天天海南雞飯 (Fashion Walk)

營業中

休息中

餐廳新裝修，偏西式嘅感覺，紅磚加上聖誕裝飾好有節日氣氛🎄🐓 招牌天天海南雞$189擺盤精緻，基礎3款醬汁都有。肉質好嫩，雞皮有特別處理過，好乾淨滑身。另外有青瓜配埋一起食好爽口。🍚雞油飯(小) $39-小窩已足夠2-3人，粒粒分明軟硬適中，油香足🍲古法肉骨茶 $159呢間係胡椒豬肚湯底，胡椒味十足，湯底熱辣辣好鮮甜，肉骨大大嚿好軟嫩🥥椰奶炸龜苓膏 $49好創新，龜苓膏好煙韌口味微苦，配上甜甜嘅椰汁甜度剛剛好，係有驚喜的甜品😋份量都幾大，建議3人以上🍮原味豆腐花加美祿 $29豆腐花質地偏流質幾特別，甜度啱啱好，加美祿粉多左啲朱古力嘅感覺～總括而言，餐廳食物環境都唔錯，好適合情侶朋友黎約會💕

見完客，好在趕得切21:15之前落單之後有九個字時間俾你食 因為我哋係最後一台我哋好似包場咁老闆請食飯食餐好啲嘅，咁我哋嗌咗一個雞一個飯當然係有飯啦嗌咗一碟菜一個肉骨茶一個牛腩煲四個人食其實都唔平嘅，都食咗成千蚊再加一除咗雞同埋飯之外，我最欣賞就係佢嗰個菜用咗少少蝦醬鹹鹹地鐵板上好香，仲要上面耍啲銀魚仔嗰個層次係好唔同嘅另外我最愛嘅就係海南雞飯嘅醬，再加埋嗰個油飯另外嗰兩樣嘢我覺得就一般啦，唔係我杯茶總括嚟講佢哋嘅服務態度係幾好嘅，雖然我哋坐耐咗10分鐘，但係佢都冇我哋講我哋走總評分係7分，因為我得價錢係略為貴咗少少如果我自己俾錢嘅話，我就唔會去呢間食嘅因為我會去啲性價比高嘅餐廳

聽講呢度嘅海南雞係拎過米芝蓮嘅，來自新加坡，深得當地居民喜愛，日日大排長龍，一定要試下啦。我就揀咗大份嘅天天海南雞，雞肉滑嫩，肉質爽口，皮滑肉嫩，真係一道經典嘅海南雞。另外，我仲叫咗二人份量嘅雞油飯，以煮雞精華一同煲出嘅油飯，鮮嫩嘅雞肉搭配香噴噴嘅雞油飯，每一口都係一種滿足感，令人回味無窮。🐓🐓🐓緊接住，鮑魚海鮮金湯豆腐上場。湯底金黃濃郁，啲豆腐滑溜，鮑魚香氣十足，令湯汁更顯鮮甜，味道豐富而不油膩，飲落暖笠笠。🍲🍲🍲轉頭嚐嚐火焰串燒，串燒香氣四溢，配上醬汁，火候啱啱好，一入口即感到肉質鮮嫩多汁。🐷🐷🐷今餐真係飽到唔想動，每一款菜都有佢嘅特色，味道令人滿足。如果你係海南雞愛好者，呢間絕對係一個值得一試嘅地方。🥹🥹🥹

越嚟越失望對天天，份量越嚟越少，啲雞縮晒水，以前仲有青瓜，而家冇咗，乞衣食得仲飽過我，打電話去問仲惡過我，店員態度惡劣，仲話我點個餐$74係咁㗎啦，睇唔起我哋消費者？

今日夜晚去咗食來自新加坡🇸🇬米芝蓮嘅「天天海南雞飯」呢間餐廳係新加坡非常出名 餐廳有室內外位置 室外每張枱都有部電視 非常chill的 「 天天二人餐 HK$498 」🍤黑松露墨魚蝦多士 (二選一)擺盤非常吸引 係上面舖咗好多沙律菜同木魚絲同埋有好多黑松露醬汁 一咬落去外脆内軟 中間夾住墨魚同蝦 好彈牙好有口感 值得一試🍽️蝦皮素肉鬆凍豆腐呢個豆腐非常嫩滑 清清地嘅豆腐味🥣木瓜花膠湯🐔 招牌天天海南雞 (二選一)梗係要試下佢地招牌海南雞 份量都好多 雞肉非常嫩滑 有三款醬汁點啲雞 下次會想試埋烤雞🍚雞油飯(細)呢個套餐會包咗雞油飯 用個木桶裝住所以keep到暖暖地 脹卜卜每粒飯亦好有香油味🥬參巴辣椒炒通菜 (二選一)開頭見到辣通菜以為好辣 但原來唔係好辣但好惹味有鑊氣餸飯真係好岩甜品🍮新加坡原味豆腐花豆腐花非常特別 質感完全唔似係豆腐花 食落好有豆乳味 又有啲似食緊牛奶布甸咁

