太興 (沙田廣場)

營業中

休息中

3月27日晚上3人來dinner,叫:1)中湯:合掌瓜鱆魚瘦肉-中規中矩,普通貨色,但起碼味精唔多2)羅宋湯-跟1片無牛油的多士-無試到3)八寶飯餐-友人選了中湯-其實是八燒味飯,有燒肉,墨魚片,鹹蛋,油雞,叉燒,燒鴨....-ok4)肉丸蝦米粉絲雜菜煲-ok,唔差5)熱檸蜜-無問題-閒日夜晚都多人,要等成30分鐘-以燒品茶餐廳,環境這算是豪華版,又有小炒供應-服務勤快,味道當然沒驚喜啦,但好抵食

今日同一個舊同學飯聚，第一次試沙田的太興。食後感覺：平平。日式照燒汁炒雜菌：超難食！他們將雜菌在大火中炸到有少少硬同乾，再加上超咸的照燒汁，食到唔想再食。蜂蜜汁叉燒焗飯：如果深食叉燒可能會好一點，加上那些平日焗豬扒飯的汁，非常奇怪。唯一覺得好的是熱奶茶一杯。

去老爺屋企拜年兼食飯, 成七點先到, 要等十張, 但好多人都唔等, 所以我地等左唔夠十分鐘就入到去!四人都唔食得多, 只叫了西蘭花炒斑片, $60, 要求少鹽少油, 但都差唔多, 我只吃了三舊西蘭花, 唔錯, 不過真係油左!燒腩骨, $68, 初初話無, 轉左雙併, 又黎番! 雖然我唔太食肉, 但試左覺得普普通通!灼菜心, $18, 唔記得全走, 結果大家應該知道!粗粒花生醬厚多士, $18, 雖然香, 未能做到外脆內軟!兩杯奶茶, 兩碗白飯!過時過節, 收貴, 服務ok! 環境唔錯, 坐得舒服!

兩個很久沒見的靚女約我晚飯，沙田很多食肆也試過了，怕等位便來了這間．當然一定要食燒味啦！要了燒肉拼油雞，燒肉瘦而嚡，味道很不新鮮，奇怪燒肉皮可以是又淋但又UN？？，未吃過這么難吃的燒肉，雞也不好吃，連超巿的水準也沒有，可能這是招牌食品，故令人加倍失望，剩下大半碟．椒絲腐乳通菜：用一個很大的瓦煲上，但份量只是煲的５份一？？是否用碟上更好看呢？味道OK.生炒排骨：不夠脆也不夠熱，也是水準之下．奶茶也不夠滑，整體食物水準叫人失望，靚女們你眼望我眼，大家也笑了出來，要找出來這裏晚飯是誰人出的鬼主意，要請去滿記吃甜品贖罪，但今晚坐了３小時，大家很久沒見談得很開心，見到隔離枱比我們先來，但我們走時他們還在談得很起勁呢！原來是一位老牌歌星，相信也是因這裏地點方便及卡座寛敝，可以談天說地，也不介意食物質素了！

星期日去食晚飯,焗飯好食,湯好飲,冰震奶茶好滑,下次一定要再來

I went there for lunch with my mom & sister after body checkup yesterday. Don't wanna choose restaurant since my mom loves Chinese roast food and the lunch menu is out of my expectation. Besides roast food, there are western cuisine, baked fusion, soup rice & fried noodles for selection. I selected fish fillet with fries. Wow, it's tasty especially for fries -- with potato skin! The fish fillet is huge (half the plate). It only costs $41 (extra $3 for cold drinks). Very reasonable! But I think t

依碟餸係我嘅心水推介, 味道好香甜甜哋, 唔會太油, 值得一試!!!

五人同行下午茶, 當然要擇個好坐的地方。這裏全場不吸煙, 坐得服舒自在。今次點了海鮮什菜湯烏東, 凍鴛鴦。冰鎮鴛鴦不失水準, 雖然啡味重一點, 但不失香滑感。海鮮什菜烏東卻做得差了點。羅宋湯底, 有點酸辣, 酸味多點, 可接受。什菜(只是點洋蒽, 青椒, 紅蘿蔔)過腍, 沒有什麼味道可言, 亦很油。海鮮方面, 是一條蟹柳, 一隻青口, 一隻墨魚仔。烏東有點粉, 加點羅宋湯一起吃還可以。以往食過其他款的下午茶餐, 水準也只是一般。再來, 不是食物吸引, 全是這裏的環境, 座位寛敞, 最重要是無煙...

