天天海南雞飯 (Fashion Walk)

營業中

休息中

餐廳空間感足、座位之間距離都唔算太近，同朋友傾偈都幾自在。兩邊牆身都有電視，食完飯輕鬆吓都不錯～👍🏻👍🏻天天海南雞（中份） $189例牌嘅份量，兩個人岩岩好。啲雞好滑，有淡淡嘅雞香味，即使唔點醬都好滋味，難怪拎到米芝蓮推介。青芥末黃金八爪魚 $89炸八爪魚，上面有啲芥末醬～ 味道主要係芥末，同埋食八爪魚嘅彈牙口感。新加坡黑胡椒大蝦粉絲 $169好濃味，黑胡椒勁香，粉絲好味。大蝦新鮮量夠👍🏻 推薦總括嚟講我都幾推薦，下次會再嚟

#ftf_銅鑼灣二訪新加坡過江龍 質素保證嚟天天海南雞飯，邊個話一定要食雞飯？之前已經試過佢啲雞，真係嫩滑過BB仔，今日就試佢其他十大必食推介！古法肉骨茶 $149 ⭐️⭐️⭐️⭐️味道相對上唔會好濃重，但清得來又好足料美味，唔會越飲越口渴！有四大枝骨，全部都啖啖肉，最後成煲清晒！老街坊黑磨豉醬炆牛筋牛腩 $149⭐️⭐️⭐️⭐️牛筋牛腩炆得好入味，肉質軟腍得來有口感，唔係死乸到腍啤啤嗰隻，個底仲有淮山！星洲海鮮喇沙水品粉煲 $149⭐️⭐️⭐️⭐️⭐️喇沙味香濃，但唔會死鹹，食到海鮮既鮮味，配埋水晶粉，簡直一支棒！桂花糕配斑斕醬 $49⭐️⭐️⭐️⭐️⭐️熱辣辣嘅桂花糕，配搭上微微嘅桂花芳香點上斑斕醬，味道清香，口感軟糯，放涼咗仲帶點煙靭，$50勁大盤，推介！🍴 天天海南雞飯 (Fashion Walk) (銅鑼灣)📍 銅鑼灣京士頓街9號Fashion Walk地下H2號舖回頭率🤡🤡🤡🤡性價比🤰🏻🤰🏻🤰🏻🤰🏻#feedtiffood #吃吧孩子 #吃到懷孕

大份嘅海南雞飯,嫩滑多汁嘅雞肉擺喺白嫩綿密嘅飯上面。飯粒入口即化，每一粒都吸收咗雞肉嘅鮮味，真係令我回味無窮！而個雞肉就更加厲害，肉質鮮嫩多汁仲有一碗雞油飯，簡單卻意想不到嘅美味！飯粒沾滿咗濃郁嘅雞油，每一口都帶嚟滋味十足嘅享受！加埋一個芥蘭馬蹄伴海蜇頭，清新爽口，芥蘭嘅脆口同海蜇頭嘅嚼勁，令呢碟菜更加豐富多元！值得一提嘅係，天天海南雞飯嘅環境好舒適，令我可以專心享受食物同埋放鬆心情。餐廳播放住溫柔嘅音樂，成個環境好清靜，令我感到放鬆同埋愉悅！🎶😌總括嚟講，天天海南雞飯絕對係海南雞飯界嘅一顆明珠！飯粒香滑，雞肉鮮嫩，加上其他嘅菜式同飲品，令呢度嘅食物體驗更加出色！下次一定會再嚟呢度滿足我對海南雞飯嘅渴望！💯👍

由新加坡過江龍黎香港開嘅「天天海南雞」，在2021年獲了新加坡米芝蓮級認證架！大家而家係香港食到喇！🔻天天海南雞拼燒雞正宗文昌雞烹飪，肉質好嫩滑，配備三款的醬汁都好出色！尤其係酸辣醬，十分清新開胃！而中間擺放左嘅青瓜都係一定要食埋！非常之爽脆可口！ 而且少不了一讚嘅仲有油飯！粒粒油香撲鼻、好軟糯！🔻新加坡黑胡椒大蝦粉絲煲黑胡椒香味濃郁，粉絲炒得條條都色澤均勻，開邊大蝦好入味，黑椒醬汁簡直係成個粉絲煲的精華所在！真係地道新加坡風味的餐廳，下次要黎再食！

