影片
見報紙廣告，任點任食只是$138一位，雖然唔包飲品(但啤酒、汽水一律$5)，但唔駛加一，覺得又幾抵，於是便打電話book位，星期六晚跟友人們來吃。來到時，只得3個客人，相當冷清。有一個唔知係咪老闆娘o既女人，好熱情咁招呼我o地。她先在每人面前放了一碟前菜(原來是要收錢的)，然後猛叫我o地點食，「我好好食o架」、「係即叫即燒」、「需要時間解凍」云云好多說話，我和友人都順她意先點了壽司和幾款串燒，免得她每隔二分鐘便來催一催。第一輪，壽司加一客刺身拼盤(我們沒叫，那女人說刺身是送的，不設任叫)，刺身尚算新鮮，壽司都ok，但蛋壽司隻蛋就唔知點解，外表黑黑地的；跟著串燒上來，有雞軟骨、牛、獅子狗、七味雞肉串、冬菇、雞翼…除了雞軟骨，其他味道誋真麻麻，尤其是牛，超韌。食食，老闆娘又走過來social，「係咪好好食」、「好胃口哩？」，「叫多添啦」云云，於是點第二輪，計有炸豆腐、天婦羅(蝦、南瓜和蕃薯)、炒雜菜、兩碗麵豉湯和日式餃子，揚物反而不錯，夠脆，而且又不失食物本身o既鮮味，但麵豉湯真係水，跟那女人說，她反應好大，即刻衝入廚房，出來後，忙說對不起，跟著又說先前的話，跟住點多唔知幾多輪，發覺最好都係揚物，串燒真係唔掂，其他一品料理都ok o既，埋單時看見帳單，見汽水一欄收了$15(我們只要了一罐)，仲收加一，我問那女人為何廣告說不收加一，那女人說廣告是$138的偠錢，而你們吃的是$128o既錢，所以汽水和加一費都不會跟廣告所說的相同，但我卻覺得有被騙的感覺！！>.<
繼續閱讀
以上資料只供參考, 請與餐廳確認詳情
食評 (4)
看到各食家的推崇, 也想親身試試, 所以上星期跟一友人前往光顧。剛進該商場時, 我們還以為找錯地方, 只見兩名保安在聊天, 一名客人也見不到。入到食店, 只想小貓三四隻, 我倆已作好最壞的打算, 認為'好食極都有限'。我們點了一客三文魚刺身我一客海鮮火鍋。在上主食前, 老闆給了我們兩客前菜...醋浸炸三文魚及魚骨..汁料酸酸甜甜, 炸物很香, 既開胃又美味..因友人不吃魚, 享受不到這人間美食.. ^^等了很久, 主角終於出場了..三文魚刺身..六件厚切..新鮮肥美, 而且口感很好, 一點兒筋也沒有..可惜只得我一人, 吃不了這麼多, 浪費了兩件.. 海鮮火鍋..好大鍋..兩個人根本吃不了這麼多..建議三至四位去才好點這菜.. 食物都算新鮮(蝦除外)..可惜沒有銀雪魚..最後老闆還送我們每人一客雪糕作甜品..香滑美味.. ^^總括而言..食物質素算中上水平..老闆和待應態度親切有善. .不過效率不足..
繼續閱讀
其實我同埋我男友都係附近經過幾次，話搵次入去試下.... 終於有日真係入左去食晚飯，我地點左個二人餐再加多個茶漬飯．佢地既份量都幾適中，真係足兩人份量既．果度d 魚生真係好新鮮，天婦羅都唔油之餘，樣樣野都幾好食．果度有兩間房，係tatami 型式既．真係幾日本feel 既，所以果度都有幾多日本人黎食．其實呢度樣樣野都唔錯，只係舖頭唔係大街大巷，如果唔係經過或者係附近返工，真係會唔知果度有ｄ咁好味既和食．
繼續閱讀
I am strongly recommend this Japanese restuarant. I had try there 任點任食dinner, $158 service charge. Many food to choose from including 6 kind of 魚生, many sushi, 串燒and 炸物, and the beer and wine are not exspenive also. $10 for a bottle of Ashi, $45 for a small bottle of 清酒. We have 5 people and each spent $200 for a great dinner. Order never miss and service is very good. We will go there again for sure.
繼續閱讀