太平館餐廳

營業中

休息中

一入門口，好似時光倒流咁，d裝修好古色古香，好有六/七十年代既感覺。叫左兩個餐，一個西冷扒餐，一個瑞士雞翼餐。西冷扒餐有搭多幾粒蝸牛，幾特別，塊扒叫左medium rare，中間仲有少少凍，不過總括黎講都幾好食。瑞士雞翼就係呢間餐廳其中一樣最出名既，係幾嫩滑，而且都入味。

第一次食太平館餐廳係好多年前 可能有成10年？呢晚成9點幾鐘黎到中環 唔知食咩好 就入咗去太平館餐廳 唔好唸住咁夜唔使等位 我地兩個人都等咗成半個鐘先有位入去事不宜遲點嘢食 一定要點佢嘅招牌菜 瑞士雞翼😋 點知無曬！😭 唯有下次黎再食過...最後我地點咗個飯 葡汁焗雞飯好香葡汁味 撈飯真係一流 雞件大大件 無騷味 唯一覺得可惜係薯仔煮得唔夠耐 / 或者切細啲 兩個人食剛剛好梳乎厘 呢個係必點甜品 🍮好巨型呀！整穿佢入面好soft 大大個食極都唔見底 建議4個人share 整體而言 餐廳質素一直keep到水準 價錢比其他餐廳稍高 但係食物質素同價錢成正比 👍🏻

行到中環地區覓食，聽聞呢間既瑞士汁雞翼同甜品梳乎厘係餐館必食推介。同3個朋友叫左個雞翼，試下。點知真係太好味啦。 瑞士汁完全融入雞翼當中，令人一試難忘。但價錢則較貴，午餐 光顧可試下其他配搭。例如:瑞士汁河粉。梳乎厘份量大大份，一份已經可以足夠三個人食。熱呼呼嘅梳乎厘蛋味濃郁，咬落去空氣感中帶有絲絲既甜意。餐館環境舒服，侍應態度有禮，係可以回頭既餐館。但就會推介午餐時段食，比起晚餐時段應該少人輪候。😍

好耐好耐之前食過太平館嘅梳乎厘，印象中好香蛋味好soft 好fluffy ，所以成日都想等有機會再食！今口出開中環就決定去會一會超大soufflé 啦！人少少得2個人，又要留Quota 食甜品，所以只係叫左個葡國雞飯同細嘅瑞士雞翼葡國雞個汁加左椰汁，好香，但略嫌唔多rich 同d雞好多碎骨，食個陣真係要好小心瑞士雞翼係太平館名物，但係同葡國雞一樣，得個汁好味。。。如果下次再黎我會食瑞士汁牛河。。，到左是日重點，超大梳乎厘❤️ 真係好大，2個人食有d吃力，不過食落冇以前咁香蛋味，唔通唔同分店嘅問題？

每次想起太平館便會諗起瑞士汁牛河，今晚同Honey去咗食宵夜+甜品! 今次唔係牛河發現新驚喜^^ 我們看到隔離枱食乳鴿食得好滋味，我們都急不及待叫了一客。 乳鴿炸得很香脆，不用加瑞士汁也很入味。梳乎厘是是日的主角估唔到噤好味，蛋白焗得很均勻甜而不漏，好食過好多甜品屋。

公司食午餐人多，卜左幾次都話滿左，今日終於卜到啊，超興奮啊，瑞士雞翼好味，差啲連啲雞翼尖嘅骨都食埋，紅酒牛柳好林好滑，葡國雞飯香椰汁好味，咖喱魚塊就啦普普通通，豬髀飯原本諗住係一隻豬髀，原來只是一片豬肉，干炒牛河，真係名不虛傳夠火喉好味，食到最咪等左40分鐘，最期待嘅梳乎厘出場，冇得輸呀，外脆內軟，裏面個心簡析就係好似moose咁，好滑，唔太甜，真係要encore啊

中環太平館服務生質素非常好！有一位叔叔非常細心，由點餐開始，每一道菜都問我地需唔需要轉，或者suggest 我地點咩好！每上一道菜都幫我地放好位置方便我地夾！食雞翼都有幫我地換碟！去到食梳乎厘，叔叔都不忘提醒小心玻璃碟熱！仲有，佢留意到我無飲過杯茶，佢問我係咪唔鍾意飲茶，想幫我換杯水，我話飲茶得架喇，佢話杯茶凍晒幫我換過杯！好耐好耐未幫襯過一間咁好服務態度既餐廳！#我想讚嗰個叔叔無名牌，我真係好想表揚佢# 因為基本上成間餐廳得佢態度最好

