太興 (已結業)

中秋節真係狂收月餅既時候，今次有另一位朋友送月餅，不過係果仁叉燒月餅，oh my god! 果仁同叉燒係咩玩法？不過睇下個盒先，其實好有趣，令我諗起外國化粧品個啲gift box😂😂😂我其實麻麻食傳統月餅，因為我好怕食勁多蓮蓉同蛋黃，食少少已經覺得膩到嘔，不過見今次係叉燒咁搞笑，就試下啦入正題！一切開個月餅，果然有好多叉燒粒，第一次食到咁有咬口既月餅😂叉燒味道唔錯，卻原來佢同啲nuts都幾夾架wor, 果仁呢，有合桃、腰果、榛子、欖仁，夾埋食都唔錯！食月餅最怕個餅食落成口油，呢個月餅都合格啦，唔會一陣豬油味，pass!

第一次食呢個排骨麵，真心覺得好味喎仲有個湯都好好味 ，唔會太鹹又唔會太淡， 排骨唔算好多肥肉， 好容易就將佢骨肉分離加多一杯凍檸茶少甜簡直係絕配， 下午茶時段仲有特價優惠， 都有好多選擇，正

早排過嚟太興食個tea, 本身見到有星洲炒貴刁好想試, 因為好耐冇食過~ 點知原來得返米粉, 咁就照叫星洲炒米吧 ($49包熱飲)碟炒米賣相好得! 可能始終係下午茶, 份量唔算好大碟, 不過聞落真係炒得好香~ 材料都係用最常見嘅叉燒, 炒蛋, 洋蔥, 芽菜同埋雙色椒等等去炒, 雖然係下午茶份量, 但用料都算足, 夾雜唔少炒蛋, 仲有幾隻大大地嘅蝦仁~上面仲灑咗啲芝麻粒喺上面, 味道好香濃惹味辣辣地, 正!

很少去太興，原因是感到它在食物.價錢方面不吸引！！今夭経过，見它下午茶的選擇款式多，加我相當肚餓，不願再找了，便進去！選了义燒咸蛋飯，熱奶茶！！奶茶也算好味义燒就瘦了点，但也好味！！咸蛋是黄流油呢！！咸蛋白也夠咸！！菜是椰菜，白灼的，一点油也沒有，不算好味，但也算健康，可接受！飯不算熱，所以没熱飯的好味感覚，鼓油没增加好味之感，不難吃，普通之選！下午茶，也要hk$44, 所以算是不過不失之算！！久不久也可去吃吓！！

尼間餐廳d燒味出名就係人都知，好多人都會專誠來斬d番屋企加餸，今日見餓餓地，去整番個燒味雙拼先叫左個叉燒切雞胸反 （自己request雞胸），好快有得食，d叉燒好林好有蜜汁味，正，d雞胸啖啖肉正到high high，超嫩滑，再加埋姜蓉落去撈反食，味道好有層次，最重要係d雞無谷血，即係d骨紅紅地果d呢！我最驚！飲埋杯凍檸茶走甜，飽曬好滿足燒味雙拼飯加凍檸茶埋單60蚊左右，尼個係下午茶價，雖然都唔算平，但食到好質素嘅嘢先最緊要嘛！

油雞好多肥脂(對我來講鹹蛋本身就鹹，所以今次比2隻我我會認為太鹹服務態度都不錯會將一D要等得耐ge餐品告訴給客人知等客人5會奇怪點解嗰餐咁耐都未嚟餐具、牙簽、調味品同紙巾各類都好自助式可謂服務週到！等候時間都唔算太耐(即係等位等餐可以話係快

之前有次去咗太興食下午茶~因為唔係好肚餓, 所以就簡簡單單叫咗份"軟棉棉花生醬多士"就夠~ 第一次食呢款多士, 一放低就覺得份多士個樣都幾靚~ 多士唔太厚身~ 比平時食既西多士厚度要薄啲~ 塊多士上面搽咗啲花生醬~ 質地都算軟熟~ 最關鍵既就當然係上面既棉花糖啦! 上面有九粒大大粒既棉花糖~ 仲有烘焗過既痕跡~ 棉花糖上面仲淋左啲朱古力醬添~  粒棉花糖入面焗到輕微溶化, 食落去既口感好軟棉, 好正呀!! 配埋杯冰鎮奶茶相當滿足 (不過唔記得影奶茶)~ 雖然有咁多棉花糖又有朱古力醬, 但又未至於甜到勁漏~ 又或者我都係鍾意食甜品既人啦~ 下次都會encore~ 

好耐無去這一家南豐太興了，附近辦完事又是下午茶時間，星期日下午店內坐滿8成人，叫了2款下午茶餐，冬瓜鴨腿湯飯及瑞士汁牛河跟茶啡，每份50/元，份量不少，價錢合理，水準都保持到。服務員態度及效率也不錯。整理覺得唔錯。