今日同朋友去銅鑼灣睇戲後就去食晚飯，銅鑼灣都有好多食市，我個朋友就話記得附近有間又出名又有美食嘅新加坡餐廳，這間餐廳叫天天海南雞飯，位於銅鑼灣京士頓街9號Fashion Walk 地下H 2號舖，港鐵銅鑼灣站E出口，行幾分鐘就到，非常方便，原來這間餐廳係新加坡米芝蓮攞獎嘅餐廳，當然要入去食啦。這間天天海南雞飯餐廳都好特別，餐廳分咗室內同室外嘅座位，室外有一排露天餐桌，餐桌嘅座位都好寬敞，但今晚下雨，冇辦法要入去室內食，而室內裝修都好靚好整潔，而地方亦寬敞，座位令人坐得舒服，餐廳員工有禮貌，服務態度好，來這裏食都唔錯，而且一入餐廳，員工就即刻拿上一壺熱茶給我哋，壺熱茶亦都唔錯，好有香茶味。這間餐廳嘅餐牌都有好多種食物選擇，有十大招牌、前菜及小食系列、雞肉系列、蛋及豆腐及蔬菜系列、豬肉及牛肉系列、海鮮系列、燉湯系列、主食系列、咖啡系列、檸檬茶及豆花系列、四季養生系列、甜品系列，而十大招牌真係樣樣都好吸引，尤其是第一位及第二位都有天天海南雞。我哋十大招牌首選天天海南雞，海南雞用上文昌雞，雞皮香濃，冇乜肥油，仲好爽滑，雞肉質嫩滑多汁，雞肉真係煮得好夠滑，件件雞肉都避開咗雞骨，搭配上雞汁，別具一

今日約咗朋友嚟銅鑼灣食嘢，朋友揀咗呢間「天天海南雞」話喺新加坡食過好好食，仲拎咗好多米芝蓮推介，估唔到香港都有分店。一入去就覺得環境好闊落，啲餐具好精緻，好乾淨，坐得好舒服，好啱女仔嚟打卡。天天海南雞（中份）海南雞勁滑，有少少青檸味，另外仲有經典嘅三隻醬可以自由配搭，包括薑蓉、辣椒醬同黑醬油。我最鍾意點辣椒醬，好惹味。仲有爽口青瓜，好fresh!星洲海鮮喇沙水晶粉煲最欣賞就係有個煲㷤住佢keep住溫度，水晶粉勁滑，索晒啲喇沙汁，而且好足料，有蝦、魷魚、豆卜、雞蛋同青口，口感非常豐富。青檸鹹魚小芥蘭同樣地好貼心有個煲㷤住佢，我最鍾意食嘅蔬菜就係芥蘭，鍾意佢夠爽口，雖然有鹹魚但係就唔會覺得好鹹，加咗蒜頭、薑同埋青檸味道好清新。新加坡原味豆花（可加$10美祿）我地揀咗原味，原本以為甜品一定好甜，但佢唔會太甜，符合健康潮流。有好重嘅豆味，好滑，入口即溶，食落個喉嚨好舒服。減肥嘅我原本話淨係食一啖，最後忍唔住食咗半碗。見到隔籬枱嘅老鼠粉同蝦多士都好吸引，不過我哋得兩個人食唔到咁多嘢，下次要約埋多啲朋友再嚟食。

今晚同朋友去了銅鑼灣食街 Fashion walk到行街，剛巧朋友說想吃海南雞，便決定來這餐廳吃晚飯。餐牌都好多選擇，當中還列明十大招牌菜是什麼。天天海南雞拼燒雞（$329）：海南雞非常鮮味，點埋個醬更加出色，海南雞肉質鮮嫩，非常好食，幾正。另外燒雞個皮都幾香脆，脆卜卜真係好正，燒得好香口，而裡面個雞肉肉質都唔錯，不會韌，幾正，非常好食。另外餐廳有提供熱茶，飲落幾清香，正好可以清除油膩感。食神魚籽菠蘿🍍海鮮炒雞油炒飯（$149）：魚籽好新鮮，口感好，然後菠蘿🍍好香甜，好正，另外飯入面好多大蝦同帶子，非常足料，好豐富，好好食。埋單都係大約$500，都唔算貴，食物質素又高，性價比都好高，幾抵食，值得一去。