太平館餐廳是老牌的西餐廳，有數間分店。而中環的分店則位於士丹利街。餐廳分兩層，可以預先訂位。一入門是地下，座位偏暗，而樓上一樓則比較光亮，氣氛也相當好。侍應們都穿上黑色背心加白色恤衫，禮貌彬彬的，配合四周的裝修，挺有懷舊的氣息。午餐menu 在中環來說，坐得舒服而且食物質素好，都算划算。價錢由$80至$99蚊不等，有湯/沙律、主菜及飲品。餐包熱辣辣地送上，十分軟熟🤩 就咁食或者用來送湯，都一流👍🏻餐湯可以選擇羅宋湯（紅湯）或者粟米忌廉湯（白湯）。一般餐廳的紅湯是羅宋湯都有牛肉，但這裏則不是用牛肉，而且好濃味、好足料😋😋太平館瑞士汁炒肉片河：餐廳其中一個招牌菜是瑞士汁雞翼。唔試雞翼，也想試下其瑞士汁。瑞士汁真的很不錯，甜而不漏，而且又濃又香😍 再拌均河粉來食，剛剛好。河粉是屬於粗少少的河粉，比幼河粉較有咬口。太平館乾炒牛河：與瑞士汁肉片河不同，上碟時，相對來說是比較乾身（因為真的是乾炒牛河😂），而牛肉嫩而不韌，不過係略嫌唔夠鑊氣。飲品：橙汁或是咖啡、茶。橙汁我叫了走冰，味道偏甜。有了這次午餐的體驗，下次可以來試一試它的晚餐，當然少不了其著名的甜品「梳乎里」😆

是日同男朋友去完Aia之後搵野食，因為時間好尷尬又未到晚飯，咁行過太平館佢問我有無食過，我就話其實成日行過但就真係無食過就入左去。去到間餐廳既格局都係好懷舊而不殘。侍應都係上左年紀既叔叔，其實感覺有d似銀杏館？服務不平年輕或者高級餐廳既差，好主動咁問你使唔使加茶，收野。我要留肚食晚飯，所以叫左下午茶，叫左佢出名既瑞士雞翼河，佢雞翼同汁係另上架！好有誠意！岩晒我依d重口味多汁怪🤣 份量岩岩好。咁岩又係閒日下午時段比較少人，好岩兩個人或者朋友係度靜靜傾計。值得再黎！

好朋友好久不見，終於找到大家都有空閒嘅時間，為咗個甜品疏乎厘同埋瑞士雞翼而來到位於中環的太平館。3個人簡簡單單點咗個2人套餐再加一份疏乎厘，已經好飽好满足。舒適的環境瑞士雞翼，味道啱啱好，雞翼吸收晒瑞士汁的味道，完美嘅結合令到雞翼好吃無比。仲有最大賣點嘅疏乎厘，份量之大香港少見，好快就畀我哋搞掂，因為一定要趁熱吃吖

這家的瑞士雞翼真的是滿貴，雖然還算滿好吃的啦...但真心貴，95@才4只😲但中午去就比較可以，因為午餐才$98，有餐湯、麵包、再配飯或意粉還有飲料🥤（今天配意大利粉.... 特硬，拌了汁也沒什麼味道，我就直接放棄它了）干炒牛河好像比瑞士汁干炒牛河好吃，這個醬汁怪怪的感覺😑終於吃到了這家的梳乎厘了，很有吃也很有份量，可是3-4人點一個也夠吃。可是... 梳乎厘還是小小的比較有那種吃下去是甜甜的空氣感

慕名来试吓呢间餐厅。瑞士鸡翼太咸，汁亦太多，谈不上好味。煎牛扒亦不外如是，过熟而肉计不够丰富。最失望反而是梳乎厘，不够香滑及软绵，价钱贵而不值。幸而招呼及环境尚可，但始终名过其实。

參觀完大館，腳累了，肚子也餓了。想吃勝香園但已收爐，友人說太平館有下午茶，就衝進去了。招牌瑞士汁牛河: 很好吃，但因是下午茶，份量真的很少，吃完有點不夠喉咸牛脷湯面: 本人很愛吃牛脷，這裡配生面，清淡耐吃的配搭

中環太平舘: 下午茶* 焗飯 x 2 = 普普通通* 羅宋湯配火腿蛋三文治烘底 = 等了差不多半小時, 烘底完全㖣脆, 麵包又濕濕地, 與侍應服務員反映, 他們愛理不理* 梳乎厘 = 完全不合格! 焗得未夠時間, 內裡未熟, 水汪汪 (可用飲筒當蛋白水飲), 當然第ㄧ時間通知侍應員, 他見到也認同未熟, 雖焗多數分鐘。 其實在我立場不合格的食物, 應重造, 如翻焗食物味道已完全改变, 我冇特别提出要求, 心裡已對此老店大打折扣!!最不滿意服務態度, 有位戴眼鏡年長經理, 他見我們投訢梳乎厘焗得未夠時間, 與另一侍應員講"梳乎厘係咁,又要再焗", 其實他完全未見過我那個梳乎厘, 憑什麽有此言? 既然知再焗唔好, 如他那麽專業理應叫厨房重造ㄧ個, 不会在背後講客人閒話。厨房最後只是重焗, 吸取意見,其後見客人order, 很明顯比我那個發大1/3因時間夠, 做梳乎厘發蛋白+焗時間好重要!我母親經過, 這經理在她背後話"其他客人梳乎厘都冇問題, 意思係我地問题, 我阿媽想再表達,他立刻拎開塊面, 睬你都儍的態度!! 簡直不知所謂, 請高層翻睇CCTV, 看看誰人不對? 他不止對我們態度差,

媽咪生日，專程來太平館，服務很好，服務員都上年紀位位很有禮貎，干炒牛河，疏乎厘味道十足，份量滿滿，多都食不完，環境光缐暗暗，眼睛舒服，懷舊風格，地方細細，人情味十足很喜歡，會再來。^_^