突然想試下新加坡菜就選擇左呢間餐廳😋 知道佢係黎自新加坡既老字號好有信心保證🇸🇬尤其是海南雞特別有水準❤️ 今次叫套餐可以試到幾款口味😋 小店比較迫但係有種新加坡熟食市場的風味呢🏮‼️溫馨提示可能Menu無寫到 但係每人會收$10茶錢的😅⭐️ 蝦皮素肉鬆凍豆腐 🤍豆腐夠曬滑溜😛 配上素肉鬆充滿鮮味🥓⭐️ 鮮大蝦冬蔭功湯 🦐湯底辣度同埋香料味夠香濃🌶️ 大蝦份量飽滿🩷⭐️ 黑松露墨魚蝦多士 🦑蝦多士夠曬爽口香脆🍞 配上黑松露既點綴有種獨特既香氣🖤⭐️ 天天海南雞 🐔果然係招牌有水準😋 帶豐富雞味香但係脂肪唔會太高 恰到好處🍗⭐️ 雞油飯 🍚雞油滲曬入飯粒裡面🔥 每一口都充滿雞味精華⭐️ 參巴辣椒炒通菜 🥬炒菜充滿鑊氣同惹味😜 辣味調味好有星馬風味⭐️ 新加坡原味豆腐花 🍮整體口感有點似奶凍QQ的🍼 甜度適中帶點維他奶的感覺作為飯後甜品不錯😚

天天喺正維園對面，從百德新街行過去幾分鐘，franc franc 對面就是了。座位有室外，每張枱仲有電視，好適合秋天時候。室內都有大約20張枱，天花有好多綠色擺設。可能今晚七點前已入座，座位未坐滿，都幾有空間感。招牌推介係雞油飯，墨魚蝦多士，賽螃蟹西蘭花。賽螃蟹上面仲有重份量蟹肉，蟹子，配上雞油飯一流。南洋黃咖喱雞肉用石鍋上，夠熱辣辣，咖喱只係微辣，洋蔥薯仔煎過好香口。墨魚蝦多士嘅墨魚滑好彈牙，有趙口。雖然炸過，但唔算油膩。飲品叫咗檸檬Mojito，夠 refreshing 。份量都唔細。

間唔中就會想食吓海南雞今日嚟到呢一間新加坡米芝蓮推介嘅餐廳，試一試佢嘅套餐！頭盤有蝦皮素肉鬆凍豆腐蝦皮同埋肉鬆都好惹味完全食唔出佢係素個sauce 係有啲辣嘅我覺得呢一個頭盤都幾好食幾開胃然後有冬陰功湯入面有一隻蝦已經開咗邊好細心冬陰功係偏酸比起個頭盤冬陰功反而冇咁辣小食有黑松露墨魚蝦多士黑松露味道唔算好濃，係喺個醬汁入面個蝦多士上咗枱一陣我哋先食但係到我哋食嗰陣時都仲係熱辣辣好脆口墨魚滑都好彈牙有墨魚味！唔錯😚😚😚跟住就到主角海南雞又要講多次冇骨嘅海南雞我先認證佢係海南雞！呢間係冇骨嘅👍🏻👍🏻每次叫海南雞如果遇到有骨嘅都好嬲😐呢一間嘅海南雞唔算好肥肉質都尚算嫩滑點埋汁嘅話都唔會覺得好heavy 始終呢個套餐都好多嘢食，如果係偏肥嘅海南雞可能真係會好肥膩然後我覺得個炒通菜好好食🥹仲要好夠份量！好多時食東南亞菜，我都會鍾意叫通菜因為通常都會炒得好惹味但好多時份量都好細，唔夠喉🥹🥹呢間就要讚一讚佢嘅份量啦👍🏻然後做一個雞油飯同埋啲海南雞同通菜一齊食簡直係一流🤫呢一刻唔好同我講卡路里🤣最後仲有一個飯後甜品雖然佢話係豆腐花但係我覺得佢個味道偏向豆乳豆奶嘅味道多啲同我認知嘅豆腐花唔同佢比較似布甸

