見到呢間餐廳d食評唔錯，所以約左幾個老友來探店，環境裝修的確唔錯，個露台位都好chill，黎之前都上網睇過下餐牌，了解到佢既價錢都唔算平，不過始終中環區，所以都抱住黎食好西既心態，滿心歡喜期待呢一餐。不過好可惜，無論服務定係食物質素，都係低於預期，我地3個人食人均$1200，但食左d好普通既野，d海鮮又唔新鮮，d蝦仲有d霉霉地，意粉d汁又太稀，menu入面既野都比較普通，其實主要原因係性價比低，如果佢唔係定呢個價錢，可能期望會唔同，就唔會有咁大既反差感，希望餐廳可以落多d心機去服務、食材質素及餐牌設計方面，用心去對待消費者，餐廳都係靠口碑，如果產品服務做得唔好，花幾多資源賣廣告都徒勞無功。今次因為太過相信坊間既食評，所以中伏，無下次

最近小編行開時代廣場成日都見到對面有間裝修得好鬼靚既變形金剛餐廳，眾所周知銅鑼灣羅素街既租金都係全港排Top幾架啦，雖則小編唔係變形金剛既fans，但貴為全球首間變形金剛餐廳旗艦店，就緊係要去朝聖一下😎 入到去就見到成3米高既柯柏文機動模型，好似由第二個空間走黎我哋呢個世界咁，個頭仲識郁好生動，係一個非常值得影相既打卡位📸 入到去餐廳，個侍應可能想小編欣賞埋樓上既雅景，所以建議小編到樓上點餐，上到樓梯見到有個3D螢幕，好似置身於太空飛船內，非常有設計感👍難怪有咁多小朋友 小編見到佢個menu選擇唔多，除左得一個兒童套餐外，其他都係散叫，為咗想有一個食套餐既完滿感覺，於是就點左三樣野試 1. 勁脆雞堡 $60 ⭐️⭐️ 無咩驚喜，反而有D失望，個包雖然係變形金剛型，但係第一啖咬落去，就感覺個包好硬同好乾，舊炸雞平平無奇，醬汁味道適合外國人，因為偏甜，整體感覺性價比偏低☹️ 2.海鹽薯條 $30 ⭐️⭐️⭐️ 比起M記薯條稍為鬆脆，無功無過 3.四季冰晴（蒟蒻冰茶）$35 ⭐️⭐️⭐️ 同一般手搖杯既飲料店差唔多，甜度適中，感覺比普通汽水健康 三樣野加埋盛惠$125，令我不禁諗起某主題遊樂園入面果d餐廳既感覺，但當你置身於主題樂園玩到咁上下而又肚餓既時候，總不能對入面食物要求太多，但呢間餐廳始終開向鬧市當中，雖然有環境搭救，但食物質素同樣式選擇方面真係有待改善，至於性價比，小編就覺得大部分去左租金同版權費到，值唔值得就見仁見智☺️畢竟醉翁之意不在酒，變形金剛始終都係好多大人同小朋友心目中既集體回憶👍

8年前朋友請客第一次步入太平館，被佢既超巨大梳乎厘吸引！ 今日心血來潮再次向呢度共進晚餐，呢間餐廳擁有過百年歷史，但依然屹立不倒，自有佢既原因，好老實講食物其實不過不失，好多新餐廳無論向環境裝修、食物質素、性價比都比呢到好，但太平館往往比人一種懷舊既感覺，小編無特別去搜尋佢哋既歷史，但相信想當年向香港會係一間「高級餐廳」，直到現今佢地都依然保留佢地既特色 由接聽電話果一位侍應開始，都流露出年代感， 係一位上左年紀既嬸嬸接聽，到食飯既時候，所有侍應都著住整齊既西服，官仔骨骨咁既款，相信佢地向呢度工作左有超過十年以上 今日小編2個人叫左5樣佢地既特色菜式，埋單$765，總括黎講，黎太平館食既係一份情懷，值得推薦既一間餐廳

見到同峰壽司同一個group,所以入去食,整體黎講性價比一般般。 玉子壽司不錯，三文魚壽司ok。 但其他壽司就麻麻地，帆立貝壽司有少少失望，叫三件壽司set果d會抵少少… 如果講壽司的話性價比不及元氣壽司.. 元氣壽司好食過佢， 另外個大盛蛤子湯不太新鮮， 拉麵都不過不失，毛豆小食可以少d油， 個豆腐唔夠滑， 2個人食左四百幾，都己經夠哂飽。 環境衛生不錯，服務都不錯， 但未必會再去食 無功無過既一餐，同樣價錢其實可以有好多選擇。