天天海南雞飯 (新城市廣場三期)

營業中

休息中

今晚晚餐到天天海南雞飯， 位於沙田新城市廣場3期3樓，有米芝蓮口碑應該都ok， 店內環境裝修簡約，茶位$18， 今次試下二人天天海南雞飯套餐$388， 蟲草花拌、 涼瓜鳳梨湯、 天天海南雞、 天天石頭雞飯、 花好月圓。📝蟲草花拌～ 味道清爽， 涼拌小菜。📝涼瓜鳳梨湯～ 入口順喉， 清清地。📝天天海南雞～ 沒有特別， 肉質不夠嫩滑， 有點失望。📝天天石頭雞飯～ 普通雞油飯。📝花好月圓～ 全晚最正是甜品， 豆腐花口感香滑。整體性價比不高， 海南雞不夠嫩滑。

今日6點半去到已經都幾多人，好彩行快一步，可以馬上入去坐🤣都keep住不停有食客！佢個位好易見，一行去一田個邊就見到啦！！佢裝修都好mordern 一入座就有靚茶，係港女至愛嘅early grey 🙈好濃好好飲，不停飲🤣都飽哂！不過佢個茶壺好重🙈🙈🙈黃金軟骨用鹹蛋黃炒嘅雞軟骨！第一次食咁樣嘅配搭，香脆個味又好正！！做前菜一流！！ 筋腩相逢係牛筋同牛腩！！！兩樣都好淋，好入味，而且啲牛腩大大件🤣不過牛根我鐘意食啲！！！佢一上菜嘅時，仲係卜卜卜，熱辣辣㗎！！哪吒鬧海其實係海鮮喇沙薯粉🤣🤣🤣鍾意食湯可以一上菜即刻食，不過我就鍾意放耐少少🙈等啲喇沙湯變成撈薯粉，成為第二種食法！！！佢個喇沙都幾辣，海鮮就有青口，魷魚，兩隻大蝦！2個人食夠哂！！古法肉骨茶佢有豬肚，炸枝竹，豆腐卜，豬軟骨連排骨，好多料！！不過個湯就唔係似傳統肉骨茶，反而有少少似胡椒豬肚湯🤣🤣🤣🤣我都啱食！不過個排骨先正，一大條仲要有4條，好好食！！！天天嘅份量都幾大其實🤣🤣如果大食，就啱哂！！！

今日食呢一間米芝蓮星級餐廳，係新加坡過江龍，應該唔少人都聽過，就等我試吓佢嘅食物先🙈研究咗個Menu一陣間，決定就叫個二人餐嚟試吓，因為價錢真係好抵食👏🏻$388又包前菜、又包燉湯、仲有佢嘅招牌海南雞飯同甜品😋芥末蟲草花伴合掌瓜:呢款係涼拌前菜，估唔到咁前衛用芥茉汁來整中式嘅蟲草花同合掌瓜，味道非常之夾，而且有好香嘅麻油味，識落非常開胃👍🏻蜜瓜瑤柱螺頭燉雞：湯頭夠火候，而且勁足料，完全食到螺頭瑤柱雞肉同蜜瓜，完全符合商品說明條例😉，抵讚🤟🏻天天海南雞例牌：果然係招牌菜，完全符合我口味，雞肉好嫰滑，中間仲有層啫喱，聽聞係雞嘅骨膠原，食完覺得好滋補，哈哈😄天天石鍋油雞飯：看似好普通，食落就知大有乾坤，啲雞油勁濃郁，同海南雞一齊食，再配埋佢嘅醬汁（孫汁，辣汁同蠔油），真係一流😳甜品係豆腐花，豆味亦好香濃滑溜😍我哋額外加咗個辣子金玉，即係麻辣粟米，堅好味，完全係畫龍點睛，少少辣味再加埋香甜嘅粟米，搞到我食唔停口😋呢餐食得好開心🥳下次再試吓其他款先☺️