呢間米芝蓮餐廳有好多分店，實力可見一斑。港島分店係Fashion Walk附近，離地鐵站只有5分鐘步行距離，好方便！餐廳嘅菜式全部都好有特色，係fusion新加坡菜，而且好講究擺碟同賣相，賣相同味道都一流！😋Signature 之選一定要試試佢哋嘅🐤招牌天天海南雞。賣相非常吸引，配咗3款唔同醬汁，有薑蓉、特製豉油、辣醬，另外用咗新鮮青瓜做擺碟。海南雞肉質好嫩滑 ，雞皮面淋咗特製嘅醬汁，又有雞脾同雞翼，真係啖啖肉。如果想配飯就要另外散叫，可以揀白飯或者油飯。另外大推黑松露墨魚蝦多士，好夾嘅組合！蝦多士炸到好香脆，咬落去好脆口，好香黑松露味，味道好濃郁，墨魚打得好滑身又彈牙。另外要讚吓佢嘅賣相，四件蝦多士上面有一層好高嘅沙律菜，好似一個小火山咁，真係好有創意，打卡一流😆迷迭香火焰黑金叉燒又係招牌必試😍侍應會喺你面前用火槍即場燒叉燒，燒到金黃色，又帶點焦香同迷迭香味，好有gimmick! 啲叉燒肉質好彈牙，表面燒得焦香，肉汁豐富，鎖住喺啖啖肉入面，有入口即溶嘅感覺。鴛鴦菜花有菜花同白菜苗，好新鮮，爽口又保留啲鮮甜嘅味道，味道豐富。總括而言，天天海南雞嘅菜式好有特色，每一道菜都係色香味俱全，值

有朋自國內來港旅遊，我盡地主之宜帶佢去銅鑼灣逛街購物，朋友喜歡食雞，我帶佢去食海南雞飯，天天海南雞飯️來自新加坡米芝連過江龍。被譽為新加坡最好味嘅海南雞。天天海南雞拼燒雞，正宗新加坡去骨海南雞雞味香濃，雞肉嫩滑淡淡肉，海南雞美味原因之一，在於雞肉上面淋了用雞汁煮成的秘製醬汁，吃一口雞肉，鮮香嫰滑，雞香味濃，醬料有酸辣汁、薑蓉，還有很濃稠的甜豉油，但其實雞肉已經很夠味，不用點任何醬汁都已經很好味。燒雞皮脆焦香夠惹味，肉質亦好鮮嫩，點些准鹽能令味道提升。古法肉骨茶，肉骨茶沒有傳統嘅濃烈藥材味，而係有陣陣胡椒嘅香氣，湯內大大舊排骨同配料都好入味，湯嘅味道亦係極為濃郁。雞油飯，雞飯用保溫能力極佳嘅石鍋盛載，功能係保持濕潤，飯身做到粒粒分明，呈淺黃色的油飯香氣十足，味道鮮香。

天天海南雞係新加坡過江龍 係香港有3間分店 今次去左銅鑼灣店 坐得好舒服 上菜速度快🧡▫️迷迭香火焰黑金叉燒 ($109)呢款菜式上菜時 店員會點火 火焰效果好吸睛 火會圍住叉燒燒🔥味道好驚艷 叉燒為半肥瘦豬腩肉 醬汁濃郁 帶點玫瑰酒香 ▪️黑胡椒大蝦 ($189)大蝦有6隻 將蝦身輕輕切了一刀 再去炒 令蝦肉更容易沾上醬汁 醬汁黑胡椒味濃 超惹味！蝦肉又彈牙又多肉😍▫️三巴醬肉碎四季豆 ($89)四季豆經炸後 食落有鮮甜感又不油 配上三巴醬肉碎十分惹味 撈飯一流！▪️天天海南雞 ($189)叫左大份海南雞 係雞胸肉 肉質略不夠滑 幸好三款醬汁十分美味 最愛甜醬油配薑蓉(◐‿◑)

