太平館餐廳

營業中

休息中

近來食左幾次太平館，但係感覺總係覺得同以前有少少差距，今日就俾我寫一次良心食評。太平館嘅午餐都算中上價錢，大部份未加一前都超過$100，所以都會有少少期望㗎。我覺得成餐飯最好係杯茶和餐包，忌廉湯比以前稀左好多，好少配料。意粉完全冇味，另外，石班塊較為鹹😭不過，粟米汁好好食。最後，餐飲我選擇熱咖啡。可惜，咖啡有點苦，我覺得同樣嘅咖啡，UCC好飲好多😭其實我早前已經試過食太平館嘅瑞士汁牛河、豬扒牛脷飯等等，可惜都覺得水準同以前有少少差距，我下次試吓第二間分店，看看有沒有改善啦。

乳鴿好食,但我原本有期望嘅葡國鷄飯🥘就好垃圾,得三嚿鷄胸同希爛嘅汁,仲差過大家樂,索價$133 💸!!  同佢投訴個部長仲反大我話加$20就可以換鷄脾🍗,又寸我唔早啲講唔食鷄胸,睇來係客人嘅錯？🫵又唔肯加$20🫵.  好失望.🫥

中上環約人食lunch唔想等，當然要事先訂位朋友話無試過太平館，咁就立刻去試！兩個都要羅宋湯，個餐包果然係童年嘅味道 鬆軟鬆軟的，忍唔住食曬之前已經試過佢嘅瑞士汁牛河 ， 今次要焗豬扒飯朋友要焗葡國雞飯食物不過不失 豬扒已經切好了，並且係炸豬扒；應該臨上菜前再焗一下？炒飯底，抵讚朋友都話佢嘅雞飯ok 但如果可以好似焗豬扒飯咁一齊焗就更好加兩杯凍檸檬茶 total 223說真的 食物質素 如果喺香港住得耐嘅人都會知大約如何唔會有太大驚喜 但都唔會有太大驚嚇都算係穩陣之選做得百年老店唔係靠運氣嘅百幾蚊 喺中環有得訂位 又有得感受一下百年老店嘅魅力 算係咁啦

今晚終於去左一間百年歷史老字號的懷舊港式西餐-「太平館餐廳」試試，在尖沙咀、中環、佐敦、銅鑼灣均有分店，餐廳裝潢充滿懷舊氣息。最最最開心係可以試埋餐廳招牌巨型梳乎厘🧁👏🏻😘👫🏻招牌二人套餐👫🏻-$508✨海龍皇湯 ✨-有幾粒海鮮🦐有少許蕃茄味✨太平館瑞士雞翼（6隻）✨-瑞士汁好入味，但應該係紹酒落多左少少🤏🏻雞翼有點苦味。食落去肉同骨好易分離👍🏻👍🏻✨煙肉炒雜菜✨-以為落煙肉🥓會好咸，但又唔會喎，偏清淡✨太平館瑞士汁炒牛河 ✨-不太食得出瑞士汁味，個芡汁太稠，麻麻地好食，但牛肉就好淋身❤️❤️❤️❤️❤️重點❤️❤️❤️❤️❤️招牌巨型梳乎厘-$152（製作需時35分鐘）一見到職員拎過來 已經嘩～～～一聲梳乎厘主要材料包括蛋黃及經打勻後的蛋白，經烘焙後質輕而蓬鬆，外皮有點焦焦的，非常香口，吃下口感内裏比較蓬鬆，好香蛋白味，完全係空氣梳乎厘的始祖❤️‍🔥

呢間位於中環 嘅 老字號西餐廳富有懷舊特色 所有用具 及裝修 都帶有香港古味燈光暗淡 好啱去嘆反個西餐就連啲侍應生都係班好nice嘅叔叔們去到梗係試一試 其中最出名嘅甜品🔖焗梳乎厘 HKD148一上枱 我即刻 哇 左聲因為佢巨大 到大過 我塊面咁濟表面燒得金脆 完全做到外脆內軟內部足料製造 影完影都唔會即刻扁雖然發到咁大 但食落都唔係空氣而且蛋味超濃 又唔算太甜！*佢地除左呢個出名嘅梳乎厘仲有瑞士汁雞翼都好出名 但無影到相個汁調得好出色 甜得嚟唔濟 都推薦大家嗌！

點了2人套餐+梳乎厘，結果吃完肚瀉了1）餐湯：海皇湯，是面粉+水+油，有幾粒海鮮非常懷疑是生的2）餐包 正常3）時蔬 正常 有西蘭花🥦+冬菇4）燒豬脾飯 5片非常薄薄既如煙肉的豬+一碗白飯 基本不夠吃5）燒乳鴿 成餐最好食 但汁液基本一致鼓油+糖+油 跟豬脾飯味道一樣 6）餐飲 點了奶茶 正常7）甜品 椰汁糕？一般8）另加$150 點了梳乎厘 但主打蛋白+梳打味太出 不好吃晚餐消費：$7xx 不推薦

