太興 (已結業)

太興琴晚初三同屋企人食太興盆菜，呢個盆菜算足料，不過食到底個湯好咸，除咗個底咸，其他整體都唔錯，都幾抵食！鮑魚豐盛盆菜(6位用)20款珍品：原隻蠔皇鮑魚(6隻)、蠔豉(6隻)、燒鵝、大蝦(8隻)、桶子油雞、紅炆花菇、蘿蔔、炸芋頭、雲耳、枝竹、紅炆火腩、魚腐、蟮肚、鯪魚丸、花膠仔、西蘭花、發菜、素翅、豬手、豬軟骨仲有送太興罐裝鴛鴦及檸檬茶各2罐！6人總共價錢$888個人口味總評分：8/10@taihinghk地址：荃灣青山公路荃灣段264-298號南豐中心2樓38號舖#太興 #盆菜 #農曆新年 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong

本身食開太興早餐既札肉米粉，炒蛋多士好鐘意食佢個滑溜溜炒蛋第一次食南豐中心呢間，超失望米粉無味，個炒蛋同出面周街都食到個d一樣，幾乎全熟。唔怪之得早餐時間咁多吉位啦

去咗荃灣買銀器, 估唔到而家咁多人買銀器架, 行完之後太肚餓要搵個地方食素, 所以就入咗去太興喇。🥞 粗粒花生醬厚多士多士好厚, 烤得剛剛好。粗粒花生醬食落真係好有咬口, 配埋煉奶一齊食, 味道真係好夾好好食。🧈 鮮油西多士西多士炸到金黃色, 唔會有多餘嘅油渣, 幾好。牛油同糖漿都係可以根據自己想食嘅份量倒落去, 唔怕太甜。🧋 冰鎮奶茶太興嘅冰鎮奶茶真係做得好出色, 冰喺外面唔會沖淡咗d 奶茶味!整體食物都幾好, 不過價錢偏貴。

本身食親嘢都唔會點寫食評，但係今次真係興到唔寫唔得。10點半諗住無乜人去食個早餐啦，明明都唔係繁忙時間，啲阿姐係都要限你坐邊個位，仲要比我睇到有個女仔一個人都係坐卡位，其實要我坐一邊卡位有乜所謂，有人坐落嚟我真係畀佢坐囉，你有乜理由叫我限定坐邊一個位呢？今時今日咁嘅服務態度仲邊有人食呀！本身嘅實已經唔係好食㗎喇🙄咁大個人食過咁多次茶記都未試過有一次咁嬲😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡

早餐係每日最重要既一餐，食得唔好，就煩，今次就係食得唔好，攪到影響工作心情，因為要再諗午/晚餐食啲咩補返數。扎肉辣肉碎米粉，配滑蛋多士🍞滑蛋可以，多士就乾左啲。🍲扎肉辣肉碎米粉，係新竹米粉，不過份量唔係好夠，另外，一啲都唔辣，但碗湯好油，扎肉無味，只係感覺食咗碗油淋淋既湯粉。☕️熱檸檬茶：可算係最好嘅一樣，有茶味，檸檬唔澀。

有情意結特別鍾意食米粉湯咪炒米都鍾意太興早餐雖然貴咗少少但係佢個米粉真係幾好味因為用返河源米粉唔會太淋又唔太硬而且口感非常好個炒蛋仲要好滑添，應該就加咗牛奶啦多士趣博博呢度嘅奶茶當然好飲啦

叫咗個豆腐青衣魚柳, 海味雜菜煲同胡椒魚肚雞煲。個魚苦到high high(落得太多紹興酒),入面啲冬菇同豆腐都好苦😵。海味雜菜煲就好似比人食咗一半咁,得兩粒蝦乾同兩舊魷魚,連菜都落得少,總之咩都少🙃。最後個雞煲簡直不知所謂,成個雞屁股掉落去(見圖)🙈🙈,然後煲嘢就油晒,勁難食。成煲嘢都無胡椒味,啲魚肚好明顯係之後先放落去,完全無個湯啲味,煮果個連蔥都懶得落。唯一正常就係個杏汁豬肺湯,呢個就加錢都抵。

一個人食飯，去了荃灣麗城的太興。原來呢度的晚市套餐特抵食，抵食之處係，一般的分店係需要加19蚊才可以轉套餐，而呢間係逢星期一至五晚都有特別優惠，無需加19蚊就可以轉套餐。套餐係咩意思? 就係小菜加白飯，再加餐飲。 今晚食咗個D38 海皇豆腐煲，跟了白飯一碗和熱奶茶一杯，成惠68蚊，算抵吧。 奶茶先上，茶味一般。 等咗10分鐘左右，個海皇豆腐煲終於出現。奈何，個白飯又要等多5分鐘……人多喎…..搞到杯奶茶凍晒先上齊嘢，下次都係 “叫上” 才上。 個豆腐煲係熱辣辣的，咋咋聲的。材料尚算豐富，有蝦、魷魚、魚塊、西蘭花和豆腐，味道都不差，啲汁仲可以用來撈飯。

