食物。亦且尖沙咀黎講呢到價錢勁平民，好抵！吞拿魚小卷，開頭以為係得面頭一舊仔吞拿魚，點知原來入面係塞滿晒成舊放入口好 鮮味。另一樣要讚係佢個wasabi唔係合成個啲一舊舊，係即磨個款見到一粒粒，正！黑松露炸雞個醬勁高質，配埋脆卜卜晚炸雞食一流！串燒亦唔錯，唔會淨係得肉類揀，好多菜類串燒都有，連我最中意既雞皮都有！不過女朋友唔比我叫，太可惜雞皮唔係度度有得食燒魷魚，一啲都唔乾，好彈牙，上面個汁甜甜地好開胃，仲要原條勁大條，最係當然食唔晒啦，飽到頂住個肚啦

近排成日要出尖沙咀做野，淨係諗食咩都煩死我。話就話尖沙咀多野食，但都要好食先得嫁問左朋友，佢介紹左我黎呢間勁有日本feel既居酒屋呢間太郎係樓上鋪，唔好以為樓上鋪就一家差，呢到一出lift門口就勁有日本feel!好中意佢呢張枱，不過我朋友怕坐唔慣同驚坐到腳痺，所以就無揀野食呢到勁多款，仲要唔係好貴食日本野第一時間叫左刺身先啦！呢個刺身盛合有三文魚、池魚、油甘魚，勁鮮味，特別係三文魚同油甘魚，完全無雪味，肉質又軟身唔似雪又完解凍幾十次搞到啲肉質爛晒咁黑松露炸雞，外脆入軟，雞肉勁多汁，唔會好熱氣，個黑松露醬亦勁好味！串燒亦好高質，款式都好多，連燒秋葵都有最好食係牛舌，勁多汁；其次係秀珍菇，燒完唔會好乾，仲好軟身，調味又岩岩好，正！

最近對日本菜上左癮，今日黎左尖沙咀樓上既太郎居酒屋試試佢。餐廳環境裝修有心思，除左普通座位，仲有塌塌米同bar台位置比客人選擇。食物方面，我地點左必食既刺身壽司同帶子手卷，刺身好新鮮，三文魚吞拿魚夠厚，特別欣賞吞拿魚唔會鞋颯颯。帶子手卷有成三粒咁多，而且上面仲有黑松露, 好滿足。熟食我地就點左我最鍾意食嘅雞泡魚干唔會整得過熟，咬落好香口，好有口感。串燒就試左燒雞翼、燒雞脾菇同肥牛串，燒既火喉都控制得幾好。最後試埋個日式炸雞做結尾。唔會揸到太乾身，雞肉滑嫩。