平日放工時間在沙田閒逛，晚飯選擇十分多，於是便選了假日很難等位的天天海南雞🐔坐下後，看看那本厚如書的菜單，食物款式豐富，太多食物也很想嘗試，使我在選菜方面也用了不少時間🤣我很愛吃雞軟骨，於是看見「黃金軟骨」已經心心眼😍賣相亦十分討好，咬下去外皮脆卜卜，內裏爽脆不太硬，咸蛋黃味不會過於濃烈，香口酥脆，很滋味😋然後，第二道菜「菌王水晶」。我原以為是辣炒粉絲的，但原來是不辣的。石鍋內有不同菌類，配上椰菜絲和水晶粉，咬下去柔韌彈滑，味道也不會過濃，不會死咸，配上羊肚菌一起吃，香味獨特！主菜上場「天天海南雞」，跟一般海南雞不同，淋上獨特醬汁，海南雞的質地也與外間的不一樣，不會太肥不會太瘦。配上的醬料有新加坡醬油、薑油最出色的辣醬，三款醬油各有特色，但我還是最喜歡辣的那一款😍連伴碟青瓜也很爽口鮮甜👍🏻然後，吃點蔬菜時間「馬來風光」。願以為很辣，想不到像我這種不太吃得辣的人也覺得不太辣，很喜歡吃煲仔菜，令蔬菜一直也熱辣辣👍🏻最後上菜的是「筋腩相逢」，看外相知道是濃濃的味道，但吃下去沒有一點口渴的感覺。尤其牛筋十分的軟腍和入味，十分出色！另外還有很多不同的食物可供選擇：

食午餐, 入座我話不用心安心出行, 要手寫, 佢竟然話唔可以我自己寫, 一定要由佢手寫填落表, 話係公司政策, 我話政府唔係咁講, 佢堅持係公司政策, 一定無得改！都算啦...職員都係打份工姐。 入座後先細細聲講句 : 用餐時間1小時！係1小時間！門口無提示, 食午餐都有時限, 又唔係任食, 大牌到呢...火都黎埋, 我一家三口又有小朋友, 放假想輕鬆下都要趕頭趕命...坐低仲有每人 $9 元茶錢！無錯係茶錢...食物味道只係正常, 叫左三個午餐, 話係"餐" 但飲品要加 15-25元...結果三個人食 488元...以後唔會再去....

如果食物可以令人回憶起一個地方嘅人或事 咁天天海南雞飯絕對可以令我想起新加坡🇸🇬其實香港店嘅質素只有新加坡嘅八成水準左右 不過勝在賣相精緻顯得高貴 價錢亦特別高貴 有新加坡三倍咁貴 不過既然而家都冇得去旅行就幫襯下 以滿足一下幻想啦其他菜式就唔再介紹 因為入得嚟嘅八成顧客都係食海南雞飯 但記得要加錢轉雞髀 肉質會比較滑同多肉😋希望疫情可以快啲過去 然後再飛新加坡 去Maxwell Food Centre再嘗地道街市風味🥺

放假同女朋友出街食飯，見度度都咁多人排就揀左間少d人排嘅天天海南雞飯食。首先，要先俾每人9蚊茶錢，花茶唔係特別好飲仲要擺明係加咗好多水溝淡咗然後就係惡夢嘅開始，肉骨茶麵，重胡椒味同味精但個湯唔知咩事勁淡，二舊肉骨8成部位都係骨仲要食得出小小雪味盛惠128蚊(未加一)。另外叫左個燉豬軟骨蘿蔔飯，除左好咸要飲晒成壺茶之外，味道一般可接受108蚊(未加一)算係咁。我知商場租金貴但咁嘅質素要咁貴、仲自稱米芝連一星真係得啖笑，得前菜隻溏心蛋好食

今次食呢間非常出名嘅餐廳，果然冇令我失望👍🏻蒜泥豚肉呢款蒜泥豚肉並唔係平時食果種，佢係一卷卷凍嘅豚肉裏面包住啲蒜，味道主要黎自醬汁黃金軟骨鹹蛋黃醬加雞軟骨🐓有足夠嘅鹹蛋黃味而又唔會好濟👍🏻 唔錯嘅飯前小食天天燒雞 （半隻）+ 白飯燒雞非常好食😋，好香，雖然係燒但係每舊肉都幾滑！佢啲皮唔係脆卜卜果隻。同海南雞一樣，有三款醬汁點～豆花恐龍美祿美祿同豆花都幾夾👍🏻而且超級大杯！兩個人都夠飲榴槤丸子🍡小精美既甜品🍮，外皮煙韌有咬口，裏面嘅榴槤都充足，有好香嘅榴槤味！