今早去荃灣工作，本諗住去南豐太興先吃過雞扒早餐，再返工。不過見餐牌另一個選擇，鮮茄磨菇湯通粉，配炒蛋多士，於是放棄雞扒。炒蛋份量夠大，夠滑，多士烘的程度剛好，沾牛油或拌炒蛋都好味。叫咖啡少奶，上枱時啡，奶分開，剛喜好落多落少，好貼心。蕃茄湯則稍為失色，感覺蕃茄醬落多左。

今天約了朋友去海洋公園，約在南豐中心等，不約而同的說吃太興，因為剛看完廣告，哈哈。南豐這點很久了，好像有10年以上？我們常來的，服務員姐姐都認得我們，早上這個時間竟然要等位。依然點了最愛的餐蛋面，一般茶餐廳要加錢轉出前一丁，才另外給一包麻油，太興的就有麻油香，以前問過服務員，有說有落，有說無落，暈。不過香香的就夠了，雖然是炒滑蛋，但沒有零碎的感覺，加上煎過的餐肉，無得輸。最後飲一杯滑的奶茶，非常滿足。

今日同個 friend行荃灣南豐中心，中午食飯時候揾嘢食，見到呢度有間太興，貪方便入咗去食lunch (其實我好多年冇食過呢間餐廳) 。我好肚餓，隨便叫了鹹蛋蒸肉餅配白飯；我個 friend就叫燒肉飯；餐茶要了凍檸茶同熱奶茶。我等個蒸肉餅等咗起碼15分鐘，因為係即蒸，等到我個 friend食完佢嘅燒肉飯先嚟，好彩呢個蒸肉餅飯冇令我失望，肉餅內有好多馬蹄，醬油唔太鹹，唔覺有味精，我幾鍾意食，但係份量唔多，我全部食晒都唔係好飽。反而我個 friend就話碟燒肉飯好差，佢話啲燒肉凍嘅，俾埋啲頭頭尾尾，衰過出面啲街邊檔，完全唔值六十幾蚊。

太興開7:30夠晒早，食個靚早餐再返工都夠晒時間佢嘅餐蛋麵真係無得輸，隻蛋煎得夠滑，餐肉亦都有好好煎香朋友叫咗扎肉米粉，色香味俱全！扎肉米嗰餐就有配多士同煎蛋去太興一定要飲佢啲奶茶，濃滑又香奶味，正宗港式奶茶😍無論凍定熱都好飲冰鎮奶茶亦都唔會令奶茶越飲越淡朝早上菜都幾快，大家唔使驚遲到😆😆

去開南豐中心旅行社攞資料，見有時間就順便tea一tea先。 突然心血來潮想嘆返杯奶茶，咁就緊係去茶餐廳啦。睇吓個餐牌有咩食先，淨係粉麵茶餐都有幾款。最後㨂咗個雪菜肉絲湯米粉拼香滑炒蛋配鬆脆多士$48碗米粉同張圖差好遠，雪菜同肉絲得好少👎🏻個炒蛋仲衰，一d都唔香唔滑，乾爭爭。塊多士叫做有烘過，但唔係好鬆脆，成個餐都圖不符實。係得杯奶茶最好飲，夠熱夠香滑。總括而言，$48食個下午茶都唔平，質素比平時既太興晚餐小菜差好多，去普通茶記食茶餐無咁嬲。

下午茶，又想食少少，香港人就最鍾意燒味，簡簡單單要又快又有保證，就揀左「太興」🤪其實佢地既下午茶比起其他茶餐廳都會貴少少，不過呢個係食物接連出事，都係揀啲有信心嘅食肆好啲，一碟雙拼飯$62連埋熱飲☕️，其實都係可以接受嘅😬嗱！目測都已經OK啦，賣相夠晒油水，份量唔會唔夠😋叉燒肥瘦適中，蜜糖汁包裹著，口水自己分泌著🤪油雞肉嫰而脂肪含量不多，生熟程度剛剛好，唔錯嘅👍🏻連埋簡單熱飲☕️個人消費62元，服務就一般般啦😬

周日過咗嚟荃灣逛，午餐要搵地方解決。行到眾安街，見到有間太興，就諗起神奇小子曹星如告別職業賽，連咁硬淨嘅佢都無法再打下去，頓時感到唏噓。 我哋叫咗兩個午市套餐，一個係椰香咖喱牛腩飯，另一個係三文魚菜粒炒飯，飲品就叫咗熱檸茶和熱奶茶。 熱奶茶有好香茶味，因為是捷榮出品。 熱檸茶檸檬俾得太少，餐廳似乎有點孤寒。 椰香咖喱牛腩飯嘅白飯就夠晒大碟，不過啲牛腩就唔多夠食，全賴佢夠晒多汁，才可以食晒碟飯。 三文魚菜粒炒飯碟頭都算大，不過只是炒冷飯嗜，因為只是發現到極少量的三文魚碎和加些蟹籽整色整水。個飯其實炒到乾憎憎，全靠自斟甚飲的白開水，才可以啃晒佢。 收人$119絕對唔係平，都幾狼死!