更多
2021-08-17
57 瀏覽
又到食午餐的時候,同事們話不如去返上次,性價比極高的太郎居酒屋,日式的午餐,百多元消費,係我哋午餐常去嘅地方。我本人呢,就比較鍾意熱食,所以通常我都係揀佢嘅壽喜燒定食,同我個人一樣烚吓烚吓咁。一如過往,鍋中有四片牛肉、蔬菜、豆腐、烏絲和冬菇等等,配上一碗白飯。牛肉數量剛剛好,蔬菜淋甜,豆腐入味,芋絲和冬菇中和番肉類嘅油滯,忍唔住連湯都飲埋。就如一般的日式定食,配上沙律前菜、蒸蛋和味增湯,最後包一杯飲品,作為一個白領的日常午餐,性價比高,已經很滿足了。
張貼