太興 (已結業)

周日過咗嚟荃灣逛，午餐要搵地方解決。行到眾安街，見到有間太興，就諗起神奇小子曹星如告別職業賽，連咁硬淨嘅佢都無法再打下去，頓時感到唏噓。 我哋叫咗兩個午市套餐，一個係椰香咖喱牛腩飯，另一個係三文魚菜粒炒飯，飲品就叫咗熱檸茶和熱奶茶。 熱奶茶有好香茶味，因為是捷榮出品。 熱檸茶檸檬俾得太少，餐廳似乎有點孤寒。 椰香咖喱牛腩飯嘅白飯就夠晒大碟，不過啲牛腩就唔多夠食，全賴佢夠晒多汁，才可以食晒碟飯。 三文魚菜粒炒飯碟頭都算大，不過只是炒冷飯嗜，因為只是發現到極少量的三文魚碎和加些蟹籽整色整水。個飯其實炒到乾憎憎，全靠自斟甚飲的白開水，才可以啃晒佢。 收人$119絕對唔係平，都幾狼死!