收工去咗天天海南雞食飯，試咗佢哋嘅招牌菜式 - 大份嘅天天海南雞同窩油飯。仲叫咗黑松露墨魚蝦多士同蝦頭膏鮑魚金湯炆豆腐。天天海南雞大份，雞肉皮薄肉多，烹調得恰到好處。配上醬料，味道更加豐富。雞肉嘅鮮味完全保留。必配嘅當然係油飯。飯粒飽滿，油香四溢。另外，黑松露墨魚蝦多士。多士外脆內軟，炸至金黃色。多士內裡豐富嘅墨魚同蝦肉，仲有黑松露嘅香氣。呢款菜式真係將墨魚同蝦嘅鮮味同黑松露嘅豐富風味完美結合。其次，蝦頭膏鮑魚金湯炆豆腐。鮑魚切片，豆腐幾滑。蝦頭膏嘅添加令湯底更加濃郁，帶出一種深層嘅海鮮味道。

朋友話次次去天天海南雞飯都係食海南雞，所以今次我哋決定食下佢其他新加坡菜式，結果都無令我哋失望。🔵斑斕汁椰香鱈魚$99鱈魚新鮮，有魚味，加上香濃斑斕汁同椰汁嘅配搭，好特別，好清新。🟢黑松露墨魚蝦多士$109必食之選！多士香脆，墨魚滑膠彈牙，黑松露味重，配上椰菜絲及日式鰹魚乾，口感十足，好有驚喜！🟣煙燻香茅大蝦$149侍應打開食物盒個一刻真係有煙湧出嚟，名副其實嘅煙燻。蝦大大隻，爽口彈牙，香茅味啱啱好，啱晒中意食蝦嘅人。🔴南洋黃咖哩+牛肉$149咖哩辣度適中，牛肉唔會太硬或者太淋，仲有薯仔雜菜，撈飯一流！總括嚟講，呢間星加坡餐廳環境舒適，食物選擇多，味道唔錯，可以一試！

🐾天天海南雞 銅鑼灣今次慕名去到來自新加坡的天天海南雞~ 位置係Festival Walk 附近，有室內外位非常chill😆服務員態度非常友善，除了遠近馳名的雞之外還有頗多特色菜式可供選擇，非常推薦😋✨黑松露墨魚蝦多士賣相搶眼打卡一流，蝦多士炸到香脆可口但沒有太大油膩感值得一讚，主角的黑松露味道突出，整體風味不錯✨天天海南雞無骨海南雞入口嫩滑，雞味香濃~ 有三款醬料可供選擇，均帶出雞的不同食感，三重享受，必食！✨金不換和午碎生菜包帶些小微辣口感非常惹味，無論配生菜或是蝦片都非常夾架~ 一口一口食不停！✨椰奶炸龜苓膏第一次嘗試炸龜苓膏是非常特別的味道。煙韌食感但係有微微椰香味是令人意想不到的驚喜✨新加波原味豆腐花加美祿甘香豆腐花遇上可可味濃郁美祿非常好食🤤豆腐花質地偏流質感覺頗為特別，但真的是非常香滑，回味無窮

朋友生日，同佢去新加坡米芝連餐廳食晚飯，咁就唔失禮啦。餐廳環境簡約優雅，紅磚牆，木地板，枱夠寬闊，坐得舒服。餐牌都幾多選擇，呢度招牌菜係雞，咁當然要點個天天海南雞拼燒雞，跟住炒個蔬菜，然後再叫個老鼠粉。天天海南雞拼燒雞：兩款雞各半隻，海南雞入口夠白滑，而燒雞同樣都係滑，外皮燒得夠香脆，旁邊有薑蓉、辣汁同淮鹽可以點，就算簡簡單單點淮鹽食都已經好好食，招牌菜無得輸。三巴醬肉碎四季豆：用鍋仔上，好精緻。下面有火燒住，一路食一路keep住熱。肉碎同四季豆帶微辣，夠味，好香。三巴醬係東南亞特製辣椒醬料，用佢炒嘢就一流。街坊砂鍋老鼠粉：砂鍋同樣有火點住，唔怕食到最後凍晒。裡面有花生、肉碎、菜脯、乾蔥、辣椒同溫泉蛋，老鼠粉係銀針粉，配料全部都係香口嘢，整體味道唔太鹹，撈埋一齊又幾好食喎。