因為只有三人用餐而其中一位係老人家，所以点了三個餸加兩個油飯。其中点了一客例牌燒雞。不料服務員吿知燒雞今天沒有單点供應，只可以雙并。由於兩并太大份，所以我改了海南雞。怎料，服務員問都冇問就改了客大份雞。由於我哋第一次点這個菜，根本唔知所謂大份雞只係半隻雞嘅份量。而收費要接近三百大元。（例牌係大約二百）我結帳時才發現問題，所以就問問服務員，她態度相當差話“你地叫嗰客係大份雞呀！”我冇諗過原本叫例牌，就算燒雞改海南雞都應該係例牌。点知餐廳會改了客大份又唔出聲。而在用餐期間，服務員在送餐到其他餐枱時經常撞到我張枱櫈亦毫無歉意。本來之前都黎過幾次食，但相信唔會有下次！！！食物幾好都冇用！

去完donki,見有點餓，就去實力有保證既天天海南雞，又幾好食喎，果然有車吠人！金湯酸菜石斑湯底清澈鮮美，夠酸，石斑魚肉鮮嫩，搭配酸菜的酸甜口味，相得益彰。湯中的配料豐富，增加了口感的層次感。黑椒大蝦煲大蝦肉質鮮嫩多汁，搭配濃郁的黑椒醬汁，散發著誘人的香氣。椒香與蝦肉的鮮甜完美結合，令人回味無窮。這道菜還會加入蔬菜如彩椒、洋蔥等，增加層次感和口感豐富度。這是一道美味的主菜，適合與米飯或麵食一同享用。青咖哩豬頸肉是一道香辣的咖哩菜式。豬頸肉切成薄片，豬肉鮮嫩多汁，咖哩的香辣味道與豬肉的鮮美完美結合。又係就道白飯小偷🍚

呢間天天海南雞位處Fashion Walk嘅外圍邊位，有唔少室外坐位仲有大電視O係主廳位置，啱晒電視精!嚟到梗係要點招牌海南雞，當然要配埋油飯，但注意飯係要另外order的~半份海南雞其實都幾大碟，雞皮夠薄又唔肥，入口仲帶點爽脆感!成碟海南雞都係啖啖肉，夠晒嫩滑~小食點左火焰沙嗲串串，分別有雞、牛、豬各兩串，食得出香葉味同帶有微辣感，配上香濃沙嗲醬汁，非常惹味~~再嚟係星洲海鮮喇沙水晶煲，有蠟燭熱著成個沙鍋上，令湯汁保持熱度~配料份量好多，有兩隻大蝦、魷魚圈、青口、大量豆卜同半隻溏心蛋，好辣嘅朋友極速KO，仲大讚湯底椰香同辣味夠平衡，豆卜吸晒湯汁最好食!見餐牌有近期大熱開心果飲品，可惜當晚無得點，希望下次去時可以試下啦~~

今日介紹一間新加坡菜，個人覺得係香港難得一間正宗特別好味道的新加坡菜式，傳說新加坡總店榮獲多年米芝蓮！#天天海南雞飯當然必試餐廳人氣招牌菜，#海南雞 ，上枱擺盤已經感覺到餐廳的用心，雞肉真心皮薄肉嫩，鮮嫩多汁，搭配傳統海南雞三種醬汁，其中辣味醬汁帶有青檸味，令人愛不釋手。#老街坊黑磨豉醬炆牛筋牛腩另外仲試左一款以砂鍋上菜的牛筋腩，黑磨豉醬的香氣結合牛筋牛腩的鮮嫩口感，完全感受到緩慢炆煮，入味而不軟爛，是一道滿足味蕾的美食選擇。

把新加坡米芝蓮推薦攤檔帶入香港！這裏的環境坐著舒適，室外室內都有位置，空間感十足，而且還有包房可以坐10至15個人每人人均消費只是三百多起！(最好提前預訂)以這個價錢吃到米芝蓮指南出品，太超值了吧～這裏的海南雞飯是代表菜式之一，雞肉鮮嫩多汁的、用雞湯、雞油、生薑和班蘭葉煮成，雞油米飯，配以黑醬油、濃郁的大蒜辣椒和薑油等調味。除了雞飯也有其他的特色小食，一般的串燒沙嗲一定有，所以今次我點了炸八爪魚，炸八爪魚菜式經常聽到，但是要做到口感好也是很考功夫的～大大碟滿滿的八爪魚肉，咸咸香香的有口感，而且很彈牙一點也不硬。最近飲品還有優惠呢？ happy hours 才$38 起