朋友訂咗盆極品鮑參花膠至尊盆菜,另外跟咗隻不銹鋼大湯勺,長筷子一對,耐熱膠碗,筷子同湯羹約十隻,大湯勺嘅質素唔錯,可以循環再用.除此之外仲跟埋娃娃菜,日本金菇菜,芋絲,枝竹同一支原味盆菜醬汁.盆菜入面有十幾款食材,分別係原隻蠔皇鮑魚,紅燴海參,厚切花膠,海蝦,原粒瑤柱蠔豉福袋,秘制豬皮,紅炆花菇,南乳豬手,家鄉鯪魚餅,紅燒鮑菇,燒肉,明爐燒鵝,桶子油雞,健康素鴨,雲耳,清甜蘿蔔同五香荔芋.盆菜用咗外層係金色嘅不銹鋼大盆載住,可以直接用明火或電磁爐慢火加熱至煮沸即可.我哋一齊由最面層開始食,慢慢食到底,十多種之中我只係食咗其中幾款.鮑魚彈牙唔韌,海參軟腍,花膠有咬口,小小嘅福袋就用咗日式腐皮包著瑤柱,蠔豉同髮菜等等,口感豐富.其他食材如豬皮,雲耳,杏鮑菇同蘿蔔都吸滿醬汁,非常惹味,食到尾聲時仲加咗金菇菜,芋絲,枝竹等等去煮.盆菜嘅醬汁就好有南乳鹹香,烹調時吸收咗食材嘅鮮味,加上水份揮發,令醬汁愈煮愈濃稠,中途只係加熱水都覺得夠味,所以成個過程都冇加嗰支跟埋嘅原味盆菜醬汁落去.

叫咗三碟清清地、冇難度嘅小菜。個什菜煲啲餸面有條好長嘅頭髮，竟然都睇唔到，成煲嘢拎出嚟。嗰碟蒜蓉炒菜心仲離譜，嗰啲菜心灼到幾乎爛曬先至求其搵啲汁撈撈佢，就當蒜蓉炒菜心！你做師傅咁都過到自己， 你個老闆真係多得你唔少囉！ 好彩啲樓面都好專業，投訴後即刻問需唔需要換，嗰煲什菜煲就梗係要啦，咁碟菜菜佢都問埋我需唔需要，總算喺服務分到兜返！當然，茶餐廳唔好有好大期望，但太興喎，咁嘅師傅就真係要炒魷魚喇，quality嘅嘢唔係鋪鋪都有得兜㗎！

冇服務不單止，態度差!完全等收工唔理客人!叫咗個外賣，企門口等，等好耐再問佢，完全好似唔想答我咁，睇住佢啲外賣出咗，叫人包，啲人好似睇唔到咁！如果你要收工，早啲講，我可以唔買

一上台我見到碟野都想笑出黎，咩野....好簡單的早餐，真系比幾塊野我喔。麵包：單片少脆不太熱，放一陣會變到好難咬火腿：無特別火腿一片雞蛋：少少蛋香，炒得唔老，裡面食落感覺系差少少熟晒甘

樓下的食評頭一句咁寫：「香港人，甚麼也要快，上班前的早餐尤其要特快！」唔好意思，係呢間分店，感受唔到呢樣野。今早有事帶著我家寶貝來荃灣，時間尚早，先來吃個早餐。怎知進入店內，無人理會，自行坐下。看不到餐牌，後來在鄰座提示下，餐牌在背後，沒有侍應理會，桌面只有之前在大埔分店見過，每桌一壺，熱度足以漉熟人既熱水，連杯都冇隻。等了接近十分鐘，都冇任何人留意到我們兩母子，發火走人。步出店家時道隱約聽到一句：「多謝，拜拜......」真的不知所謂，坐下十分鐘，都冇幫襯過。今時連鎖店的SOP，徒具外表，缺乏內在。

香港人，甚麼也要快，上班前的早餐尤其要特快！今天來個輕盈米粉，能叫輕盈的確實是份量不多，但味道適中，不會太濃郁也不是淡而無味也沒有太辣。餐飲免費升級為泡沫咖啡，醒神一流！美中不足是店面較細，四處搭枱，但吃個快早餐，也沒太大所謂了。

上堂遲左所以拿拿聲響附近食野, 剛好係下午茶時間, 好肚餓所以要左飯餐食.要左梅香馬友蒸肉餅配白飯$49, 肉餅既份量係比較小, 食落肉質嫩滑軟熟, 唔乾唔鞋口. 豉油唔會太咸, 調味撈飯食都好夾. 但馬友好小, 食左一輪先有一粒半粒既咸魚, 所以成個肉餅無咩咸魚味, 少少失色. 白飯另上, 幾軟熟夠熱.