📍太平館餐廳中環中環士丹利街60號地舖香港四間太平館餐廳，當中三間都去過多次，原來一直走漏眼呢間😁。本來揾咗一間餐廳食晚餐，怎知已last order。咁啱路經呢間太平館，那就去試試啦。由於唔多客人，一進入餐廳就覺得冷氣好勁，若怕凍人士，一定要帶定件外套。安排卡位座位，坐得好舒服。雖然格調同舒適度都不錯，但若然全場滿座的話，有機會感覺迫少少。叫咗個二人套餐，包兩客海皇湯，湯好濃郁，餐包。套餐有碟炒菜，選擇了一隻乳鴿同燒豬脾飯，兩個菜式嘅豉油都好美味。份量都相當足夠。當然包餐飲同甜品，甜品係奶凍，味道不錯。

8年前朋友請客第一次步入太平館，被佢既超巨大梳乎厘吸引！今日心血來潮再次向呢度共進晚餐，呢間餐廳擁有過百年歷史，但依然屹立不倒，自有佢既原因，好老實講食物其實不過不失，好多新餐廳無論向環境裝修、食物質素、性價比都比呢到好，但太平館往往比人一種懷舊既感覺，小編無特別去搜尋佢哋既歷史，但相信想當年向香港會係一間「高級餐廳」，直到現今佢地都依然保留佢地既特色由接聽電話果一位侍應開始，都流露出年代感，係一位上左年紀既嬸嬸接聽，到食飯既時候，所有侍應都著住整齊既西服，官仔骨骨咁既款，相信佢地向呢度工作左有超過十年以上今日小編2個人叫左5樣佢地既特色菜式，埋單$765，總括黎講，黎太平館食既係一份情懷，值得推薦既一間餐廳

今天到訪這家百年老店，已經預先電話訂座，要不然假期到訪還是要等位，過往經過餐廳總是看到厚厚的窗簾，充滿神秘感，今天終於可以進去一探究竟太平館創立於1860年，至今歷經163個年頭，是全中國首間華人經營的西餐廳，更是港式西餐的始袓，餐廳的裝潢難得是懷舊而不老舊，不愧是康城得獎電影花樣年華的拍攝地中午有套餐可以把店家招牌餐湯和餐包都嚐到，價錢落咗$100左右，性價比還算可以，不過服務態度則是稍差，語氣和放置餐具都不算友善，而且餐包還忘了附牛油，要詢問才補回作為探店是值得一游的地方，食物水準是中上茶餐廳水準，但氣氛和服務有改進空間，來一次體驗情懷便足夠餐包外脆內軟，口味偏甜，牛油似有若無香味較少，餐湯只推介招牌羅宋湯，入口甜酸香兼備，非常足料，開胃不錯，白湯則是很淡一般沒料太平館瑞士雞翼飯 $105招牌瑞士雞翼，起名因由皆是店員錯把客人稱讚sweet當成swiss，；豉油雞翼外皮滷得相當均勻，入口鹹中帶甜，味道可口，肉質超嫩滑，飯粒有點韌度不軟爛，不過餐刀不夠鋒利，吃起來不太方便太平館瑞士汁炒牛河 $105濕炒河粉是港式碟頭中最為美味，不過因為油膩不能多吃，瑞士汁與雞翼不同，帶有明顯甘香，拌

平日中午人龍很多，侍應伯伯提醒我們下次先訂枱會比較好。餐廳分樓上和樓下，樓上主要招待已訂座，walk in嘅則是坐樓下。午市套餐包括湯，主菜和餐飲。我們叫了葡汁焗雞飯和忌廉石班焗飯。餐湯我點了羅宋湯🥣，蕃茄味香濃🍅，非常好飲。主菜的葡汁焗雞🐔上菜時熱辣辣，葡汁香濃惹味，焗雞香口，焗薯沾滿葡汁非常可口。不足之處是另外配上白飯🍚，如果係炒飯底一齊焗則會更完美。朋友點的忌廉石班焗飯🐟則是炒飯底一齊焗，賣相更是吸引。

時隔1,000+日，收到個驚喜！10年前在上海工作時的下屬，從布吉島回上海，特別安排在香港轉機(住１晚)，約我見面，好開心！我為他排了個3.5小時體驗香港行程第１站：吃雲吞麵第２站：坐天星小輪看維多利亞港夜景第３站：Walk around中環街市、半山扶手電梯、大館第４站：吃太平館梳乎厘我們約晚上９點到達中環太平館先請店員姐姐落單１個梳乎厘(即叫即做，要等20~30分鐘)，店員姐姐說所有客人都在等梳乎厘 反正要等30分鐘，我請朋友看看餐牌還要吃什麼，他是健身愛好者，晚餐基本不吃；那我就點了雀肉大蝦多士，很快上菜，蝦多士配雜果沙律賣相佳，蝦肉富彈性，“雀肉”是加了鴨肝醬，多了份鹹鮮，豐富了味覺層次！我喜歡！健身男對油炸食物，不感興趣！邊吃邊聊，梳乎厘終於出場！健身男見到立即叫了聲：嘩！(和我第１次見太平館梳乎厘時的反應差不多！)巨型梳乎厘，打卡一流！拍完照，開吃！不甜，空氣感十足，雖然巨型但吃着不會覺膩，健身男越吃越嗨，表示非常滿意！有外國/內地朋友來香港，強力推薦吃太平館梳乎厘。