銅鑼灣Fashion Walk有一間來自新加坡的米芝連餐廳，「天天海南雞飯」。餐廳座位很寬敞，和朋友吃飯傾計好舒服，內部有間隔嘅小房間，如果一大班朋友，私隱度極高，餐廳外還有一排露天餐桌。榮獲多個米芝蓮獎項芥蘭馬蹄拌海蜇頭 $89馬蹄和海蜇頭極爽脆、芥蘭新鮮幼嫩，是一個極開胃又美味的小食。木瓜花膠燉湯 $59木瓜的甜，花膠軟軟韌韌，整個湯的口感濃郁，入口時還品嚐到淡淡杏汁的味道。黑松露墨魚蝦多士 $129完隻大蝦多士新鮮香脆，多士中間夾有黑松露墨魚滑，墨魚滑彈牙，還有黑松露的獨特香味，整個配搭無懈可擊。海鮮喇沙水晶粉煲 $149豐富的海鮮，有魷魚、青口、大蝦…水晶粉和豆腐卜吸收了喇沙濃郁的味道，真的吃不停口。黑糖三棗桂圓薑母茶 $26雖然有黑糖和桂圓，但味道有不會太甜，反而棗的香味比較濃郁突出，養生潤喉，真心推介。餐牌內選擇很多，真的難以選擇。

講起新加坡菜必定想起天天海南雞呢間米芝蓮推介嘅餐廳。食過一次但就對佢嘅雞念念不忘，再次encore🤗🌟天天海南雞 $189海南雞係必試，叫左中份嘅海南雞，雞肉超級嫩滑，雞皮薄唔會有多餘肥膏，連平時唔太鐘意食雞皮嘅我都覺得好好食。蘸上三款醬汁（醬油、辣椒醬、薑蓉），味道更香更美味😋😋另外加配左一碗雞油飯，配海南雞食就最perfect!🌟星洲海鮮喇沙水晶粉煲 $149非常足料嘅海鮮煲，有蝦、青口、魷魚、糖心蛋、豆卜同水晶粉。蝦肉開左邊，食起上黎好方便，而且味道新鮮，魷魚好爽口好有鮮味！水晶粉嘅口感煙韌特別！喇沙湯底少少辣，水晶粉同叫海鮮都吸晒個湯汁，食落好醒胃😋🌟手打香水檸檬茶 $39用左香水檸檬係特別D，飲落唔會太苦澀🌟新加坡原味豆腐花 $19同港式豆腐花唔同，比較水狀，但就好滑溜，另一碗加左美碌又幾好食喎👍🏻

之前喺新加坡食過覺得好驚艷！好耐之前知道佢開咗喺香港，一直都久仰大名！今日終於嚟到朝聖！睇下有冇新加坡咁好食先海南雞由新加坡開嚟香港，裝修有花心思，高級同時融入品牌元素，仲有室內外位俾大家揀～🌟 天天海南雞 $189入到嚟當然唔少得招牌海南雞啦！雞肉保留新加坡做法，入口嫩口雞味濃，真正做到皮滑零脂肪，再沾上獨門秘製的三款醬 — 辣椒醬/甜醬油/蒜醬，味道層次更豐富。🌟 雞飯 $24（碗）餐廳加入雞湯香茅去煲煮白飯，食落充滿雞油味道，飯粒飽滿粒粒分別，就咁食已經可以食完一碗飯😋🌟 星洲海鮮喇沙水晶粉煲 $149店員會用瓦煲同爐熱住個喇沙，湯頭好香椰汁味同時夠重香料，海鮮配料都好多～有青口、大蝦及一大堆八爪魚🐙，仲有大量豆卜去索湯～不得不提嘅係水晶粉，超級滑溜彈牙，索埋啲喇沙湯食超好味🥰🌟 黃金蠔烙 $108採用半煎炸嘅方式烹煮，蠔嘅份量一啲都唔姑寒，粒粒都大大粒，鮮甜厚肉，同時配上炸得香脆嘅粉漿，食落香口惹味。