天天海南雞飯 (新城市廣場三期)

營業中

休息中

天天海南雞可以講話係新加坡嘅名物開咗咁耐一於過沙田試一試佢Menu做得相當之精美好似一本雜誌咁除咗有海南雞做主打嘅菜式之外有角色各類嘅前菜同埋唔同嘅肉類亦都亦都有包含到其他喺新加坡好出名嘅舖頭嘅食物，例如有50年代嘅冷泡茶等等難得嚟到一口氣就叫咗半隻天天海南雞第一啖食落口覺得好有雞味雞身亦都幾滑加埋佢嘅醬汁配埋油飯簡直就係一絕所以兩個人食半隻雞絕對唔成問題佢亦都有付上三種嘅醬汁來點雞而我個人就偏好甜豉油同埋酸辣汁而佢嘅油飯係一至二人份量都份量都唔少仲用個石鍋上保持到飯嘅溫度做得非常之好另外仲叫咗個酸菜石斑擺碟黃綠紅嘅配搭幾eye catching石斑結實得來亦不失佢嘅嫩滑調味亦都做得啱啱好酸得來帶少少辣刺激你嘅食慾呢杯薄荷青檸冷泡烏龍茶因為有薄荷嘅關係令到成杯嘅感覺非常之清新同時間亦都好解膩

好開心，盼望已久的『天天海南雞』之旅終於來到。我和朋友點咗以下菜式:『蒜泥豚肉』西班牙豚肉+青瓜，雖然賣相不及餐單圖片吸引，但醬汁和豚肉分開上我覺得係好嘅，事關本身都够味，咁食唔食辣嘅人都可享受到青瓜的爽脆和豚肉的鮮美。『天天海南雞』(例牌)皮薄爽口肉嫩口，最好嘅係沒有肥膏，唔會有油淋淋感覺，不愧為米芝蓮推薦美食之一。『酸菜石斑』酸菜味道適中，胡椒粒，辣椒舖滿面，另有D秀珍菇喺其中，魚肉都嫩滑，難得嘅係D湯都好味，差唔多飲晒。『榴蓮丸子』榴蓮炸湯圓，平時唔食榴蓮的我食得津津有味。『水蜜桃西柚香橙』别名『桃之柚柚』咁樣好易記，成杯嘢好fresh之感，而且好大杯，我唔會『逃之夭夭』嘅，而係會再來幫襯吖。『花好月圓』原味豆腐花，超級滑溜，為呢餐作結。

自一田翻新後，甚多外國享負盛名的餐廳進駐新城市廣場，其中天天海南雞相信是新加城旅行必到之處。若非菜單介紹，也不知道四間餐廳合作製作多元化的南洋美食，非海南雞獨專。酸菜魚是全日的驚喜，以石斑魚入饌絕對值回票價，魚肉以淋油的方式烹煮，嫩滑而無骨，肉質緊緻有彈性，魚味也十分出眾，原材料本身已十分高質。配菜亦有芋絲，菇菌，以及酸菜等，十分滿足。酸菜湯濃郁，酸味十分自然，而且屬沉實的味道，沒有搶喉的刺激感，再者，高湯估計以雞湯作底味，配上麻辣湯底常見的胡椒，層次更為豐富多變。若直接把酸作湯當作湯頭享用，湯身入口較為油潤。此外，若日後能夠讓食客自由配搭，加配米線/薯粉等作主食，配上配菜湯的濃郁，必然讓人回味無窮。名為「櫻花松葉」很有詩意的一道小吃，以櫻花蝦醬、松葉蟹鉗、蝦膠組合為高級版巨型炸蟹鉗。蝦膠綿密彈牙，肉眼可見粒粒蝦肉。此外，烹調時間得宜，吃到蝦膠中心仍濕潤熱烘烘。櫻花蝦的香油更為蟹鉗奏出和諧的味道，點點芥末沙律醬更為這道菜生色不少。餐廳以天天海南雞打響招牌，網上評價卻不甚好，故特別挑選燒雞作比較。海南雞可能不太適合港人口味，淡味脂肪少並伴上醬汁。燒雞沒太多皮下脂肪，是減肥健身人士的福音。