今日放工同同事去咗新城市廣場度食嘢，見到呢間天天海南雞飯，就諗起以前去新加坡都食過一間同名嘅餐廳，係好奇心驅使下我哋就打算試吓佢哋嘅海南雞飯係咪真係咁地道！入到黎第一時間就俾個餐牌吸引咗，設計到好似一本雜誌咁嘅樣，好有創意估唔到呢度都有咁精緻嘅中茶嘆～首先當然唔少得就係叫咗個海南雞飯先啦，我哋叫咗份例牌嘅海南雞，再配一份細嘅雞油飯。海南雞嘅肉質好嫩滑，而且亦都去咗骨，醬汁滿佈每一件嘅海南雞，食起上嚟既方便又好味。另外個飯都有好香嘅雞油味，即使就咁食個飯唔加餸都會覺得係一種享受呢度嘅通菜亦都炒得好香，而且份量足夠平時通常食泰國嘢嘅時候先會叫沙嗲串燒，本來喺呢度叫就冇特別大期望，不過都有啲驚喜，佢嘅沙嗲香濃得黎又唔會膩另外都叫咗兩杯嘢飲，特別欣賞豆花恐龍美祿，冇諗過原來普通一杯美祿加埋豆花即刻變咗好特別，味道昇華左去另外一個層次。豆花亦都好滑，用飲管連埋美祿吸入口味道好夾

呢間天天海南雞專門店、本人之前已經book 過尖沙咀同銅鑼灣店好幾次都full哂！今次唯有試吓book沙田分店啦！唔知係咪新開嘅呢？又比我book 到喎！可能係我唔熟路啦！揾咗好耐先揾到，店舖喺商場行到尾，環境好似food court餐牌同餐紙設計得好特式我哋兩人order 咗呢幾款小菜👇呢度最出名嘅天天海南雞，我哋冇叫飯、怕食唔哂、唔想浪費，雞上面淋上醬汁、雞味濃皮薄肉質嫩滑、連雞胸肉都十分滑小食酒糟三寶：有雞翼、無骨鳳爪、雞腎，咬落爽口、酒味濃厚酸菜石斑：酸菜湯底唔會太酸，石斑十分新鮮、啖啖肉松露蝦多士：呢款菜係本人最鍾意嘅一款上面淋上松露醬蝦膠➕墨魚膠混合埋一齊、爽口、彈牙，多士夠鬆化松露味濃本來想叫甜品、最後都冇叫，因為太飽，呢餐十分滿足

餐廳在沙田城市廣場， 門口擺放了有型的雞隊長， 十分趣緻搶眼， 佈置簡約舒適， 餐廳是星加坡人氣過江龍， 拎過米芝蓮，主打食海南雞。騰雲駕霧$108咕嚕肉是中外聞名的中菜佳餚，男女老少都喜歡，咕嚕肉 pop用透明玻璃盛上 ， 底部放上乾冰， 上枱時 ， 營造出如騰雲駕霧效果， 十分吸睛，立刻相機食先， 呼嚕肉肥瘦適中， 充滿鑊氣， 入口酥脆，每件肉都掛上自家製的醬汁， 由山楂汁加上檸檬汁而成， 口感酸酸甜甜，帶淡淡檸檬的清香 ，清爽怡人，令人食慾大增。天天海南雞(例牌)$158天天海南雞油光亮麗， 賣相令人垂涎， 滑溜的雞皮加上軟嫩雞肉， 雞皮下面仲有一層啫喱 ， 口感一流 ， 雞肉被淋上暖暖的秘製醬料，增添美味 ， 亦可沾上三色醬汁， 別有一番風味。黃金大蝦$128黃金大蝦球， 大隻爽彈， 每隻蝦球表面完全被鹹蛋黃醬汁包裹著， 每口盡是鹹香、 酥脆、 彈牙，令蝦球更添吸引力， 帶來驚喜。黃金蠔烙$108即叫即製的黃金蠔烙， 兩面煎至金黃香脆， 熱呼呼，香氣十足 ， 蠔餅入口香脆 ， 先係迷人鴨蛋香，再來是蠔仔的鮮香， 盡情在口中綻放， 風味迷人。