一路都成日食太興架喇!呢晚又去同個FRIEND食, 等位又算快, 又坐得舒服, 所以自自然連個FRIEND都成日叫我黎~次次去都叫晚餐, 因為$47就有湯,有野食,有大大件既扒~!今次叫左個白汁龍利柳跟飯, 中湯,涷奶茶!件龍利柳好大件, 火喉剛剛好,好香口,肉滑,不過兼有DD咸!!!D飯次次都好大份,食唔晒,不過呢次D飯比較硬.第一次飲佢地D中湯,好滿意佢用黎放湯既盅,又保溫,湯係紅蘿蔔豬骨, 味道唔錯~!我個FRIEND同我都食唔晒D野, 因為太大份, 所以真係好抵食架~!!!^^佢地既WAITER服務真係一流, 特別要讚一位四眼哥仔,佢講錯野比我個FRIEND串仲識笑.我最鍾意呢度D坐位, 可以傾得好舒服,好多卡位,因為成日去, 所以坐過唔同方向了,最好就是坐高D既卡位, 今次第一次坐廚房對面,好似熱左D囉, 所以見到D人有其他位就調位.總之, 我愛太興啦~!

香港素來有美食天堂之美譽，各式美食琳瑯滿目，要在這個大都會的飲食界生存，實在不容易，尤其是燒味這一行變化不大的行業，事關唔係雞、鹅、鴨就係豬，很易令人產生厭倦。因此太興的特色燒味，例如：蜜桃焗叉燒飯和日式芥辣焗燒肉飯之類，都是打破傳統困局的燒味食品。此店除了燒味外，還提供雲吞粉麵、各類中式小炒、扒餐和粥品，當中還有一VIP房，內有一張12人的大枱和一兩個千餘元的餐牌，實行連酒席都做埋。食物質素方面，燒味當然企理啦，尤其係蜜桃焗叉燒飯和日式芥辣焗燒肉飯，熱騰騰兼香口，至於雲吞麵檔出品就較普通，西式扒餐就穩中求勝，服務態度也不差，已超出茶餐廳的水平。總括來講，直得一試再試。

同男友有個星期六去食午飯, 以為好普通既茶餐廳,但原來食既野都好特別啊!!我地叫左個, 香橙酒焗叉燒飯...雖然叉燒比較肥,但真係好有橙味,好特別!另外叫左個芝士腥焗肉醬意粉, 估唔到佢一樣做得咁好, 好新鮮好夠味好夠汁!

2005年8月6日(星期六) 上午10時30分新城市廣場內大部份的食店也試過了，今天就過來沙田廣場這邊看看有什麼地方好吃，見未試過，就試試這兒的早餐。因不設撘檯的關係，我們等了一會兒才能入座；然後被安排坐著舒適的卡位，望望餐牌，早餐的款式也不少，我們點了以下二份早餐【見上圖】。豬骨濃湯通粉早餐($23)：隨餐配牛油多士、炒蛋及飲品，個人覺得配上火腿絲的通粉湯底香濃又夠味；多士是厚厚的，吃落又脆又鬆軟，真的不錯；炒蛋一般而已，始終及不上「澳洲牛奶公司」的那麼有水準；奶茶也有一般茶餐廳的質素。黑椒雞扒拼香滑炒蛋($24)：隨餐配牛油多士及飲品，黑椒汁香辣兼惹味，雞扒煎得剛剛好，肉質嫩滑；牛油多士一樣外脆內軟；咖啡算是有點驚喜，夠香濃，確實有水準。

去了多次, 都只是因為冰鎮奶茶及那裏的環境. 奶茶有茶味, 不澀. 豪裝環境比一般茶餐廳好, 沒有油煙, 二手煙. 最愛那裏的長卡位, 6 位小姐坐也有空位騰出放手袋. 另設圓桌, 方便大班朋友一齊坐, 可惜圓桌不多. 下午荼餐($26) 裏的炒蛋很糟糕, 沒蛋味, 又油, 連咸味也沒有, 每次都會放棄它!食物款色也算多, 夠創新, 喜款嘗試新口味的朋友可到此試一下.

我尋晚叫左個"燒味八寶飯",d燒味麻麻地咋喎!d义燒又乾又硬,得個"甜"字,d醺蹄又肥,d燒鵝同燒肉好韌呀,仲要收成$50蚊,好似唔係好值lor.另外,要更正一下個電話,應是:2693 2782散客冇得訂位, 要座房先有架.

嗌左個蜂蜜香桃焗叉燒飯同燒肉油雞飯，好好食，係我食過最好食既燒味。果個冰鎮奶茶仲正，好滑好奶，個茶一D都唔澀，食完之後即刻買左兩罐返去飲，一樣咁好飲，不過8蚊罐就貴左少少。 值得一提係D服務好好，之前我地睇唔到個SET MENU，就咁散叫貴左，個WAITER就好好人咁建議我地叫SET平D。埋單百二蚊左右，晚餐來講幾抵食，會再來。