一坐低即刻叫咗天天海南雞飯嘅例牌size！雖然份量唔係好多，但係雞件夠滑，配埋醬汁味道都唔錯之後叫咗蜜瓜螺頭湯，價錢有啲貴，不過第一啖飲落去已經覺得值回票價，個湯好清但係好鮮甜，真係真材實料嘅燉湯好有意外驚喜！我哋仲叫咗一份蠔餅～ 新鮮熱辣炸的，好脆口，仲要有好多蠔仔喺入面配埋個醬汁有提升咗個味道另外仲叫咗個黑松露炸蝦多士，呢個又係必食之作，三件都好大份，除咗有蝦餃仲有墨魚膠，面頭就有啲黑松露蛋黃醬～麵包揸得好鬆脆，但係又唔會過咗火，四樣嘢夾埋一齊好好食最後仲叫咗個筋腩相逢，其實即係炆牛腩同埋牛筋，用個砂鍋仔裝住，夠熱又入味另外仲叫咗杯洛神花山楂茶， $38好大杯

之前有朋友介紹過呢間餐廳，行過見到裝修幾靚感覺幾舒服，而且朋友話味道幾唔錯，決定比次機會佢。食完覺得幾好，有幾道菜值得推介！我地點左4道菜同飲品，排名分先後🤣個人覺得最好味😋筋腩相逢 $108呢個真係CP值高，口感、味道都好唔錯，有驚喜！上台見到細細煲以為得好少，點知用匙羹一翻到底，好 ！足 ！料！牛腩好大件有3-4舊，肥瘦紋理均勻，牛腩燜得彈牙軟腍又唔老。讚👍🏻牛筋都好多好大條，燜到好軟又唔會一pat 嘢咁，而且keep 到口感！成個牛腩煲嘅調味濃郁入味又唔會好鹹好重味，食到好飽繼續食都唔覺得膩。好啱送飯食🥰好正。酸菜石斑 $128呢個酸菜魚都好出色！首先湯底夠酸夠香，花椒味真係畫龍點睛，辣度適中，酸辣平衡，好開胃～石斑肉質彈牙，厚實得嚟都幾滑，好新鮮。酸菜湯入面有幾種菇，好彈牙入味，仲有芋絲係底，都幾豐富，同埋意想不到幾好味，符合曬想象中要嘅酸菜魚味～豆花飲品系列都好出色！飲品入面加豆花幾新奇有趣，原本我以為會好奇怪，點知幾有驚喜。個人覺得奶茶同豆花比較夾～豆花年代奶茶$32（左）奶茶味道唔算好出，反而豆花嘅黃豆香味好突出，有d似用豆奶沖茶嘅效果，而且豆花好嫩滑，成杯飲品好滑好順帶

今日嚟到沙田食拎過米芝蓮嘅海南雞餐廳 但我鍾意向難度挑戰 所以唔食海南雞 試下佢其他食物係咪都係正 結果冇令我失望前菜叫咗雙果沙律 係新鮮牛油果同無花果沙律 配上紅菜頭打碎而成嘅汁 係我食過最好味最fresh 又甜而不膩嘅沙律 完全唔會覺得好齋另外叫咗個肉骨茶 啲肉好多 好好餸飯 而且真係有好去濕嘅feel 其實食落唔算好濃味 反而有少少胡椒豬肚湯嘅feel🤣🤣亦都好欣賞筋腩相逢 其實係炆牛筋加牛腩 但係個芡汁整得好好食 個樣又夠靚 溫度熱辣辣 牛筋唔會太郼亦唔會炆到唔見咗 牛腩又唔鞋 亦都冇牛蘇味 正呀 最後一定要題令我超級驚喜嘅係乜嘢飲 本身諗住冇咩特別 點知一上臺大杯到嚇親我 根本就係平時人哋餐廳嘅一渣 而佢係用一杯嘅價錢就買到 非常抵飲 好推介薄荷青檸 甜甜酸酸又清新

難得有個空閒既星期三🤣黎沙田行陣街同隻豬食下特色海南雞晚餐啦🤤🐔天天燒雞雞扒燒至燶脆既外皮😋配合肉質滑嫩既雞肉🐔造出微微外脆內軟既口感🤤乃小肥之大愛也😚🙇🏻‍♂️🍴天天石鍋雞油飯黃油飯煮得均勻入味🤤🍚粒粒企身且啖啖黃油香☺️沙嗲串串(牛、雞、豬)經醃製既三款肉類燒得夠哂香口之餘🐔🤤肉質滑嫩配合濃香沙嗲更為惹味🤤綠樹銀花炒香入味既西蘭花菜苗🤤為美味晚餐解解膩更清新🤤🥦