今日冬至男朋友帶左我黎中環太平館餐廳食飯❤️對上果次食太平館都差唔多2-3年前，不過係食尖沙咀分店🤔依間餐廳都有過百年歷史，裝潢都係懷舊風，勁似七八十年代既餐廳，夥計叔叔又好nice🤣超有人情味既餐廳❤️依度最好賣既係瑞士雞翼、牛河同埋梳乎厘！每一枱客點都會點依幾樣😊今次就叫左個太平館瑞士汁炒牛河及梳乎厘二人茶餐😍太平館瑞士汁炒牛河成碟好入味，大大啖牛肉😍個汁感覺似鮑汁製成！所以都幾好食！梳乎厘二人茶餐過程大約要等30分鐘，但超大個，佢既份量可以3個人一齊分享都仲得，聽人講梳乎厘一定要有果種空氣感，好似棉花糖既感覺先係最好食😗第一次次食感覺好得意，食到蛋香味，而且佢焗個皮有少少燶左既感覺，令到成個味道昇華左😍夥計叔叔超好人，幫我地汁好張枱比我地影相靚啲，佢仲話全港梳乎厘最好食既都係得依間，仲會細心提醒我地唔好掂到玻璃位，因為玻璃好熱☺️有機會我會再黎試多次雞翼同梳乎厘🤫

大部分中環打工仔，一到Happy Friday都特別唔想返工，這日放lunch特別想找間坐得舒服的餐廳。這間太平館餐廳就是一個很好的選擇，樓高兩層，裝潢華麗，而且午餐價錢約100元，有齊餐包、西湯、飯品，非常滿足。但不過，這間餐廳最有名氣，其實是大大個梳乎厘，由雞蛋白而成，淡淡雞蛋香，口感好似食棉花糖，又好似食空氣，4個人分享食剛剛好。服務方面，侍應都是具經驗的叔叔，聽聞餐廳老闆對員工不簿，難怪員工都非常投入。上甜品前會特意來幫我們收拾枱面。

太平館餐廳係一間比較舊式少少嘅高級西餐廳，創辦於1860年，已經有好多年歷史㗎啦，大家都一定有聽過🙌 除咗佢最出名嘅瑞士雞翼之外，其他焗飯同埋焗意粉都整得好好食😋今次嚟到就試咗佢嘅午餐，包括一個餐湯、主食同埋餐飲。餐湯就揀咗羅宋湯，仲包埋餐包添，可以自己塗牛油🧈 餐包熱辣辣好好食 🍞 主食就揀咗鮮茄石斑飯同埋鮮茄焗豬扒飯🍚 整得好好食，調味啱啱好，份量都啱啱好👍 餐飲當然叫番啲港式飲品啦，熱奶茶整得唔錯，好有港式風味☕️總括嚟講都坐得幾舒服，好適合三五知己過嚟聚下，食物質素都保持得好好

位於中環嘅呢一間太平館餐廳，喺中環地鐵站出口之後要行少少斜路上去。路程大約10分鐘內會行到，位置都算方便。一去到餐廳，我覺得呢間餐廳好特別，由侍應嘅衣着到環境嘅佈局設計，富有懷舊特色，牆上面嘅畫、燈飾，餐枱上面嘅餐巾、餐具、枱布、餐單等等，都散發着一股懷舊香港嘅味道。🌆感覺就好似去咗我爺爺嫲嫲嘅年代咁，好特別。今次特登揀咗呢一間餐廳為我朋友慶祝生日。❤️太平館餐廳最特色嘅係佢有一個甜品，疏乎厘，唔係平時Cafe食嗰啲疏乎厘，而係大過你個頭嘅疏乎厘。🧁呢一個疏乎厘一上枱嘅時候，蛋味香濃，同枱嘅朋友都嘩！咗一聲🤭🤭疏乎厘除咗蛋味香濃之外，份量亦都好足夠，疏乎厘上枱之後，我哋都影咗一陣子嘅相，疏乎厘都冇扁度，哈哈，即係都用足料去整，唔係淨係食空氣🤣食落口，熱辣辣，蛋味好香濃，外面有少少脆口，裡面好軟熟，疏乎厘來講佢呢一個嘅味道唔算好甜，我對呢個疏乎厘非常之滿意，好耐冇食過咁大個甜品啦😋🎂我朋友都好滿意呢個咁特別嘅生日蛋糕，又渡過左愉快嘅一晚🫶🏻