想當年第一次去新加坡，第一個景點就係衝去熟食街市食海南雞而嗰間就係天天海南雞😍昔日嘅畫面都歷歷在目！因為實在回味無窮!而家喺香港開咗分店又點可以唔嚟朝聖🤩呢坐低第一時間嗌個海南雞例牌,見到肉汁嫩滑我已經流晒口水🤤兩個人食啱啱好👍跟住叫咗個雞油飯打開好香油味，而且顏色均勻!嗌咗個咕嚕肉個底應該係乾冰鎮住，令到佢個面會比較脆口！非常有特色👍老公唔鍾意食黑松露但係對呢個黑松露蝦多士都讚不絕口🥶蝦味濃郁！十分脆口估唔到天天海南雞飯會有呢啲特色嘢飲😵所以嗌左杯水蜜桃西柚向橙茶試一試！

很久沒到過沙田新城市廣場了，這天和老婆開車到沙田，就進去逛逛，發覺多了很多新店和食肆，其中一間“天天海南鷄飯”早已聽聞多時，是米芝蓮推介食肆之一，在銅鑼灣和圓方也有分店，原來在沙田也有。內裡装修寬趟舒適簡約，由於在大堂內，空氣相當流通，疫情期間能減少感染。甫坐下，侍應遞上一本厚厚如書本的菜牌，可想而知菜式有非常豐富的選擇打開餐牌真的每樣都想吃，奈何衹得我們二人，如何選擇好呢？最後终於決定點這裡的招牌菜式，先來一個古法肉骨茶，這菜式沒有如新加玻當地的濃濃葯材味，反而更適各香港人口味。跟着再來一客酸菜石斑，這個又有特色，跟以往吃的酸菜魚有另一番口味，酸辣適中，而且真的是石斑魚塊啊!最後當然是主菜海南鷄飯，能用海南鷄飯做招牌，這個都不用我多介紹如何美味了，鮮香嫩滑的鷄肉配以特製醬料，還有極力推薦必定要吃的鷄油飯，一定令你回味無窮。還有一個壓軸甜品豆腐花，香滑程度連傳統豆腐花店舖也有不如呢。而且價錢也只不過是18元而已。

今日去咗食天天海南雞飯慶祝生日一早已經想試㗎啦聽講喺新加坡好出名入到去見到餐牌寫住米芝蓮就更加期待啦因為我好早去到 有二人卡位聽到隔離枱話蝦多士係必食 我哋又嗌左一份又真係幾必食推介喎 炸得好脆好透 似乎係墨魚膠加蝦膠 好彈牙 上面再有黑松露醬汁 口感豐富 👍🏼👍🏼另外叫咗酸菜石斑 石斑肉質鮮嫩 份量好多 又夠厚身 吸晒酸菜啲味但又唔會太鹹 味道啱啱好 正😋咕嚕肉 好浮誇嘅擺碟 佢叫騰雲駕霧 一上菜啲乾冰噴曬煙 視覺效果好好 咕嚕肉好明顯有翻炸過 所以唔會淋 保持脆口 打卡之選最後仲食咗天天燒雞肉質好滑 唔會柴皮 雞皮又夠脆 但又唔會好多脂肪 啲醬都係重點之一 有甜豉油 話鹽同酸辣汁 我最欣賞甜豉油 好稠身 😋生日飯絕對冇失望 另外店員嘅服務態度都好值得一讚 唔記得問佢叫咩名 短頭髮女仔高高瘦瘦的 可以唔使用紙筆就記得晒我哋食乜 仲見到佢同隔離枱傾偈話記得客人上次坐邊個位 犀利😀

今次黎到沙田呢間天天海南雞食出名既海南雞飯，位於新城市廣場，門面夠曬光鮮，夠曬乾淨企理，係疫情下就梗係更加重要喇，仲有枱與枱之間又分得叾遠，咁先食得安心又放心嫁。一黎就有茶飲，用鑄鐵鍋煲住，夠曬熱，食落好正方面。叫左佢個招牌2人餐，再加左個小食，價錢都算幾抵，食物份量夠曬多，2個人食真係會食唔曬嫁！前菜非常開胃，有麻油蟲草陪個合掌瓜，食落好爽口，麻油味夠曬香口，食完好開胃，蟲草又有益健康。燉湯方面，夠曬濃味，而且d料都幾足。飲落啖啖都好香濃。主菜雞方面，一黎就會有海南雞汁，鐘意既朋友可以走汁，雞食落都幾嫩口，幾滑，皮同肉既比例唔錯。仲有齊3隻海南雞專用既汁，真係夠曬正宗。油飯方面，除左色水夠曬靚之外，仲有少配料係惗入面，所以食落都夠曬味，有油香，正！！！！