一家四口叫咗例牌海南雞、石鍋咸蛋松露雞油飯、喇沙脆皮牛腩、海鮮裸條。分量都好足吓，食完係飽肚嘅個海南雞好滑，不過雞味唔夠濃。唔知係咪香港貨源問題😂石鍋飯滿足咗我幾個願望😝我鐘意食飯蕉、又鐘意雞油飯、又覺得有咸蛋加黑松露特別，所以對個飯我好滿意。海鮮裸條微辣香口，個個都鐘意食喇沙脆皮牛腩係好食嘅，不過食多過2舊就開始漏雖然喺星加玻有食過原本嗰間，嚟到香港我覺得佢有fine tune過，應該都係為咗合香港人口味掛美中不足係限時食一小時就比較趕囉

米芝蓮天天海南雞飯係香港已經開左3間分店, 沙田店門仲有大大隻雞隊長, 勁攪笑! 次次行過都一定會望下, 今日趁開番晚市, 黎食番餐!環境舒適空間感好大, 因為用左半開放式設計, 而圍繞住餐廳既漫畫風設計, 令到整體感覺更有新鮮感更有趣。店員服務都有質素, 坐低後仲會幫你針茶! 天天海南雞 $158   例牌一定會叫既海南雞, 皮香肉嫩冇肥膏, 配埋3款海南雞醬, 黑醬油特別出色, 質感杰身味道醇厚, 好好味~雞油飯 $38叫得海南雞點會唔叫埋個油飯! 以石鍋上既油飯足有兩碗, 飯粒粒分明色澤油潤, 超香雞油味, 絕對會一啖接一啖! 骨香鯧魚 $188份量大, 做法同擺盤都有心思, 拆骨起肉, 以炸鯧魚骨架盛住魚肉, 每一舊魚肉都炸得皮脆肉嫩, 又唔會蓋左魚既香味, 另外仲有脆卜卜既炸蒜, 非常香口惹味。名符其實, 連骨位都炸得香口無比!!豆花金牌咖啡 $32      豆花金牌美祿 $32係外面比較少有既飲品, 飲既時間連同豆花吸入, 會有淡淡豆香, 個人覺得配咖啡比美祿更加好飲, 大大杯當甜品又得!整體而言天天係真係有質素既, 海南雞同油飯係招牌, 骨香鯧魚同豆花飲品係出面都未必食

😋2 人天天 海南雞套餐388 蚊😋🍴蟲草花芥末松草花拌合掌瓜 蟲草花整得好爽口 , 夠肥身 合掌瓜切成碎絲 好爽口 食落冰凍帶 d芥辣味 好正既餐前小食 🍴蜜瓜瑤柱螺頭燉雞好得意用蜜瓜煲湯 夠哂香甜 瘦肉整得好林 林到骨都咬到 瑤柱令到湯飲落更潤 仲有雞肉同彈牙螺頭 落足料湯又夠濃郁 正 🐥🍴天天海南雞🐥海南雞 上面鋪左 d醬汁 帶 d咸甜 其實就甘食個雞都好夠味 凍食既海南雞 雞皮夠爽彈 雞肉彈牙， 點埋 蠔油 酸辣汁同 蒜汁都好好味🍴天天石鍋雞油飯🍚🐥用類似石頭鍋既器皿 放住油飯 一開出黎好香雞油香 飯粒比較乾身 盡吸雞味 要黎配海南雞飯一流🍴花好月圓 特色豆腐花😃,個豆花勁好味勁滑 水份充足 甜度適中 好正🍴豆花金牌咖啡 32 蚊☕豆花同咖啡好夾 將豆花攪爛 連埋香濃咖啡一野吸落口 有口感 又幾得意🍴桃之柚柚 水蜜桃西柚香橙蜂蜜凍頂烏龍茶冷泡茶 🍑🧊 夠哂大杯 烏龍茶味幾香 配有清甜既桃同西柚既酸配合得十分唔錯#咖啡 #豆腐花 #海南雞飯 #雞油飯 #合掌瓜 #蟲草花 #螺頭 #燉雞 Score 平均分 <8/10>Taste 味道：👍🏻👍🏻👍🏻👍🏻Presen

今日專程到沙田試吓新加坡人氣店「天天海南雞飯」，餐廳環境舒適，座位闊落！天天燒雞 （半隻）$168雞皮燒至香脆，雞肉肉質相當嫩滑，加上三款秘製醬汁，有新加坡黑醬油、辣椒醬及淮鹽，令雞肉更加惹味！松露蝦多士 $108多士炸至金黃鬆脆，蝦肉彈牙鮮味，加上恰到好處嘅松露香味道，口感味道層次豐富，超正呀！黃金軟骨 $68炸漿薄而酥脆，再加上脆卜卜既雞軟骨及鹹蛋黃嘅咸香，好美味！推介！辣子雞翼 $68係單骨雞翼，進食方便，而且雞肉嫩滑！麻辣度輕微，唔食得太辣嘅朋友都可以試吓！雞油飯 （細）$38份量非常之多！油飯飽滿，粒粒分明，散發淡淡香氣，配燒雞一流！豆花年代奶茶 $32奶茶底好香濃，加上滑溜既豆花，有特色之餘，仲毫無違和感!

上個星期日去左新城市廣場，間間餐廳都勁多人，見天天比較少人等位，本身又幾鍾意食東南亞野又未食過，咁就去試下啦。我地叫左3樣野，海南雞飯，牛腩同埋叻沙。點知個海南雞乜味都無，都唔知點解咁多人話好食我俾 30/100叻沙同牛腩分量同埋味道都唔錯, 我俾65/100跟餐嘅湯勁咸，我俾20/100呢個餐廳有水吧，點知杯凍0茶居然俾罐裝0茶我，檸檬又俾得一片我，我俾 10/ 100飲熱茶個杯洗左3次都有油浮面 0/100

星期六下午三點三到， 入咗座一刻先同你講四點鐘落場， 諗住都有45分鐘食，點知一落完餐，第一個職員就問last order,有無野叫。10分鐘後第二個問黎齊哂野未，10分鐘後第3個俾張單要埋單，再5分鐘後直接同你講要離開，當時未到4點。中間仲要喺旁邊掃地。想安安樂樂食要留意番落場時間。食物無特別，兩個餐加埋243，無下次。

久違了的外出晚餐，懷著期待的心情，實在太久沒有到沙田行走了，估唔到新城市廣場已面貌全非了⋯⋯食市多了很多，今晚揀了「天天海南雞」，餐廳寬敞舒適，走簡約路線，餐牌相片設計精美。既然開張名義食海南雞，當然要試吓它的海南雞啦，例牌$158 ，份量不少呢，海南雞完全去骨，啖啖肉，肉質幼滑，雞皮不肥膩，沾上海南雞醬汁，相當好味。酸菜石斑魚：味道非常濃郁，石斑魚塊肉質新鮮，加上酸菜魚的配料全部都很索味，分量足夠兩人食用。鹽磚和牛：和牛上碟非常美麗，除了底盤用了近似和牛的石版上菜之外，表面更鋪上木魚碎，賣相好吸睛，和牛粒表面均炸至金黃色，顏色非常均勻，肉質咬落鬆軟。芥蘭海蜇：第一次嚐到如此爽脆的海蜇，這道芥蘭海蜇用了特別的醬汁去處理，入口酸酸甜甜，作為前菜十分開胃。

今日去咗新城市廣場食天天海南雞飯。一去到已經覺得個裝修好靚✨店內好多人，不過好快安排到座位👍🏻餐牌上面見到好多唔同名人都有食過新加坡嗰間天天海南雞😍首先一定要試佢招牌海南雞～1.天天海南雞 半隻 $268香港分店同新加坡總部一樣，喺農場繁殖，主打係新鮮同冇雞腥味～半隻嘅份量已經好多，就咁望落去已經知道雞肉好滑。額外三款醬料俾你選擇去配雞肉。食落口真係好滑好香，肉質好鮮嫩，真係一啲多餘嘅肥膏同埋雞嘅腥味都冇👍🏻絕對係真材實料～2.天天石鍋雞油飯(2-3人）$58食海南雞點少得雞油飯～雞油飯係用石鍋碗裝住，所以能夠保持一定嘅熱度，每粒飯都好可口好香，雞油分佈得好平均～感覺健康啲又好味😋我同朋友兩個人去食，本身擔心一至二人份量會唔夠食，但係發現份量真係好多～呢碗絕對係三人份量，所以建議如果得兩位嘅話，要返一至二人份量就夠😆好抵食～3. 黃金軟骨 $68 ⭐️⭐️⭐️黃金軟骨極度推薦大家一定要試！每一粒雞軟骨都有黃金包住，即係鹹蛋黃😋味道調得啱啱好，絕對唔會過鹹。唔會好油膩～我覺得好夠火喉，食落口每一粒都係熱辣辣，好新鮮！真係好好味！！好想再encore多一碟🤣而且我同朋友都覺得食極仲有，對得住佢個